Ek wil net graag sê!

[Trapsoetjie]

Ja, dis waar. Maar die goeie plekke is ook maar duur. Ons gaan op iemand se plaas bly. Dis iemand wat my Beste ken, se familie se plek. Daar is nie regtig staan plekke nie, ek dink 3, wat hulle dan verhuur. Minouchka mag saam  . So dis net ons 3tjies wat dan gaan. O salig.
 

[PM]

O ja, dit kan vir my ook werk!  Die stilte en rustigheid kan net 'n ou se siel voed.   

Ons sal maar rustig by die huis verkeer.  Hannes se spanne werk, dus sal hy ook maar moet werk.
Ons hou in elk geval van vakansiehou as daar nie so 'n gedrom van mense is nie.  Die vorige keer wat ons by die wildtuin was, was oor 'n langnaweek.  Wat 'n fout! 

[Trapsoetjie]

Ja hou ook nie van so 'n geraas nie. Moet se Beaverlac self is pragtig en die plek is groot die mense rustig en dis gewoonlik (elkekeer as ons daar was) stil. Ek moet weg anders raak ek gek.
Beplan met ons groep volgende jaar Namibia te doen oor Desember (oi dit gaan vrek warm wees) maar hulle doen dit net vir my. Ek is die enigste swaap wat nie deur die jaar kan af kry nie. So die beplanning is ons is 8 groot mense, om 'n bussie te kry en dan met dit af of is dit nou op te ry. 
 

[PM]

Seker maar op en af.      

Ons sal beslis by julle moet kom kersopsteek vir "caravaning".  Het dit so lank laas gedoen.  Ek weet darem net nie of ek in een sal kan bly vir altyd en altyd nie. 
Weet ook dat dit 'n groot gepakkery sal uitskakel.  Haak net en ry.  Alles is mos klaar gepak. 
Hoe dit met die tentopslanery sal gaan is iets anders wat ek nog moet sien.   

Julle ken seker al die modelle en weet wat is die beste om te koop.  Het jy raad?

[Trapsoetjie]

Modelle en goete kan ek jou nie help nie. Beste is seker wat vir jou pas. Grote en sak. Myne is nie eers 'n SA een nie. Kom ingevoer van Duitsland. Deur sit aan die anderkant. Hoe dit ookal sy. Ek sal myne nie sommer inruil vir 'n ander een nie. Hy is reg vir ons.
Tent opslaan. Ons tent slaan geweldig maklik op, twee van ons kan dit vinnig doen. Maar vat nou Kobus sin, eish, nee dankie daai dink is moeilik. Ag en so raak elke ou maar seker gewoond aan sy skilpad.

Pakkery, probeer altyd meeste goed in los. Net goed wat kan afgaan haal ons uit. Verder is dit amper hak en ry. 
 

[PM]

Ons het na 'n model gekyk waar die wasbak en stoof buite aan die kant van die skilpad sit. 
"Skilpad"  hê-hê!
Dit het 'n eilandbed maar is ook maar piepklein.  Ons kyk maar nog.  Die parkeerplek is darem nou gereed, nou kan ons koop.  Kyk ook maar na 'n klein ligte tweedehandse enetjie. 
 

[Trapsoetjie]

  O dis lekker. Ek dink regtig as jy die regte model sien, sal jy weet. Dan is die een vir jou. Net 'n groot waarskuwing. Se nie almal is so nie. As jy kyk na 'n tweede handse een, klop aan alles en loer in die kaste vir enige teken vir droe vrot. (Skuus ek kan nie die teken's maak hier nie. Bly my afgooi.)As hy eers gelek het is die kanse goed vir vrot.
Myne het 'n klein wasbakkie en 'n klein 3 plaatstofie ingebou, jy het hom mos gesien? Ek het tot 'n toilet in. 

 

[PM]

Ja, julle het 'n goeie kopie gekoop.  Die een wat ons gesien het, het ook 'n toilet in.  Gebruik 'n mens dit ooit?

[Trapsoetjie]

O ja myne word goed gebruik. Veral in die nag. Soms is die ablusie  bietjie ver, en ek wil of voel nie altyd so veilig om alleen te loop nie. Ons gebruik hom natuurlik net vir nommer 1. Want ons moet hom skoon maak. Of laat ek dit eerder so skryf, die beter een van die twee moet hom altyd skoon maak....
 
 

[PM]

Ek weet nou nie of dit slu of slim is nie.    

Daar kom  mos chemikalie in.  Is dit duur?  Hoe werk dit?

[Trapsoetjie]

Ja, daar kom goed in. Dis maklik. Die  het twee dele of myne inelkgeval het. Bo gooi jy baie water in iets soos 10 of 15 liters. Met sy chemikaliee. Dan by die onderste een gooi jy so wat 1 liter wat in en my sy chemikaliee. Die boonste een is net vir lekker ruik en die onderste een is vir oplossings doeleindes en kieme dink ek.

Ek geniet dit baie, jy weet hoe ek voel oor ander mense se badkamers. So ek verkies my eie goed eerder. Maar as ons 'n lang ruk staan gebruik ek hom net in die nag. Myne is nie so groot nie. Dan sou dit beteken dat die beter ekke hom sal moet skoon maak terwyl ons met vakansie is en dit kan ook nie te lekker wees nie.

  Ek sien dit al 

Daar is deesdae sulke lekker kamp goed dat die wat nou nie so wild is nie kan hulle plekkie regtig 5 ster maak.

Eish verkoop ek nou hier vir julle vakansies en kamp goed, ek soek juis werk, dink ek moet dit probeer...

 

[PM]

Dit is goed so, dalk kan jy dit op 'n tydelike basis doen, laat almal van jou hoor.  Julle beweeg mos tussen 'n klomp skilpaters rond.   

Die alliminium potte verkoop baie goed.  Dit is duur, maar lekker lig en brand nie aan nie. 

Eish, as ek net dink dat ons weer voor moet begin, dan knyp ek al my oge toe. 

[PM]

Ouens, baie dankie aan almal wat die forum so op en wakker gehou het die laaste tyd.
My liggie is flou en ek is pootuit!  Ek belowe, more kuier ek weer 'n hond uit 'n bos uit. 
Lief julle stukkend en slaap lekker!  Tot more!

[PM]

Dit lyk vir my asof almal hulle sê gesê het.  Dit was heerlik om saam met julle te kuier en die aand is lank nie meer 'n embrio nie.     (Altans nie vir 'n ouvrou soos     ek nie.  Ek was darem al hier van half vier vanoggend af!

Soos julle al seker afgelei het, het ons betrokke geraak by ons buurtwag.  Mense, dit is 'n ander storie.  Laasnag het ons vyf inbrake in ons straat gehad.  Ons is so hiper paraat, as die vissies in die visdam poep is ons wakker.  Dan pla die muskiete ook nog!

Lekker slaap en weet dat ek lief is vir julle elkeen!   

[Angelica]

Dankie vir jou liefde PM,  dit is een van die dinge waarvan ons absoluut op kan staat maak.
Liewe land... vyf inbrake in een nag in een straat?
Het dit alles tegelyk gebeur of is dit dieselfde klomp skriminkels wat smash 'n grab?
Is die ouens aangekeer?