Lemniskaat Gedig struktuur

[Meraai vannie Baai]

Wat is ’n Lemniskaat?

Die lemniskaat is die wiskundige simbool vir oneindigheid: ’n horisontale 8, twee lusse/pole wat mekaar in die middel oorkruis en dan weer terug beweeg, vorm ’n pad wat nooit eindig nie -
'n oerbeeld van beweging.

In poësie beteken dit:

•   twee strome/pole wat mekaar kruis
•   twee bewegings wat nooit ophou nie
•   ’n voortdurende terugkeer
•   ’n pad wat nie begin of einde het nie
•   ’n geheue wat verdwyn én bly, gelyktydig

Dit is die perfekte vorm vir ’n gedig oor demensie: een spoor onthou, die ander vergeet — en hulle draai vir ewig om mekaar by die plek van wending (die kruispunt tussen die twee pole).

HOE WERK DIT?

’n Lemniskaat gedig bestaan uit vier dele:
1. Pool A — Beginbeeld
Begin met ’n eenvoudige, skerp beeld. Iets soos stof, wind, klip, asem, stilte, son.

2. Die Kruising — Die Wending
’n Enkele lyn waar die gedig draai. Dit is die “wending in die middel van die omgekeerde 8”.

3. Pool B — Terugkeerbeeld
’n Beeld wat weerkaats op die eerste een, maar nou verander, verdiep, of omgekeer vertoon.

4. Die Slot — Die Eenwording
’n Kort, skerpsnyende sin of woord wat wys dat die twee pole nou een beweging geword het.

Voorbeeld

Daar waar ek stagnant bly swerf
nóg hier nóg daar,
waar sterre snags slaap
in ewige sirkelgang..
©Meraai vannie baai

[Meraai vannie Baai]

Nog Kort voorbeelde

Die omgedraaide agt

So leef ons onbewus
twee pole
een draai
’n lemniskaat van saam.

Waar gaan alles eindig?
Waarskynlik nêrens nie of dalk oral
starend oor die rand van onsekerheid
want jy staan by die kruising
met een voet in oer oue wysheid
en die ander in jou toekoms

Weerprofeet

Ek voorspel reën met groot oortuiging,
want die lug ruik na belofte.
Toe draai die wind;
bly dit kurkdroog vir drie dae.
Selfs profete het soms ’n afdag.

Wat sal ek wees sonder woordpret,
tussen lig en donker – laf en ernstig
griffel ek in die kuberruim
met 'n kale 26 lettertjies.

Grensloos
Stukkies van iewers,
brokkies van nêrens,
swart en wit reënboogland
sonder grense.

Nie hier of daar

Daar waar niks alles is en alles niks is
swerf ek waar die wêreld kantel
nóg hier nóg daar
in die hoek van 'n sirkel.

©Meraai vannie baai

[Meraai vannie Baai]

Engelse voorbeeld slegs geleen met erkenning:

The magic of the 8
By Michelle Morris
08/09/2024

The magic of the 8
Infinity in itself
Round and round and round
Time is everywhere at once
The magic of the Universe
Expanding from that one place
We are all connected
In time and souls and space

© Michelle Morris, 2024

8 (sideways 8) Infinity symbol or Lemniscate

[Meraai vannie Baai]

Ek het drie foto samestellings by my Gevreetboek- erf geplaas wat gebruik sal word in die Flip-Book weergawe van verskeie gedigstrukture waar ek die riglyne in Afrikaans geskryf het. Daar is ook 'n skakel hierheen vir die ouens wat op ons erfie gaan draai en belangstel om 'n draai te kom maak op die Forum tussen die skatkis vol strukture wat PM en Naas ook gedeel het.  Die forum leeeeef julle!
Daar is gemiddeld oor 'n duisend gaste daagliks. Groot jammerte dat hulle status onaktief is 

Die ouvrou was vanoggend besig om baba-peppers voor te berei vir aandete toe my oog die perfekte omgedraaide agt (Lemniskaat vorm) eien. Net daar verkas ek uit die kombuis en neem plaas voor die tikkertjie ... die res is nou geskiedenis 

1. Die Pepper‑Oomblik
“Waar die alledaagse draai en die oneindige sigbaar word.”

2. Die Asem‑Trilogie
“Twee pole. Een asem. ’n Lewende lemniskaat.”

3. Die Mistieke Karoo‑toon
“Waar asem sy spoor kruis en stories begin.”

Hier is my weergawe van 'n Karoo Mistieke Oorsprong van die Lemniskaat

Voor daar woorde of sterre was,
was daar net 'n Asem in die donker

Asem het nie geweet waarheen nie
en begin dwaal, links en regs...

tot dit sy eie spoor gekruis het en
twee word een waar stilte draai

met die wete - hier skuil stories
by 'n kruispunt vasgenael

het Asem weer gedraai
en weer gekruis...

tot die eerste Lemniskaat
soos 'n onsigbare spoor
op sy rug, in die stof bly lê het.