PM en Botswana

[Fransi]

    

Gelukkig was dit uit. Ek het so 'n ruk terug blou en pers strepies ingesit wat skelpienk uitgekom het.    pienk is darem ook mooi. :-)

My skoonma sit soms vir haar strepies in ( die gewone soort) en dit lyk te pragtig saam met die grys en wit as jy dalk volgende keer dit wil probeer?

[PM]

Ai, ek hoop so!  Sommer gou ook!   
Die strepies sal maar moet wag tot ek eers weer in die beskawing is.  Hier weet hulle net van "dread locks".   

[PM]

Goeie genade!  Teen die tyd wat ek "gekonek" is, het ek skoon vergeet wat ek wou sê.  Dit is soos om SABC te kyk, na die advertensies weet jy nie meer watter prograg jy gekyk het nie. 
Wat wou ek nou weer sê?  O ja!  Ons het toe weer vanaand die sjebeen die  restaurant die Le Stroois besoek.  Op die spyskaart was varkribbetjies.     Manne, daai soet-suur-aflek "is to die for".     maar ek sweer daai beer was besig om sy laaste nasate te plant toe hulle hom geskiet het.  (Of het hulle hom met die hamer geslaan?) Hoe moet ek nou weet!
Ek was nie by nie, net die nagevolge gesmaak!  Taai!  Nie soos in met suiker gemeng nie gehoor, taai soos in gebrei dat die sout wit sit, maar nou loop ek die storie vooruit, soos gewoonlik!
Ons was nog besig om te sit en wag, (ja, dit is baie besig) vir die kos, toe spring daar 'n paddatjie onder deur die tafel, onder deur my stoel en kies rigting na die naaste donker hool en Hannes vra:  "Skattie, mis jy nie iets nie?"  Ek draai my kop en kyk die springende dingetjie agter na... "ag nee wat, ek sien niks met die spoed van witlig wat haar agternasit nie! Kannie myne wees nie!"    hê-hë! 
"En daar kla 'n donkie!   
Na Naas se strories, wat ek natuurlik met smaak oorvertel het, bars ons altwee kliphard uit van die lag. 
Kom die blinkgesig "kelner" so 'n "opgepolishde Botswana gesiggie soos 'n "ge-oliede rosewood hangkas" en vra: ''What's de matter sir? Do you need anything else?"
"Eish!" se Hannes.
Yes sir!  Ice is comming up!
Nou lag ons twee dat hoor en sien vergaan!
"Julle, waar was julle?!"
Ons luiddrugtigheid sou nou rerig nie saak maak nie hoor, dit was maar net ons twee spoke daar in "Le Stroois" dit is nou afgesien van al die "personeel" wat geskitter het in hul afwesigheid. 
Hier kom die ou gesegde in:  "You pay peanuts, you get monkeys". 
"Ver van jou goed, naby jou skade."
Goed, na 'n paar arms swaai en handgebare maak die "kelner" sy verskyning en ons vra of ons dalk nog vanaand ons kos kan kry.  (Voor ons heeltemal gesuip raak.)
"Natuurlik."
Ek gaan niks meer seg nie, want julle wil nie weet nie!
So skryf 'n mens boeke en dit alles maak deel van 'n onvergeetlike ervaring. 
Ek moes dit net deel voor ek gaan slaap.
Mag julle 'n soete nagrus het.  (Geen kappie of deelteken wil iets met my te doen het nie en ek neem hulle ook nie kwalik nie en o ja, ek moet net byseg, swarkop is nou rooikop!  )
Lekker slaap.  Ek lief, lief, lief julle!

[Fransi]

Taai, swart of rooi, dit klink na ervarings wat julle nog lank binnepret sal gee. :-)

[PM]

Dit is nie te betwis nie Fransi.   
Vanoggend hoor ek 'n geskarrel hier buite en by nadere ondersoek sien ek vir Saggaria. (Ek noem hom sommer Gabriël, want hy is 'n engel.)
Ek wil 'n "muisbosskerm" bou, jy weet, soos 'n kombuis, waar die wind nie, (amper seg ek my vlammetjie) die gasstofie se vlammetjie kan uitwaai nie.  Hier bring hy 'n opvou-staaltafel aan en maak dit staan op sy sy, so half teen die muur, teen die klip.  Jy het nog nooit so 'n groot "smile" gesien nie.  Dit is nou syne se smile.  Hy is so in sy noppies met die slim plan wat hy beraam het om die wind af te keer.    Nes die wind is, waai dit nou vanoggend uit die ander rigting uit. 
Ons sal nog daar kom, daar waar ek 'n muisbosskerm het om agter te kook. 

[Angelica]

O jinne, nou het ek gelag.
Eers vir die padda....   
Toe vir die donkie..     (Kan hierdie ou deurgaan as 'n Botswana donkie?)
Toe vir die rosewood kas       
en Hannes se 'eisssh'   

Julle het lekker pret gehad.
Kook nou agter daardie muisbosskerm lekker kossies en laat Munkey die potte skoon lek     

Mooi bly.
Lief julle.

[PM]

Eish! Die enigste "monkey" wat die potte moet skoon kry is ek, en ek lek nie graag nie! 
Ons het 'n horribale dag gehad.  Van bakboord na stuurboord om al die onsinnige "scrap" wat vereistes is op die terein uit te sorteer. Eers het hulle gesê dat 'n voertuig maar net sy "hazerds" kan gebruik as dit op die terein rond beweeg, maar nee, nou moet elke voertuig 'n oranje lig op sy dak hê.  Huh, daar is net 'n paar voertuie en die terein is so wyd as die Heer se genade! Dit maak my woedend as ek sien hoeveel "rompslomp" daar aangaan, hoeveel snert elke jan rap en sy maat uitdink, en ek weet dat dit die normale gebruiker is wat betaal vir al die onnodige uitgawes.  Hoekom moet jy 'n hardehoed dra as daar niks van bo af kan kom nie, "safty shoes" dra as jy nie jou toon teen iets kan stamp nie, 'n reflekter vest dra as jy in die middel van die dag werk?  Niemand wat nog ooit hierdie simpel reëls ingestel het, het al in die warm son gewerk nie.  Kyk maar na daardie manne, hulle is kastaiing bruin gebrand. 
Voordat enige persoon op terein mag gaan, moet hy 'n induksiekursus bywoon.  Maak nie saak hoeveel kere hy al op terein gewerk het nie, voordat hy toegelaat word, moet hy weer daardie kursus wat tot vier ure kan duur, bywoon.  Dit kos ons, die verbruiker, duisende rand.  "But who cares" die verbruiker sal betaal! Belaglik!
Ek wou nog gekla het oor hoe moeilik dit is om hier in die bos kos te maak, maar ek sal liewers nie!
Gelukkig seg manlief dankie, hy het lekker ge-eet. 
Lekker slaap, ek is nou pootuit!

[Meraai vannie Baai]

Soos altyd - een groot woordfees en ek giggel myself uit enige kruppelskeet 

[PM]

Gister was ek erg gefrustreerd oor die krag wat nie krag het nie en die muisbosskerm is nog nie klaar nie en die wind jaag sy pad regdeur my ou gasvlammetjie. 
Ek het met groot liefde al my ou kossies verwerk en dit in die "slow cooker" met liefde verpak en jaag toe saam met Hannes dorp toe om al die "rompslomp" bymekaar te kry.  Van winkel na winkel en die sentra is ligjare van mekaar af gebou. 
Tuisgekom moes ek ontdek dat die krag seker saam met ons "stad" toe is, want my kossies is nog nie naby gaar nie en die krag het in die dorp agter gebly.  Toe moes ek maar alles uitpak en dit op die gasstofie gaar maak.  Oe, al daai skottelgoed.   
Hannes het darem teenwoordigheid van gees behou en vir ons 'n lig gekoop wat vreeslik slim is.  As die krag afgaan gaan die lig aan.  Hy het dit mooi hanggemaak teen die gazebo se hoekpaal, en siedaar!  Lig by die halwe muisbosskerm!  Moet nou net 'n "luipot" (slow cooker) kry wat op dieselfde prinsiep werk.   

[PM]

Ouens, help my soek asseblief na die naam vir hierdie gogga wat ons gister op die stoep ontdek het, snoesig in die hoek.  Hannes wou net die stuk droge tak wegskop toe hy sien dit beweeg. 
Ek het dit al op foto's gesien, maar nog nooit so groot nie. 
My internet toegang is te stadig om oop te maak en ek kan ook nie die foto's plaas van hier af nie.
Ek sal probeer verduidelik.  Dit lyk asof dit familie kan wees van die hotnotsgot (of is dit met 'n de?)
Die verskil is dat dit 'n lang nek-kop is soos 'n takkie.  Dit lyk soos 'n tak met lang bene maar dit is nie 'n tak nie.   
Nadat Hannes dit afgeneem het wou ek dit in 'n boom gaan plaas, omdat ek bang was dat die werkers dit sou doodmaak.  Groot was my verbasing toe dit vlerke sprei wat rond is, met die mooiste kleure.  (As jy jou vingers in sirkeltjies maak en dit teen mekaar hou, dan lyk dit net so.)
Ek wil graag weet wat die naam daarvan is. 

[Louis]

weet nou nie hoe die gogga lyk nie maar dit klink vir my soos n stok hottentotsgod. sy engelse naam is stick praying mantis (Brunneria Borealis)
hulle kom in n verskeidenheid kleure voor en word tot so 7 duim lank. hulle word in america en australia as troeteldiere aangehou . snaaks genoeg is alle stok mantis wyfies. daar bestaan geen mannetjies nie. die wyfies doen self die hele bedryf. die eiers wat deur die goggas gele word, verkoop teen sowat $100 een. so haal jou vergroot glas uit en begin soek en voer uit!!!

[PM]

Baie dankie Louis.  Dit is baie interessant.
Ek kan nie wag om by 'n plek uit te kom waar ek kan gaan google nie. Jy sal nie weet hoe 'n groot frustrasie dit vir my is nie. 
More ry ek saam met Hannes kantoor toe.  Dalk is hulle internet  op die terein sterker as myne, dan kan ek die foto's aflaai en kom opsit. 
Hierdie gogga van my se oë kan 'n mens nie sien nie.  Dit lyk ook nie of dit voelers het nie.  Ek weet ook nie wat op dees aarde dit kan eet nie, want die bekkie lyk uiters klein. Soos 'n speldekop, so lyk dit vir my!
 Ek hoop nou nie ek het 'n fortuin in my hande gehad en dit laat wegkom nie.    Dit kan nogal interessant wees om 'n boedery te begin met 'n gogga wat nie 'n maatjie nodig het nie! 

[Louis]

daar is ook natuurlik nog n gogga wat soos n stokkie lyk en hy word nogal redelik groot(lank en dun)
weet nou nie wat jy hom sal noem in afr nie - seker stok gogga. in engels is dit juis 'stick insect'
sy deurmekaarnaam is Phasmatodea en hulle kom ook in klomp kleure voor. ek dink ook hulle is plantvreters. n redelike normale gogga aangesien hulle darem in albei geslagte voorkom....hehe

[PM]

  Hierdie een kon net 'n mannetjie gewees het, geen vrou kan so lelik wees nie. 
Dit is maar net 'n grappie.  Ek kan my nogal self vereenselwig met die stokgogga, want dit is grys en het sulke vlekke op soos sommige bome se bas.  Ek sweer as daai gogga op 'n boom se stam sit sal jy daaraan moet vat, sodat dit kan beweeg, voordat jy sal weet dit is daar.  Ek is ook amper oortuig daarvan die gogga 'n naggogga is.  Dit het heel rustig in die boom waarin ek dit gisteroggend geplaas het, gesit en slaap.  Vanoggend is hy/sy weg.  Waar op dees aarde sal ek nou na my gogga gaan soek?

Voorgister het ek 'n kriek gesien.  Hy het amper soos 'n bloukrap gelyk. Jy ken seker daardie wat in die kokospalms klouter.  Net nie so groot nie, so groot soos 'n koringkriek. Ongelukkig het Hannes die kamara saam met hom werk toe geneem.  Sodra ek kan google wil ek dit gaan soek. 

[Louis]

jislaaik!!! is jy seker julle is in Botswana?  het julle nie dalk te vroeg links afgedraai en in die land van vreemde goggas beland nie??