Author Topic: Demensie - Sambreel van 'n breinmoordenaar  (Read 4222 times)

0 Members and 1 Guest are viewing this topic.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #45 on: October 13, 2020, 11:00:46 PM »
En so het die 11 weke van ons kursus ook verby gegaan en het die volgende een "Preventing Dementia" 'n aanvang geneem. Dankbaar vir die voorreg om vertroubare inligting te kon bekom en deel met my sus wat ons moederlief versorg.

« Last Edit: November 05, 2020, 02:31:57 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #46 on: October 14, 2020, 12:06:40 PM »
Ek wil graag hierdie kosbare bydrae deel van Derek Harris op die Demensie forum in Suid Afrika:

I have accepted that my wife is gone but we didn't have the funeral yet.
Dementia has taken her and all that is left of her is her beautiful soul and a mangled brain and body. I give her love and emotional support which is much needed in her cruel world. I loved her for who she was and also love my earth angel for who and what she is today.


#Dementia/Alzheimers.

 :crybaby2: The long goodbye indeed.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #47 on: October 14, 2020, 10:44:24 PM »
Slukprobleme in Alzheimer's versus vaskulêre demensie.

'n Kliniese studie wat in Korea voltooi is, het die slukprobleme van mense met Alzheimer's in die laat stadium vergelyk met diegene met vaskulêre demensie en bevind dat diegene met Alzheimer meer sukkel om vloeistowwe te sluk, terwyl diegene met vaskulêre demensie meer gesukkel het om vaste voedsel te sluk.

Ook belangrik is die bevinding dat mense met frontotemporale demensie gedragspatrone toon wat hulle voedselverhouding beïnvloed. Sommige mense sal neigings toon om kompulsief te eet, voorkeur vir lekkers ontwikkel of baie vinnig eet, kos in hul mond bly druk totdat hulle verstik. Hierdie kennis is belangrik om te onthou in besprekings oor die versorging van hierdie verskillende aspekte van die siektes.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #48 on: October 14, 2020, 11:21:52 PM »
Hoekom demensie lyers weier om te eet of drink:

Een van die ontstellendste fases gedurende die versorgingstydperk van demensie-lyers is wanneer die persoon opgehou het met eet of drink. Ongelukkig is dit dikwels 'n natuurlike deel van die verloop van die siekte. As versorger is dit belangrik om sommige van die oorsake van hierdie stadium van die siekte te verstaan en wat dit beteken vir die persoon vir wie jy omgee.

In die gevorderde stadium van demensie ontstaan probleme om te kou of te sluk. Om te eet en drink is 'n komplekse proses wat die beheersentrum in die brein en sterk spiere in die nek en keel insluit. Namate demensie vorder, beïnvloed dit hierdie gebiede en veroorsaak simptome wat dan deur versorgers waargeneem word. Hierdie simptome sluit in: hoes of verstikking, keelskoonmaak, geluide maak tydens die slukproses, oordrewe bewegings van die mond of tong, weiering om te sluk of om voedsel in die mond te hou en selfs om die kos uit te spoeg.

Dit is dus te verstane dat versorgers bekommerd gaan raak oor hulle geliefdes en wonder of hulle gaan sterf weens honger of dors?

In die eindfase van demensie, wanneer hierdie fase gewoonlik ontwikkel, neem die behoefte aan inname van voedsel en vloeistof geleidelik af met verloop van tyd en het die liggaam reeds begin aanpas. Die aktiwiteite het gewoonlik ook afgeneem, dus hoef die persoon nie soveel kalorieë in te neem nie. As versorgers dit verstaan en die aktiwiteitsvlakke waarneem, kan dit die versorgers help om te verstaan waarom daar nie soveel kos of vloeistof nodig is nie. Mediese hulp kan verkry word om waarnemings te doen en die versorger te verseker dat ontwatering nie 'n faktor is nie, of stappe doen om te help.

Wat is kunsmatige voeding en hidrasie ( Artificial Nutrition And Hydration - ANH)?

ANH verwys na enige metode wat gebruik word om voedsel en vloeistowwe te verskaf aan diegene wat nie in staat is om voedsel te sluk of deur die mond in te neem nie. ANH word gewoonlik toegedien deur 'n voedingsbuis wat deur die neus in die maag gaan, maar dit kan ook gedoen word deur 'n buis wat direk na die maagwand gaan.

Vloeistof word ook binneaars toegedien of onderhuids onder die vel geplaas. Soms is ANH moeilik vir die persoon met demensie. Gedwonge voeding in hierdie fase is 'n punt vir 'n debat in die versorgingsproses en word nie aanbeveel nie.

Gesondheidswerkers en versorgers wat verstaan dat dit 'n normale deel van die siekteproses is, kan teen ANH besluit. Om die voedingsbuise in te sit, is ontstellend vir die persoon met die siekte wat aan die buise kan trek en soms dan in die proses ook uittrek. Hierdie plekke kan maklik besmet raak en die gevaar van infeksies verhoog. Die persoon wat met demensie leef, verstaan kan dalk glad nie verstaan waarom hulle in die hospitaal moet wees vir die prosedures nie en kan onsteld word weens die onbekende omgewing.

Onlangse studies dui daarop dat die toedien van voedsel en vloeistowwe deur ANH meer skade kan doen as goed.

Die gee van voedsel deur 'n buis verander nie aan die hoes of verstikkingsproses nie. Soms kan vloeistowwe in die longe beland wat longontsteking veroorsaak. As die persoon bedgebonde is  verminder dit mobiliteit, bevorder dit swakheid en veroorsaak ontwikkeling van gevaarlike infeksies soos o.a bedsere.

Die jongste studies toon dat een derde van die mense met gevorderde demensie wat 'n voedingsbuis het, binne een maand sterf.

As versorger is die grootste kommer dat die persoon met demensie nie ly nie. Sodra ons verstaan dat dit 'n normale deel van die siekte is, word dit makliker om te sien waarom die persoon nie meer nodig het om soveel te eet of drink nie. In die meeste gevalle sal hulle geen teken toon dat hulle honger of dors is nie, maar as hulle dit wel toon is dit nodig om mediese hulp te verkry sodat aanbevelings gedoen kan word oor watter tipe alternatiewe voeding die persoon moet ontvang om te verseker dat hulle nie honger of dors is nie en so gemaklik moontlik gemaak word.

As die persoon wil eet of drink, maar sukkel om te sluk, is dit belangrik dat 'n gesondheidswerker/mediese personeel/spraakterapeut die vermoë om te sluk ondersoek. 'n Gebalanseerde dieet in hierdie stadium is nie so belangrik nie, bied eerder voedsel en vloeistof aan die persoon wat met gemak gesluk kan word. As hulle net soetgoed of koue goed wil verkies is dit wenslik om toe te gee aan die versoeke.

Wat kan ek doen om te help?

Eerstens moet versorgers enige fisiese probleme soos mondsere, tandpyn, te los kunsgebit, infeksies of medisyne wat eetlus kan beïnvloed, uitsluit. Probeer dan om die aangebode kos of vloeistof na behoefte te verander.
Gee sagte, maar smaaklike kos wat minimaal gekou moet word en in verskeidenheid temperature by elke maaltyd.
Vermy harde voedsel met 'n growwer tekstuur en gemengde voedsel soos graan.
Gebruik kleiner toebehore en spesiaal ontwerpte drinkbekers.
Laat die persoon in 'n gemaklike posisie regop sit.
Laat ekstra tyd toe, want dit 'n tydsame proses word maar sal die moeite werd wees as jy sien dat hulle 'n maaltyd geniet.

BRON: https://hellocaremail.com.au/dementia-stop-eating-drinking/?fbclid=IwAR3VCMCslK6JMP12rI43b6nlO351JDWCdR57JSgjQAKJagtrF0blJEhUR88
« Last Edit: October 14, 2020, 11:41:11 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #49 on: October 27, 2020, 12:19:32 AM »
Hierdie was by verre vir Outop en myself nog die mees skokkende openbaring en weergawe van presies hoe demensie jou beroof van menswees en die ongelooflike impak op die versorger. As jy gelukkig is om die rype ouderdom van 85 te behaal is jou kans om demensie te hê, 50%! Daar word elke drie sekondes iemand in die wêreld gediagnoseer met demensie en elke 66 sekondes word iemand met Alzheimer's gediagnoseer in die USA. Dit is seker een van die wreedste siektes en word beskryf as 'n 'faceless killer'.

In die onderstaande dokumentêr ervaar ons die impak van Malcolm wat op 51 jarige ouderdom met early onset dementia gediagnoseer was en die kyker kan die verloop van die siekte volg tot aan die einde.

https://www.youtube.com/watch?v=HYDxZQXYT5k&fbclid=IwAR1Ex7ldtVQ-FkpPui7SR9G9Rjd7YmtXGfEiZ48JtqR5zEOBrWz2pfAN1qM
Malcolm and Barbara: Love's Farewell (Alzheimer's Documentary) | Real Stories

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #50 on: November 05, 2020, 12:00:32 AM »
Ons het so baie gehoor van hoe 'n terminale diagnose en versorging van die pasiënt, gesinne laat verbrokkel. Vanoggend kan ek getuig dat ons familie nou deel vorm van hierdie statistieke. Eie gesondheidsprobleme van versorger, die onkunde rakende die korrekte behandeling van demensie pasiënte, gebrek aan insig hoekom die persone met 'n sterwende brein so optree en soveel meer faktore wat aanleiding gegee het tot die traumatiese gebeure wat gevolg het.

Vir my in die buiteland was die proses hartverskeurend want ek moes 'n buffer vorm tussen versorger en pasiënt. Die kursus het my 'n klein kykie en insig gegee in die betrokke partye se onderskeie paaie met hierdie monster. Afstand het dit onmoontlik gemaak om bystand in die vorm van persoonlike versorging en tydelike (broodnodige) wegbreek uit die situasie vir die versorger te kon gee.

Ek kon inligting en kennis deel maar dit was nie genoeg nie. Daar was nog hande en skouers nodig. Dringend nodig. Covid se beperkinge het bygedra tot die plofbare situasie.

Toe die tyd aanbreek dat iemand die besluit moes neem in ons familie om my moederlief te laat opneem in 'n versorgingsoord omdat my suster (kankerlyer) nie meer kon byhou nie en die versorging tydens moeilike situasies (weens gebrek aan die nodige kennis van demensie) verkeerd benader is, was dit die begin van gebeure wat blywende letsels gelaat het.

Ongelukkig kan woorde en dade nie ongedaan gemaak word nie maar ons wat kennis gemaak het met hierdie monster, kan onsself bemag met soveel as moontlik kennis sodat daar meer bewusmaking gedoen kan word.

Ek deel die volgende skakels:

https://dailycaring.com/8-ways-to-deal-with-false-dementia-accusations/

https://dailycaring.com/14-ways-of-dealing-with-aggressive-behavior-in-dementia/

https://www.agingcare.com/articles/coping-with-nursing-home-decision-149754.htm

https://www.seniorlink.com/blog/50-tips-on-transitioning-a-loved-one-to-memory-dementia-or-alzheimers-careyour-blog-post-title-here

  :book1:
Ek het die laaste deel van my kursus "Preventing Dementia" vandag voltooi en sal van die belangrikste inligting vertaal en kom deel met ons lesers. Die res van my bewusmaking hier op die forum sal dus handel oor die risiko faktore en voorkoming.

 :book1: :headbang: :notworthy:
« Last Edit: November 07, 2020, 04:48:26 AM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Demensie - Sambreel van 'n breinmoordenaar
« Reply #51 on: November 17, 2020, 04:13:49 PM »
Baie baie dankie vir al jou harde werk om inligting oor te dra.  My hart gaan uit na elke liewe versorging en lyer wat deur hierdie trauma moet gaan.  Sterkte. 
Om te weet is om te verstaan.

Offline adele

  • Bouspan
  • Hardebaard
  • Posts: 1804
  • Gender: Female
  • gryp na môre in klein-klein stukkies
Re: Demensie - Sambreel van 'n breinmoordenaar
« Reply #52 on: November 17, 2020, 06:06:24 PM »
Liewe Raaitjie, mag jul getrois word met die wete dat sy goed versorg sal word, ons bid vir versorgers wat verstaan.
adéle  :grommit:

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #53 on: November 19, 2020, 12:36:44 PM »
Duisend dankies vir julle omgee maters  :love7: Op die oomblik is ons harte nog stukkend en onsekerheid oor hoe my ma die groot verandering so kort na my stiefpa se dood gaan verwerk, vreet mens op. Nie 'n idee wat dit aan haar gesondheid gaan doen nie.


Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #54 on: December 02, 2020, 11:26:28 PM »
Uit persoonlike ervaring weet ons nou in watter mate 'n persoon met demensie aggressief kan word wanneer jy hulle verkeerd hanteer. Dit soveel keer gesien in die videos en was in die opleidings projekte bewus gemaak van die gevare verbonde aan derglike behandeling maar die besef van die uitwerking op die demensie lyer, het nie regtig ingedring nie. My ou moedertjie is nou 'n maand lank by die ander sus en daar is nog geen teken van die woedebuie en aggressie wat haar hele lewetjie en soveel ander sin omver gegooi het nie. Wat het dan verander?

Ek het probeer verduidelik dat jy nie jou wil op so persoon kan afdwing nie en dat jou eie emosies soos 'n klankbord is en weerspieël word deur die pasiënt, maar dit was 'n hopelose poging.  Die waarskuwings ter voorbereiding vir wie ook al die versorging gaan waarneem, het op dowe ore geval want wanneer jy die vals aantuigings en beskuldigings persoonlik opneem en die persoon met demensie kwalik neem omdat jy onskuldig is en vernederd voel voorspel dit trauma vir die demensielyer en veroorsaak familie drama wat wrywing en onmin baar en 'n wig tussen geliefdes bring.

Ek hoop van harte dat as jy hier lees dat jou familie hierdie slaggat sal kan vermy deur jouself as versorger so ver moontlik te probeer toerus met kennis in die hantering van jou geliefde(s).
 :crybaby2: :dontknow: 
« Last Edit: December 03, 2020, 07:20:39 AM by Meraai vannie Baai »