PM en Botswana

[Angelica]

Eeeeek....friekin, friekin goggas!!  en julle bespreek die goed asof dit 'n lehen is.
Wie betaal, nogal in $$$$$, vir 'n stokkiegogga-eier??
Hier by ons in die NSA sal die ding nie eens tyd kry vir eiers le nie, hy sal direk pot toe saam met die marog. 
Snap daai gogga as jy hom weer sien. Skud net eers die bed uit voor julle saans inkruip.  Klink vir my na 'n wille plek waar julle nou is.
Hamba gahle..  of so iets.

[Naas]

In 'n land waar muise soos sosaties op stokkies gaargemaak word is goggies deel van die protienlyn.
Gerookte kakkelakboutjies op geroosterde daggakoekies is my gunsteling. Na die eerste hap is jy so kalm dat self die donkie vir jou giggel.



 

[PM]

   DIT  kan werk om 'n ou kalm te hou!   
Al het ek 'n paar merke om van spinneskoppe se byte te getuig, is ek gelukkig nie bang vir hulle nie.  'n Mens moet hulle net kan sien en ek beloof, hier vee ons so vyf grootes in die oggend uit wat onder die Doom deurgeloop het.    Ons sit ook nie 'n voet in 'n skoen voordat dit deeglik uitgeklop is nie.     Ons spuit maar deeglik agter en onder alles voordat ons eet, trek die deur toe en as ons gaan slaap is dit met 'n meer geruste hart. 
Ek is nou by die "kantoor" en sal nou-nou poog om 'n foto op te sit.  Wag net vir Hannes wat op terein is met die kamera! 

[PM]

[PM]

[PM]

Hier is die gogga nou.  Die eerste een is van gogga toegevou en die tweede een is waar die vlerke wys.  Nou gaan ek gou soek of ek 'n benaming vir hom kry.

[Naas]

Dit is wat ons as 'n Stokspinnekop ken.



 

[Louis]

ja nee wat dit is daai stokgogga (stick insect). die goed lyk darem weird. wil darem nie so ding he as n troeteldier nie - die simpel ding kan in elk geval nie eers blaf nie

[Angelica]

Het die ding 'n voor- en agterkant?
Of is dit onder- en bokant?

[Meraai vannie Baai]

Kan my altyd verkyk as hulle so sit en wieg.... of hulle mik en weeg - en niks verder kom nie 

[PM]

Ag, die tyd het my gister ingehaal, ek kon nie meer inligting kry as 1,500 eiers, wat soos saadjies lyk en baie lank dormant kan lê voordat dit uitbroei en hulle eet plantmateriaal.

Louis, dit klink vir my na die ideale troeteldier.  Sit hom op 'n blaarslaai en gaan weg vir 'n maand of drie.   

Elsabé, dit lyk vir my ook na 'n bo-kant en 'n onderkant, alkant selfkant. 

Naas, hierdie is net 'n halwe spinnekop, dit lyk vir my of hy net vier bene het. 

Raaitjie, dan kan ons hom 'n "wiegstokspinneskop" noem.   

[Naas]

Alhoewel dit 'n insek is word dit wel stokspinnekop, stokinsek of stokgogga genoem, afhangende van die streek.
My nefie en niggie wat nie van hottentot mag praat nie en nie die here se naam ydelik mag gebruik nie het van 'n hotnotsgod as 'n outajesus gepraat.



 

[Meraai vannie Baai]

Hehehehe PM ek sien al - Wiegstokspinneskop!

Naas ek het hierdie kabouterwysheid van jou fam lankal by ons ou boekie van woorde gaan bewaar en vandag verskaf dit nog net soveel plesier  

[PM]

O hallie ha!  Outajesus!  Dit is hoekom hierdie tipe goed herhaal moet word, want ek het dit nie eerste keer gemis. 

Dit bring darem 'n lag in my dag.  Ons kleinkind, Danique, is vanoggend gebore, 4,1 Kilogram! en ek kom nou eers hier op terein aan opsoek na 'n fototjie, maar niks.  Sonder krag kan batterye nie laai nie en sonder battery kan my skootbrakkie nie blaf nie.  Selfone werk ook met batterye! My frustrasies is hemelhoog en my trane bly oor die walle stoot.  Damn!
Ek was al lus en gryp 'n stokgogga vir iemand se 0, maar dit is heeltemal te dun! Ek is ook nou 0vol om in koue water te stort en ek verlang na my ma! Ag voertsek Petronella!

[werelde weg]

is ek gerook of wat... maar daai is nie n spinnekop nie dis n stok insek... soos een van daai gode waarvan naas praat met die lelike hot en not klankie...
moet se outajesus werk nogals vir my