Koffie?

[Meraai vannie Baai]

Dog ek by myself, laat ek gou weer hier inloer en 'n drukkie los vir wie ook al verby kom en bietjie alleen voel vanoggend. Hulle vertel dat koffie 'n taal op sy eie is. Ek het probeer om 'n drukkie in my koppie te los maar toe werk dit nie so mooi in Afrikaans nie, so.......

  Coffee is a hug in a mug 

[Anastasia]

En ek kom mosterd na die maal hier aan.  Ek het nooit geweet 'n dag se ure kan so by mens verbygesmokkel word nie.  Maar ek was heel dag, en LETTERLIK heel dag vanaf half 5 vanoggend, tot 'n halfuur gelede druk besig om van my nagraadse studente se werkstukke persklaar te kry vir inhandiging.  Dit is wanneer jy besef die werk wat jy doen is vir jou lekker.  Sonder nat of droog oor die lippe, maar lekker.

[Anton Louw]

Goeie more maatjies.  Lekker dag vir julle!   
Ek moet vandag weer ingaan kantoor toe want 'n man moet ook so af en toe werk 

Nou vir my 2de beker koffie 

[adele]

More Anton, ek ook oppad maar haak vas by Nadal, hy sukkel  ....    en Thiem gee hom opdraand! Maar ek moet oor 7 minute by werk wees .... dus mooi dag almal. Ek sal daar gaan koffie.

[Anton Louw]

Good night!   Lekker slaap.  Ek is pootuit!   Gaan nie nou koffie drink nie.  Hierdie 2 wille wragtigs / kabouters van my trek elke moontlike stukkie energie uit 'n mens uit 

[Anton Louw]

Goeie more Afrikaanseforum.co.za
Mag julle 'n heerlike Saterdag beleef.      Kan ek vir enigiemand 'n koffietjie skink? 

[adele]

Anton, liewers laat as nooit ... nadat ons heeldag omtrent geen netwerk gehad het nie, met gepaardgaande verlies aan internet dan ook. maar vir 'n laataand-koppikoffie hou ek my beker ... in hierdie ysige winter van 8-9 september 2018       

Ek is heel naweek aan diens, maar gaan nou inkruip. Daar is min mense wat by ons oornag, die koue hou ook die kampeerders en hengelaars tuis .... ekke lees en skryf en kry af en toe goeie nuus en ondersteuning, so my hartjie klop-klop van vreugde want more kom Chris ook kuier 

mooi bly almal.

[PM]

Dag ek loer gou in vir 'n koffietjie.  My gatseggies werk vandag!   


   Skuus             

[Anton Louw]

Hello auntie Petra 

[Meraai vannie Baai]

Hoera vir jou gatsiggies  hou ek ook my beker 

[Anton Louw]

Goeie môre!    Dit kom nou van 8 uur in die bed klim, dan pla die wakker 'n mens van 3uur af.   

Dit is nog lekker koel hier by ons in Pretoorsdorp na al die reen en sneeu van die Kaap.   Die ketel gaan nou kook en dan maak ek vir julle lekker tee, koffie en milo 

Ek wens vir jou 'n heerlike dag toe!

[PM]

   Mooi man, hier is my beker.  Ek vat hom die koffie, swart en sterk sambliefie.   

[Meraai vannie Baai]

En nou slaap julle (hopenlik) almal nog heerlik terwyl die ouvrou diekant dwaal en die kombuis vermy - skottelgoedwas is nie my gunsteling huistaak nie.  So ek kom bedel vir 'n heerlike koppie moerkoffie soos Petra ook van hou - sterk, swart en bitter vir my assebliefie en dankie.

[Anton Louw]

Goeie more Meraai.   Jammer dat ek jou moes laat wag.  Hier is vir jou 'n beker lekker moer koffie gemaak met baaaaie liefde! 

[PM]

Ek het skonsies gebak.  Hier is vir julle 'n bord vol met room en konfyt, of kaas en oxo.