Author Topic: Demensie - Sambreel van 'n breinmoordenaar  (Read 4198 times)

0 Members and 1 Guest are viewing this topic.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #15 on: June 20, 2020, 11:34:42 AM »
Spesiale drukkie vir jou lief Adele.  Deel soos altyd my voorreg en gebore uit nood. Ek het so pas 'n kommentaar ontvang van 'n vriendin wat my bewus gemaak het van nog 'n onderafdeling van demensie wat minder algemeen bekend is. Hopenlik dek my kursus ook hierdie voorkoms.

Wernicke-Korsakoff-sindroom (WKS) is 'n neurologiese afwyking. Wernicke se enkefalopatie en Korsakoff se psigose is onderskeidelik die akute en chroniese fases van dieselfde siekte.

Minder algemeen as Alzheimersiekte, vaskulêre demensie, frontotemporale demensie (FTD) of Lewy body demensie (LBD). Soos meer algemene soorte demensie, kan dit onderdiagnoseer word.

WKS word veroorsaak deur 'n tekort aan B-vitamien tiamien. Tiamien speel 'n rol in die metabolisering van glukose om energie vir die brein te produseer. Die afwesigheid van tiamien lei tot 'n onvoldoende toevoer van energie aan die brein, veral aan die hipotalamus, wat liggaamstemperatuur, groei en eetlus reguleer, en ook 'n rol speel in emosionele reaksie.

Die hipotalamus beheer ook pituïtêre funksies, insluitend metabolisme en hormone waar neurale weë verskillende dele van die brein verbind wat by geheue funksies betrokke is. Die siekte word tipies geassosieer met chroniese alkoholisme, maar kan geassosieer word met wanvoeding of ander toestande wat voedings te korte veroorsaak.

As WKS vroeg genoeg gediagnoseer word, is WKS 'n voorkombare, behandelbare siekte.

Behandeling bestaan uit tiamienvervangingsterapie, soms saam met ander vitamiene. Dosisse kan wissel en moet deur 'n geneesheer fyn dopgehou word. As alkoholverbruik stop en die behandeling behoorlik toegedien word, kan individue met die vroeë stadium van die WKS 'n waarneembare herstel verwag en kan hulle in staat wees om eenvoudige, herhalende take te leer.

Die verwarring van die persoon kan egter 'n tydjie neem om die wyk te neem en onvolledige herstel van die geheue kan selfs tot en met 'n jaar duur. In die latere stadiums, as skade aan die brein onomkeerbaar is, sal individue waarskynlik blywende probleme met geheue en beweging hê (byvoorbeeld 'n gebrek aan spierkoördinasie en gevoelloosheid of swakheid in ledemate).

https://www.caregiver.org/wernicke-korsakoff-syndrome

https://www.alz.org/alzheimers-dementia/what-is-dementia/types-of-dementia/korsakoff-syndrome
« Last Edit: July 29, 2020, 12:42:37 AM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Dementia - Sambreel van 'n breinmoordenaar
« Reply #16 on: June 24, 2020, 11:55:56 AM »
Ek slurp al die inligting op en is baie dankbaar vir al jou insette Raaitjie.  Lief jou matertjie.  :love7:
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #17 on: June 24, 2020, 11:14:13 PM »
Dankbaar vir jou inloer en woordspore gelaat lief PM  :love7:

My moederlief sal (as sy toegelaat word) net lekkernye eet. Dit is asof sy 'n onversadigbare belustigheid na suiker het en ek het nooit besef dat dit eintlik die liggaam se manier was om te vergoed vir die tekort aan tiamien wat natuurlik 'n rol speel in die metabolisering van glukose om energie vir die brein te produseer. Eintlik 'n bose kringloop want soos vermeld, lei afwesigheid van tiamien tot 'n onvoldoende toevoer van energie aan die brein en die persoon ervaar dit as 'n smagting na suiker. 

Die verminderde toevoer van energie aan die hipotalamus, wat liggaamstemperatuur, groei en eetlus reguleer, en ook 'n rol speel in emosionele reaksie is natuurlik 'n landmyn vir persone met dementia. Dit sal interessant wees om te sien in watter mate die tekort ook ander vorme van dementia beinvloed want my moederlief was nog nooit 'n drinker nie, so alkoholmisbruik is nie ter sprake met haar probleem nie.

By die ondersteuningsgroep vir alzheimers het iemand voorgestel dat ons konsentreer om plantvette te gebruik soos klapperolie, avokado, olyfolie en vlassaad. Vis/krill olie aanvullings en dan ook 50mg sink na elke maaltyd. Nog 'n voorstel was MCT-olie wat op die rug, arms en bene gesmeer moet word om die opname te verhoog.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #18 on: June 25, 2020, 12:12:20 AM »
Nagmerrie mater  :crybaby2: Ek deel graag die volgende inligting (toestemming verleen).





Hierdie videos van Teepa Snow is 'n ware kruk vir almal betrokke by enige vorm van dementia en baie insiggewend:
https://www.facebook.com/watch/94951408338/
Teepa Snow, MS, OTR/L, FAOTA Teepa is an occupational therapist who specializes in dementia care and dementia education. She has a private practice that allows her to train, speak, and consult nationally. For more info go to www.teepasnow.com


« Last Edit: July 29, 2020, 01:04:33 AM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Dementia - Sambreel van 'n breinmoordenaar
« Reply #19 on: June 27, 2020, 02:20:50 PM »
Ek kry sommer koue rillings.   :crybaby2:  My hart haan uit na die mense wat hiermee te doen het. 
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #20 on: July 01, 2020, 12:09:15 AM »
Een van die groot struikelblokke met die versorging van demensie pasiënte is die woede uitbarstings en daar is 'n paar voorstelle hoe om die situasies beter te hanteer. Ek deel die volgende skakel en handige inligting met graagte (toestemming is persoonlik verkry van Krista Mesenbrink):

https://www.youtube.com/watch?v=eHK4tiFlFxs&fbclid=IwAR3vb2KjP9SkX86DhABTKtHW6I65FHy67COJoL1N0Wz53xqwfm9kxZa7a9g
Dementia and Anger (3 Mistakes That Cause Anger Outbursts)
 
Fout 1: Te veel woorde, te vinnig
Te veel woorde of om te vinnig te praat met 'n persoon met 'n sterwende brein bemoeilik die verwerking van inligting. Vir baie persone is die enigste manier wat hulle jou kan laat insien dat hulle nie verstaan wat jy sê nie, of dat hulle skaam is daaroor, is onstellend en dit noop hulle dan om te skreeu of selfs hardhandig te raak.

Dit beteken nie dat ons met geliefdes of kliënte soos 'n kind moet praat nie, dit beteken eenvoudig dat die hele gesprek in korter, verstaanbare sinne gevoer moet word.

Fout 2: Beveel in plaas van om te vra.
Bevelende stemtoon in plaas daarvan om te vra laat die pasiënt aggressief of selfs minderwaardig en vernederd voel indien die versorger baie jonger is as die dementia lyer veral met persoonlike versorgings.

Fout 3: Jou stemtoon en lyftaal is gefrustreerd.
Mense met demensie is baie gevoelig vir stemtoon en lyftaal, dus minder bedag op die woordkeuses.
As jy kwaad lyk en gefrustreerd klink, sal hulle jou as 'n bedreiging beskou en hulself verdedig.

Wat om te sê en te doen:
Met 'n rustige stemtoon en inagneming van persoonlike spasie kom jy vriendelik en nie vreesaanjaend voor nie wat kommunikasie vergemaklik

Wat as hulle steeds kwaad word?
Ondanks ons beste pogings word geliefdes of kliënte steeds kwaad en opgewonde. Dit kan wees as gevolg van hallusinasie of dat hulle nie gesond/wel voel nie, hulle word kwaad en ontstig, maak nie saak wat jy as versorger doen nie.

Probeer om rustig te luister na die tirade en dan iets te sê soos "Dit klink moeilik. Kan ek help?"

As dit ook misluk, beteken dit dat jou teenwoordigheid, om watter rede ook al, die rede van hul frustrasie is. As iemand anders daar is, vra dan die persoon om te help. As jy alleen versorger is, plaas die persoon aan die ander kant van die vertrek weg van jou af as hulle nie alleen gelaat kan word nie.
As hulle alleen gelaat kan word, verlaat die kamer/huis vir 'n wyle en haal diep asem tot jy kalmeer en rustiger voel. Gaan dan terug.

Sterkte!

 :notworthy:
« Last Edit: July 08, 2020, 12:59:33 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #21 on: July 03, 2020, 12:16:11 AM »
Vanoggend wil ek gesels oor die gebruik van musiek as terapie, hetsy dit geluister of self gespeel word. Die volgende video op youtube is 'n wonderlike voorbeeld van hoe 'n persoon met demendir voel as hy op sy fluit speel. Ek heg 'n deel uit sy gesprek aan wat so insiggewend was: "... Music releases my dementia. Once I forgot how to use the tin opener and thought it was broken... I end up with a kitchen draw full of tin openers and then realized it was not the openers that were broken, it was me..."

https://www.youtube.com/watch?v=bpS5lkSW3GQ&fbclid=IwAR0rF0ID2pONZmmTeFS3-4gS-FiR2IFEKQ9vf69jLFr4dwU02apoIx_GjAw

Die helende invloed van musiek

Daar is geen twyfel dat musiek ongelooflike krag het om ons emosioneel en fisies te beïnvloed nie - veral vir persone met demensie of Alzheimersiekte. Neurowetenskaplikes, nou toegerus met 'n beter tegnologie om ons brein te ondersoek, het hernude belangstelling om uit te vind presies hoe musiek die neurale weë en verbindings in ons brein beïnvloed.

Demensie en Alzheimers beïnvloed korttermyngeheue veel meer as langtermyn (vroeë) geheue. Wanneer 'n pasiënt luister na musiek wat hom/haar herinner aan jonger dae maak 'n deur na die verlede oop en stimuleer die vermoë om oor mense en plekke uit die verlede te praat. Musiek wat gekies word uit die tydperk het waarskynlik die sterkste reaksies en die meeste potensiaal vir positiewe betrokkenheid en herinneringe.

Onbekende musiek kan ook voordelig wees omdat dit geen herinneringe of emosies dra nie, wat die moontlikheid van 'n negatiewe reaksie verminder.

As musiek gepaard gaan met die wys van foto's en voorwerpe uit die persoon se verlede, lyk dit asof areas van die brein wat voorheen ontoeganklik was, geaktiveer is. Musiekterapie werk dus deur klank te gebruik om die dele van die brein wat nie deur demensie beïnvloed word nie, te wek deur stimulasie en ontlok reaksies (kort oomblikke van kontak weer met geliefdes).

As die versorger sing of neurie met beweging, open dit ook deure na beter kontak met die pasiënt.

In 'n studie deur die Anglia Ruskin Universiteit in Cambridge in 2015 is die impak van musiekterapie op demensiepasiënte ondersoek en bevind dat dit die deelnemers se demensie-simptome en die algemene gevoel van welstand verbeter, terwyl dit ook lei tot 'n afname in gedragskwessies teenoor versorgers.

Daar is selfs aangetoon dat musiekterapie die behoefte aan sommige medikasie verminder en pyn en ongemak vir sommige inwoners verminder.

Selfs in die laat stadiums van demensie, wanneer musiekterapie gebruik word, kan dit help om buie te verander, 'n gevoel van beheer oor die lewe te gee, stres te hanteer, positiewe interaksies met ander te stimuleer, beter breinfunksie en motoriese bewegings te koördineer.

Die program Musiek & Geheue, ontwikkel deur die Amerikaanse maatskaplike werker Dan Cohen, was die onderwerp van die hartroerende 2014-dokumentêr 'Alive Inside'.

https://www.youtube.com/watch?time_continue=6&v=fyZQf0p73QM&feature=emb_logo

https://www.facebook.com/BeAliveInside

https://www.facebook.com/MusicAndMemory/

https://pursuit.unimelb.edu.au/articles/how-music-could-revolutionise-dementia-care

https://www.dementia.org.au/dementia-news/issue-09/Music-therapy-assists-dementia-care-in-Bendigo

https://www.facebook.com/BeAliveInside/videos/233150457780863/

https://www.youtube.com/watch?v=jOxP3BEgVtQ

https://www.youtube.com/watch?v=yVgeNL6qbFs





« Last Edit: July 08, 2020, 12:57:36 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #22 on: July 03, 2020, 12:24:25 AM »
Hierdie video het my met nuwe oë laat kyk na die (vir my gewraakte) video speletjies. Spesiaal aangepas vir demendie pasiënt het dit 'n ongelooflike reaksie ontlont!

Demensie is 'n siekte wat meer as 320,000 Australiërs aantas, met meer as 1700 nuwe gevalle wat elke week geïdentifiseer is. Teen 2050 sal hierdie syfer byna 'n miljoen beloop. Hoeveel hierdie syfers in Suid Afrika beloop, wis ek nie. Dalk kan iemand die inligting verkry en met ons deel?

Soos reeds genoem in vorige plasings is ons bewus dat daar geen genesing vir die progressiewe siekte is nie, maar in 'n wêreldwye eerste is 'Alzheimer, Australië'  besig om die lewensgehalte vir lyers te verhoog deur videospeletjies te gebruik.

"Ons het mense nog altyd geleer dat wat hulle moet doen, is om mense se sintuie in te span as jy wil kommunikeer en betrokke raak," sê dr Tanya Petrovich van Alzheimer, Australië.

"Die krag van virtuele omgewings is dat dit ons 'n manier kan gee waarop ons die sintuie kan bereik en benut."

Dr Petrovich sê dit is dikwels moeilik om te sien hoe pasiënte moet versoen met hul nuwe gebrek aan kognitiewe vermoë.

https://www.sbs.com.au/news/thefeed/story/dementia-games-how-video-games-are-being-used-treat-dementia?cid=inbody%3Amusic-awakens-memory-in-those-with-dementia
« Last Edit: November 04, 2020, 11:48:51 PM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Dementia - Sambreel van 'n breinmoordenaar
« Reply #23 on: July 08, 2020, 12:24:21 AM »
'n Nuwe probleem wat kop uitgesteek het by ons moederlief is die gedurige gekrap aan haarself waar sy ook al kan bykom. Ek het gewonder hoeveel ander versorgers ondervind dieselfde probleem met hulle geliefdes en het 'n vraag gevra op die Suid Afrikaanse groep vir demensie. Hierdie probleem is  minder bekend maar kom gereeld voor by demensie pasiënte.

Sommige pasiënte hou selfs aan om hulle hare uit te trek in so mate dat daar bleskolle verskyn.  Sommige sal selfs hulle ooghare en wenkbroue uittrek. Hierdie gebaar kan 'n groot gevaar skep vir infeksie en is dus kommerwekkend. Baie versorgers het voorgestel dat die hande van diegene 'besig gehou moet word' met byvoorbeeld 'n vroetellappie wat gemaak is met verskeidenheid materiaalteksture, knopies, ritssluiters, tossels ens. 

Met die weiering van stort of bad is uitgedorde vel natuurlik 'n groot probleem en is dit nie altyd maklik om die persone te smeer met genoegsame lyfrome op die reeds verdunde vel nie. 

Ek haal die volgende aan:
At the middle stages of dementia, the person becomes less aware of the surroundings and what is going on around him or her. The focus, instead, is on things that are in a narrow field of space around the person. You may have heard or read that you should approach a person with Alzheimer's from the front and to get eye contact before speaking. This recommendation comes from the knowledge that the world the person attends to, does shrink as the disease progresses. Approaching a person from the front and making eye contact, helps to not startle the person and to get their attention before speaking.

In die volgende skakel het ek 'n paar oulike voorbeelde gevind om die 'hande besig te hou'.

https://www.mind-start.com/When-Picking-at-Things-Becomes-an-Issue-with-Alzheimers_b_158.html?fbclid=IwAR1Y0KF8xhTKW_5fDXgSWOvhDntoT5TnNkfXpH8uXbJasn0RV0kwU3Xl-TQ

Vir meer inligting:

Repetitive Skin Picking
There are a variety of reasons why a senior may be engaging in this behavior, one of which is the possibility of having developed a Body-Focused Repetitive Behavior (BFRB) known as excoriation disorder or compulsive skin picking disorder. This is a widely experienced, yet little known disorder characterized by the urge to compulsively pick, scratch or pull at any area of the skin.


Bron:
https://www.agingcare.com/articles/compulsive-skin-picking-in-the-elderly-186225.htm?fbclid=IwAR2Q1MUQ_Rp4pArv3DI3EDST4DOT7xivokgyRT2E2UIXbZglqYpPqlhysgw

Die volgende inligting was vir my baie interessant rakende hierdie kompulsiewe gedrag by dementia lyers:
Pathological hair-pulling or trichotillomania can be a manifestation of compulsive-like, grooming behavior in dementias of different etiologies as they spread to involve frontal areas, with release of a frontal-striatal inhibitory pathway resulting in excessive primitive grooming behavior.

Vir meer inligting:
https://www.hindawi.com/journals/crips/2016/9782702/
« Last Edit: July 08, 2020, 12:56:29 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #24 on: July 08, 2020, 02:07:20 AM »
Ons het al baie keer laggend verwys dat moederlief soms soos 'n rebelse tiener optree en die volgende oomblik 'n tweejarige se vloermoer, ore sal kan aansit. Om die humor altyd raak te sien in hulle optredes vir oorlewing, is makliker geskryf as gedaan. Daar is ook net soveel wat 'n mens kan verduur sonder om self te voel jy verloor jou breinselle een-vir-een as jou geliefde skielik net een woord gebruik soos 'n kleutertjie as antwoord op alles - NEE!

Hulle wil nie eet nie. Wil nie drink nie. Wil nie bad nie. Wil nie skoon aantrek nie. Wil nie dit nie, wil nie dat nie...

Goeie maniere het iewers agterweë gebly en asseblief en dankie daarmee saam. Ongeskikte en kru optredes van voorheen saggeaarde persoonlikhede is moeilik om te verwerk en te verstaan. Om vrede daarmee te maak is 'n persoonlike oorwinning.

Versorgers word aangeraai om konflik so ver as moontlik te probeer vermy of die aandag af te trek en meestal net saam te stem maar hoe gemaak as die situasie 'n gesondheidsprobleem veroorsaak? Ouer volwassenes het 'n laer volume water in hul liggame, en mag mediese toestande hê of medikasie neem wat die risiko van ontwatering verhoog. 

Die weiering om te drink, kan lei na ernstige probleme met blaas- en nierinfeksies wat opsigself dan ook hallusinasies kan veroorsaak of vererger en gewoonlik 'n aanduiding is van ontwatering.

Ongelukkig verloor sommige pasiënte met gevorderde demensie die sensasie van dors/honger.  Hulle kon ook die vermoë verloor het hoe om 'n glas of koppie vas te hou en koordinasie kan ook in so mate versleg het dat hulle selfs nie weet hoe om die funksie van drink uit te voer nie. Die korrekte gebruik van eetgerei word gewoonlik ook 'n probleem in latere stadium van die siekte. In hierdie geval kan dit help deur die aksie self uit te voer as aanduiding/voorbeeld.

Tekens van ontwatering:
Verwarring.
Tamheid.
Ongeduld.
Verswakte spierfunksies.
Duiseligheid.
Hoofpyne.
Naar.
Droë tong/mond.
Verminderde urinering (kleur ook 'n aanduiding).
Gesonkte oë.

In 'n opleidingsprogram was 'n paar handige benaderinge bespreek om die demensie lyer te help om meer vloeistof in te neem al is dit net slukkies vir slukkies op 'n slag deur die verloop van die dag:

*Bedien gegeurde of gekleurde water.
*Kafeïenvrye koffie of tee.
*Sop of gevriesde vloeistof soos byvoorbeeld ysies.
*Klein hoeveelhede vrugte of groente met 'n hoë vog inhoud.
*Meng vrugtesap met 'bubbly water'.







 




« Last Edit: July 08, 2020, 02:30:31 AM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Demensie - Sambreel van 'n breinmoordenaar
« Reply #25 on: July 08, 2020, 10:33:20 AM »
Uitmuntend!  Dit is 'n baie goeie opsomming.   :read2:
Om te weet is om te verstaan.

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #26 on: July 20, 2020, 01:20:46 AM »
 :icon_salut: :headbang: :love7: PM.

Die groot besluit: "Moet ek my geliefde laat opneem in 'n versorgingsfasiliteit? Hoe weet ek wanneer dit werklik nodig is om 'n persoon met gevorderde demensie in 'n langtermynversorgingsfasiliteit te plaas?"

Dit is natuurlik verskillend vir elke pasiënt, maar dit is ook verskillend vir elke versorger. Soms huiwer versorgers weens 'n belofte wat gemaak was aan geliefdes om hulle persoonlik te versorg tot die dood intree. Ongelukkig is dit nie altyd moontlik nie!

Rick Phelps said placing a loved one is one of the most loving things you will ever do for them. You are doing something your heart tells you not to, but you are doing something that your mind knows is the right thing to do.

This is exactly what you said you would do all those years ago: take care of them. When you can no longer manage, you seek out placement. This is, in fact, taking care of them.


Rick noem ook verder dat as geliefdes 'n hoër sorgvlak benodig en jy stel te lank uit om die plasing te doen, is die aantal dinge wat moontlik verkeerd kan gaan, eindeloos en jy gaan gebuk gaan onder 'n geweldige skuldgevoel wat natuurlik ook kan gebeur indien jou geliefde nie kan aanpas in die versorgingsoord of nog erger, mishandel word!

Daar is nagmerrie verhale van versorgingsoorde waar pasiënte emosioneel en selfs fisies mishandel word. Vooraf beplanning en ondersoek na die onderskeie beskikbare instansies/oorde is dus van uiterste belang voordat die geliefde se plasing geskied.

Wat is daar wat ons in ag moet neem oor die groot besluit van plasing of tuisversorging? Kan jy volhou soos wat die siekte sy verloop neem en jou geliefde 24 uur versorging gaan benodig? Beplanning moet vooraf gemaak word!

Agressie:
Fisiese of seksuele aggressie in demensie pasiënte kan baie gevaarlik word en 'n besliste aanduiding wees dat professionele versorging benodig gaan word. Hierdie toestand kan dan ook tydens "Sundowning" vererger en baie ontwrigting in die familieverband veroorsaak.

Medikasie toediening:
In 'n fasiliteit soos 'n geheue-versorgingseenheid word alle medikasie sorgvuldig gereguleer. Dit word op 'n streng skedule toegedien, die verpleegpersoneel kyk na enige aanduidings dat 'n inwoner se behandeling moet verander, en hulle kan hierdie veranderinge gewoonlik vinnig implementeer sodra die dokter dit goedgekeur het.

As jou geliefde tuis bly, berus alle medisyne-toesig en toedien op jouself. Alhoewel baie familieversorgers baie leer tydens die versorging van hul geliefdes met demensie, is daar sekere tekens en probleme wat slegs mediese persone sal waarneem en doelgerig optree. Selfs al sou jy self die probleem opgemerk het, kan dit 'n stryd wees om die pasiënt na die dokter te neem om hul medisyne te verander.

Mobiliteitskwessies
Teen die eindfases van demensie en Alzheimersiekte het pasiënte buitengewoon beperkte mobiliteit. Dit is 'n ernstige gevaar vir beide die pasiënt en hul versorger. Om die pasiënte gereeld badkamer toe te neem kan gevare van ernstige beserings tydens 'n val vir beide die versorger en pasiënt inhou.
Bad, aantrek en ander daaglikse aktiwiteite hou ook risiko's in, maar 'n fasiliteit is baie beter toegerus om dit alles veilig te hanteer. Hulle het die nodige toerusting, opleiding en mannekrag om inwoners te help en ongelukke te voorkom.

Rond-/wegdwaal (Wandering)
'n Geliefde kan maklik uit die huis/erf gaan sonder dat hul versorger dit besef, en dit kan 'n lewensgevaarlike situasie wees. Wegdwaal ook in versorgingsgeriewe gebeur, maar die inwoners is beperk tot ruimtes binne die gebou en in sommige gevalle 'n veilige omgewing buite. Daarom is die professionele toesig so waardevol vir demensiepasiënte en hul familielede.

Die inwoners kan rondbeweeg, maar die perseel word fyn dopgehou en bevat dikwels spesiale veiligheidsmaatreëls om te voorkom dat hulle van die fasiliteit af wegdwaal en beseer raak. Die reaksietyd wanneer iemand wel dwaal, word ook baie verhoog, as gevolg van die aantal werknemers wat beskikbaar is om na hulle te soek.

Versorgerstres
Dit maak nie saak of die versorger jonk of oud is nie; die spanning wat demensie op 'n versorger plaas, is dieselfde. As jy nog in jou dertigerjare is, is die kans goed dat jy nog gesond is, maar ouer versorgers is meer geneig om mediese toestande van hul eie te ondergaan. Stres kan vinnig manifesteer by mense van enige ouderdom, en dit is bekend dat dit selfs geringe kwale kan vererger. Wees eerlik met jouself oor jou emosionele en fisieke grense tydens versorging. Soms is die plasing in 'n fasiliteit die beste vir beide die versorger en die algemene gesondheid en welstand van die geliefde.

Langafstand versorging
Versorging van ver af werk selde, veral vir geliefdes met progressiewe siektes soos demensie. Sommige plaaslike gesinslede kan intermitterende ondersteuning bied, maar hulle sukkel steeds om op hoogte te bly van die sorgvlak en hulp wat hul geliefdes benodig. Voldoende toesig en sorg kan nie van ver af voorsien word nie. Die behoefte van die pasiënt sal aanhou toeneem, en dit sal die versorger net meer benadeel en die persoon met demensie kwesbaarder laat.

In 'n langtermynversorgingsfasiliteit is daar is meer pasiënte, maar daar is ook meer verpleegkundiges en hulpverleners dag en nag aan diens om te verseker dat inwoners veilig is en dat hul behoeftes bevredig word.

Vertrou op 'n plan, nie 'n belofte nie
Die belangrikste rede om 'n plan te hê voordat dit tyd is om selfs net oor die plasing te dink.  Soms huiwer die versorger(s) weens die feit dat hulle (waarskynlik) jare gelede 'n belofte gemaak het om self die versorging van 'n geliefde waar te neem. Dit is algemeen dat mense belowe om hul ouers, eggenoot, broers en susters, wie dit ook al mag wees, te belowe om hulle om nooit in 'n verpleeginrigting te plaas nie.

Soms is dit ook 'n kwessie van trots vir versorgers wat nie wil hê dat hul familie moet weet dat hulle met 'n geliefde se versorging sukkel nie en doen hulle bes maar besef nie dat die versorging wat hulle probeer lewer, onvoldoende is nie. Elke pasiënt verdien om behoorlik versorg te word. Die pasiënt kan moontlik nie meer kommunikeer of eers 'n idee hê van wat rondom hulle aangaan nie, maar hulle verdien steeds om hulle waardigheid te behou.

Elkeen wat hierdie besluit moes neem en oorgaan tot die daad van plasing sal getuig watter emosionele oorlog en skuldgevoel dit veroorsaak.  By die ondersteuningsgroepe word die vraag dikwels gevra HOE gaan of moet ons dit doen sodat 'n geliefde die minste ontstel word vooraf? Ek het 'n lys saamgestel van wat voorgestel was:

* Onthou dat witleuentjies genadiger is as die waarheid vir jou geliefde in sommige omstandighede.

*Pak slegs die nodige klere (seisoengebonde) aangesien die pakspasie in versorgingsoorde/instansies beperk is. Die temperature word beheer en dit gaan nie so koud wees nie, dus sal een warm jas of baadjie vir eers genoeg wees. Bring dan 'n warmer kledingstuk saam as jy jou geliefde gaan uitneem vir die dag (indien moontlik).

*Gebruik verskoning van skoonmaak/was ens. vir die rede van pak of wag tot jou geliefde slaap sodat hy/sy nie sien wat jy doen en onnodig vooraf onsteld word nie.

*Indien vrae gevra word: hou jou antwoorde so kort as moontlik want jou geliefde gaan dit dalk nie eers onthou nie.

*Dit is 'n goeie idee om iemand te kry wat tuis kan toesig hou oor jou geliefde terwyl jy die oorneem van persoonlike toerusting na die instansie waarneem.

*Moenie te veel probeer doen op een dag nie. Pas jouself op! Dit is 'n emosionele proses wat sy tol gaan eis op jou as versorger en jy kan siek word weens die verhoogde stres.

*Terwyl die meubliment en persoonlike artikels verskuif word kan jy of iemand anders 'n kort rit onderneem met die persoon totdat die kamer gereed is.

*Dit word voorgestel dat hulle nuwe blyplek/kamer naastenby ingerig word soos wat dit tuis was om die aanpassing te vergemaklik en stel die instansie in kennis dat jou geliefde opgeneem gaan word sodat hulle gereed is.

Daar is baie versorgers wat hierdie taak tot die einde volbring het en daar is diegene wat weens omstandighede dit nie kon volhou nie. Die besluit berus by elkeen persoonlik.

Berei jouself voor indien die keuse op 'n plasing geval het, dat die aanpassing vir jou geliefde net so moeilik kan wees en hulle optredes vir 'n hele ruk totaal veranderd en selfs aspris sal voorkom en jy jouself weer in 'n oorlog van emosionele selfverwyt en twyfel gaan bevind. Tyd bring heling. Soms neem dit net baie langer.

Sterke.
 :love7:
« Last Edit: July 20, 2020, 01:52:02 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #27 on: July 21, 2020, 05:19:03 AM »
https://www.verywellhealth.com/is-covid-19-causing-broken-heart-syndrome-5071348

Het jy al gedink wat die emosionele en fisiese impak van die nare C. Virus op pasiënte met demensie het in versorgingsoorde? Ons wat nog geseend is met gesonde breine vind die afsonderings alreeds moeilik, hoeveel te meer as jy 'n sterwende brein het?

Teepa Snow het die onderwerp vandag aangeraak en my hart was stukkend vir almal betrokke. Versorgers getuig dat dit 'n nagmerrie kombinasie is en vertel hoe geliefdes se algehele toestand agteruit gegaan het in die tyd van afsondering.

In sommige instansies was die mag van besluitneming buite verband geruk en is inwoners onnodig in totale afsondering geplaas sonder enige bewyse dat  hulle in aanraking was met persone wat positief getoets was. Van hierdie persone se fisiese voorkoms het so verander weens gewigsverlies en die emosionele mishandeling van afsondering, dat hulle feitlik onherkenbaar was vir hulle familielede. Skokkende waarheid wat gestaaf was met fotos.
 :crybaby2:

Die belangrikheid van fisiese kontak word by verre onderskat en midde die chaos van beperkinge met die vrees vir verspreiding van die virus, het ons almal (ieder en elk) 'n tekort aan drukkies. Hoekom is daardie onskuldige drukkie so belangrik?

A famous quote by psychotherapist Virginia Satir goes, “We need 4 hugs a day for survival. We need 8 hugs a day for maintenance. We need 12 hugs a day for growth.” Whether those exact numbers have been scientifically proven remains to be seen, but there is a great deal of scientific evidence related to the importance of hugs and physical contact.

A 10-second hug a day can lead to biochemical and physiological reactions in your body that can significantly improve your health.
Hugs can help reduce stress. Our bodies release the stress hormone cortisol when we’re stressed. However, when we receive a hug, oxytocin is released which helps us feel calmer and more relaxed, thereby reducing stress levels.

Hugging may help lower blood pressure. When we hug, pressure receptors are activated, which send a signal to the part of our brain that is responsible for lowering blood pressure.​

Cuddles boost our immune system and lower the risk of infections. According to the founder of the Touch Research Institute, Dr. Tiffany Field, touch increases the number of natural killer cells in our body, which are “the frontline of the immune system.” Natural killer cells help reduce disease and illness by warding off viral and cancer cells.​

Hugs protect against heart disease. It’s been suggested that hugs can help protect against heart disease as they lower the stress hormone cortisol, which is responsible for blood pressure and heart disease.​

Cuddling increase levels of serotonin. Hugs release serotonin into the body, which can make us feel happier and more confident. Some health issues such as obesity and depression are linked to a serotonin imbalance in the body. Hugs may therefore be able to help some people suffering from these conditions.​

Cuddles can help balance the nervous system. A network of small, egg-shaped pressure centres within our skin can sense touch and they connect to our brain via the nervous system. The parasympathetic nervous system is said to be more balanced as a result of the change in skin conductance of people giving and receiving hugs.​

Hugs help people suffering from touch deprivation. Touch deprivation is a condition that affects people who lack skin contact and touch in their lives. Hugs are a great way of providing both the touch and social connection we need to thrive as individuals. You can find out more about the signs of touch deprivation here.

Hugging can help lower feelings of social isolation. Research from UCL has shown that affectionate touch can reduce feelings of social isolation, meaning that hugs can help reduce loneliness.​

Cuddles can help people suffering from anxiety. Hugs release feel-good hormones such as oxytocin and serotonin, which help us feel more relaxed and happier. Tiffany Field describes serotonin as a ‘natural antidepressant’, which also helps fight depression.

Hugs can help improve self-esteem and happiness. Tactile sensations and self-worth from our early years remain embedded in our nervous system into adulthood. This means that affection from our parents and family remain with us on a cellular level, and hugs we receive throughout our lives remind us of this at a somatic level.​

Hugging can help relieve pain. Tiffany Field notes that serotonin is “the body’s natural pain killer”. Serotonin is one of the chemicals released when we cuddle, which explains why hugs are seen to be a natural analgesic that people turn to when they’re emotionally or physically hurt.

​Hugs can help fight fear. A study published by Psychological Science showed that touch can reduce fears about mortality, while also providing comfort and reassurance at the same time.​

Cuddles are a form of caring communication. When we hug, oxytocin is released which is known as the bonding hormone and helps create trust between two individuals. Not only do hugs act as a form of support, but they also calm us down and help us feel emotionally and psychologically connected to one and other.​

Hugs increase muscle relaxation. Hugging can release tension and relax muscles. They soothe aches and pains by increasing circulation into soft tissue.​

Hugging can increase empathy. One of the many positive impacts of oxytocin release, is an increase in levels of empathy between people who are hugging one and other, even as strangers.

Bronne:
https://www.nordiccuddle.com/benefits
https://communitycare.com/News/Health-Blog-Article?URLName=Surprising+Health+Benefits+Hugs
https://www.theartofhealing.com.au/hugging.html

Insiggewende video oor afsondering en die invloed wat dit op demensie pasiënte het en die versorgers...
https://www.facebook.com/teepasnow.dementiaexpert/videos/575073803368648/
« Last Edit: July 22, 2020, 12:57:49 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #28 on: July 22, 2020, 12:27:40 AM »
Hierdie inligting is van onskatbare waarde vir versorgers! Dit is soos 'n handleiding op een bladsy  :book1: :hello2: :icon_salut:



« Last Edit: July 22, 2020, 01:00:43 AM by Meraai vannie Baai »

Offline Meraai vannie Baai

  • Global Moderator
  • Wysgeer
  • Posts: 3026
  • Elke dag aan ons Geskenk, is 'n kosbare voorreg.
Re: Demensie - Sambreel van 'n breinmoordenaar
« Reply #29 on: July 26, 2020, 08:27:19 AM »
My sus het 'n groot probleem met die feit dat ons moederlief nie verstaan dat sy nie meer in beheer is van haar optredes en reaksies nie. Sy ontken ten sterkste dat sy belangrike dinge vergeet en dit 'n reuse invloed het op almal betrokke by die situasie. Daar is 'n 'swaar' woord vir hierdie ontkenning:
Anosognosia (ah-no-sog-NOG-zee-uh).

Dit beteken letterlik 'om nie te weet van die siekte nie' en weens die skade aan die brein is dit feitlik onmoontlik vir verskeie persone om te besef dat daar wel fout is met die werking van hulle breine. Dit verskil ook van persoon tot persoon en sal sommiges met tye besef daar is iewers fout en ander mag dit glad nie besef nie en dus ontken. Hierdie skakel het wonderlike inligting:

https://dailycaring.com/6-ways-to-help-someone-who-doesnt-know-theyre-ill-anosognosia-in-dementia/

Ek gaan net 'n paar voorstelle gee vanuit die skakel:

1. Moenie jou geliefde probeer oortuig dat hulle demensie het nie. Dit veroorsaak stres en onnodige angs.
2. Werk saam as 'n span met die onderskeie mediese/sielkundige personeel betrokke by die behandeling.
3. Skep 'n veilige omgewing sodat hulle en die versorger(s) beskerm is. Dit sluit kreatiewe manier om hulle te verhoed om sekere funksies uit te voer soos motor nog self bestuur, finansiele hantering ens.
4. Hou op om hulle 'reg te help' en jou standpunt in te sien. Hulle leef in 'n eie wereld waar nugter denkte en rasionaliteit totaal verdwyn het.
5. Hanteer probleme wat opduik, kreatief en subtiel sonder dat hulle voel jy dwing jou wil af. Weereens, choose your battles!
6. Bestudeer handleidings hoe om die korrekte tegnieke en benadering van persone met demensie toe te pas.