71
Adéle se plek / Re: jou se plek
« Last post by adele on February 09, 2022, 07:45:48 PM »
News:
NEEM KENNIS ASB :
Om lid te word van die forum, stuur 'n epos aan pm@afrikaanseforum.co.za, waarna jy deur die administrateurs geregistreer sal word.
Vir hulp met die forum se werking, lees "Help" op die balkie onder hierdie inskrywing.
Enige inteken probleme ondervind deur lede van die forum: andre@trusoft.co.za / willa@trusoft.co.za
Recent Posts
72
Tradisionele geregte / Re: PM se hoenderlewertjies
« Last post by PM on January 29, 2022, 11:11:07 AM »Ek net gou weer kom loer na die resep. Maak dit sommer gou vannaand vir 'n hoofgereg, met pap ja! Met pap! 
73
Pieternel gee raad / Re: Is ek my ouer se hoeder?
« Last post by PM on January 28, 2022, 09:08:17 PM »Ai, dit is 'n moeilike vraag om te beantwoord.
Ek weet dat daar wel kulture is waar dit die kinders se plig is om ouers te versorg nadat hulle werk gekry en selfonderhoudend is.
My mammie het gesê dat een ouerpaar 10 kinders kan groot maak, maar dat 10 kinders nie een ouerpaar kan versorg nie.
Kan julle my help asseblief!
Is dit kinders se plig om ouers by te staan en te ondersteun in hulle oudag? Moet ouers maar net op hul eie stoom vir hulself sorg?
Wat sê julle?
Ek weet dat daar wel kulture is waar dit die kinders se plig is om ouers te versorg nadat hulle werk gekry en selfonderhoudend is.
My mammie het gesê dat een ouerpaar 10 kinders kan groot maak, maar dat 10 kinders nie een ouerpaar kan versorg nie.
Kan julle my help asseblief!
Is dit kinders se plig om ouers by te staan en te ondersteun in hulle oudag? Moet ouers maar net op hul eie stoom vir hulself sorg?
Wat sê julle?
74
Pieternel gee raad / Is ek my ouer se hoeder?
« Last post by PM on January 28, 2022, 09:00:07 PM »Kry ek 'n briefie van 'n eensame siel!
"Ek voel so eensaam en alleen. Al my kinders is in die buiteland en ek is so verlore sonder jong mense wat alles weet van TV's en selfone. Nuwe tegnologie.
Ek kry knaend al hierdie boodskappe van "registreer om jou inligting te kry" en "ons het 'n "password" ingestel om jou inligting te beskerm!"
Kan ek nie maar my eie "password" kies nie?
Van hierdie plekke kies ek 'n password dan word daar vir my vertel dat dit nie "sterk" genoeg is nie? Nou kry ek nie geregistreer nie, want ek is te oningelig!
Wat nou?
Is daar nie iemand wat bereid is om oumense te help nie? Ek is so verlore!
Waar is my kinders? Is ek onregverdig om van hulle te verwag om my by te staan?
"Ek voel so eensaam en alleen. Al my kinders is in die buiteland en ek is so verlore sonder jong mense wat alles weet van TV's en selfone. Nuwe tegnologie.
Ek kry knaend al hierdie boodskappe van "registreer om jou inligting te kry" en "ons het 'n "password" ingestel om jou inligting te beskerm!"
Kan ek nie maar my eie "password" kies nie?
Van hierdie plekke kies ek 'n password dan word daar vir my vertel dat dit nie "sterk" genoeg is nie? Nou kry ek nie geregistreer nie, want ek is te oningelig!
Wat nou?
Is daar nie iemand wat bereid is om oumense te help nie? Ek is so verlore!
Waar is my kinders? Is ek onregverdig om van hulle te verwag om my by te staan?
75
Vervloeë woordskatte / Re: Boesmanland-leer-jou-gou-opreg-bid
« Last post by PM on January 28, 2022, 08:50:37 PM »Dit is 'n jammerte! Daar is soveel kosbaarhede uit die volksmond wat opgedroog het. Gelukkig het ek darem nog vir jou my lief!
76
Vervloeë woordskatte / Re: Boesmanland-leer-jou-gou-opreg-bid
« Last post by adele on January 28, 2022, 05:07:59 PM »Kom ek nou agter dat die artikels en briewe in die ou koerante nie meer bestaan nie 
77
Adéle se plek / Hoe soek ons 'n toekoms
« Last post by adele on January 18, 2022, 04:30:47 AM » Die Vrystaat (ook ander streke in ons mooi land) is nat. Eintlik NAT. Plek-plek was daar weke gelede laas enige droë plekkie grond. Lande is oorstroom en diere deur vol spruite vasgekeer.
Mag ons vra dat ons Here weer sonskyn en wind gee om die lande so effens op te droog? Natuurlik. Hoekom nie. Is dit nie dalk waarvoor Hy wag nie? Ons glo ons moet vra, maar dan vergeet ons, in die ramp van té nat, om weer te vra, want ons het vir reën gevra omdat dit te droog was. Ek onthou iemand het eenkeer gesê, pas op waarvoor jy vra.
Begin elke dag met gebed, en sommer gesels met ons Vader. Saans dink ons daaraan, maar dan vergeet ons môreoggend weer daarvan.
Hy stap uit stoep toe, wil so na aan die landerye kom as wat hy kan. Maar dit is, soos hulle in engels sê ‘useless’ want die tuin is ‘n dam. Laasnag se reën kan nie meer wegsak nie; die grond is oorversadig. Die water lê reeds teenaan die boonste trappie en dreig om die huis in te vloei. Die skuur se vloer is reeds oorspoel. Die voertuie daar naby is tot by die deure onder water. Sakke saad, kunsmis, voeding, soutblokke … alles is nat en die skade is te veel om te bereken.
Toe die son opkom, blink die landerye soos ‘n spieël. Daar steek nog enkele koringare bokant die water uit, maar dis net die langste stele. Die res het reeds ongesiens verdwyn. Verderaan is lande met ander gewasse, sommige pas geplant, ander met lusern reeds weggespoel en nog ‘n land wat voorberei was om binnekort te plant… Here Help!
Hy sluit sy oë en roep nog ‘n keer na die enigste Here wat hy ken en by wie hy hulp soek. Hy voel nie die trane oor sy wange nie, ook nie eers toe hulle afdrup op sy bors nie. Hy sien net die waterbeeld wat in sy betraande oë uit fokus raak en verdof.
Terug in die huis in, gaan skink hy twee bekers koffie en stap dan weer stoep toe. Hy gaan sit langs haar op hulle rottangbankie. Toe hy haar plaas toe gebring het en oor die drempel gedra het, het sy hierdie stoephoekie ingerig en dit het hulle bidhoekie geword. Hulle oggend-huisgodsdiens-, gesels-, beplanning-, smeking- en dankiesê plekkie.
Sy gee vir hom ‘n paar tissues, ja sneesdoekies, maar tissues vee meer trane af. Dan snik hy hardop en sy vat net sy hande in hare vas. Hy kry sy emosies vasgevat en begin dan bid. Hy bid tot die God van hemel en aarde, hulle Skepper wat alles onderhou. Hy pak sy hele hart se seer en angs en vrese vir die toekoms, op Christus se skouer af. Hy gaan haal dit by die droogte van die afgelope paar jaar, dan die vlamme wat die winter feitlik alle weiveld opgevreet het en kom by die reën van die afgelope twee maande uit, maar toe hy by vanoggend se vloed kom, breek sy stem weer.
Sy tel die Bybel op, blaai na Psalm 23 en lees die eerste vers:
Die Here is my herder. 'n PSALM van Dawid.
Die Here is my herder; niks sal my ontbreek nie … dan kom sy nie verder nie. Maar oomblikke later bid sy met haar helder stem:
Here, soos vir Dawid, is U ook ons Herder en ons weet U sal ons nooit verlaat nie. U genade sal ons nie ontbreek nie. Kom gee ons asseblief nou moed om aan te gaan, om die seisoen weer oor te begin. Here, ons glo in U. Amen.
Hy kyk in haar oë en begin glimlag. Dan kyk hy uit, van die tuin af tot waar die horison die water ontmoet. En sy weet, als sal regkom. Soos ná die droogtes en die brande, die plaasaanval ‘n paar jaar tevore, sal hulle ook hierdeur kom. Ook dié ramp oorwin.
Met al die seën en genade van Bo, stap hulle weer die nuwe toekoms in.
©adéle theron
Januarie 2022
Mag ons vra dat ons Here weer sonskyn en wind gee om die lande so effens op te droog? Natuurlik. Hoekom nie. Is dit nie dalk waarvoor Hy wag nie? Ons glo ons moet vra, maar dan vergeet ons, in die ramp van té nat, om weer te vra, want ons het vir reën gevra omdat dit te droog was. Ek onthou iemand het eenkeer gesê, pas op waarvoor jy vra.
Begin elke dag met gebed, en sommer gesels met ons Vader. Saans dink ons daaraan, maar dan vergeet ons môreoggend weer daarvan.
Hy stap uit stoep toe, wil so na aan die landerye kom as wat hy kan. Maar dit is, soos hulle in engels sê ‘useless’ want die tuin is ‘n dam. Laasnag se reën kan nie meer wegsak nie; die grond is oorversadig. Die water lê reeds teenaan die boonste trappie en dreig om die huis in te vloei. Die skuur se vloer is reeds oorspoel. Die voertuie daar naby is tot by die deure onder water. Sakke saad, kunsmis, voeding, soutblokke … alles is nat en die skade is te veel om te bereken.
Toe die son opkom, blink die landerye soos ‘n spieël. Daar steek nog enkele koringare bokant die water uit, maar dis net die langste stele. Die res het reeds ongesiens verdwyn. Verderaan is lande met ander gewasse, sommige pas geplant, ander met lusern reeds weggespoel en nog ‘n land wat voorberei was om binnekort te plant… Here Help!
Hy sluit sy oë en roep nog ‘n keer na die enigste Here wat hy ken en by wie hy hulp soek. Hy voel nie die trane oor sy wange nie, ook nie eers toe hulle afdrup op sy bors nie. Hy sien net die waterbeeld wat in sy betraande oë uit fokus raak en verdof.
Terug in die huis in, gaan skink hy twee bekers koffie en stap dan weer stoep toe. Hy gaan sit langs haar op hulle rottangbankie. Toe hy haar plaas toe gebring het en oor die drempel gedra het, het sy hierdie stoephoekie ingerig en dit het hulle bidhoekie geword. Hulle oggend-huisgodsdiens-, gesels-, beplanning-, smeking- en dankiesê plekkie.
Sy gee vir hom ‘n paar tissues, ja sneesdoekies, maar tissues vee meer trane af. Dan snik hy hardop en sy vat net sy hande in hare vas. Hy kry sy emosies vasgevat en begin dan bid. Hy bid tot die God van hemel en aarde, hulle Skepper wat alles onderhou. Hy pak sy hele hart se seer en angs en vrese vir die toekoms, op Christus se skouer af. Hy gaan haal dit by die droogte van die afgelope paar jaar, dan die vlamme wat die winter feitlik alle weiveld opgevreet het en kom by die reën van die afgelope twee maande uit, maar toe hy by vanoggend se vloed kom, breek sy stem weer.
Sy tel die Bybel op, blaai na Psalm 23 en lees die eerste vers:
Die Here is my herder. 'n PSALM van Dawid.
Die Here is my herder; niks sal my ontbreek nie … dan kom sy nie verder nie. Maar oomblikke later bid sy met haar helder stem:
Here, soos vir Dawid, is U ook ons Herder en ons weet U sal ons nooit verlaat nie. U genade sal ons nie ontbreek nie. Kom gee ons asseblief nou moed om aan te gaan, om die seisoen weer oor te begin. Here, ons glo in U. Amen.
Hy kyk in haar oë en begin glimlag. Dan kyk hy uit, van die tuin af tot waar die horison die water ontmoet. En sy weet, als sal regkom. Soos ná die droogtes en die brande, die plaasaanval ‘n paar jaar tevore, sal hulle ook hierdeur kom. Ook dié ramp oorwin.
Met al die seën en genade van Bo, stap hulle weer die nuwe toekoms in.
©adéle theron
Januarie 2022
78
Adéle se plek / Re: Jou voetspore...
« Last post by adele on January 16, 2022, 08:00:03 PM »Liewe Petra ...
...79
Adéle se plek / weet jy dat God jou lief het?
« Last post by adele on January 16, 2022, 07:59:06 PM »BOODSKAP 17 Januarie 2022 weet jy dat God jou lief het?
Vriende, kom ons vat weer hande, kom ons loof en prys God tesaam en dra mekaar, want hoe weet jy wat binne-in jou maat langsaan se hart aangaan. Is daar dalk ‘n seer in jou hart wat jy sou wou hê iemand moet help dra … al weet daardie een nie wat die seer is nie?
Kom ons sluit ons oë en buig ons hoofde neer in aanbidding. Ons vat hande in ‘n kring en dra hierdie handevat oor aan iemand wat ver is, of wat nie weet hoe om te bid nie.
Wie is God regtig? Weet jy dat Hy jou lief het, net soos jy is? Ja, maar hoe kan Hy my met my vuil sonde liefhê, wil jy vra. Hoekom, ja hoekom?
Het jy al ‘n skouer gesoek om op te huil; om ‘n seer of bitterheid op af te pak, maar daar was niemand wat jy genoeg vertrou het daarmee nie? In donker dae en diep dongas van angs besluit jy om alleen na die lig te soek. Jy dwaal rond, verdwaal en word banger, dan draai jy om en stap ‘n ent terug op jou angspad. Jy probeer uit die donga klim, voel-voel teen ‘n donker skuinste, maar val terug en bly dan lê, vol skaafplekke wat brand.
Teen hierdie tyd maak jy jouself wys dat die dood nou en hier verkiesliker is as om weer lewenslig te soek. En so gaan sit jy op ‘n hopie, krul jou bene teen jou lyf vas en gee jou heeltemal oor aan die verlorenheid. Selfs jou ore is gesluit; geen geluid bereik meer jou hart nie.
Maar hoekom? Hoekom wil ons nie, voordat ons die wal afval, iemand vertrou nie? Omdat jy vrees dat dit wat jou pla, wat jy verkeerd gedoen het, wat jou na sonde toe lok, die ergste is wat enigiemand nog ooit gedoen het. Jy vrees verwerping van jou geliefdes en die spot en lekkerkry van ander.
Kom ek vra jou weer: weet jy dat Hy jou lief het, net soos jy is? Ja! Omdat Hy jou as rein en skoongewaste sien. Hy sien jou soos wat Christus jou voor Hom neerlê. Hy sien nie meer die sonde nie, want Hy het jou lief. Besef dan nou dat Christus daardie sonde van jou weggevat het en dit oorwin het. Hy is gemartel, tot verminking toe en in daardie helse liggaamlike pyn moes hy ‘n dwarshout vir sy kruis dra, tot Hy inmekaar gesak het. En die pyn van spykers en dorings deur die pyn van sy gegéselde lyf ook nog dra.
Daarom kán en móét ons weet en glo dat ons sonde saam met Hom graf toe is, maar daar agtergebly het, want Hy het opgestaan en dit alles oorwin! Of glo jy eerder dat sy onmenslike lyding nie genoeg was nie. As dit nie vir jou genoeg was nie, wat soek jy dan nog? Nee sowaar, dit kan tog nie dat jy Hom nie met jou angs, pyn en vrees vertrou nie; dat jy nie in sy Liefde glo nie.
Ja, glo in Hom, dan hoef jy geen mens te vrees nie. Stap in sy Voetspore en help elkeen wat jy raakloop langs die pad, om ook só saam te stap. Geniet hierdie nuwe week.
Evangelie-groete met liefde.
adéle theron
Vriende, kom ons vat weer hande, kom ons loof en prys God tesaam en dra mekaar, want hoe weet jy wat binne-in jou maat langsaan se hart aangaan. Is daar dalk ‘n seer in jou hart wat jy sou wou hê iemand moet help dra … al weet daardie een nie wat die seer is nie?
Kom ons sluit ons oë en buig ons hoofde neer in aanbidding. Ons vat hande in ‘n kring en dra hierdie handevat oor aan iemand wat ver is, of wat nie weet hoe om te bid nie.
Wie is God regtig? Weet jy dat Hy jou lief het, net soos jy is? Ja, maar hoe kan Hy my met my vuil sonde liefhê, wil jy vra. Hoekom, ja hoekom?
Het jy al ‘n skouer gesoek om op te huil; om ‘n seer of bitterheid op af te pak, maar daar was niemand wat jy genoeg vertrou het daarmee nie? In donker dae en diep dongas van angs besluit jy om alleen na die lig te soek. Jy dwaal rond, verdwaal en word banger, dan draai jy om en stap ‘n ent terug op jou angspad. Jy probeer uit die donga klim, voel-voel teen ‘n donker skuinste, maar val terug en bly dan lê, vol skaafplekke wat brand.
Teen hierdie tyd maak jy jouself wys dat die dood nou en hier verkiesliker is as om weer lewenslig te soek. En so gaan sit jy op ‘n hopie, krul jou bene teen jou lyf vas en gee jou heeltemal oor aan die verlorenheid. Selfs jou ore is gesluit; geen geluid bereik meer jou hart nie.
Maar hoekom? Hoekom wil ons nie, voordat ons die wal afval, iemand vertrou nie? Omdat jy vrees dat dit wat jou pla, wat jy verkeerd gedoen het, wat jou na sonde toe lok, die ergste is wat enigiemand nog ooit gedoen het. Jy vrees verwerping van jou geliefdes en die spot en lekkerkry van ander.
Kom ek vra jou weer: weet jy dat Hy jou lief het, net soos jy is? Ja! Omdat Hy jou as rein en skoongewaste sien. Hy sien jou soos wat Christus jou voor Hom neerlê. Hy sien nie meer die sonde nie, want Hy het jou lief. Besef dan nou dat Christus daardie sonde van jou weggevat het en dit oorwin het. Hy is gemartel, tot verminking toe en in daardie helse liggaamlike pyn moes hy ‘n dwarshout vir sy kruis dra, tot Hy inmekaar gesak het. En die pyn van spykers en dorings deur die pyn van sy gegéselde lyf ook nog dra.
Daarom kán en móét ons weet en glo dat ons sonde saam met Hom graf toe is, maar daar agtergebly het, want Hy het opgestaan en dit alles oorwin! Of glo jy eerder dat sy onmenslike lyding nie genoeg was nie. As dit nie vir jou genoeg was nie, wat soek jy dan nog? Nee sowaar, dit kan tog nie dat jy Hom nie met jou angs, pyn en vrees vertrou nie; dat jy nie in sy Liefde glo nie.
Ja, glo in Hom, dan hoef jy geen mens te vrees nie. Stap in sy Voetspore en help elkeen wat jy raakloop langs die pad, om ook só saam te stap. Geniet hierdie nuwe week.
Evangelie-groete met liefde.
adéle theron
80
Tradisionele geregte / PM se hoenderlewertjies
« Last post by PM on January 14, 2022, 09:36:21 AM »Ek het die heerlikste hoenderlewertjies gemaak. Jy kan dit met mieliepap, kapokaartappels, rys of 'n broodjie eet. Ek geniet dit net so, warm is heerlik en more oggend as dit koud uit die yskas kom lief ek dit net so. Eet dit maar soos jy daarvan hou.
Ek gebruik 1 kg lewer.
Ek was die lewertjies en berei dit voor. (Sny die seningkies en stukkies waarvan jy nie hou nie af.)
Plaas dit in 'n bak met gaatjies of 'n sif sodat die oortollige water kan afdruk.
Sny dit in stukkies so groot soos jou duim se eerste lid.
Meng die volgende speserye in 'n bak. (Hier kan jy ook jou eie mengsel gebruik, maar die volgende het vir my uitstekend gewerk.)
2 Teelepels hoender speserye
2 Teelepels braaivleis speserye (Ek gebruik six gun spice)
2 Teelepels chillie biltong speserye (Vervang dit met enige steak en tjops speserye.)
1 Teelepel gerookte paprika
1 Teelepel swart peper
Moenie bang wees vir speserye nie. By Westpack koop ek die sampioen speserye, gedroogte uie en gedroogte knoffel stukkies en ek werk dit orals in my kos in. Dit gee geur!
Nou gooi ek al die speserye oor die opgekapte lewerstukkies en meng dit goed deur. Bedek dit met 'n doek terwyl jy die groente doen.
Neem 'n ui en sny dit in klein blokkies.
Ek het groenpeper, rooipeper en drie rissies opgekap en dit eenkant gehou. (Ek koop graag rissies as die prys goed is en hou dit oop in 'n roomysbak sodat dit kan droog word. Dit kap uitstekend op en dan braai ek dit saam met die uie.)
Gooi 'n halwe koppie olyfolie in 'n groot diep pan en braai die ui en die rissiess, dan die pepers.
Ek gooi twee opgehoopte teelepels gekapte knoffel en twee teelepels fyn gemmer (die soort wat klaar verwerk is wat jy by enige supermark kan koop) daarby.
As alles nou lekker gebraai is voeg ek die lewertjies by. Dit is uiters belangrik dat jy die lewertjies net braai totdat dit nie meer pienk is nie. Kyk na 10 minute of jy tevrede is. Bedien dit warm. More oggend warm of koud.
Geniet dit!
Ek gebruik 1 kg lewer.
Ek was die lewertjies en berei dit voor. (Sny die seningkies en stukkies waarvan jy nie hou nie af.)
Plaas dit in 'n bak met gaatjies of 'n sif sodat die oortollige water kan afdruk.
Sny dit in stukkies so groot soos jou duim se eerste lid.
Meng die volgende speserye in 'n bak. (Hier kan jy ook jou eie mengsel gebruik, maar die volgende het vir my uitstekend gewerk.)
2 Teelepels hoender speserye
2 Teelepels braaivleis speserye (Ek gebruik six gun spice)
2 Teelepels chillie biltong speserye (Vervang dit met enige steak en tjops speserye.)
1 Teelepel gerookte paprika
1 Teelepel swart peper
Moenie bang wees vir speserye nie. By Westpack koop ek die sampioen speserye, gedroogte uie en gedroogte knoffel stukkies en ek werk dit orals in my kos in. Dit gee geur!
Nou gooi ek al die speserye oor die opgekapte lewerstukkies en meng dit goed deur. Bedek dit met 'n doek terwyl jy die groente doen.
Neem 'n ui en sny dit in klein blokkies.
Ek het groenpeper, rooipeper en drie rissies opgekap en dit eenkant gehou. (Ek koop graag rissies as die prys goed is en hou dit oop in 'n roomysbak sodat dit kan droog word. Dit kap uitstekend op en dan braai ek dit saam met die uie.)
Gooi 'n halwe koppie olyfolie in 'n groot diep pan en braai die ui en die rissiess, dan die pepers.
Ek gooi twee opgehoopte teelepels gekapte knoffel en twee teelepels fyn gemmer (die soort wat klaar verwerk is wat jy by enige supermark kan koop) daarby.
As alles nou lekker gebraai is voeg ek die lewertjies by. Dit is uiters belangrik dat jy die lewertjies net braai totdat dit nie meer pienk is nie. Kyk na 10 minute of jy tevrede is. Bedien dit warm. More oggend warm of koud.
Geniet dit!