Koffie?

[Meraai vannie Baai]

Naa, ek wil nou daai 'shut' beduie en hier moet mens ook versigtig lees anders klink dit of Outoppie droog maak en plaas van al die instrumente  uithaal, herprogrammeer indien nodig, weer installeer en kalibreer wat so kragstasie bedryf aan die gang hou. Vir twee maande lank word alles 'gestrip, gefieks en teruggesit'. Shut klink korter hahahah.

[Anastasia]

Ek hoor dis bra koud daar sonder pramfien!  Hie hie.   

[Meraai vannie Baai]

Ek giggel onbedaarlik. Daardie woord van jou het my gedagtes ophol Anastasia  en op die vrolike noot gaan ek inkom vir landing. Dit is pure nag hier by ons en ek het by tafeldek uitgekom en verder elke paar minute hier kom inloer. Outop geniet gelukkig nog 'n rooietjie en loer na wat op sy poskoets beland het. Dankie vir die koffie Anton. En ook al die saamkuier met ons maats soos van ouds. My hart klop warm vanaand.

[PM]

Dankie Anton, ek hou my groot beker.  Swart sonder suiker asseblief.  Ek is koffieverslaaf.  Ek sal ook meer wil weet van "daai plek". 


Raaitjie,  Hannes sê dit is seker 'n instandhoudings uitskakeling.  (Maintenance shut down)


Hier waar ons in Leeupoort woon het ons gewoonlik so twee tot drie dae 'n week "kamp" wanneer eers die krag en dan die water, of die krag en die water af is.  Dan gaan haal ons water by die watertenk en maak kos op die vuur.  Gewoonlik maak ons 'n vuurtjie saans en maak 80% van ons kos daarop.  Iemand wat wil kom saam kamp?

[Anastasia]

Hannes is 'n slim en wyse man, hy kom seker uit die Ooste  - PM hier op die suidkus is ons kort kort sonder water en/of krag.  So frustrerend

[Naas]

Stem saam PM. Instandhouding is die woord. Ongelukkig word dit deesdae hier by ons met 'afbrand' verwar.

[Anton Louw]

Val ek amper agteroor en dink ek is op kampforum toe ek meraai se mooi wa foto's sien.  Julle kamp in styl daar anderkant (-:

Anastasia, ek was al in Tana, ek vlieg eintlik Majunga toe in die noordweste en kom weer Donderdag terug.  In Majunga oornag ek waarna ek dan verder suidwes vlieg met 'n klein vliegtuigie.   Ek gaan na 'n groot garnaal plaas om 'n voorlegging te doen.  Slaap een nag op die garnaal plaas en dan weer die tog terug Tana en Oliver toe! (-:   Dit is werk, weg van my vrou en seuntjies af, alleen.

PM ek is bly ek het 'n koffie maatjie gevind   

Vir Naas en die ander wie graag wil sien hoe kamp ons:    https://www.kampforum.co.za/node/25      (glad nie so grand soos tannie meraai  nie)     

Nou moet ek weer werk en seker by die ander forum ook gesels, hulle gaan afgeskeep voel.

[Anton Louw]

Ek wou nog noem, hierbo wou ek Shrimp geskryf het, maar te danke aan julle raad het ek die moeite gedoen en dit gaan vertaal na garnaal. 

[Meraai vannie Baai]

Garnaal... dit rol so lekker van kies tot kies. Ek het jou wrintiewaar vergeet wat dit in Afrikaans is. Dankie Anton 

[PM]

Dit is wonderlik dat jy werklik mooi suiwer Afrikaans wil skryf en praat. Ons sukkel soms self om stil te staan en die regte woord toe "soek".  Dit is egter elke ou se eie voorkeur en ons sal niemand daaroor veroordeel nie. 

[Anastasia]

Mensig, Anton, maar jy IS deftig met jou afrikaanse woord vir shrimp.  Ek het amper gedog 'n garnaal is 'n grootkop in die weermag.  Gewonder of ek 'n saluut moes doen

[Meraai vannie Baai]

  Ek het amper gedog 'n garnaal is 'n grootkop in die weermag.  Gewonder of ek 'n saluut moes doen

My lagpil vir die dag in. Anastasia - drukkie vir jou mater!

[Anton Louw]

Goeie more afrikaanse forum!   Julle moet almal 'n heerlike dag he!   Hier by ons waai die winde, dit is nou in Centurion.

Koffie? 

[Anastasia]

Baie dankie vir die wakker word koffie.   

[Anton Louw]

Ek het vir jou tee gemaak Anastasia.