Author Topic: Vertaling in Afrikaans gevra deur die voorsitter van PHSA  (Read 13574 times)

0 Members and 1 Guest are viewing this topic.

Meraai vannie Baai

  • Guest
Vertaling in Afrikaans gevra deur die voorsitter van PHSA
« on: October 12, 2012, 07:50:07 AM »
Liewe Maters,

Hier is geleentheid vir ons forum om betrokke te raak by 'n bekendmakingsveldtog vir 'n goeie doel. Die voorsitter van PHSA is ernstig opsoek na iemand wat ken help om hulle blad in Afrikaans te vertaal. Ek het aangebied om dit hier na die forum te bring  :love7: dalkies kan ons help?

As hierdie foto te onduidelik hier vertoon kontak my per epos en ek stuur vir jou die oorspronklike blaai aan. Het dit reeds vir onse forum moedertjie aangestuur wat dadelik haar hulp aangebied het. PM ons lieffffff jou. Watter pragtige voorbeeld stel jy nie vir ons almal.

 :love7: :notworthy: :icon_salut:

« Last Edit: October 12, 2012, 10:33:35 PM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #1 on: October 12, 2012, 10:14:59 AM »
Raaitjie, het jy nie die webtuiste se skakel nie?  Dit kan dalk help.

Julle ouens, ek het probeer, kom help asseblief as julle iets kan verbeter.  

PHSA is geregistreer as 'n nie-winsgewende-organisasie.

By baie pasiente is Pulmonale Hipertensie gewoonlik 'n voortdurende (permanente) toestand.
PH sal nie vanself verbeter of verdwyn nie en alhoewel mediese behandeling of medisyne baie doeltreffend is om die toestand te beheer, kan dit nie PH genees nie.  
Die simptomatiese behandeling deurmiddel van medikasie, help pasiente om beter te voel.  
Dit help pasiente om makliker asem te haal, werk moegheid teë, beperk watersug (edeem), verlig die gevoel van benoudheid en kan help met borspyne.
Medikasie stel pasiente met Pulmonale Hipertensie daartoe in staat om liggaamsoefeninge te doen en 'n beter kwaliteit lewe te lei.
Dit verleng lewens.  

PHSA het fondse dringend nodig om pasiente te help om medikasie te koop wat dikwels nie deur mediesefondse gedek word nie.  PHSA is geregistreer as 'n organisasie wat nie wins maak nie.

PHSA se doelwit is om pasiente met hierdie toestand, bymekaar te bring,  
om opleiding te verskaf en die algemene publiek bewus te maak van PH.
PHSA wil 'n daadwerklike verskil maak aan pasiente se lewenskwaliteit.
Enige bydrae - hoe klein ookal - sal ons help om ons doelwit te bereik.  
Dit is u bydrae wat ons in staat sal stel om ook 'n nuusbrief uit te gee, webtuiste te onderhou, bepleiting- en bewusmakingsprogramme en ander belangrike inligting te sirkuleer.

Hoop, ondersteuning en kennis, skep geleenthede.

As u meer inligting wil hê, gaan na die webtuiste:

Donasies kan gemaak word by:

PHA  Suid Afrika
ABSA  BANK
Tjek rekening
Rekening nommer:  4077933068
Takkode:  632005
N1 City Branch
« Last Edit: October 15, 2012, 08:18:52 AM by PM »
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #2 on: October 12, 2012, 10:26:44 AM »
Duisend en tien dankies sover matertjie  :love7: :notworthy: Hier is hulle webtuiste:
www.phsa.co.za

Ek sien daar is nog een blaadjie met fotos op. Ek sal kyk of mens kan uitmaak wat op dit staan as ek die foto copy soos vorige een. Dit is op hulle FB. Hier is die skakel:
https://www.facebook.com/#!/photo.php?fbid=517542638260882&set=a.517539784927834.134822.504797102868769&type=1&theater
« Last Edit: October 12, 2012, 10:24:31 PM by Meraai vannie Baai »

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #3 on: October 12, 2012, 10:51:11 AM »
Hier is Denneys se versoek soos dit op FB verskyn:

Vriende en Familie, wil u graag PHSA help? Dis min gevra, maar ek soek iemand asseblief wat KAN!!! Ons wil graag die bewoording op ons bewusmakings pamflet in AFRIKAANS ook kan deel! Julle slimmes in my FB vriendekring, ek vra julle hulp asseblief!!!! Stuur asseblief vir my in Boodskap of e pos my op niemandts@iburst.co.za
 
DANKIE, Dit sal NoPHember 'n spesiale PH bewusmakings maand maak!!


*Ek het die agterkant van die blaai in drie dele gecrop. Dalk lees dit makliker so





« Last Edit: October 12, 2012, 10:24:09 PM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #4 on: October 12, 2012, 11:14:13 AM »
Dankie vir hierdie inligting.  Dit is waardevol en laat 'n mens beslis beter verstaan.  

Hier is die ander gedeelte.  Julle ouens, dit is 'n ernstige saak en kom help asseblief om dit perfek te kry.  

Die doelwit van PHSA - The Pulmonary Hypertention Association of South Africa

Die regte van PH-lyers te bepleit, stemme te verwerf,  wetgewing en beleid in plek te kry om hierdie regte te beskerm.

Maatreëls te bevorder en te ondersteun wat die toestand sal voorkom, wat gevalle van PH en die ernstige gevolge daarvan sal verminder.

Navorsing te doen en beleid te formuleer vir PH om sodoende bekwame diens te lewer.

Die algemene publiek te leer en bewus te maak aangaande PH.

Ondersteuningsgroepe te begin en te lei, ter ondersteuning van pasiente met verskillende behoeftes in verskillende areas.

Deur middel van uitgebreide programme die bestuur te bekwaam.

Hulpbronne in plek te kry vir aanwending ten behoefte van die organisasie.  

Die algehele funksies van die organisasie, asook die geaffilieerde takke, te monitor en te bereken.

Netwerk en vorm strategiese vennootskappe met ander rolspelers.

Koördineer 'n nationale-databasis van pasiënte.

Verhef die uitvoerbaarheid van die organisasie en verseker gesonde leiding. (beheer?)

Om al bogenoemde regmatig toe te pas soos voorgeskryf deur die wet op "Non Profit Organisations Act" van 1997 en klousule 30(1) van die "Income Tax Act" wet 58 van 1962.

PHSA-BESTUUR

Mnr. Denneys Niemandt - Voorsitter
E-posadres:  niemandt@iburst.co.za
« Last Edit: October 13, 2012, 05:51:33 AM by PM »
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #5 on: October 12, 2012, 10:27:55 PM »
Ek het omtrent kop gekrap oor wat is die korrekte titel vir iemand wat so organisasie hanteer,  :icon_bigsmurf: kon net 'president' onthou. PM, toe ek jou pragtige vertaling kry sien ek die woord wat my ontwyk het: Voorsitter. Kom verander ek gou die benaming by al ons plasings.

Dankie liefste forum moedertjie vir jou passie, liefde en omgee. Die vertalings is puik gedoen  :hello2: :notworthy: :icon_salut:
« Last Edit: October 12, 2012, 10:31:28 PM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #6 on: October 13, 2012, 04:58:28 AM »
Hy kan seker die president ook wees matertjie.  Ek het net op die vormpie gesien "chairperson" maar hulle sal die geleentheid kry om self te verander waarmee hulle nie gelukkig is nie.  Eers wil ek hier vir almal vra om asseblief te help om dit reg te ruk.  

Hier is die laaste gedeelte:

WAT IS  PULMONALE  HIPERTENSIE
Pulmonale Hipertensie is 'n siekte wat die slagare in die longe vernou en sodoende 'n verhoogde bloeddruk in die longe veroorsaak.
Die nagevolg is dat die hart vergroot en dit kan lei tot hartversaking.
Dit kan met enige persoon gebeur, ongeag die ouderdom, geslag, sosiale- of etniese-afkoms.

DIE  HART  EN  SIRKULASIESTELSEL
Om Pulmonale Hipertensie beter te begryp, sal dit help om die sirkulasiestelsel te verstaan.
Die funksie van die regterkant van die hart is om bloed sonder suurstof, vanaf die liggaam, in die regterhartvoorkamer op te neem. Vanaf die regterhartvoorkamer vloei die bloed deur die trikuspidale klep na die regterhartkamer. Hier word dit deur die pulmonale klep gepomp en vloei dit deur die longslagaar na die longe. In die longe word koolstofdioksied uit die bloed gesuiwer en suurstof in die bloed in opgeneem. Die linkerkant van die hart ontvang die bloed ryk aan suurstof, van die longe, na die linkerhartvoorkamer.  Van die linkerhartvoorkamer beweeg die bloed na die linkerhartkamer en word dit van daar na die hele liggaam versprei.

Die skets toon aan (in blou) suurstofarmbloed wat van die hart na die longe gepomp word.
In rooi word die suurstofrykbloed van die longe na die hart gepomp.

Gedurende oefening klop die hart vinniger om meer suurstof na die spiere deur te stuur.  Terselfdertyd sit  die longslagare wat  bloed na die longe vervoer uit, om meer bloed deur te laat.  Die are in die longe rek effens.
Die longslagare van die persone wat aan Pulmonale Hipertensie ly, is nouer en kan dus nie soveel rek as wat nodig is nie.

DIE  LONGSLAGAAR  BY  'N  GESONDE  PERSOON

Die longslagaar reageer op die vinniger hartklop deur te rek om sodoende meer bloed deur te laat.

DIE  LONGSLAGAAR  BY  'N  PERSOON  WAT  PULMONALE  HIPERTENSIE  HET

Die vernoude longslagaar het nie die vermoë om genoegsaam te rek in reaksie van die vinniger hartklop nie.

By 'n persoon met Pulmonale Hipertensie moet die hart nou baie harder werk om die bloed deur die vernoude longslagaar te pomp.  Wanneer die hart oor 'n lang tydperk soveel harder moet werk, werk dit nie meer so effektief nie.

SIMPTOME  VAN  PH  KAN  ONDERMEER  INSLUIT:

Ademloos of kort aan asem wat vererger word deur aktiwiteit.
Gedurige gevoel van moegheid.
Lighoofdigheid, veral wanneer gestaan word, of wanneer trappe geklim word.  
Geswelde enkels, bene en/of maag.
Borspyn, veral wanneer fisiese aktiwiteit plaasvind.
Pasiënte kan ook flou word.

SLUIT  AAN  BY  PHSA

As jy of een van jou geliefdes aan Pulmonale Hipertensie ly, kan ons vir jou inligting, ondersteuning, hoop en 'n geleentheid bied om aktief betrokke te raak by PHSA.

PHSA (Pulmonary Hypertension Association South Africa) is gestig deur pasiënte vir pasiënte.  Ons is hier vir jou as 'n bron van inligting, ondersteuning, samelewing en hoop.  Ons pasiënte is ingelig, het begrip, is 'n inspirerende groep mense wat gretig luister en hul eie ervarings deel.

Die Pulmonale Hipertensie-gemeenskap is geskoei op persoonlike verhale van pasiënte, versorgers, vriende, familie en mediese span.    Al hierdie verhale is kragtige gereedskap om die algemene publiek in te lig oor Pulmonale Hipertensie en bewusmaking te bevorder.  

Elkeen van ons het 'n storie om te vertel.  Jou stem en jou storie is belangrik vir ons.  Die eerste stap van bewusmaking van Pulmonale Hipertensie aan die wêreld, begin by jou.  Saam staan ons sterker en kan ons meer doen.  Om lid van PHSA te word beteken dat jy help om 'n verenigde gemeenskap, oor die land, daar te stel.

Ons wil jou graag leer ken. Sluit vandag nog by ons aan.  

Om aan 'n rare siekte te ly kan soms eensaam wees, maar jy is nie alleen nie.  Deur uit te reik na ander wat elke dag met dieselfde kwessies leef, wat in dieselfde situasie is en soortgelyke ervarings deel, sal jy kennis maak met 'n gemeenskap wat inligting en ondersteuning kan bied, asook hoop vir die toekoms.

Lees van ander Pulmonale Hipertensie-gemeenskapslede se ervarings en deel ook jou ervarings met ons.

Pulmonary Hypertension South Africa
Webtuiste:  www.phsa.co.za
Telefoonnommer:  021 9308362  
Selfoonnommer:    082 5204129
E-posadres:  niemandts@iburst.co.za
Faxnommer:  086 6951916
« Last Edit: October 15, 2012, 01:09:51 PM by PM »
Om te weet is om te verstaan.

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #7 on: October 14, 2012, 05:20:26 PM »
Hier kom val ek nou eers in die bus - as ek dalk herhaal vergewe - want ek gaan nou moet vinnig lees om te in the haal  :love7:

Ek sou eerder sê : PHSA is geregistreer as 'n nie-winsgewende organsisasie

Ek het so 'n jaar terug nog vir Yade in Bloemfontein gehelp met hulle website - dit word nou deur iemand anders gedoen
maar dis die bewoording wat hulle ook gekry het om te gebruik by die Department of Social Development  ... kyk op hulle webtuiste : http://www.yade.org.za/index.php?option=com_content&view=article&id=24&Itemid=25

Raaitjie, het jy nie die webtuiste se skakel nie?  Dit kan dalk help.

Julle ouens, ek het probeer, kom help asseblief as julle iets kan verbeter.  

PHSA is geregistreer as "'n geenwinsorganisasie".

By baie pasiente is Pulmonale Hipertensie gewoonlik 'n voortdurende (permanente) toestand.
PH sal nie vanself verbeter of verdwyn nie en alhoewel mediese behandeling of medisyne baie doeltreffend is om die toestand te beheer, kan dit nie PH genees nie.  
Die simptomatiese behandeling deurmiddel van medikasie, help pasiente om beter te voel.  
Dit help pasiente om makliker asem te haal, werk moegheid teë, beperk watersug (edeem), verlig die gevoel van benoudheid en kan help met borspyne.
Medikasie stel pasiente met Pulmonale Hipertensie daartoe in staat om liggaamsoefeninge te doen en 'n beter kwaliteit lewe te lei.
Dit verleng lewens.  

PHSA het fondse dringend nodig om pasiente te help om medikasie te koop wat dikwels nie deur mediesefondse gedek word nie.  PHSA is geregistreer as 'n organisasie wat nie wins maak nie.

PHSA se doelwit is om pasiente met hierdie toestand, bymekaar te bring,  
om opleiding te verskaf en die algemene publiek bewus te maak van PH.
PHSA wil 'n daadwerklike verskil maak aan pasiente se lewenskwaliteit.
Enige bydrae - hoe klein ookal - sal ons help om ons doelwit te bereik.  
Dit is u bydrae wat ons in staat sal stel om ook 'n nuusbrief uit te gee, webtuiste te onderhou, bepleiting- en bewusmakingsprogramme en ander belangrike inligting te sirkuleer.

Hoop, ondersteuning en kennis, skep geleenthede.

As u meer inligting wil hê, gaan na die webtuiste:

Donasies kan gemaak word by:

PHA  Suid Afrika
ABSA  BANK
Tjek rekening
Rekening nommer:  4077933068
Takkode:  632005
N1 City Branch

Die lewe bring storms, maar God gee krag!
http://w

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #8 on: October 14, 2012, 05:35:31 PM »
Die persoon in beheer van 'n NPO kan wees :

The president / Die president (dikwels die Founder member of een van die Founder Members)
The Director / Die Direkteur  (gewoontlik maar die een)
Chief Executive Officer  / Hoof-Uitvoerende Beampte
 

The Chairman / Voorsitter - gewoontlik van 'n klub - soos die digters klub ens.
Die lewe bring storms, maar God gee krag!
http://w

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #9 on: October 14, 2012, 06:33:36 PM »
My nursing background laat my die woorde eerder so wil lees - ek edit sommer PM sin :-)  kyk net na my SPELLING asb

LET OP julle het die rooi en blou bloed omgeruil - rooi gaan weg van die hart - blou kom na die hart

Dan is ek ook nie seker of die longslagaar hier van ter sprake is nie, maar eerder die longare - ek sal met 'n dr vriend van my check - hy is 'n hart/long specialis en hy korrek baie keer my Afrikaans vir my ...   (Raaitjie stuur vir my die oorsprongklike documente wat vertaal moet word - dan sal ek die vraag vir hom aanstuur) - Dr Roy Spammer

Ek sou ook glad nie PH gebruik om Pulmonale Hipertensie mee af te kort nie - meeste mense sal dit verwar mt PH- die suur gehalte van die liggaam/plant of swembad - dis ook hoekom ons nie MS vir Moebius Syndrome gebruik nie - meeste mense dink onmiddelik aan Multiple sclerosis

As ek reg verstaan - is hierdie 'n bewysmakings veldtog en om inligting bekend te maak - skryf dus die woord liewers uit as om mense te laat dink aan : The pH scale measures how acidic or basic a substance is.  of PulHip (Afr)  PulHyp (Eng)  kan dalk werk :-)  net 'n voorstel



Hier is die laaste gedeelte:

WAT IS  PULMONALE  HIPERTENSIE

Pulmonale Hipertensie is 'n siekte van die longslagare wat verdiking van die longslagare tot gevolg het en sodoende 'n verhoogde bloeddruk in die longe tot gevolg het. Dit het die nadelige gevolg dat die hart vergroot en kan lei tot hartversaking. Dit kan met enige persoon gebeur, ongeag die ouderdom, geslag, sosiale- of etniese-afkoms.

DIE  HART  EN  SIRKULASIESTELSEL

Om PULMONALE  HIPERTENSIE beter te begryp sal dit help as jy deeglik kennis van die sirkulasiestelsel dra.
Suurstofarmbloed word op die skets in blou aangetoon.  Suurstofarmbloed word van LONGE NA DIE HART gepomp. (longe vul bloed met suurstof)
Suurstofrykbloed  word in rooi aangetoon. Suurstofrykbloed word van die HART na die LONGE gepomp. [/b]

Gedurende oefening klop die hart vinniger om meer suurstof na die spiere deur te voer.  
Terselfdertyd sit  die longare, wat  bloed na die longe vervoer, uit (in ander woorde : rek bietjie uit)  om meer bloed deur te laat.  
'n Persoon met PULMONALE  HIPERTENSIE, se longare is verdik en kan dus nie voldoende uitrek nie.


DIE  LONGAAR  van  'N  GESONDE  PERSOON (ek mag verkeerd wees - maar dit voel eerder of dit van 'n gesonde persoon moet lees)

Die longaar reageer op die vinniger hartklop deur te rek om sodoende meer bloed deur te laat.

DIE  LONGAAR  BY  'N  PERSOON  WAT  PH  HET

Die verdikte longaar het nie die vermoë om genoegsaam te rek in reaksie op die vinniger hartklop nie.

'n persoon met PULMONALE  HIPERTENSIE  se hart moet baie harder werk om die bloed deur die verdikte longaar te pomp.  'n Langdurige tydperk van die toestand het tot gevolg dat die hart minder effektief funksioneer.


SIMPTOME  VAN  PULMONALE  HIPERTENSIE  KAN  ONDERMEER  INSLUIT:

Asemloos of kort aan asem, wat vererger word deur aktiwiteit.
Chroniese moegheid.
Lighoofdigheid, veral wanneer staan of  as trappe geklim word.  
Geswelde enkels, bene en sels die  abdominale gebied.
Borspyn, veral wanneer fisiese aktiwiteit plaasvind.
Floutespels

SLUIT  AAN  BY  PHSA

As jy of een van jou geliefdes aan Pulmonale Hipertensie ly, kan ons vir jou inligting, ondersteuning, hoop en 'n geleentheid bied om aktief betrokke te raak by ons gemeenskap.

PHSA (Pulmonary Hypertension Association South Africa) is gestig deur pasiënte vir pasiënte.  Ons is hier vir jou as 'n bron van inligting, ondersteuning, samelewing en hoop.  Ons pasiënte is ingelig, het begrip, is 'n inspirerende groep mense wat gretig luister en hul eie ervarings deel.

Die Pulmonale Hipertensie -gemeenskap is geskoei op persoonlike verhale van pasiënte, versorgers, vriende, familie en mediese span.    Al hierdie verhale is kragtige gereedskap om die algemene publiek in te lig oor Pulmonale Hipertensie  en bewusmaking te bevorder.  

Elkeen van ons het 'n storie om te vertel.  Jou stem en jou storie is belangrik vir ons.  Die eerste stap van bewusmaking van Pulmonale Hipertensie aan die wêreld, begin by jou.  Saam staan ons sterker en kan ons meer doen.  Om lid van PHSA te word beteken dat jy help om 'n verenigde gemeenskap, oor die land, daar te stel.

Ons wil jou graag leer ken. Sluit vandag nog by ons aan.  

Om aan 'n rare siekte te ly kan soms eensaam wees, maar jy is nie alleen nie.  Deur uit te reik na ander wat elke dag dieselfde bootjie roei, sal jy kennis maak met 'n gemeenskap wat inligting en ondersteuning kan bied, asook hoop vir die toekoms.

Lees van ander Pulmonale Hipertensie-gemeenskapslede se ervarings en deel ook jou ervarings met ons.

Pulmonale Hipertensie Suid Afrika
Webtuiste:  www.phsa.co.za
Telefoonnommer:  021 9308362  
Selfoonnommer:    082 5204129
Vonkpos:  niemandts@iburst.co.za
Faxnommer:  086 6951916

Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #10 on: October 15, 2012, 12:15:42 AM »
Duisend dankies vir elkeen se bydrae en hulp sover. PH is 'n erkende afkorting van die toestand Pulmonary Hypertension Willa, en word wereldwyd gebruik. Daar is talle dokters en spesialiste wat nog nooit 'n pasient gehad het met hierdie toestand. Daarom het die PH organisasies hulle self die taak opgele om mense in te lig rondom hierdie terminale toestand.

Dit is vir my 'n riem onder die hart dat ons die voorreg het om ons klein deeltjie by te dra deur hierdie inligtings blaai van Denneys hulle in Afrikaans te help vertaal.

Doet voort!!  :love7: :notworthy: :icon_salut:
« Last Edit: October 15, 2012, 04:08:24 AM by Meraai vannie Baai »

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #11 on: October 15, 2012, 12:51:22 AM »
Dat dit 'n erkende afkorting is - stry ek nie - nes MS vir Moebius Syndrome

maar dit gaan mos oor 'n veldtog om bewus te maak - dus wil mens die onnodige vervaaring of verkeerde aannames vermy ...

MS word met Multiple Sclerosis geasosieer - en omdat ons Moebius Syndrome awareness campaigns run - gebruik ons glad nie MS vir Moebius Syndrome nie - alhoewel dit 'n Internationale erkende afkorting vir Moebius Syndrome is.  Maar so is dit ook vir Multiple Sclerosis wat meer bekend is. 

Dus om die gedagtes te bepaal en te focus op Moebius Syndrome - skryf ons liefs die woord voluit.

Daarom het ek net voorgestel, of genoem dat as PH my bewusmaaking veldtog was - ek glad nie van PH as afkorting sou gebruik maak nie - omdat meeste mense (selfs medisie - eerder aan die PH-balance van die liggaam o.a. sal dink - eerder as Pulmonary Hipertension

Pulmonary Hipertension is 'n lang woord - so mens sou dit natuurlik wou afkort en daarom stel ek voor: PulHip (Afr)  PulHyp (Eng)

DIS NIE "N MOET NIE - NET "N VOORSTEL UIT DIT WAT ONS MET MOEBIUS SYNDROME GELEER HET.  Ons het nog nie 'n afkorting vir Moebius Syndrome nie - ons skryf dit maar eerder uit .  Ons het MoeSyn oorweeg - maar omdat die algemene publiek geen idee het van Moebius Syndrome nie en meeste medisie ook glad nie - behalwe pediaters wat spesiliaseer en gewoontlik die diagnose maak ... het ons besluit om in al ons pamflette en leeswerk die diagnose voluit te skryf/tik ... sodat imprint on the mind of the reader ...

skies vir my rooi en boer deur mekaar ...  :icon_scratch:
Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #12 on: October 15, 2012, 03:36:30 AM »
Ek verstaan jou punt mater maar die terme word wereldwyd gebruik en in Afrikaans is dit ook die eerste letter van elke woord wat gebruik word vir die afkorting (Pulmonale Hipertensie) en kan verwarring geskep word as ons dit nou verander.

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #13 on: October 15, 2012, 03:48:34 AM »
 :toothy4:  Ek sou eerder maar die lang pad neem en die woord uittik .. maar dis nou ekke daai :-)
Die lewe bring storms, maar God gee krag!
http://w

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #14 on: October 15, 2012, 08:13:24 AM »
Baie dankie vir jou inset Wils.  Ek kon om die dood toe nie onthou wat is die regte benaming vir 'n organisasie wat nie wins maak nie. Baie dankie vir jou hulp, ek sal dit so verander.

Ja, ek het 'n fout gemaak, suurstofRYKbloed word na die liggaam versprei.  Ek sal weer aandag daaraan moet gee.

Die funksie van die regterkant van die hart is om bloed sonder suurstof, vanaf die liggaam, in die regterhartvoorkamer op te neem. Vanaf die regterhartvoorkamer vloei die bloed deur die trikuspidale klep na die regterhartkamer. Hier word dit deur die pulmonale klep gepomp en vloei dit deur die longslagaar na die longe. In die longe word koolstofdioksied uit die bloed gesuiwer en suurstof in die bloed in opgeneem. Die linkerkant van die hart ontvang die bloed ryk aan suurstof, van die longe, na die linkerhartvoorkamer.  Van die linkerhartvoorkamer beweeg die bloed na die linkerhartkamer en word dit van daar na die hele liggaam versprei.

Ek kan nie help om te glimlag oor PH nie.  Dit is soos PM, kan staan vir "na-middag" of PM9- batterye en as jy die S byvoeg (PMS) kan dit weer 'n heel ander wending neem.  :icon_biggrin:
Ek dink ons sal hier raad moet kry by Denneys.  Ek stem saam met Raaitjie dat dit moeilik sal wees om dit nou te verander.  Skryf dan liewers die woorde heeltemal uit en dit is so, herhaling laat die woorde vassteek. 

Dankie vir jou hulp.  Dit wys maar net weer, hoe meer koppe hoe meer vreugde!  :headbang:





Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #15 on: October 15, 2012, 11:44:40 AM »
Ek sien in die koerante waar melding gemaak word van Denneys hulle se veldtog teen PH, word daar na hom verwys as  Mnr. Denneys Niemandt (52) van Kaapstad is die voorsitter van die Suid-Afrikaanse Pulmonêre Hipertensie-vereniging. So jou benaming was eenhonderd in die kol PM mater  :notworthy:

Die volgende berig plaas ek bloot vir meer inligting rondom hierdie toestand:

http://afrikaans.news24.com/Sci-tech/Nuus/Seldsame-bloedvatsiekte-kom-in-soeklig-20111122-2

Stellenbosch – Sover bekend ly net 24 Suid-Afrikaners aan die seldsame bloedvatsiekte pulmonêre hipertensie (PH), maar dié syfer kan misleidend wees.

Dié siekte, waarvoor daar geen teenmiddel is nie, het onlangs hier by ’n buitengewone ontbyt in die soeklig gekom.

PH veroorsaak onder meer hoë bloeddruk in die longe.

Dokters verwar in sekere gevalle die simptome van PH met dié van asma of brongitis.

Daar heers steeds ’n mate van onkunde oor die siekte.

Medikasie vir PH in Suid-Afrika is boonop beperk en duur.

Dit beloop tot R6 000 per maand en die Suid-Afrikaanse PH-vereniging sê die meeste mediese fondse dek dit nie.

Denneys Niemandt (52) van Kaapstad, voorsitter van die vereniging en ’n PH-lyer, het vertel hoe dokters hom oor ’n tydperk van 20 jaar verkeerd gediagnoseer het.

In een geval het ’n spesialis gesê hy moet ophou om homself “siek te dink”.

Nadat Niemandt in 2006 met erge borspyn in die hospitaal opgeneem is, het die Kaapse kardioloog dr. Jan-Peter Smedema PH by hom gediagnoseer.

“Die grootste uitdaging is dat ek altyd baie aktief was en nou die heeltyd moeg is.

“My droom is dat daar meer opvoeding oor en bewustheid van PH in Suid-Afrika sal wees,” het Niemandt gesê.

Wat is PH?

Dit is ’n seldsame siekte wat ’n erge vernouing van die bloedvate in die longe veroorsaak, het dr. Paul Williams, ’n longspesialis van Johannesburg, by die ontbyt gesê.

Die regterkantste deel van die hart word aangetas, omdat dié deel harder moet werk om bloed deur die bloedvate te pomp.

Oor ’n tydperk kan die regterkant van die hart vergroot, wat tot hartversaking kan lei.
« Last Edit: October 15, 2012, 11:49:23 AM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #16 on: October 15, 2012, 01:06:55 PM »
Dankie Raaitjie.  Van die begin af het "verdikking van die aar" vir my verkeerd geklink en ek wou dit "vernouing" maak.  Nou is ek seker dat "vernouing" die beter woord is en sal dit gou regmaak.

Ek het dit reggemaak.  Ek sal dit waardeer as julle nou weer lees en vir my laat weet as daar nog iets is wat nie reg is nie. 
« Last Edit: October 15, 2012, 01:11:56 PM by PM »
Om te weet is om te verstaan.

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #17 on: October 15, 2012, 06:57:14 PM »
nie gese dis verkeerd nie om Chairman te gebruik nie -
wel gese dis gewoontlik meer vir clubs - daar is wel NPO's wat Chairman gebruik

Ek is by heelwat NPO's betrokke - so ek wou net 'n hand bysit
maar ek sal liefs nie verder hier kommentaar bydra nie.
Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #18 on: October 16, 2012, 03:35:55 AM »
Ek is dankbaar vir al die inligting/gesels en met reg ook die meningsverskille rondom hierdie onderwerp. Dit is 'n wonderlike geleentheid wat ons hier by die forum het, om ons beskeie deeltjie by te dra. Die laaste veranderinge sal Denneys hulle aanbring soos hulle goeddink reken ek.

PM ekke buig weer laaaaag mater, knak die knieg en lig my nuwe strooihoed  :notworthy: Ek maar dom met enige mediese dinge en waardeer jou grootse vertalingspoging. As jy voel dat die vertaling na jou mening voltooi is, kan ons dit vir Denneys hulle aanstuur na die adres wat hy gegee het.

Liefde vir almal in ons kringetjie.

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #19 on: October 16, 2012, 09:46:43 AM »
Willa, jou inset het regtig gehelp matertjie. 
As daar nog iets is waarmee iemand nie saamstem nie, dan "speak now or "forewwer" hold your "piese".   :icon_biggrin:
Vir my is dit reg Raaitjie en as Denneys-hulle enigiets wil verander is hulle welkom. 
Dit was 'n voorreg om ook 'n baie klein bietjie te kon bydra.  Ons sal graag nog wil help as daar hulp benodig word in die toekoms. 
Dra ook ons groete oor aan almal van PHSA.
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #20 on: October 16, 2012, 11:51:52 AM »
Hier was nou weer die bewys, ons het mekaar nodig  :love7: Dankie liewe maters vir elkeen wat die tyd en moeite gedoen het om hier 'n inset te lewer. Ekke dink julle kan trots voel  :hello2: :love7: :icon_salut:

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #21 on: October 17, 2012, 02:20:32 AM »
Willa het DIE mooiste digitale kunswerk geskep oor die verskil tussen pH en PH. Matertjie wil jy nie dit vir ons hier ook kom vasmaak nie? Toe ek die plasing gedoen het hoe om die misverstand tussen die twee uit te skakel (pH Skaal en PH Kwaal) het ek nooit ooit kon dink dat iemand dit so kreatief sal kan uitbeeld vir ons nie. Ek lig my nuwe blou strooihoed en knak die rumatiekknieg uitasem van opgewondenheid vir jou kreatiewe bydrae!!!  :love7: :hello2:

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #22 on: October 17, 2012, 02:25:23 AM »
 :toothy4:
Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #23 on: October 17, 2012, 02:27:01 AM »
Dit is phantabalooslik oulik verbeeld Willa!!! :icon_salut: :book1: Kan mens dit in hierdie formaat op FB ook plaas of moet dit in jpeg wees?

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #24 on: October 17, 2012, 02:34:31 AM »
Jy kan dit in PNG plaas ja - al my digi's is PNG :-)

ek het die ander een ge-mail - maar jy kan ook net twee keer klik op die image - dit behoort na jou PC te download ;-)

maar hier is nog 'n opsie :-)  Die long image het ek wel van die net gekry :-)



Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #25 on: October 17, 2012, 03:13:49 AM »
Ek lief jou eerste skepping!! Dit ook na FB geneem en oopgestel vir die publiek. So het jy jou eie bewusmakingsveldtog-embleem geskep Willa  :notworthy: :icon_salut: Viva Afrikaans en handevat op die forum!!

Offline Ah Willa

  • Administrator
  • Melkbaard
  • Posts: 1312
  • Gender: Female
  • Jou glimlag kan 'n lewe red - smile!
    • Ah,Willa!
Re: Vertaling in Afrikaans gevra deur die voorsitter van PHSA
« Reply #26 on: October 17, 2012, 03:35:19 AM »
Dis my kos daai - die creatiewe kant van 'n veldtog ;-)

Ek het die een nou vir Moebius Syndrome se Awareness dag geskep - dis 'n volwasse en 'n kind (nie familie nie - met die syndrome

klik die prentjie eenkeer om grooter te sien

« Last Edit: October 17, 2012, 03:39:09 AM by Ah Willa »
Die lewe bring storms, maar God gee krag!
http://w

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #27 on: October 18, 2012, 01:16:54 AM »
Eerstens 'n groot kniebuig aan PM vir die wonderlike reaksie op hierdie versoek. Met jou vertaling en die raad/hulp van Willa, kon ek vandag die vertaalde poging hersien en is dit nou moontlik om sover moontlik, 'n volledige samestelling daarvan, vir PHSA voor te hou:

PHSA IS GEREGISTREER AS 'N NIE-WINSGEWENDE ORGANISASIE.

By baie pasiënte is Pulmonale Hipertensie gewoonlik 'n voortdurende (permanente) toestand.
PH sal nie vanself verbeter of verdwyn nie en alhoewel mediese behandeling of medikasie baie doeltreffend is om die toestand te beheer, kan dit nie PH genees nie.

Die simptomatiese behandeling deurmiddel van medikasie, help pasiënte om beter te voel, om makliker asem te haal, dit werk moegheid teë, beperk watersug (edeem), verlig die gevoel van benoudheid en kan help met borspyne. Medikasie stel pasiente met PH in staat om fisieke oefeninge te doen, 'n beter kwaliteit lewe te lei en om lewens te verleng.

PHSA is geregistreer as 'n nie-winsgewende organisasie en benodig fondse om pasiënte te help met die betaling van behandeling en medikasie - onkostes wat dikwels nie deur mediesefondse gedek word nie.

Dit is u bydrae wat PHSA in staat sal stel om ook 'n nuusbrief uit te gee, webtuiste te onderhou, bepleiting- en bewusmakingsprogramme en ander belangrike inligting te sirkuleer.

Enige bydrae - hoe klein ookal - sal ons help om ons doelwit te bereik.  U ondersteuning maak dit moontlik vir PHSA om pasiënte met hierdie toestand, bymekaar te bring, om opleiding te verskaf en die algemene publiek bewus te maak van PH; en 'n daadwerklike verskil te maak aan pasiënte se lewenskwaliteit.

Donasies kan gemaak word by:

PHA Suid Afrika
ABSA BANK
Tjek rekening
Rekening nommer: 4077933068
Takkode: 632005
N1 Stad Tak

DIE DOELWIT VAN DIE PULMONALE HIPERTENSIE ASSOSIASIE VAN SUID AFRIKA

*Om die regte van PH-lyers te bepleit, stemme te verwerf, wetgewing en beleid in plek te kry om hierdie regte te beskerm.

*Maatreëls te bevorder en te ondersteun wat die toestand sal voorkom, wat gevalle van PH en die ernstige gevolge daarvan sal verminder.

*Navorsing te doen en beleid te formuleer vir PH om sodoende bekwame diens te lewer.

*Die algemene publiek te leer en bewus te maak aangaande PH.

*Ondersteuningsgroepe te begin en te lei, ter ondersteuning van pasiënte met verskillende behoeftes in verskillende areas.

*Deur middel van uitgebreide programme die bestuur te bekwaam.

*Hulpbronne in plek te kry vir aanwending ten behoefte van die organisasie.

*Die algehele funksies van die organisasie, asook die geaffilieerde takke, te monitor en te bereken.

*Netwerk en die vorm van strategiese vennootskappe met ander rolspelers.

*Koördineer 'n nationale-databasis van pasiënte.

*Verhef die uitvoerbaarheid van die organisasie en verseker gesonde leiding/beheer.

*Om al bogenoemde regmatig toe te pas soos voorgeskryf deur die wet op "Non Profit Organisations Act" van 1997 en klousule 30(1) van die "Income Tax Act" wet 58 van 1962.

PHSA-BESTUUR

Mnr. Denneys Niemandt - Voorsitter
E-posadres: niemandts@iburst.co.za

*Leuse onder aan fotos: Hoop, ondersteuning en kennis, skep geleenthede.

AGTERKANT VAN DIE BLAAI:

WAT IS  PULMONALE HIPERTENSIE?

Pulmonale Hipertensie of PH, is 'n seldsame bloedvatsiekte in die longe.  Dit kan met enige persoon gebeur, ongeag die ouderdom, geslag, sosiale-of etniese-afkoms. Lyers van hierdie toestand word geteister deur volgehoue hoë druk in die pulmonêre slagare in die longe, wat daartoe lei dat die slagare toetrek, vernou en verhard en die suurstofvloei na die hart belemmer word. Dit veroorsaak vergroting van die hart en kan lei tot hartversaking.

Die hart en sirkulasiestelsel

Om PH beter te begryp, sal dit help om die sirkulasiestelsel te verstaan. Soos voorgestel in die diagram, pomp die hart suurstofarmbloed na die longe waar dit suurstof opneem. Suurstofarmbloed word gewoonlik aangedui in blou, en suurstofryke bloed wat van die longe terug vloei word dan ook gewoonlik in rooi voorgestel.

*Hierna volg die diagram van die hart en longe met byskrifte.

Gedurende oefening klop die hart vinniger om meer suurstof na die spiere te stuur. Terselfdertyd sit die longslagare wat bloed na die longe vervoer uit, om meer bloed deur te laat. Die are in die longe rek effens.
Die longslagare van die persone wat aan Pulmonale Hipertensie ly, is nouer en kan dus nie soveel rek as wat nodig is nie.

*Diagram van are

Die longslagaar van 'n gesonde persoon

Die longslagaar reageer op die vinniger hartklop deur te rek om sodoende meer bloed deur te laat.

Die longslagaar van 'n persoon met PH

Die vernoude longslagaar het nie die vermoë om genoegsaam te rek in reaksie van die vinniger hartklop nie.
By 'n persoon met PH moet die hart nou baie harder werk om die bloed deur die vernoude longslagaar te pomp. Wanneer die hart oor 'n lang tydperk soveel harder moet werk, werk dit nie meer so effektief nie.

Simptome van PH kan ondermeer die volgende insluit:

Benoud- en kortasemheid wat vererger word deur aktiwiteit.
Gedurige gevoel van moegheid.
Lighoofdigheid, veral wanneer gestaan word, of wanneer trappe geklim word.
Geswelde enkels, bene en/of maag.
Borspyn, veral wanneer fisiese aktiwiteit plaasvind.
Pasiënte kan ook flou word.

SLUIT AAN BY PHSA

As jy of een van jou geliefdes aan Pulmonale Hipertensie ly, kan ons vir jou inligting, ondersteuning, hoop en 'n geleentheid bied om aktief betrokke te raak by PHSA.

Die Pulmonale Hipertensie Assosiasie van Suid Afrika (PHSA) is gestig deur pasiënte vir pasiënte. Ons is hier vir jou as 'n bron van inligting, uitreiking, ondersteuning en hoop. Ons pasiënte is ingelig, het begrip, is 'n inspirerende groep mense wat gretig luister en hul eie ervarings deel.

Die PH gemeenskap is geskoei op persoonlike verhale van pasiënte, versorgers, vriende, familie en mediese spanne. Al hierdie verhale is kragtige gereedskap om die algemene publiek in te lig oor Pulmonêre Hipertensie en bewusmaking te bevorder.

Elkeen van ons het 'n storie om te vertel. Jou stem en jou storie is belangrik vir ons. Die eerste stap van bewusmaking van PH aan die wêreld, begin by jou. Saam staan ons sterker en kan ons meer doen. Om lid van PHSA te word beteken dat jy help om 'n verenigde gemeenskap, oor die land, daar te stel.

Ons wil jou graag leer ken. Sluit vandag nog by ons aan.

Om aan 'n rare siekte te ly kan soms eensaam wees, maar jy is nie alleen nie. Deur uit te reik na ander wat elke dag met dieselfde kwessies leef, wat in dieselfde situasie is en soortgelyke ervarings deel, sal jy kennis maak met 'n gemeenskap wat inligting en ondersteuning kan bied, asook hoop vir die toekoms.

Lees van ander PH gemeenskapslede se ervarings en deel ook jou ervarings met ons.

Pulmonary Hypertension South Africa
Webtuiste: www.phsa.co.za
Telefoonnommer: 021 9308362
Selfoonnommer: 082 5204129
E-posadres: niemandts@iburst.co.za
Faxnommer: 086 5010245












« Last Edit: October 18, 2012, 12:48:38 PM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #28 on: October 18, 2012, 04:51:47 AM »
Dit lyk baie goed so Raaitjie.
Let net daarop dat op hulle webtuiste die e-posadres sonder die es geskryf is.
niemandt  en op die blaadjie is dit  niemandts   dalk werk altwee.
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #29 on: October 18, 2012, 05:20:04 AM »
Ek het vir hom geskryf en genoem van die verskil tussen die epos adres wat hy vir ons gegee het en die op die blaadjie. Ook genoem dat hulle asb self ook moet deurgaan en verstel waar hulle nodig vind. Denneys was baie opgewonde oor hierdie vertalingspoging  :love7: weereens DUISEND dankies mater vir jou bereidwilligheid en opofferinge :notworthy:

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #30 on: October 18, 2012, 07:24:01 AM »
 :notworthy:
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #31 on: October 18, 2012, 11:58:31 AM »
Denneys het gevra dat ek hulle dank aan ons Forum Moeder oordra.  :notworthy: :icon_salut: Die veranderinge wat hulle graag wou he, is nou aangebring. Onder andere die veranderde Faksnommer en die korrekte e-pos adres (dankie PM vir jou skerp oog) as niemandts@iburst.co.za en die bank tak as N1 Stad Tak.  

So pas gehoor die vertaling is reeds deurgestuur na Pfizer om die grafiese ontwerpe by te sit  :notworthy: :hello2: :icon_salut:
« Last Edit: October 18, 2012, 12:47:25 PM by Meraai vannie Baai »

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #32 on: October 18, 2012, 01:07:35 PM »
Gaaf!  Dit was lekker om te kon help Raaitjie.  Dankie vir die boodskappie.  Sal graag een wil hê as dit klaar is. 
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #33 on: October 19, 2012, 12:58:51 AM »
Die groooot dank moet aan jou gaan matertjie. Dit was 'n massiewe poging en ekke het met groot trots en liefde dit oorgedra  :love7: :notworthy: :icon_salut: Sal vir hulle se ons soek elkeen 'n blaadjie!

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #34 on: October 25, 2012, 06:48:40 AM »
PM ekke lig my hoed en knak die knieg. Jy het dadelik aan die werk gespring met vertaling toe ek die versoek hier kom vasmaak het. Liefffff vir jou matertjie. Jy is 'n inspirasie en voorbeeld vir ons almal. Hier is die proefpamflet van die drukkers af:






Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #35 on: October 25, 2012, 07:00:55 AM »
Dit is 'n pronkstuk Raaitjie!  Hannes seg as dit reg is (die essie weer op sy plek) moet jy weer 'n voorbeeld stuur dan maak hy afdrukke by die werk en deel dit daar vir almal uit.  Dit sal nog 'n druppel in die emmer wees vir die bewusmakingsveldtog. 

Dit was 'n voorreg om te kon help matertjie.   :love7:
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #36 on: October 25, 2012, 07:05:03 AM »
Weet jy PM, ek dink wat ons moet doen is om Denneys te vra om vir jou 'n pamflet te pos dat julle die oorspronklike het om van afdrukke te maak matertjie. Dit sal wonderlik wees. Staan nader jy en Hannes dat ek tog net drukkkkkkies kan gee  :love7:

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #37 on: October 25, 2012, 07:18:11 AM »
Dit sal gaaf wees dankie Raaitjie.  Hulle is ver oor 'n duisend werknemers en as net 10 persent  dit lees, maak dit beslis 'n verskil. 
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #38 on: October 25, 2012, 07:34:00 AM »
Ek het hom jou skakel na jou FB voorblad gegee en hy se sodra die pamflette terug is van die drukkers sal hy BESLIS kontak maak met julle. En vir julle pamflette aanstuur. Hy het gedink die forum is hier in Aus. Toe se ek nee julle is in SA en soos ek jou ken gaan jy en Hannes 'n magtige verspreidingspoging aan die gang sit. Denneys se hy wil homself knyp om alles te glo wat besig is om te gebeur  :love7: :notworthy:

Offline PM

  • Administrator
  • Meester
  • Posts: 9708
  • Gender: Female
Re: Vertaling in Afrikaans gevra deur die voorsitter van PHSA
« Reply #39 on: October 25, 2012, 07:58:05 AM »
Ons wens hom baie sterkte toe en sal help waar ons kan.  Ons polisieforum het ook talle afrikaanssprekende lede en net in ons sektor het ons al oor die ses honderd radios.  Ons kom gereeld bymekaar en sal met graagte ook daar pamflette uitdeel. 
Om te weet is om te verstaan.

Meraai vannie Baai

  • Guest
Re: Vertaling in Afrikaans gevra deur die voorsitter van PHSA
« Reply #40 on: October 26, 2012, 12:26:40 AM »
 :notworthy: :hello2: :icon_salut: Trippel WOW matertjie!!! Ek het Denneys hulle laat weet en dit is WONDERLIKE nuus vir hulle!!