Author Topic: Oggendboodskappe  (Read 2648 times)

0 Members and 1 Guest are viewing this topic.

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Oggendboodskappe
« on: December 30, 2020, 10:10:08 AM »
Oggendboodskap 28 Desember 2020
 
En so kom ek tot die besef dat vandag die laaste Sondag van die jaar 2020 was. En ek wonder wat ons voetspore wat ons agterlaat, vir ander gaan vertel. Ons kan al in die herfs of winter van ons lewe wees en weet daar is ander wat ons volg, eintlik ons voorbeeld wil navolg soos wat ons probeer om Paulus te volg, soos wat hy Christus volg. maar al is jy nog in jou lente- of somerdekades .... daar is altyd iemand wat jou gaan navolg, al is dit net jou kinders ... en hulle maats. Soos wat dit in ons lewe gaan, het ek die woorde gehoor en dit al hier genoem, is elkeen van ons dalk die enigste Bybel wat sommige mense raaksien .... al is ons so vol foute en het ook al soveel verkeerd gedoen, is die nie-volharding in die sonde, ‘n baie belangrike punt. Die “probeer” om af te sien daarvan ....

So ook .... dié in wie se voetspore ons volg? Wie is so ‘n paar treë voor ons op pad na die wenstreep toe? Daardie wenstreep waar Christus vir ons wag? Gaan jy met jou geliefde saam met wie jy ‘n belofte voor God afgelê het, die nuwe jaar instap? Gaan jou kinders ook al die Heilige Gees binne-in hulle se liefde ervaar het? Kinders, kleiner of al volwasse wat vasgevang is in die kuberruim se verleidings wat hul weghou van God af .... En die “slange” of satansverleiers wat so graag vir ons wil vertel dat sekere gruwels in God se oë, in vandag se lewe glad nie meer ‘n gruwel is nie ... die Bybel verander nooit, en God ook nie.

As jy dalk die ‘ongelukkige’ ervaring gehad het om iemand anders se oë te ontmoet het, dalk baie meer as net dit, en gedagtes koester om ‘n gesinsgeluk op te breek, of af te dwaal na ander geloof soos wat christene al gedoen het .... al is dit vir ons onverstaanbaar hoe dit moontlik kan wees .... of om dalk ander gode aan te hang ... iets wat elkeen van ons dalk onbewus doen wanneer jou werk of sport of stokperdjie vir jou belangriker as God geword het ....
Weet net, ander het dit al voor ons gedoen .... en ja, party het die kans gehad om reg te maak, om weer na God te draai, maar ander het nie. So, vriende, weet dat jy nog kans het om om te draai, terug na jou gesin toe, terug na jou kerk toe, of selgroep, terug na God toe.
En julle wat nog steeds die nouste paadjie saam met God stap, wat aan Christus se Kleed se Soom vas hou, julle moet sy Voorbeeld ook oordra aan ander, aan elkeen wat dalk nog nie weet hoe lief ons Vader hulle ook het nie.

Here Jesus, gee ons asseblief hierdie week en die Volgende Jaar, nog meer verlange om geesvervuld te lewe, ons eie-ek heeltemal af te lê en U te volg. Mag die laaste week van hierdie deurmekaarste 2020 vir elkeen wat luister, bewus maak van U oneindige goedheid, Verlossing en genade. Amen Here

Vriende, aan julle wat hierdie week verjaar, of n ander geluksherdenking vier, baie geluk. Aan elke vriend/vriendin wat seer het, wat oneindig verlang na ‘n geliefde wat nou by God is, weet ons ander dra julle aan Hom op. Sy Troos is die breedste skouer. Maar ons is ook hier vir elkeen wat wil gesels. Ek en Sandra is net ‘n boodskap ver.

Groete, totsiens tot ons weer gesels.
adéle theron
« Last Edit: January 07, 2021, 10:41:00 AM by adele »
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #1 on: December 30, 2020, 10:11:37 AM »
Oggendboodskap 30 Desember 2020

Goeienaand, vriende en goeie mooi môre vir julle wat eers in die oggendure kom luister. Ons jaar 2020 is amper verby en wat ‘n jaar was dit nie. Geeneen kan seker sê dit was maar soos elke ander jaar nie. Daar is baie seer in hierdie jaar se harts-annale aangeteken. Die hartseer van werksverliese, van finansiële ondergang, van onlogiese besluite omdat magsbeheptheid sommiges se afgod is; van die gemis van ‘n eerste of laaste skooljaar en jaarlikse funksies wat nie kon plaasvind nie; vakansies wat gekanselleer is ... waarvoor party mense lank gespaar het omdat dit ‘n luukse is; kuiers vir verjaarsdae, veral spesiale herdenkings wat nie kon gebeur nie; afskeid van geliefdes wat in hul laaste ure alleen moes wees, omdat besoeke eenvoudig verbied is, en baie ander seer herinneringe. Maar ook van onbegrip omdat besluite, reëls en regulasies, so ver verwyderd is van verstaanbare logika waarmee ons grootgeword het, dat niks meer sin gemaak het nie.

Dit alles bo en behalwe die gewone gemors waarmee ons elke dag worstel, berigte van terrorisme, moorde, ontvoerings, kindermishandeling, bedrog, ongelukke ens ens ... En vals berigte oorheers die kuber-nuuskantore met die spoed van sterlig. Wat se plesier en genot vind mense daaruit om sulke vals dinge, “fake news” die wêreld in te stuur? Berigte van kompetisies waar jy glo groot kan wen ... van hospitale wat toemaak of oorvol is ... (ek praat nie van werklike gevalle nie) Net hulle wat lag omdat hulle ander mense mislei of teleurgesteld laat, sal dit kan antwoord.

Aan die ander kant is daar ‘n klein keersy van die munt. Mense, veral in families het mekaar weer leer ken, gesinne het geleer om saam te wees en veral om krisisse saam te bowe te kom; mense het die natuur om hulle raakgesien, volgens berigte het die lugruim bokant China se groot stede weer blou .... Daar het ook ‘n geweldige uitbreiding in die kuberruim se vriendskappe ontstaan (al is daar ook soveel kwade bewegings daar)

Ek lees baie sêgoed raak, bemoedigings, opbouende skrywes, ondersteuningsgroepe, mense wat eers niks van Christus wou weet nie, maar Hom nou liefgekry het, omdat Hy hulle eerste liefgehad het. Ons kry die versekering daarvan in 1 Johannes 4:19 “Ons het Hom lief, omdat Hy ons eerste liefgehad het.”

Vriende, kies die goeie wat jul uit 2020 geleer het en bou daarop voort. Haal die beste van elke les wat jul positief en gelowig geïnspireer het, uit die onverstaanbare en seer herinneringe en pak dit in jul nuwejaarsmandjie vir die nuwe pad wat ons nou stap. Ek lees vir julle 1 Johannes 4:16  “En ons het die liefde wat God vir ons het, leer ken en geglo. God is liefde; en hy wat in die liefde bly, bly in God, en God in hom.”
Is dit nie die wonderlikste, sterkste troos wat ons om ons skouers kan vou nie? Maak dit jou eie. Gee aan ons Vader jou pinkie, en Hy sal jou heeltemal toevou in sy arms.

Daarom vriende, moet nie ‘n kamera saamvat wanneer jy vir iemand iets goeds doen nie, maar vat jou selfoon met klankopnemer saam wanneer jy iemand gaan slegsê, uitskel en vernederd laat. As iemand dit aan jou doen, gee hom/haar ‘n glimlag en dra jou “kruis” onder Jesus se genade, met waardigheid.

Vriende, maak vandag onvergeetlik, want daar sal ‘n dag kom wanneer gister se onthou al is wat oorbly!

Groetnis tot volgende jaar. 😊
adéle theron
« Last Edit: January 07, 2021, 10:41:22 AM by adele »
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #2 on: January 03, 2021, 10:25:24 PM »
Oggendboodskap 1 Januarie 2021


Goeiemore vriende, die jaar 2020 is vir altyd verby en ons staan voete vierkantig in ‘n nuwe jaar. Soveel mense het uitgesien na vandag, soos elke ander nuwe jaar, maar hierdie keer bring dit ons min in die sak. Weet julle, niks verander nie. Niks gee nuwe hoop vir ‘n beter jaar, vir groter rykdom of ‘n hoër leefwyse of beter gesondheid nie. Inteendeel.


Maar soos elke ander nuwe jaar, is ons God Drie-enig nog steeds hier. Nog steeds het Hy nie verander nie. Nie Hy of enige iets in sy Woord, die Bybel nie. Christus se Verlossingsgenade is nog steeds vir elkeen van ons dieselfde. Al net, jy moet sy Woorde glo en in Hom glo, in daardie verlossing; jy moet Hom volg, nie meer volhard in enige sonde nie, maar dit vermy, wat ons net met sy genade kan regkry. Daarvoor moet jy luister na sy Heilige Gees wat in jou hart ingetrek het. En dan moet jy dit alles, (wat ons sy Evangelie noem) uitdra na elkeen met wie jy in aanraking kom. Deur woord en daad, elkeen naby en oor ‘n afstand, want vandag het ons internet om dit maklik te maak.


Mattheus 25 vertel ons dat daar 10 meisies was wat gewag het om saam met die bruidegom die saal binne te gaan, maar ongelukkig het 5 van hulle dit nie reggekry nie, want hulle was nie regtig gereed nie. Wat vertel dit vir jou? Dat jy in oorgawe in alle omstandighede op God kan en moet vertrou, Hom bo alles moet stel. Jy moet nie nog wil dit en dat, omdat jy dink daar is nog tyd nie. Begin vandag, nou, om alle ‘afgode’ ja, enige iets wat jy eers wil doen voor jy met iemand oor Hom gesels, tweede te stel. As die geleentheid hom voordoen om oor Christus te praat, doen dit.


'n Eenvoudige uitreik na 'n ander, gee meer vreugde as enige iets anders. Uitreik na iemand wat eeue se seer, verwerping, afdanking en vertrapping ervaar het. Ek lees die volgende iewers raak .... “‘n Omhelsing, 'n glimlag, 'n kom-drink-saam-koffie, 'n ons-is-sò-bly-jy-is-ook-hier, 'n kom-kuier-gou, 'n ons-ken-jou-eerlike-integriteit, 'n kan-ons-whatsapp, 'n dankie-ook-vir-jou, 'n ons-is-lief-vir-jou-tannie en 'n onverwagse vriendskap deur iemand wat jy nog net enkele kere ontmoet het ... word 'n oase in 'n emosionele woestyn. Nooi elke dag iemand saam na ons Vader se palm-oase vir iets te drinke en ervaar Sy Liefde in julle harte en hande.” 


Vriende, mag die beste van gister die slegste van dié nuwe lewensjaar wees! Vou daardie karos genade wat Christus saam met sy Heilige Gees vir jou gestuur het, dubbel en dwars om jou skouers. En, onthou ook, maak vandag onvergeetlik, want daar sal ‘n dag kom wanneer gister se onthou al is wat oorbly! Wanneer jy net herinneringe gaan hê van ‘n geliefde of dalk gaan iemand anders net herinneringe van jou oorhê. Doen daarom alles in jou vermoë om net die mooiste mooi in ‘n ander se herinneringe agter te laat.

   
Groetnis 😊
adéle theron
« Last Edit: January 07, 2021, 10:25:59 AM by adele »
adéle  :grommit:

Offline Meraai vannie Baai

  • Global Moderator
  • Wysgeer
  • Posts: 3258
  • Elke dag aan ons Geskenk, is 'n kosbare voorreg.
Re: Oggendboodskappe
« Reply #3 on: January 05, 2021, 03:53:19 AM »
'n Pragtige boodskap! Hoe waar is hierdie woorde van jou nie:  "...daar sal ‘n dag kom wanneer gister se onthou al is wat oorbly..." en ek besef vandag dat dit 'n seening opsigself is want vir baie is 'gister' verborge in vergetelheid.

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #4 on: January 07, 2021, 10:21:06 AM »
Oggendboodskap 5 Januarie 2021

Goeiemore vriende,

Ek lees ‘n stukkie uit Jakobus, daardie boek wat geskryf is omdat Jakobus gesien het hoe mense swaarkry en teen allerhande versoekings moes veg. Ek kry hierdie inligting uit Die Boodskap uit, die Bybelvertaling wat vir my soms net iets meer in plat Afrikaans sê, wat ek beter kan verstaan. “Slegte dinge is nie altyd sleg nie”, dis die opskrif van die eerste stukkie in Jakobus. Die mense het swaar gekry en moes teen allerhande versoekings veg, ondermeer, die skittering en blink van geld, onmin onder mekaar, families en vriende en natuurlik die soeke na eie eer. So graag wil hulle tog hê die sonstraal moet net op hulle skyn. Jakobus wou hulle oog weer op God vestig.

Vers 1 van Jakobus: “Iemand wat God en die Here Jesus Christus dien, met alles wat hy het. Almal wat oor hierdie wêreld versprei is en aan God behoort, moet die brief lees. Dit is vir julle bedoel”. Ek wonder of Jakobus daardie tyd gedink het dat ons 2000 jaar verder nog steeds sy boek gaan lees. Ja, dat ons nog steeds die hele Bybel gaan lees, wat later saamgestel is.

Ek gaan verder. “My liewe mede-christene, wees opgewonde as julle geloof by elke geleentheid getoets word. Julle weet mos hoe goed dit vir julle geestelike lewe kan wees. Die slegte dinge wat met julle gebeur, toets of julle werklik die Here vertrou. As dit met julle sleg gaan, leer julle juis om nader aan die Here te leef.” Ons hoor baie keer, en dit is baie keer vir ons nodig om vir iemand te sê, Cristus belowe nêrens dat jy hemel op aarde gaan hê as jy Hom volg nie. As ons in Christus se voetspore volg, moet ons weet, so volmaak as wat Christus was, so groot is die kans dat ons eerder gaan swaarkry as om ‘n gladde-water-lewe te hê, omdat ons aan Christus vashou.

Vriende, julle weet, ek het al gedink die kleed wat Christus aangehad het toe die vrou wat aan bloedvloeiing gely het, aan Hom geraak het, is ‘n kleed wat van die sterkste materiaal ooit gemaak moes wees. Ek sê dit in aanhalingstekens met respek, want daardie Kleed raak ons vandag nog aan om ons te genees van ons sonde, want in werklikheid is die genesing nie net medies van aard nie. Dis geestelik, om ons van sonde te genees en ons daarvan vry te stel.

Soos wat sy aan sy kleed geraak het, het Hy gevoel hoe die krag uit Hom gaan. So het Hy immers gesê en Hy wou weet wie het aan Hom geraak. Natuurlik het Hy geweet wie het aan Hom geraak, maar Hy wou hê die mense om Hom moet besef dat Hy God is. Sy dissipels het gesê maar Here, hier is soveel mense, hoe weet ons wie raak aan U? En daardeur het sy na vore gekom en dit erken, want haar sondes was alreeds toe vergewe en sy wou nie oneerlik wegsluip nie. Nee, sy het vir God kom dankie sê.

Ek lees vers 4 van Jakobus 1. “Julle moet die Here toelaat om julle deur hierdie dinge te leer wat dit beteken om altyd net op Hom te vertrou. Kom wat wil. So sal julle geestelike grootmense word wat weet hoe om in elke situasie reg op te tree.” Ons moet reg optree. Ons moenie wegkruip agter iets nie. Ons moenie wegsluip omdat ons bang is ons het ‘n verkeerde ding gedoen nie. As jy altyd die regte pad loop, altyd in Christus se voetspore loop, en daar nie ‘n skelm gedagte deur jou kop flits of ‘n haatgedagte of ‘n bedroggedagte of enige iets wat iemand kan skade aandoen nie, dan loop jy mos die regte pad. Dan leef jy Jesus se liefde uit, want Hy het ons eerste liefgehad. Ons kan dit, as sondige mense nie uit eie krag regkry nie, maar mag ook nie doelbewus volhard in enige sonde of verkeerde gedagtes nie.

Vriende, ek wil die volgende paar weke elke keer ‘n paar verse uit Jakobus lees, want dit is ‘n boek wat vir my al baie beteken het. Ek kan nie vooruit beplan wat ek gaan sê nie, want dis elke keer asof ek eers op die Here se leiding wag. Ek hoop dit sal vir julle ook soveel van waarde wees soos vir my. Geniet die dag.

Mag julle geseënd wees in elke woord en ook die hunkering voel om julle Bybels op te tel en die eerste verse saam met my te lees.

Groete in Christus se liefde en Evangelie
adéle theron
« Last Edit: January 07, 2021, 10:24:13 AM by adele »
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #5 on: January 07, 2021, 10:23:43 AM »
Oggendboodskap 7 Januarie 2021

Gegroet vriende ...

Ek het eergister iets nagelaat en wil dit eerstens byvoeg. As jy altyd die regte pad loop, altyd in Christus se voetspore loop, en daar nie ‘n skelm gedagte deur jou kop flits of ‘n haatgedagte of ‘n bedroggedagte of enige iets wat iemand kan skade aandoen nie, dan loop jy mos die regte pad. Dan leef jy Jesus se liefde uit, want Hy het ons eerste liefgehad. Iemand het my daarop gewys dat ons dit, as sondige mense nie uit eie krag kan regkry nie, slegs met die hulp van die Heilige Gees, maar ons mag ook nie doelbewus volhard in enige sonde of verkeerde gedagtes nie.

Ons moet na die lewe kyk, soos God. Nie soos sondige mense nie.

Jak 1:2-5 ... uit die 53-vertaling

Die beproewinge en versoekinge.

2 Ag dit louter vreugde, my broeders, wanneer julle in allerhande versoekinge val,
3 omdat julle weet dat die beproewing van julle geloof lydsaamheid bewerk. (dit toets of julle geduldig is en na aan die Here leef, Hom werklik vertrou)
4 Maar die lydsaamheid moet tot volle verwerkliking kom, sodat julle volmaak en sonder gebrek kan wees en in niks kortkom nie. (Laat die Here toe om julle te leer wat dit beteken om op Hom te vertrou)
5 En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.
6 Maar hy moet in die geloof bid, sonder om te twyfel; want hy wat twyfel, is soos 'n golf van die see wat deur die wind gedrywe en voortgesweep word.
7 Want dié mens moenie dink dat hy iets van die Here sal ontvang nie —
8 so 'n dubbelhartige man, onbestendig in al sy weë. (Ons moet by daardie punt kom dat ons nie vir die Here se hulp vra, maar dan omswaai en sê dit sal tog nie gebeur dat Hy sal help nie, dan jou eie ding gaan doen, jou eie heil gaan soek nie)

Uit Die Boodskap gaan haal ek die gedagte van vers 5 weer. As julle egter in ‘n situasie kom waar julle oor iets twyfel, onseker is of wat julle wil doen die regte ding is, of julle gedagte daaroor reg is, gaan vra vir God. So eenvoudig is dit. Eenvoudig? Dalk nie.

Is daar iemand wat sukkel daarmee? Ons, ek ook, kan so maklik loop en sê gaan vra vir God. Ons sukkel om te verstaan hoe iemand daardie gedagte nie kan insien nie, nie kan verstaan nie. Maar doen óns altyd die regte ding? Vra ons elke keer vir God of Hy tevrede is met ons beplanning of dit wat ons afgehandel het? Nee, ons ploeter ook soms deur ‘n situasie sonder ‘n gedagte daaraan. En agterna, soms baie later, sal die dwarshou ons tref dat God ons die hele tyd vasgehou en beskerm het, want eintlik het ons heel onnosel opgetree.

Net so is dit vir baie mense nie moontlik nie. Nie almal stap ‘n pad met God nie. Hulle dink dalk so, of gee so voor. maar wanneer hulle omdraai, loop hul die wêreldse pad. Dan moet ons nie wonder hoe hulle nie kan insien dat dit so maklik, so wonderbaar is om God aan te roep en sy leiding in elke omstandigheid te vra nie.

Jakobus, Jesus se broer wat leier van Jerusalem se gemeente was, het hierdie boek/brief geskryf is omdat hy gesien het hoe mense swaarkry en teen allerhande versoekings moes veg. Is dit nie waarmee ons vandag net so sukkel nie? Benewens baie ander, is vandag se sterkste versoekings dalk om te vloek en skel teen hierdie virus, teen die mense wat inperkings toepas, of teen almal wat nié reëls en regulasies gehoorsaam nie .... maar hoe tree jy op?

Vriende, wanneer jy jou humeur verloor, wanneer jy binnenshuis of daarbuite in die straat beweeg, hou vas aan die Christus se hand. Tree te alle tye op om ander te beskerm, al is jou siening oor die omstandighede wat ook al.

Groete in Christus se liefde en Evangelie

adéle theron
(te luister op whatsapp MANNA vir die Siel)
inboks met jou selnr as jy belangstel)
« Last Edit: January 07, 2021, 11:10:45 AM by adele »
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #6 on: January 29, 2021, 09:33:38 PM »
Gegroet vriende ...

Jakobus 1:9 - 11

9 Maar laat die broeder wat gering is, roem in sy hoogheid,
10 en die ryke in sy geringheid, want soos 'n blom van die gras sal hy verbygaan.

11 Want die son gaan op met sy hitte en laat die gras verdor, en sy blom val af, en die sierlikheid van sy gedaante vergaan; so sal die ryke ook in sy weë verwelk.

Ja nee, hier lees ons baie duidelik dat status, rykdom en bekendheid, beroemd of berug, by God niks tel nie. Hy kyk anders as wat ons na mekaar kyk, na ons mensekinders. Vir Hom is die arme wat aan (soos die spreekwoord sê) die “verkeerde kant van die spoor” bly, of die swakker mense, of die wat verdwaal en verlore voel, ja die wat verwerp voel deur die lewe, net so belangrik as enige een wat dink hy/sy is ryk en belangrik.

Wat het Jesus gesê toe hy deur die land gestap het om almal van sy Vader se liefde te vertel? Hy het nie die fariseërs en skrifgeleerdes se siening dat hulle geregverdig is om die ewige lewe te beëerwe, gedeel nie, nee … Hy het die armes besoek en saam met hulle geëet; hulle gesond gemaak en geseën. Maar Hy het ook by die berugte en gehate tollenaars gekuier.

Daarom sê Jakobus Maar laat hulle wat gering is, roem in hul hoogheid; laat jy wat arm is, weet dat God jou lief het, jou optel en dra, jou beskerm en bewaar. Wanneer dit swaar gaan, kom Hy onverwags en tel jou op, gee uitkoms wanneer jy dit die minste verwag en uit ‘n oord waarvandaan jy dit nooit sou kon droom nie.
Maar van hulle wat in hul hoogmoed roem en neersien op enige ander, sê Jakobus, soos 'n blom van die gras sal hy verbygaan … vroeg in die oggend glimlag daardie veldblommetjies gelukkig en vrolik, maar wanneer die son warm en droog neerbak, vergaan dieselfde blomme, verlep en verdroog hulle soos kaf in die wind.

Dit gaan nie net om geld-rykdom nie, dink ek nou, maar ook oor enige hoogmoed. Ken julle ook mense wat, hoewel baie gemiddeld of arm, om een of ander rede dink hulle is beter as jy? Ek wonder of hoogmoed en neersien, nie gelykstaande is aan die rykdom waarvan die Bybel praat nie.

Dan moet hulle ag neem van wat Prediker gesê het. ‘n Hele paar keer het hy vertel hoe vergeefs alles is wat hulle najaag, ‘n gejaag na wind. Dit lei tot niks. Maar in die laaste verse van sy boek sê hy: hoofstuk 12
13 Die hoofsaak van alles wat gehoor is, is: Vrees God en hou sy gebooie; want dit geld vir alle mense. Let wel. ALLE mense.
14 Want God sal elke werk bring in die gerig wat kom oor al die verborge dinge, goed of sleg.

Daarom, laat God jou vashou. Laat Hy jou hande sterk maak om te doen wat Hy vir jou bedink het. En laat Hy jou lei in die uitdra van Christus se Evangelie; wees ‘n dissipel vir Hom deur die werking van die Heilige Gees in jou.

Ek groet julle, geseëndes, geniet die dag en die week en pas mekaar op.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #7 on: January 29, 2021, 09:35:58 PM »
Oggendboodskap 13 Januarie 2021

Gegroet vriende ...

Jakobus 1 vanaf vers 12

12 Salig is die man wat versoeking verdra, want as hy die toets deurstaan het, sal hy die kroon van die lewe ontvang wat die Here beloof het aan die wat Hom liefhet.

13 Laat niemand, as hy in versoeking kom, sê: Ek word deur God versoek nie. Want God kan deur die kwaad nie versoek word nie, en self versoek Hy niemand nie.

Daar is al soveel oor versoeking gesê en geskryf. Die mees bekende verse seker, gaan oor Christus wat deur satan versoek is nadat Hy 40 dae in die woestyn was. Ons kan dink dat Hy ook, as mens by ons op aarde, soos ons uitgeput en rasend honger sou wees.

Mattheus 4

2 En nadat Hy veertig dae en veertig nagte gevas het, het Hy naderhand honger geword.

En net daar het die duiwel sy kans waargeneem. Maar Jesus het Hom elke keer uit God se Woord tereggewys. En daarna het satan Hom verlaat en weggegaan. Dit is vir ons ‘n baie groot les wat ons nooit moet vergeet nie. Sodra jy toelaat dat versoeking jou oorval, is die duiwel se houvas op jou al halfpad gewen.

Nee, vriende, wanneer daardie eerste woorde al op jou pad kom, in jou gedagtes of deur iemand by jou se woorde, wys dit af uit God se Woord. Hier het ons die Bybelse waarhede en dis al wat ons nodig het om versoekinge teen te staan. Elkeen van ons weet diep in ons harte wat regtig reg en verkeerd is, maar jy kan dit vir ‘n ander uit die Bybel oproep en dan sommer die kans gebruik om aan daardie persoon meer van Christus Jesus te vertel.

Mattheus 4

11 Daarna het die duiwel Hom laat staan, en daar het engele gekom en Hom gedien.

Wat ‘n wonderlike gedagte is dit nie? Ons het meestal die gedagte dat satan ons heeltyd een voor is, heeltyd om ons draai en ons in versoeking lei; ons na die slegte kant van iets toe verlei. Maar gaan sit vandag bietjie stil, raak rustig en dink aan die kere wat dit vir jou gevoel het asof daar ‘n wonderwerk plaasgevind het. Dink aan die dae wat jy regtig ‘n emosionele kalmte gevoel het. Dan sal jy besef dat God ons só getrou beskerm en bewaar, dat daar maklik tye kom wanneer satan jou uitlos.

Dit is wanneer jy (dalk onbewus) ‘n versoeking weerstaan het. Ek besef baie dae eers later, na die tyd, hoe God my gekeer het om iets verkeerd te doen, te sê, te lees ... Uit eie krag kry ons dit nie reg nie. Maar, soos ek al iewers gelees het, ons Vader is ‘n “gentleman” met respek noem ek dit so. Hy dwing Hom nie aan jou op nie, Hy dring nie in waar Hy onwelkom voel nie.

Prakties kan julle aan baie voorbeelde dink soos om in donker, rokerige plekke te gaan kuier, om saam met ‘n groep vriende aan’t drinke te raak, om ‘n fliek te kyk waar God se Naam ydelik sonder respek, meestal as ‘n vloekwoord, gebruik word. Gaan rus langs die viswaters of op die sportpawiljoene op ‘n Sondag of haat iemand permanent sonder om ooit aan vergifnis te dink. Jy kan nie van so ‘n versoeking wegbreek sonder die Heilige Gees se hulp nie. Maar die genade is heeltyd oor jou, vra net en God sorg dat jy by Hom bly, dan kan jy al daardie uitnodigings wegwys EN satan sal jou uitlos dat jy tyd saam met Jesus kan deurbring. Toets dit maar.

Dan sal engele ook kom en jou oplig. Hulle vlerke sal jou oordek en beskerm. Ek voel gereeld die begeerte om nou al saam met hulle ook vir Jesus te dien. Al verstaan ek nie presies wat dit bedoel nie, maar dit sal kom. Dit oorheers soms my denke totaal. Dit lei tot gebed, tot neerkniel en Hom te loof en prys en dan sommer al my hartseer en behoeftes ook voor Hom neer te lê.

Ek groet julle, geseëndes, geniet die dag en die week en pas mekaar op.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #8 on: January 29, 2021, 09:37:36 PM »
Oggendboodskap 15 Januarie 2021

Gegroet vriende ...

Jakobus 1 vanaf vers 19
19 So dan, my geliefde broeders, elke mens moet gou wees om te hoor, stadig om te praat, stadig om toornig te word.
20 Want die toorn van 'n man bewerk nie die geregtigheid voor God nie.

Vriende, ek herhaal gedeeltes uit Die Boodskap-vertaling om dit verder te omskryf. Hoeveel van ons luister te min en praat te veel? Ek lees iewers dat ons twee ore het om te luister, maar een mond om te praat, so luister eers 2 x voor jy praat of antwoord, of sommer net ‘in-tjip’ soos ons dit graag noem. Ek is nou nog, maar was vroeër baie meer skuldig hieraan. Veral wanneer iets my persoonlike integriteit bedreig. Dan sou ek baie gou vertel dat ek sus of sò dink of doen of beplan. Veral as ek diep in my binneste weet dat ek eintlik op pad of besig was om dié iets verkeerd te doen. En net hier briek Jakobus my: wees stadig om toornig te word.

Hy sê ook julle moet ander mense kans gee om te sê wat hulle op die hart het. Luister rustig klaar, sonder om hulle te wil doodpraat of hulle in die rede te val. Sodoende kan jy rustig antwoord en jou kant van die saak stel, of jou mening gee of jou gedagtes deel. Onthou, net so min as wat jy tereggewys wil word, so min hou ander mense daarvan.

Maar juis daarom, as jy jou daarop instel om die Wil van God te doen, kan jy die voorbeeld aan ander stel. Moenie kwaad word nie, moenie jou vererg nie. Wat gaan dit jou help? Wat het dit jou in die verlede gehelp? Het jy al ooit iets gewen deur jou humeur langs die pad te verloor (en later daarna te gaan soek)?

Daarom, volgens vers 20 “Want die toorn van 'n man bewerk nie die geregtigheid voor God nie.” Dit is reguit woorde hierdie. God hou nie daarvan nie. Punt. Wanneer jy vandag met ‘n ander gesels, maak ‘n punt daarvan om te luister en kalm te antwoord. En soos ek elke keer sê, gebruik die kans wat God jou dan gee, om ter ere van Hom, iets van Christus te deel.

‘n Belangrike punt om aan te dink is hoe en wat jy sê. Klim jy graag in iemand se karakter in, of sal jy net die verkeerde dinge wat hulle doen of sê of uitleef, veroordeel? Ek is niks beter as enige ander nie, ewe vol sonde en swak teen versoekings. Sonder God kan ons dit nie oorwin nie. Daarom kan en mag ons nie ‘n ander se karakter en persoonlikheid aanval nie. Sommige se eie-ek, ja hul ego, plaas hul op hul eie platform en daarvandaan lewer hulle kritiek oor ieder en elk. Niemand is goed genoeg om dieselfde suurstof as hulle in te asem nie. Nee, elke haan kraai net op sy eie mishoop en geen ander gaan hom aanbid nie.

Vriende, jy mag voor niemand op aarde, geen mens, kniel en hom aanbid nie. Moet nie iemand wat dwaas praat, of homself hoog belangrik ag, slaafs napraat nie.

Volg eerder Paulus se raad, sy opdrag aan die Galasiërs en pas dit op jouself toe, werk dit in jou eie lewe in. Galasiërs 5: 22-23
Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing. Kies om nederig te wees en hou dit so, selfs al weet jy, jy is reg.

Om met iemand wat onlogies dink, te argumenteer, bring jou nêrens nie. Jy verloor naderhand jou humeur en niemand het tyd om daarna te gaan soek nie.

Hiermee groet ek julle, geseëndes, geniet die naweek en bring julle kant om veilig te wees. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #9 on: January 29, 2021, 09:39:11 PM »
Oggendboodskap 19 Januarie 2021

Gegroet vriende ...

Niemand kan belangriker wees as ons Here Jesus Christus nie

Jakobus 2

1 My broeders, laat julle geloof in onse Here Jesus Christus, die Here van die heerlikheid, nie wees met aanneming (wat bedoel beoordeling vlg ’83 vertaling) van die persoon nie.

2 Want as daar in julle vergadering 'n man inkom met goue ringe aan die vingers, met 'n pragtige kleed aan, en daar kom ook 'n arm man in met vuil klere aan;

3 en as julle opsien na hom wat die pragtige kleed dra, en vir hom sê: Gaan u op hierdie goeie plek sit, en vir die arme sê julle: Gaan jy daar staan of hier onder my voetbank sit —

4 het julle dan nie by julleself onderskeid gemaak en regters met verkeerde oorlegginge/oorwegings geword nie?

Vriende, ek herhaal gedeeltes uit Die Boodskap-vertaling om dit verder te omskryf.
.
Hoeveel van julle onthou Jesus se teregwysing aan die gaste in Lukas 14 vanaf vers 7? Gaan lees dit gerus weer. Jesus is genooi om by ‘n vooraanstaande fariseër te gaan eet. En wat het Christus toe gemaak? Hy het die mense so stilweg dopgehou en gesien hoe die klomp daar aankom, deftig uitgevat. En toe die gasheer aankondig dat die ete gereed is, het hulle mekaar verdring vir die beste sitplekke. En toe almal sit en wag vir om bedien te word, het Hy vir hulle gesê om liewer nie die voorste plekke in te neem nie, want wat gemaak as die gasheer jou moet kom sê dat jy op ‘n eregas, meer geëerd as jy, se plek te lande gekom het.

Lukas 14:10
Maar as jy uitgenooi is, gaan sit liewer op die agterste plek. Wanneer die gasheer kom, sal hy vir jou kan sê: ‘Vriend, kom sit hier voor.’ Dan sal jy in die agting van al die gaste styg.

11 Elkeen wat hoogmoedig is, sal verneder word, en elkeen wat nederig is, sal verhoog word.” En hierdie, vriende, geld op alle vlakke van die samelewing. Nie net by ‘n feesmaal nie. Is jou sitplek in die kerk daar heel voor? Daar waar julle gesin amper laaste inkom, regop en deftig sodat julle deur almal gesien moet word. Ook deur die armes en dié wat deur jou gehelp word, want almal weet dat jy die grootste bydraes gee, hoeveel keer jy iemand help, maar min weet dalk wat jy terugeis.

Dan gee Christus nog ‘n opdrag aan die man wat daardie feesmaal gereël het. Hy moet volgende keer die armes en kreupeles nooi. Hoekom? Nie omdat hy moet wys hoe goed hy is om die nederigste van die swakkes kos te gee nie.

Nee, vers 12 sê dit duidelik:
wanneer jy weer 'n maaltyd gee, moet dan nie jou vriende of broers of familie of ryk bure uitnooi sodat hulle jou waarskynlik ook weer uitnooi en jou op dié manier vergoed nie.

Hierdie is die kernpunt van die vers …sodat hulle jou moet vergoed nie. Moenie iets “goed” doen, om vergoed te word nie. Doen dit uit liefde vir jou naaste.

13Nee, as jy 'n feesmaal gee, nooi dan armes, kreupeles, verlamdes en blindes.
14Jy kan jou gelukkig ag dat hulle niks het om jou mee te vergoed nie, want God sal jou vergoed by die opstanding van dié wat reg gedoen het.”
(Ek wonder so stilweg of die fariseër daardie swartskaap in sy familie ook sou nooi, julle weet mos, daardie gesinnetjie wat aan die “anderkant van die spoorlyn” bly)

En dan die kernpunt hier … want God sal jou vergoed by die opstanding van dié wat reg gedoen het. Ja, doen goed aan ander en wees gelukkig wanneer dit iemand is wat jou glad nie kan vergoed daarvoor nie.

Hiermee groet ek julle, geseëndes, geniet die dag en hou aan om ons God te eer vir jou vreugde. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #10 on: January 29, 2021, 09:40:52 PM »
Oggendboodskap 21 Januarie 2021

Gegroet vriende ...

Jakobus 2

8 As julle ewenwel die koninklike wet volbring volgens die Skrif: Jy moet jou naaste liefhê soos jouself — dan doen julle goed.
9 Maar as julle partydig is, doen julle sonde en word deur die wet as oortreders bestraf.
10 Want wie die hele wet onderhou, maar in een opsig struikel, het aan almal skuldig geword.

En dan kom vers 11 wat dit verder verduidelik …
11 Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy 'n oortreder van die wet geword.

Vriende, ek het grootgeword met die les in my ouerhuis: of jy 5 sent steel of R1000, dit bly steel. Vandag is daardie 5 sent en R1000 seker vir baie min werd, maar die begrip bly dieselfde. En hier kom Jakobus en vertel ons dat dit nie net die grootte, of hoeveelheid, of intensiteit van sonde is wat by God tel nie, maar dat elke wet net so belangrik as die volgende is.

Of jy dus enigiets bo God stel, of sy Naam misbruik, of jy die Sabbat ontheilig of nie jou ouers eer nie, enigiets hiervan maak jou net so skuldig as sou jy moord of egbreek pleeg, steel of lieg of iets wat nie joune is nie, begeer.

Hoeveel van julle oordink die Wet van God elke dag? Of luister jy net af en toe op ‘n Sondag met ‘n halwe oor daana? Weens werksverpligtinge en my lewens- en verblyfomstandighede het ek die afgelope paar jaar baie min ‘n kerkdiens in ‘n kerkgebou bygewoon. My huis het later ook my kerk geword, so het dit vir my gevoel. En noudat ek weer tussen mense en naby ‘n kerkgebou of twee woon, nou verhoed die landsregulasies my om op te maak vir die verlore jare.

Dink julle ook die duiwel is listig, vriende. Hy lag lekker maar ek dink aan die tekenprentjie wat ek verlede jaar ontvang het. Met respek vertel ek dit hier … Die duiwel sê aan God dat hy dit tog reggekry het om kerke toe te maak, maar God antwoord hom dat Hy nou ‘n kerk in elke huis het.

En dit bring my terug by die Wet van God. Ons sê gou die kerk bring jou nie in die hemel nie, maar dan vergeet ons dat ons die Kerk is, Christus se Kerk. En net deur Hom gaan ons hemel toe, want Hy het gegaan om vir ons daar plek voor te berei.

Maar dit gee ons nie die reg om in hierdie lewe aan alle sondige versoekinge toe te gee en vir elke aardse verleiding te val nie, met die gedagte dat ons maar kan leef en laat leef want môre sterf ons nie. Dat ons kan doen en sê wat ons wil, wanneer ons wil, soos ons wil en aan wie ons wil nie. Baie belangrik hiermee saam, ook nie kan dink wat ons wil nie. God ken jou gedagtes beter as jyself. Om enige iets te bedink, is so goed soos egbreek, of begeer, of moord, of iets bo God te stel en dit dus as afgod te aanbid …

Vriende, ek is skuldig, honderd-, nee duisendvoudig meer skuldig aan baie meer dinge as wat ek aan kan dink. Al bedink jy net hoe om iemand om die bos te lei. Al vloek jy iemand in jou gedagtes. Al begeer jy in stilte dit wat jy by iemand anders gesien het. Ja, as jy op ‘n Sondagoggend met ‘n swaar hart regmaak om ‘n kerkdiens te gaan bywoon, en daar sit en ander se voorkoms kritiseer en die prediker se woorde verdraai, en wens hy wil nou klaarkry … Dan kon jy liewer tuisgebly het.

So worstel ons deur hierdie grendeltydperk en verwens die regering se onnadenkende besluite. Skel hulle uit vir alles wat jy as minderwaardig ag. Ek sukkel om hulle besluite te verstaan en wil tog net so graag saam met almal skel en hulle verwens. En dan voel ek skuldig, want ek staan elke oggend op met ‘n gebed op my lippe dat God Drie-enig my moet lei en bewaar van elke onheil. Ek wil nie volhard in sonde nie, maar dit elke dag aflê, dit by die Kruis gaan neersit waar dit lankal van my weggeneem is.

Vriende, ons kan kopskud oor iemand se dom dade, hul besluite en onnosel aksies, maar moenie die persoon veroordeel nie. Moenie sy menswees afkraak nie, want elke sonde, klein of groot, elke wet wat jy verbreek, maak jou net so skuldig aan liefdeloosheid as wat enige ander dalk aan jou doen.

Ek groet julle tot volgende week, mag jul geseënd wees en voel, geniet die dag en bring julle kant om veilig te wees. Totsiens.
adéle theron

Image uit die internetruimte
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #11 on: January 29, 2021, 09:42:09 PM »
Oggendboodskap 25 Januarie 2021

Gegroet vriende ...

Ek soek na iets mooi en positief. Iets minder lelik, nuus wat die week goed laat begin. Die naweek, verlede week, verlede jaar al, het ons besluit om positief asem te haal en elke dag die blou lug agter die donker wolke raak te sien. Om veldblommetjies te sien straal. Om ‘n reënboog in elke druppel dou raak te sien.

Maar dis moeilik. Dis swaar en party dae ámper, dalk heeltemal onmoontlik. Ek lees die nuusberigte agter die skerms. Daardie wat nie voorop in elke nuustyd gestel word nie. Ek wil nie dink aan enige voorbeeld nie. Ek wil nie onthou van seer- en treurige- en arrogante- oorlogsgebeure nie. Of van bedrog en leuens en rooftogte nie. Ek wil nie dink aan die hartseer van vriende en familie wat iemand in hierdie aardse lewe moes Groet nie.

Maar dit kry ek nie reg nie. Die oorlogsherinneringe, fisies en geestelik, afgode in ons lewenswyses, haat en bedrog wel. Maar dié laaste gedagte van verlies bly my by. Hartseer van ons naby-mense. Hierdie tyd tref ons dalk harder as enige ander tyd in vorige jare. Omdat ons nie weet of ons in die laaste ure by iemand geliefd sal kan wees nie. Die wêreld se reëls en regulasies wil “omgee” en liefde uitvee. Klink dit bekend? Want die aarde is elke dag een dag nader aan Christus se wederkoms aarde toe. En die duiwel wil almal keer om met Christus Jesus saam te gaan na die Plek wat Hy gaan berei het.

Vriende, niemand weet beter as satan dat hy geen kans staan om ons, wat ons lewe in God se hande geplaas het, verlore te laat gaan nie. Ons wat deur Hom uitverkies is, ons wat weet dat goeie werke jou nie die Ewige Lewe gee nie, maar wat in geloof en in God se liefde, nie anders kan as om goed te doen nie. Maar dis nie in satan se aard om op te gee nie. Nee, as vader van die leuen, moet en sal hy aanhou tot sy laaste dag voor hy die buitenste duisternis ingewerp gaan word.

Maar ons sal nie saam met hom daar wees nie. Nee, ons sal in die Ewige Jerusalem saam met Christus wees. Die hartseer en verlange wat ons vandag op hierdie aardse bodem ervaar, sal vir ewig getroos word. God se besluite is voor die skepping en grondlegging van hierdie sonnestelsel vasgestel. En omdat Hy ons lief het, kan ons nie anders as om in Jesus se verlossing te glo nie. Kan ons nie anders as om hartstogtelik uit te sien na daardie dag wat ons by God sal wees nie.

Ek soek na goeie nuus in die ruimte om ons, maar lees my vas teen kwade dinge. Hoe mense mekaar bedrieg, maar erger, voorgee dat hulle God en sy Woord eerste in hul lewe stel, maar teleurstellend misluk. En ek besef net weer, moenie dink jy kan God bedrieg as jy dit met mense regkry nie. Wanneer gaan hulle besef hoe fataal dit is, want Hy weet wat in elkeen se hart en gedagte bedink word.

Kom ons sluit ons oë. VaderHeer, neem nou ons hande, vou ons toe in u Genade. Ons smeek U om ons die moed en hart te gee om ons naaste en U lief te hê met ons hele hart en siel en verstand. Ons faal soveel keer in ons verdwaaldheid, om die goeie wat ons wil doen, vol te hou. In U teenwoordigheid kan ons egter die volharding van sonde probeer aflê. Nie dink ons is nou maar sús of só geskape en niks kan ons verander nie. Lei ons na waar ons iemand van U Liefde kan vertel. Om Christus ontwil. Amen amen Here.

Vriende, ek groet julle, mag jul geseënd wees en voel, geniet die dag en bring julle kant om julleself en ander veilig te hou. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #12 on: January 29, 2021, 09:43:17 PM »
Oggendboodskap 27 Januarie 2021

Gegroet vriende ...

Eers was daar in ons kinderdae, my en my tydgenote s’n, die kinder-ensiklopedië. Later ensiklopedië vir mense wat iets wou weet, wou uitvind, moes leer en ‘n taak vir skoolklas moes opstel.

Vandag Googleloer ons na alles wat ons nooit gehad het of van geweet het nie. En die afgelope paar dae toer ek van Abraham se tyd af deur die Ou Testament se lewenswyses, deur die Nuwe Testamentiese tyd, deur die Middeleeue en Industriële Revolusie tot by vandag. Ek soek na die binnekant van hulle huise. Abraham en Jakob se tente, Jerigo en Jordanië, Jerusalem in Jesus se tyd, deur die na-Bybelse eeue, Middeleeue, Victoriaanse Tye ens ens …

Maar alles is dieselfde. Huise met slaapkamers en kombuise, eetgerei en klere. Van tyd tot tyd het plekke net beter, gemakliker, moderner en stylvoller geword. Maar wat is modern en wat is dan nou meer stylvol as een of tien of sestien eeue gelede?

Ons weet bittermin van die mooi paleise van drie milleniums gelede, of van die adelikes se kastele van 1500 jaar gelede. Of van bywonershuise en bedelaars se slaapplekkies. Hoe het hulle kombuise gelyk? Argeoloë stel scenarios voor met dit wat hulle opgrawe, fondasies wat hulle blootlê, geskrifte en eetgerei, kleipotte en ysterware wat hulle vind.

Maar wat weet ons werklik van die leefwyses van daardie tyd? Ek het ‘n paar dae gelede weer iets gelees van Abraham se staptog na die berg, Moria. Daar waar hy Isak moes gaan offer. En weer het ek gewonder hoekom hy dan so ewe gegaan het? Vriende, wat sal julle doen as dit vandag deur God van jou verwag word, om een van jou kinders prys te gee vir jou geloof?

In ons kultuur en lewe is dit ondenkbaar. Ek het begin soek na die rede hoekom Abraham nie ten volle geweier het nie. Hy het net gewonder hoekom Isak, die beloofde kind, die eersteling van sy nageslag wat ontelbaar in getal wou wees. Sou hy beter gevoel het as dit ‘n ander kins sou wees? Ek lees van kinders wat aan afgode geoffer word, en besef dat dit onder heidennasies dalk iets bekend was. Daarom het God dít gebruik om Abraham te toets.

Maar nêrens lees ek dat God verander het nie. Nêrens sien ek dat Jesus in die Nuwe Testamentiese tyd, een van die tien Gebooie verander het nie; iets omgeswaai het en toestemming gegee het dat daarvanaf as toelaatbaar gesien sal word nie.

Ek lees van Ragab wat deel van God se uitverkore volk geword het en haar ou lewe agtergelaat het, maar sien nêrens nie dat Paulus eeue later, prostitusie goedkeur nie. Ek lees hoe snobisties Naäman was, maar lees nie dat Jesus skielik snobisme goedkeur nie, inteendeel, Hy het die fariseërs behoorlik uitgetrap daaroor. Ek lees hoe Jesus by tollenaars en ander skelms gaan kuier het, maar Hy het hulle gered slegs nadat hulle in Hom geglo het, en ander nie meer sou bedrieg en besteel nie.

Ja vriende, wat in die ouer tye vir God ‘n gruwel was, is dit nog steeds. Sekere verhoudings en lewenswyses wat mense geniet, omdat hulle reken dis hul reg as mens om te besluit wat hulle met hulle lewe en liggaam mag doen, is en sal altyd sonde bly. Maar ons as gelowiges kan alle sonde aflê en die hardheid van ons harte aan God oorgee. Ons is niks, maar God is alles. Net Hy moet geloof word vir alles wat ons het en kry en regkry.

Kom ons sluit ons oë. VaderHeer, neem asseblief ons lewe in U hande, lei ons uit die sonde, uit dinge wat ons weet verkeerd is, maar onsself so verlustig daarin en met allerhande verskonings glo ons mag daarmee aanhou. Om Christus ontwil. Amen amen Here.
Vriende, wees geseënd en bly veilig, geniet die dag met vrede en bring vreugde van Jesus in iemand se lewe. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #13 on: January 29, 2021, 09:44:37 PM »
Oggendboodskap 29 Januarie 2021

Gegroet vriende ...

In hoofstuk 3 deel Jakobus die volgende met sy lesers:

Die wysheid wat van bo is.

13 Wie is wys en verstandig onder julle? Laat hom uit sy goeie lewenswandel sy werke in sagmoedige wysheid toon.
14 Maar as julle bittere afguns en selfsug in julle hart het, moenie roem en lieg teen die waarheid nie.
18 En die vrug van die geregtigheid word gesaai in vrede vir die wat vrede maak.

Die Boodskap-vertaling stel dit só:
Wat kies jy: die mens se lewenstyl of God s’n?

Ons is wel op hierdie aarde, deel van en tussen mense en mense en mense. Mense met verskillende persoonlikhede en verskillende sienings wat elkeen hulle eie gedagte oor ‘n saak het. Hoe stap julle saam met vriende, kollegas of iemand wat toevallig op jul pad kom?

In Markus 9 word Jesus op die berg verheerlik, toe God uit die wolk gesê het: "Dit is my Geliefde Seun, luister na Hom." Daar het die drie dissipels saam met Hom, dit gesien. Gesien hoe belangrik Jesus is.

Maar ons ken die geboorte-vertelling van Christus, die stal en die krip. Ons weet dat herders Hom eerste gaan besoek het. Alles dinge wat van sy nederige mensekoms vertel.

Kom ons gaan kuier daar in die bokamer waar die man met die kruik reeds die tafel en als neergesit het, sodat die dissipels Petrus en Johannes, net die kos vir die pasga of paasete moes voorberei. En Johannes vertel ons in hoofstuk 13 dat Jesus daar iets meer gedoen het as net om vir Judas te laat verstaan dat Hy weet hy gaan hom verraai., al het Hy ook sy voete gewas. Die dissipels  het hulle ervaar hoe Hy hulle voete gewas het. Nederigheid in mense was en is vir God baie belangrik. Dit word ook in Galasiërs 5 genoem as deel van die Vrug van die Gees: “Maar die vrug van die Gees is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing.”

En deur al die evangelies het Jesus gewys dat Hy verwag ons mense moet vir mekaar omgee, ons moet elkeen nederig bly, ons moet teenoor mekaar optree soos wat Hy gedoen het teenoor elkeen met wie Hy, oral waar Hy rondgegaan het, gedoen het. Hy het mense jammer gekry, saam met Lasarus se familie gehuil, kindertjies en ou mense en ander gesond gemaak, melaatses ook, bedrieërs/tollenaars vergewe … noem maar op en weet Jesus Christus het met deernis, nederigheid en liefde baie na Hom toe getrek.

Slegs hulle wat hoogmoedig en snobisties, magsbehep en geldgierig was, het Hy hard aangespreek. Hulle wat in hul sonde volhard het. Dink aan die ryk jongman wat so graag ‘n volgeling van Hom wou wees, maar vasgebind was deur sy baie besittings, sy rykdom. Ook aan die ryk handelaar wat geen omgee vir Lasarus die bedelaar gehad het nie. Waar het hy beland? In die hel waaruit hy in ewigheid nie kan ontsnap nie.

Vriende, Paulus het ook in Galasiërs se brief die teenoorgestelde van die vrug van die Gees beskryf nl: “Die praktyke van die sondige natuur is algemeen bekend: onsedelikheid, onreinheid, losbandigheid, afgodsdiens, towery, vyandskap, haat, naywer, woede, rusies, verdeeldheid, skeuring, afguns, dronkenskap, uitspattigheid en al dergelike dinge.

Daarom, as julle iemand ken wat hierin Volhard, praat met hom of haar, bid ook vir hulle en onthou, onsself is nog geneig tot al hierdie dinge, dit kos alles in ons saam met die Heilige Gees, om self hiervan af te sien. Maar saam met God is dit eintlik so maklik, heerlik om vry te wees in jou geloof. Weet dit en glo dit ook!

Kom ons sluit ons oë. VaderHeer, neem asseblief ons lewe in U hande, lei ons uit die sonde, uit dinge wat ons weet verkeerd is, maar onsself so verlustig daarin en met allerhande verskonings glo ons mag daarmee aanhou. Om Christus ontwil. Amen amen Here.
Vriende, wees geseënd en bly veilig, geniet die dag met vrede en bring vreugde van Jesus in iemand se lewe. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #14 on: February 03, 2021, 10:18:49 PM »
Oggendboodskap 2 Februarie 2021

Gegroet vriende ...

JAKOBUS 4

Verset teen oorheersing deur die hartstogte.

1 Waarvandaan kom oorloë en vegterye onder julle? Kom hulle nie hiervandaan, van julle welluste wat in julle lede stryd voer nie?

2 Julle begeer en julle het nie, julle pleeg moord en is naywerig en julle kan niks verkry nie. Julle veg en maak oorlog, en julle het nie, omdat julle nie bid nie.

3 Julle bid en julle ontvang nie, omdat julle verkeerd bid, om dit in julle welluste deur te bring.

4  Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan 'n vriend van die wêreld wil wees, word 'n vyand van God.

5 Of meen julle dat die Skrif tevergeefs sê: Met jaloersheid begeer die Gees wat in ons woon?

6 Maar Hy gee groter genade; daarom sê Hy: God weerstaan die hoogmoediges, maar aan die nederiges gee Hy genade.

Die Boodskap-vertaling stel dit só:
Leef vir die Here

Nou wonder ek, soos meeste van julle ook sovele kere al, wat is verkeerd met die mensdom. Ons stry en baklei van kleuterdae af tot in die wintertye van ons lewens. Ons hoor dit by ons ouers, kinders beleef dit in skooltyd, elkeen van ons het seker al in ons lewe van onderonsies tot vuisslaan beleef, en dan word ons oorlaai in flieks, en deesdae op sg sosiale media ook. Wie van julle kry dit reg om dit te vermy, dadelik weg te draai wanneer dit op jou pad kom?

Is dit nie omdat elkeen altyd net aan homself dink nie? Kom dit nie van daardie gevoel dat net wat vir jou lekker of belangrik is, saak maak nie? Hoeveel keer waarsku Christus ons in sy Woord teen té belangrik voel, jouself verhewe ag bo ander? Jy dink miskien jy het nooit werklik vuisgeslaan nie, so wat raak hierdie boodskap jou?

Maar in woorde? In jou gedagtes? In iemand slegsê om jou wil op hom/haar af te dwing of dalk agteraf te beskinder?

Kry jy nie jou sin nie, is die duiwel los. Jaloesie neem beheer oor van jou hele persoonlikheid. Deur baie eeue het koninkryke gekom en gegaan, deur oorloë geveg om grondbesit en mag. Vandag nog, al besef meeste van ons dit nie, is daar stamgevegte en oorloë in ander lande teen mekaar, omdat hulle sekere provinsies vir hulself toeëien.

Vriende, as jul iets wil hê, vra opreg vir God, maar nie met verkeerde motiewe weens haat en magsbeheptheid of sondige begeertes nie. Vra eers, Here, is dit dalk in U beplanning vir my lewe? Maar moet nie net jou rug na God draai en in selfsug net gryp na iets wat jou goed laat voel nie. Hoeveel van ons volhard in sonde omdat iets lekker is, of omdat dit jou belangrik laat voel?

Ek lees hoe mense die Bybel verdraai om by hulle sieninge aan te pas, met “bewyse” van hoe die lewe vandag daar uitsien en die Bybelse redes, ja, God se reëls, outyds is. Ek huil vir hartsmense na aan my, wat volhou met ‘n lewe waaraan God ‘n afsku het.

Ek lees weer vers 4: Wie dan 'n vriend van die wêreld wil wees, word 'n vyand van God.

Luister liewer na wat in God se Woord staan. Hoeveel word daar dinge genoem wat deur Hom verag word, wat ‘n gruwel in sy oë is. Nee, onthou, God mag wees, en is ‘n jaloerse God. Hy wil ons opreg vir Homself hê. God wil ons lewe, wat Hy vir ons gegee het, heeltemal vir Homself hê. Hy het ons dan geskape en ons is sy kinders.

Kom ons sluit ons oë. VaderHeer, neem asseblief ons lewe in U hande, lei ons uit die sonde, uit dinge wat ons weet verkeerd is, maar onsself so verlustig daarin om met allerhande verskonings te glo ons mag daarmee aanhou. Om Christus ontwil. Amen amen Here.

Vriende, wees geseënd en bly veilig, Hou vas aan God se gebooie en aan die Soom van Jesus se Kleed, nl sy Liefde vir ons. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #15 on: February 03, 2021, 10:19:38 PM »
Oggendboodskap 4 Februarie 2021

Gegroet vriende ...

JAKOBUS 4:13 en verder

Onsekerheid van menslike planne.

13 Kom nou, julle wat sê: Vandag of môre sal ons na dié en dié stad gaan en daar een jaar deurbring en handel drywe en wins maak —
14 julle wat nie eens weet wat môre sal gebeur nie. Want hoedanig is julle lewe? Dit is tog maar 'n damp wat vir 'n kort tydjie verskyn en daarna verdwyn.
15 In plaas dat julle sê: As die Here wil en ons lewe, dan sal ons dit of dat doen.
16 Maar nou roem julle in jul grootpratery. Al sulke roem is verkeerd.
17 Wie dan weet om goed te doen en dit nie doen nie, vir hom is dit sonde.

Die Nuwe Lewende Vertaling vra of jy weet hoe afhanklik jy van God is ….

Sonder om te dink, beplan meeste mense elke dag se doen en late: werk, na werk se huis/kuier/uiteet-planne, naweke en vakansies se vooruitsigte, assuransies en versekering, nuwe aankope soos ‘n huis of motor, kinders se toekomsplanne …

Waar en hoe het enigiemand enige versekering dat dinge volgens sy/haar planne gaan uitwerk? Geen daarvan nie, dit kan ons antwoord. Nogtans gaan jy aan met gedagtes en planne volgens wat jy wil, volgens wat jy dink jou goeie posisie in die samelewing gaan waarborg, dan nie?

Vriende, hoeveel keer het jy al iemand hoor sê ‘As die Here wil, of in Latyns DV, afkorting vir Deo volente of ‘so die Here wil’
EK was gelukkig in die sin dat dit my pa se beskouing was. Hy het nooit, of dalk baie min kere, (waarvan ek nie eers weet nie) iets beplan of besluit sonder om dit in gebed te noem en te vra of dit ook die Here se wil is nie. Maar dit kan ook net ‘n gewoonte wees, soos dit dalk vir tye in my lewe, myne was. Tot iets die mat onder jou uitpluk en jy dan besef dat God jou tot halt roep. Jou laat verstaan jy ploeter voort in jou eie lewensbaan, en jy Hom agtergelaat het.

En hoeveel keer het ek al in trane van berou moes uitroep ‘Dankie Here, dankie dat U my op die laaste oomblik, van die afgrond waaroor ek sou stort, gered het.’ Want wat is jou lewe werd? Kan jy vir een oomblik vorentoe, sonder God se wil iets beplan?

Wat het die ryk man waarvan Lukas in hoofstuk 12 vertel, gedoen? Gewerk bymekaargemaak, meer skure gebou, meer oeste weggebêre en toe agteroor gaan sit om als te geniet. Ek mis iets, (my gedagte) daardie man het net vir homself bymekaar gemaak. Niks daarvan vir ander geskenk of aan God teruggegee nie. En geen danklied en lofprysing vir God se genade vir net ‘n klein bietjie daarvan nie.

Kom ons lees weer vers 15 … ‘In plaas dat julle sê: As die Here wil en ons lewe, dan sal ons dit of dat doen.’ Ja, die Boodskap-vertaling lees ‘Erken liewer dat die Here julle hele lewe beheer. Sê liewer: “As ons môre nog leef, sal ons dit of dat doen. Maar dit hang eintlik alles maar van die Here af.”

Wees verseker daarvan dat jy nie leef soos die Here dit wil hê, as jy nie besef dat elke dag, elke uur, elke oomblik se lewe, asemhaling, gedagte, beplanning in God se hand lê nie. Maar dis nooit op aarde te laat om jou lewe so in sy Hande te plaas nie. Dis nog nie te laat om iemand daarop te wys dat hulle tweede gaan kom, as hy/sy dit nie gaan doen nie. Want ook is ons dissipels van Christus en dit beteken dat jy, by die uitleef en oordra van sy Genade, elkeen na aan jou daarvan moet vertel. Ja, ook nie wegskram daarvan om ander wat soms naby jou verbyloop en jy nie ken nie, van God te vertel nie. Jy kan nie kies wie jou naaste is nie. God stuur hulle op jou pad.

Kom ons sluit ons oë. VaderHeer, neem asseblief ons lewe in U hande, lei ons uit die sonde, uit dinge wat ons weet verkeerd is, en gee ons die geleentheid en moed om met onbekende mense ook oor U te gesels.. Om Christus ontwil. Amen amen Here.

Vriende, hou aan om lof aan Jesus te bring. Wanneer jy iets beplan, vooruit wil dink, onthou om te vra of dit in God se wil vir jou inpas. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #16 on: February 07, 2021, 10:40:53 PM »
Oggendboodskap 8 Februarie 2021

Gegroet vriende ...

JAKOBUS 5

Veroordeling van die onbarmhartige rykes.

Jakobus begin hoofstuk 5 met sy vermaning, wat amper soos ‘n aanval klink, teen onbarmhartige rykes.

“1 Kom nou, julle rykes, ween en huil oor die ellendes wat oor julle kom” … en verder. Hy wys hulle daarop dat geld en als wat vir hulle tog só belangrik is, sal vergaan. Wat ‘n vermorsing van jare. Ai, en wat gaan van daardie magtige rykes word? (vandag lees ons baie van hulle wat met hulle rykdom die mensdom na hulle wense probeer buig) Hoeveel van hulle gaan dit regkry om die knie in berou en verootmoediging, voor Christus neer te buig?

Onthou, daar is baie ryk mense op aarde van wie ons nie weet nie, hulle wat ‘goed’ doen, wie se regterhand nie weet wat hul linkerhand doen nie, hulle wat hul werkers barmhartig behandel, wat weet hul rykdom kom van God af, kortom, gelowiges … hierdie hoofstuk gaan nie oor hulle nie. Dit gaan oor die wat vergeet God is die enigste God, nie hulle of hul mag of hul rykdom nie. Wie van ons ken nie sulke mense nie … mense wie se magsbeheptheid hul hele wese oorheers, hulle sal almal vertrap in hul sug na groter rykdom.

Sê Christus Jesus nie self nie in Lukas 15: 25 ‘Want dit is makliker vir 'n kameel om deur die oog van 'n naald te gaan as vir 'n ryk man om in die koninkryk van God in te gaan.’

Die Boodskap-vertaling sê ook in vers 3 van Jakobus 5 ‘Geld is al waarmee julle julle besig hou en waaroor julle gesels; intussen is die wederkoms van die Here naby.’

Wat ‘n hartseer dag lê voor vir hulle. Maar onthou, ons het al gelees hoe elkeen van ons skuldig is in sonde. Moet nie dink omdat jy meegevoel het of arm is of omgee vir ander wat minder as jy het, of enige ‘goeie dade’ doen, jou paadjie hemel toe daaroor reg is nie.

Tussen alles wat jy doen en is en wat met jou gebeur, wat jy gee en hoe min jy neem, of jy nederig is, of hoogmoedig in jou geloof is, maak nie saak wie en wat jy is nie, God het jou lief want Hy het jou gemaak. En om in Hom te glo, in sy Liefde, en met jou hele hart Hom en jou naaste lief te hê en te weet en te glo dat Christus jou sonde aan die kruis weggeneem het, is al wat nodig is om die Ewige Lewe saam met God te wees. Dan kan jy nie anders as om ‘goed’ te wees nie.

Kom ons sluit ons oë. VaderHeer, Help ons om U en ons naaste met ons hele hart en siel en verstand lief te hê, want uit onsself is ons nie daartoe in staat nie. Om Christus ontwil. Amen amen Here.

Vriende, hou aan om lof aan Jesus te bring. Wees goed vir jouself en almal om jou met sorgsaamheid. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #17 on: February 25, 2021, 01:41:56 PM »
Oggendboodskap 10 Februarie 2021

Gegroet vriende …

JAKOBUS 5 vanaf vers 7 vertel ons om geduldig te wees.

7 Wees dan geduldig, broeders, tot op die wederkoms van die Here. Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het.

8 Julle moet ook geduldig wees; versterk julle harte, want die wederkoms van die Here is naby.

9 Moenie teen mekaar sug nie, broeders, sodat julle nie veroordeel word nie. Kyk, die Regter staan voor die deur.

12 Maar bo alles, my broeders, moenie sweer nie: nie by die hemel nie, ook nie by die aarde nie en ook geen ander eed nie; maar laat julle ja ja wees en julle nee nee, sodat julle nie onder 'n oordeel val nie.

Wees dan geduldig, vriende, wat sê dit vir julle? Wees geduldig, hou moed tot die Here terugkom. Die wederkoms van ons Here Jesus Christus is die belangrikste dag in elkeen van ons se lewe. Dis die enigste dag waarna ons met hart en siel en verstand kan uitsien, net soos wat ons God en ons naaste lief moet hê.

Soos wat ons land se boere, ons vriende, kennisse en hul familie geduldig wag op planttyd, oestyd, wag om die vrug vol in die aar te sien, so moet ons geduldig wees. Soos wat ons land steier onder droogtes en vloede, vroeë en laat reëns, maar ons landbouers geduldig wag, op hul knieë ons Vader smeek vir uitkoms, of dank vir genade, so moet ons almal geduldig wag en ons harte versterk, want die koms van die Here is naby. Dit is die woorde in vers 8, waaraan ons vas hou.

Die laaste week of twee geniet ons ook die boek van Job. Sy lewensverhaal, in ons aandstudie. Dis ‘n lang skrywe met baie gedagtes waarin ons die positiewe en negatiewe uitpluis. Maar elke keer kom ons terug by die sieninge van Job se vrou, verlore en verskeurd in haar hartseer oor haar kinders. Maar Job het, al het hy op die ashoop sy seerplekke sit en krap, nie teen God gesondig nie. Hy het nie gevloek en geskree teen God nie, selfs al het hy sy geboortedag vervloek. Op die einde, toe die duiwel nou als probeer het om Job van sy Skepper en HemelHeer te laat wegdraai, maar nie daarin kon slaag nie, het God aan Job baie meer teruggegee as wat satan weggevat het. Baie meer.

Dit is ’n verhaal van hoe goed en vol liefde die Here regtig is, sê die Boodskap-vertaling.

Daarom mag julle mekaar nie vloek, verwens of kwaad aandoen nie, mekaar indoen, inloop met besigheid nie, nie oor ‘n ander skinder nie. As julle die Vader lief het, in Christus glo en met die Heilige Gees in julle, ‘n pad in julle gemeenskap stap, mag julle mekaar geen kwaad aandoen nie. Dan is dit nie God se pad nie.

En in vers 12 sê Jakobus: Liewe vriende, daar is nog iets wat ek vir julle moet sê en dit is belangrik. Moenie sweer of enigiets anders doen om so te wil bewys dat julle die waarheid praat nie. Praat altyd die waarheid. As julle “ja” moet sê, sê dan “ja”, en as julle “nee” moet sê, sê dit. Dan sal julle nie by God in die moeilikheid kom nie. (Die Boodskap-vertaling)

Kom ons sluit ons oë en vra weer VaderHeer, help ons om U en ons naaste met ons hele hart en siel en verstand lief te hê, want uit onsself is ons nie daartoe in staat nie. Om Christus ontwil. Amen amen Here.

Vriende, geniet die middeldag van hierdie week. Wees goed vir en geduldig met jouself en almal om jou. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #18 on: February 25, 2021, 01:44:01 PM »
Opskrif en seëngroet.

1 JAKOBUS, 'n dienskneg van God en die Here Jesus Christus, aan die twaalf stamme wat in die verstrooiing is: Groete!

Die Nuwe Lewende Vertaling gee dit só

Jakobus skryf aan Joodse Christene, versprei oor die wêreld

1 Hierdie brief kom van Jakobus, ’n dienskneg van God en die Here Jesus Christus.
Ek skryf aan die Joodse Christene wat oor die wêreld versprei is. Groete!

Die Jakobus (wat waarskynlik hierdie brief geskryf het) was een van Jesus se 4 broers en het in 62 n.C. later as martelaar gesterf. Maar hy was ook leier van die gemeente van Christene in Jerusalem. Sy brief het hy geskryf aan “Almal wat oor hierdie wêreld versprei is en aan God behoort. Met ander woorde, ook aan ons; al was ons nie van die Jode nie, is ons vandag Christene en as jy iemand raakloop wat nog nie van Christus gehoor het nie, is dit jou plig om die Evangelie aan hom/haar te vertel.

Dan sluit JAKOBUS sy brief af met gedagtes oor gebed. Dit klink vir my soos ‘n vermaning, eintlik ‘n opdrag, hoofstuk 5:13 en verder:

13 Is daar iemand onder julle wat ly? Laat hom bid. Is iemand opgeruimd? Laat hom psalmsing. (In elke geval moet ons met God praat en Hom loof)

14 Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het. Vriende, lees weer hierdie vers. So iemand wat siek is, moet net met olie gesalf word … Elkeen kan die salwing op ‘n ander manier sien, maar hier gee ek net my mening. As iemand van my verskil, is dit nie te sê jy is verkeerd nie. Bedink egter die volgende:

Hier word net van olie gepraat waar iemand siek is. Nie van die bloed van Jesus nie, en ook nie oor ‘n hele huis, of om ‘n huis, of motorkar of enigiets nie. Hy het klaar sy bloed gestort tydens daardie intense lydingsmarteling. Ons gaan mos nie dat Hy dit weer en weer deurgaan nie. En ook moet die olie net gebruik word om die sieke te salf en dan moet die mense wat saamgeroep is, tot God bid. God gee genesing as dit in sy Wil is. Nie die olie nie.

15 En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word… Maar nooit mag ons iemand van ongeloof beskuldig, sou hy of sy nie gesond word nie. Jakobus sê net dat ons ons sonde moet bely. Ek glo wel dat ons dan gered sal word, as ons ons sonde bely en in Christus glo, Hom lief het. Vir my beteken dit dat ek gered sal word, indien dalk nie op aarde gesond nie, maar wel in die hemel, in die ewige Nuwe Jerusalem.

Kom ons sluit ons oë. VaderHeer, help ons om hierdie reg te verstaan en in te neem soos wat U dit aan ons wil gee. Laat ons elke dag, in siekte, pyn, hartseer, wat ookal, tot U bid, maar in vreugde U loof, ja psalmsing tot U Eer. Om Christus ontwil. Amen amen Here.

Vriende, geniet die naweek. Lees weer deur Jakobus se brief en laat dit ‘n plekkie in jou hart vind waar jy dit bêre. Wees goed vir en geduldig met jouself en almal om jou. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #19 on: February 25, 2021, 01:46:37 PM »
Oggendboodskap 16 Februarie 2021

Gegroet vriende …

Sondagaand het ons na ‘n fliek gekyk wat ek van iewers af afgelaai het. ‘n Mamma skryf en vertel ‘n verhaal aan haar dogter en die dogter raak so meegevoer deur die verhaal, dat sy nie kan wag vir die volgende hoofstuk nie. Dan, op die toppunt van die geluk wat in die storie plaasvind, is die dogter oorstelp van vreugde. Maar haar ma sê: wat laat jou dink die verhaal is klaar?

Dan volg die laaste paar bladsye wat die storie in intense hartseer laat eindig. Sy is woedend. Hoe kan haar ma die verhaal nou so ‘n kinkel gee? Maar met die lewenslesse wat sy uit die storie leer, besef sy dit is meer algemeen om seer en teleurstelling te ervaar in die lewe, as om lewenslank op die toppunt van geluk te bly. En wanneer sy dit besef, is haar ma daar om haar trane af te vee en haar vas te hou en kyk hulle saam, glimlaggend, oor die vlakte voor hulle na waar die blou berge wegraak in die verte.

En vriende, dit is ook my ervaring in hierdie lewe gewees, en is dit nog steeds. En ook elkeen van julle wat hier lees en luister s’n. Net, ons skryf sommige dele van ons lewensverhaal. Die ander dele word deur ons HemelVader geskryf. En die verstaan kom net van Hom af. Sonder God se influistering in jou en my hart deur die Heilige Gees in ons, is dit nie moontlik om regtig te verstaan waarom slegte ervarings en teleurstellings oor ons pad kom nie. Hoekom dit ons so intens tref nie.

En omgee en vashou en ons trane afvee, is iets wat ook net van Hom af kom. Al is dit deur vriende wat ons pad kruis. Christus se omgee en liefde loop soos ‘n goue draad deur die Evangelies in die Nuwe Testament van Die Bybel. Maar dit kom al van God se liefde dwarsdeur die Ou Testament, vir sy Volk, Israel. Daarom het Hy hulle keer op keer op keer gered. Christus was nog nie op aarde om redding te bring aan elke gelowige nie. Daarom het God die volk Israel gestraf, as slawe laat leef, as ballinge laat wegvoer … maar hulle elke keer weer gered onder die ander volke se tirannie uit.

Wat het Hy nie alles gedoen om hulle na aan Hom te hou nie? Maar keer op keer het hulle agter die heidennasies om hulle, se gode aangeploeter. Klip en hout, ja edelmetale en edelgesteentes wat saamgegiet is om ‘n sg god te wees, was vir hulle baie aantrekliker as die God van hulle voorvaders Abraham, Isak en Jakob, van Moses en Josua en Debora en Dawid en van al die profete wat aan Hom getrou gebly het. (En vandag nog dink ek die Jode wat Christus volg, het ‘n baie sagte plekkie in sy Hart, wel, hulle sou in my hart gehad het)

Daarom wat ons ons kinders soveel keer vergewe en help en vir hulle bid, al bly sommiges hardkoppig en moedswillig buite die nou pad wat met Christus se liefde geplavei is. Maar iewers moet elke kind, of dit nou ek of jy of ons kinders of iemand anders se kind is, moet elkeen sy/haar eie besluit neem. Óf Christus, óf die wêreld. Ons kan nie God en mammon, satan, allerhande dinge om vriende tevrede te stel, volg nie. Dis óf God óf die satanswêreld. Bedink dit vandag nog! Môre mag dalk te laat wees. Gaan lees weer Openbaring 3: 15 – 16, maar lees eers die hele hoofstuk.

Kom ons sluit ons oë. VaderHeer, ons vra u Leiding, u genade, u Liefde, vra dat U ons en ons kinders aanraak om wakker te word. Hierdie lou houding bring mense nêrens nie. Mag ons almal warm bly in ons geloof en U dag en nag volg. Amen amen Here.

Daarom vriende, al dwaal jy af, al sukkel jy om jou voete reguit op die nou paadjie te hou, onthou dis die Ewige Lewe wat jy as beloning gaan kry. Moet nie die vreugde om dit nou al te glo en te voel, weggooi deur te lank te wag nie. En gee die boodskap aan elkeen naby jou.

Geniet vandag. Totsiens.
adéle theron

adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #20 on: February 25, 2021, 01:48:06 PM »
Oggendboodskap 18 Februarie 2021

Gegroet vriende …

Habakuk se gebed Hoofstuk 3

1 'n Gebed van die profeet Habakuk. Op die wysie van 'n klaaglied.

2 Here, ek het gehoor wat van U vertel is en ek is vervul met ontsag vir wat U gedoen het. Doen dit tog ook in ons tyd, laat u dade ook in ons tyd ervaar word, ontferm U selfs in u toorn.

8 Was U kwaad vir die riviere, Here? Het u toorn teen die strome ontvlam?
Het die see U woedend gemaak dat U op u perde gery het, op die strydwaens waarmee U oorwin?

9 U het u boog uitgehaal en met 'n eed die opdrag aan die pyle bevestig.Sela
U het die aarde oopgebreek en riviere laat stroom.

10 Toe die berge U sien, het hulle gebewe, stormwaters het verbygespoel, die diep water het gedreun en sy golwe hoog laat opslaan.

16 Toe ek hierdie dinge hoor, het ek gesidder, my lippe het gebewe, my hele liggaam het lam geword, my bene het aan die ruk gegaan. Tog sal ek geduldig wag dat die dag van die oordeel moet kom oor die volk deur wie ons aangeval is.

Ek wil hierdie woorde so effens verander en sê ons sal geduldig wag tot die wederkoms van Christus sal aanbreek. Dan sal Hy kom oordeel oor sy volgelinge en sy teëstaanders.

Die Vrystaat-luggie is heerlik koel vir hierdie tyd van die jaar. Ek weet hoe warm Februariemaand kan wees, wanneer dit voel asof die winter eers in Augustus gaan aanbreek. Maar tog kan ons nie een dag vooruit sien of voorspel nie.

Ja, oral is weerstasies en weervoorspellingskantore mos opgerig, is mense hard aan die werk om weerpatrone met jare en dekades vantevore s’n te vergelyk, en ‘n voorspelling daarmee te waag … maar waar bring dit ons? Met ‘n sikloon soos onlangs se Eloise vanuit die Indiese oseaan, kan mense veral in die ooste van die land, teen oorstromings gewaarsku word. Maar nou wonder ek of die oorstromings oor sekere gedeeltes van Namibië en die Kalahari, plek-plek in die Vrystaat en Noordwes en ook elders in die land, so presies te wagte was?

Baie plekke het nie standhoudende riviere en damme, om dit daar van water te voorsien nie, maar mense daar moet staatmaak op boorgate. Die oorvloedige reën oor plat vlaktes wat die ondergrondse watertafel aanvul, is altyd welkom. Maar net soos droogtes, hou mense ook nie van skade wat skielike oorstromings bring nie. Dan word daar gevra hoekom Here? Hoekom ék, ons, Here. Wanneer gaan dit beter gaan hier, Here?

Geeneen van ons het ‘n klinkklare antwoord nie; ‘n dag-en-datum-antwoord nie. Al waaraan ons kan vasklou, moet vashou, is Habakuk se bekende woorde verder in hoofstuk 3.

17 Al sou die vyeboom nie bot nie
en daar geen druiwe aan die wingerde wees nie,
al sou die olyfoes misluk
en die lande geen oes lewer nie,
al sou daar geen kleinvee in die kampe meer wees nie
en die beeskrale sonder beeste wees,

18 nogtans sal ek in die Here jubel,
sal ek juig in God, my Redder.

19 Die Here my God gee vir my krag.
Hy maak my voete soos dié van 'n ribbok,
op hoë plekke laat Hy my veilig loop.
Vir die koorleier. Met snarespel.

God weet wat sy natuurplan vir vandag is, vir hierdie tyd. Hy laat toe dat ons mense eie keuses maak, maar die res van sy skepping het nie daardie keuse nie. En ek wens ek kon voluit, sonder inmenging van satansgedagtes, alreeds so in volmaakte harmonie met Hom leef. Ek doen dit egter so goed ek in my menslike swakheid kan, en loof en prys Hom vir elke oomblik se leiding. Maak vers 18 hierbo ook jou anker. Volg Hom! Daar waar jy vashaak omdat jy bang raak vir wat wag, kniel neer en smeek Hom om jou nie te los omdat jy twyfel nie.

Dierbare Heer, genadige Vader en Christus, ons Verlosser, ek bid vir ons mensekinders hier op aarde. Ek roep almal bymekaar sodat ons onder u vleuels kan kom skuil, soos kuikens onder ‘n hen se beskerming inkruip. Here, ons God, U sien en hoor en weet hoe dit hier om ons almal gaan, hoe onrus in hierdie land opbou, hoe angstigheid onder ons mense groei en U hoor en lees die harte van ons mense. Gee asseblief leiding, Here. Maak ons harte diensbaar om vir U te werk, eerder as om opstandig, koersloos in opstande in te duik.

Laat ons voluit in vergifnis teenoor almal om ons, ons vriende en elke een naaste aan ons, leef. Hierdie en nog baie meer vra ons in U Naam, Here Jesus, ons Saligmaker. Neem ons gebed na die Vader, asseblief.  Amen amen Here.

Mag elkeen van julle vandag en verder, in sy voetspore loop met jul hande in syne. Ek bid vir leiding vir môre en oormôre en tye wat kom waar ons dit moeilik vind om sin te maak, in wat om ons aangaan. Waar ons harte soms bitter en koud is … Maar laat ons onthou dat ons lyding gering is in vergelyking met Christus s’n op ‘n dag toe Hy selfs deur sy Vader vir ons ontwil, verlaat was.

Geniet vandag. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #21 on: February 25, 2021, 01:49:45 PM »
Oggendboodskap 22 Februarie 2021

Gegroet vriende …

Ons lees in Lukas 15:11 en verder oor die verlore seun. Maar wie was eintlik verlore? Die seun wat eers verlore was, maar teruggekom het, of sy broer wat eiesinnig, selfsugtig en onvergewensgesind was? Daar is ook die vader, ja die 2 seuns se pa. Is hy so onskuldig in die hele verhaal? Vriende, in wie van hierdie drie se persoonlikheid pas jy in? Jy kan ‘n hardvogtige persoonlikheid hê; hardwerkend maar daarín op soek na erkenning en eer. Soos die fariseërs wat gereken het hulle aanhang van hul wette maak hulle volmaak.

Of die vader wat sy kinders als gegee het wat hulle wou hê. Hulle kon maar net hul vingers klap en hy het toegegee. Ja, dit kon dalk anders wees, maar hulle lewe word nie werklik beskryf nie. Maar uit die paar verse se vertelling van die een seun se eise, en die ander se woede, sien ons al genoeg. Jy is dalk ‘n “pleaser” soos die engelse taal dit noem. As ouer of kollega of vriend, noem maar op, sonder om jou naaste ooit op ‘n sonde te wys, is jy ook verkeerd.

Of jy kan verwaand wees, selfsugtig net op soek na wêreldse pret en plesier. En wat van daardie vriende wat saam gekuier en gedrink het, hulle ‘vriend’ se erfporsie saam met hom deurgebring het en toe verdwyn het. Hoeveel sulke ‘vriende’ ken julle? Ja, ‘n pragtige spreekwoord sê: met sulke vriende het jy nie vyande nodig nie.

En dan is daar ook hardvogtige wreedaards, hulle wat nie ‘n flenter omgee vir ander nie. Sou die verlore seun dalk iets beters in die lewe kon bereik, as sy werkgewer hom beter behandel het?

In al hierdie mense loop een draad deur elke gebeurtenis. Alle mense word in sonde ontvang en gebore. Niemand is volmaak, kan op hierdie aarde volmaak word of in dié lewe volmaakte gelowiges wees nie. Die lewe is tot oorlopenstoe gevul met verdriet en pyn. Om in Christus te glo, waarborg geen lewe waarin jy net vooruit gaan, nooit siek word nie, nooit teleurstelling ervaar nie, nooit droogte, hael of verwoesting op ‘n plaas sal ervaar nie, nooit iemand na aan jou hart (volgens jou) te vroeg, aan die dood afstaan nie…

Ek lees Ps 51: 7 “Kyk, in ongeregtigheid is ek gebore, en in sonde het my moeder my ontvang.” Hierdie psalm van Dawid het baie van ons se seer in ‘n paar woorde ineengevou. Dawid het seker elke morele wet in die boek verbreek. En hy kon nie eers vir God die tempel bou nie, want sy hande was te vol bloed van al die oorloë. Maar ná sy kind se dood, en seker soveel kere meer, het hy in trane en berou sy siel voor God uitgestort. Ek weet nie of dit die seer wat hy keer op keer beleef het, dadelik weggevat het nie, maar dat God hom liefgehad het en hy vir God, dis nie altemit nie.

Dawid was sekerlik depressief weens al die kere wat hy verwerp was; deur Saul, deur sy eie seuns en ander familie. Hy was soveel keer na aan die dood, maar hy het aan God getrou gebly. Uit eie krag? Nee vriende, so kan ons ook nie berou en geloof sonder God se genade ervaar nie.

Maar, maak nie saak wie jy is, waar jy bly, hoe ver jy geleerd is nie, hoeveel goed of kwaad jy aan ander doen nie, jou ewige vrede en rus vir jou siel, is net so ver as om jou hand uit te steek, of soos wat jou knieë van die vloer af is. En ‘n sinnetjie soos in Lukas 18: 13 “En die tollenaar het ver weg gestaan en wou selfs nie sy oë na die hemel ophef nie, maar het op sy bors geslaan en gesê: o God, wees my, sondaar, genadig!”

Weet en onthou, niemand van ons is alleen in ons hartseer, teleurstelling of pyn nie. Maar elkeen van ons kan met berou, ons voor God verootmoedig en sy vrede en troos ervaar. Totsiens.
adéle theron

'n Boetelied van Dawid.

1 Vir die musiekleier. 'n Psalm van Dawid,
2 toe die profeet Natan na hom gekom het, nadat hy by Bátseba ingegaan het.
3 Wees my genadig, o God, na u goedertierenheid; delg my oortredinge uit na die grootheid van u barmhartigheid.
4 Was my heeltemal van my ongeregtigheid en reinig my van my sonde.
5 Want ék ken my oortredinge, en my sonde is altyddeur voor my.
6 Teen U alleen het ek gesondig en gedoen wat verkeerd is in u oë, sodat U regverdig kan wees as U spreek, rein as U gerig hou.
7 Kyk, in ongeregtigheid is ek gebore, en in sonde het my moeder my ontvang.
8 Kyk, U het 'n welgevalle aan waarheid in die binneste, en in die verborgene maak U aan my wysheid bekend.
9 Ontsondig my met hisop, dat ek kan rein wees; was my, dat ek witter kan wees as sneeu.
10 Laat my vreugde en blydskap hoor; laat die gebeente juig wat U verbrysel het.
11 Verberg u aangesig vir my sondes en delg uit al my ongeregtighede.
12 Skep vir my 'n rein hart, o God, en gee opnuut in die binneste van my 'n vaste gees.
13 Verwerp my nie van u aangesig nie en neem u Heilige Gees nie van my weg nie.
14 Gee my weer die vreugde van u heil, en ondersteun my deur 'n gewillige gees.
15 Ek wil die oortreders u weë leer, dat die sondaars hulle tot U kan bekeer.
16 Red my van bloedskuld, o God, God van my heil! Laat my tong u geregtigheid uitjubel.
17 Here, open my lippe, dat my mond u lof kan verkondig.
18 Want U het geen lus in slagoffer nie, anders sou ek dit gee; in brandoffer het U geen behae nie.
19 Die offers van God is 'n gebroke gees; 'n gebroke en verslae hart sal U, o God, nie verag nie!
20 Doen goed aan Sion na u welbehae; bou die mure van Jerusalem op.
21 Dan sal U 'n welbehae hê in die offers van geregtigheid, in brandoffer en voloffer; dan sal hulle stiere offer op u altaar
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #22 on: February 25, 2021, 01:51:37 PM »
Oggendboodskap 24 Februarie 2021

Gegroet vriende …

Ek skryf en lees baie op fb-blaaie waar ek o.a. aan interessante gereformeerde kuiers of sending-besprekings deelneem, beide in deelname en waar ek soveel van ander leer. Maar soms bly ek ‘n paar dae lank weg van sosiale media af. Om my kop skoon te maak, sê ons maklik, maar eintlik is dit om stil te raak. Stilte is die nodigste en beste raad om jou kop en hart leeg te maak van aardse dinge; ervaring en belewenisse se herinneringe; stories; gedagtes wat jy verwoord om weer op ander se kommentaar te antwoord; wrewelgedagtes wat opbou in jou binneste ens ens … sodat jy in jou binneste plek kan maak om gevul te word met God.
 

Vriende, moenie wag tot jy met ‘n koorsige kopseer neerval nie. ‘n Koorsige kopseer soos jou humeurige uitbarstings; jou onverwagse bitsigheid teenoor iemand wat dit die minste verdien; ‘n afjak teenoor iemand wat in sy/haar woord- of gedagte-armoede alles wat hulle het, jou wou aanbied. Verstaan julle wat ek bedoel? En later is jy spyt, jammer oor wat jy gesê, maar nie regtig bedoel het nie. Ons het dit al almal beleef, aan die gee- en ontvangkant.

Jesus het dit nie vir enige iemand op aarde kom leer nie. Hy het mense wat siek is, kom roep, liefgekry. Markus vertel in hoofstuk 2 al vir ons dat Jesus sê: “Die wat gesond is, het die geneesheer nie nodig nie, maar die wat ongesteld is. Ek het nie gekom om regverdiges te roep nie, maar sondaars tot bekering.” Dit omdat die skynheilige fariseërs en skrifgeleerdes Hom saam met tollenaars sien eet het. Die Nuwe Lewende Vertaling sê sommer immorele mense. Klink ek nie nou bitsig nie?

Deur al Jesus se woorde, optredes, gelykenisse, vertellings en lewe op aarde, het Hy die fariseërs en ongelowiges óf skerp aangespreek, óf soos vir die rower aan die kruis, geïgnoreer. Maar Hy is nie sarkasties of skuinsweg bitsig nie. Ons weet God het elkeen van ons lief; Hy het ons geskape en ons is sy kinders. Hy het gelowiges lief. En niemand van ons kan iemand wil oordeel wat in lewe, op die hel afstuur nie. Elkeen het nog ‘n kans om na God toe te draai. Soos die rower aan die ander kruis. Want al is ons reeds op die Nou Pad, daardie pad wat ons saam met Chistus stap, sondig ons steeds. Die geheim lê in ons berou, erkenning, vergifnis en wegdraai daarvan. Met ander woorde, om nie te volhard in enige iets wat jy weet verkeerd is nie! En aan Christus se verlossing vir ons, te glo. Hy help ons elke oomblik daarmee, solank ons dit wil hê.

Daardie naamlose rower wie se sonde saam met ons s’n, deur Christus op Homself geneem is, het nie gevra om vergewe te word nie. Ek wonder of hy geweet het dis moontlik? Nee, hy het net gevra: “Dink aan my, Here, wanneer U in u koninkryk kom.” Lukas vertel ons daarvan in hoofstuk 23: 42 Wat het hy daarmee bedoel? Ek is dalk verkeerd, maar tog dink ek dat hy net erken het dat Jesus die Here is. En dit was al genoeg.

Is jou hart vanoggend baie seer? Het jy jouself in so ‘n hartseer of verwerping verloor? Skryf jou naam in in die plek van die tollenaar wat tot God gebid het om genade, wat sy sonde erken het. Want ons het ook gesondig, male sonder tal. Jy en ek, niemand van ons kan die volle wet onderhou nie. En daarmee saam het ons al die seerste seer, pyn, verdriet, verliese, bankrotskap, armoede, verwerping, noem maar op, ervaar. Maar as dit vir jou voel asof jy aan daardie rowerskruis hang, vra net dat Christus aan jou moet dink en weet Hy sal vir jou in sy Hemelse Paradys plek berei.

Here, ons Here, ons roep na U en ons smeekbede bereik U in oorvloed. Help ons, staan ons by. As die storm nie bedaar nie, dan dra U ons daardeur. Ons loof en eer U elke dag. En Here, gee asseblief uitkoms waar mense besig is om alles te verloor en ‘n ramp plaasvind weens droogte. Smekend lê ons al daardie streke se mense en diere voor u Voete neer. Om Christus ontwil Amen amen Here.

Vriende, bly in gebed vir jouself, jou geliefdes, vriende en jou naaste. Ook vir die droogte-plekke in ons land, en die mense wat ook nou weens oorstromings onberekenbare skade ly. Maak jul dag mooi en voel God se genade elke oomblik aan. Totsiens.
adéle theron

MARKUS 2

Jesus roep vir Levi die tollenaar om sy dissipel te word

13 Jesus het toe weer na die strand toe gegaan. ’n Hele skare mense het na Hom toe gekom, en Hy was besig om hulle te onderrig. 
14 Terwyl Hy aanstap, sien Hy vir Levi, die seun van Alfeus, by die tolhokkie sit en Hy sê vir hom: “Kom, word my dissipel.” Hy het opgestaan en ’n dissipel van Jesus geword.

15 Levi het Jesus en sy dissipels genooi om saam met sy medetollenaars en ander berugte sondaars by hom te kom eet. (Daar was baie van hierdie mense wat agter Jesus aan gekom het.) 16Toe sommige van die skrifkenners uit die geledere van die Fariseërs sien dat Hy saam met sulke berugte sondaars en tollenaars eet, het hulle vir sy dissipels gesê: “Hoe kan julle leermeester saam met sulke immorele karakters eet?”

17 Toe Jesus dit hoor, sê Hy vir hulle: “Gesonde mense het die dokter nie nodig nie – die siekes wel. Ek het nie gekom om regverdiges te roep nie, maar sondaars.”
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #23 on: March 01, 2021, 10:08:28 PM »
Oggendboodskap 26 Februarie 2021

Gegroet vriende …

Johannes 11:35, 40
35 Jesus het geween. (Kortste Bybelvers)
40 Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?

Eeue gelede en vroeër, en nog vroeër was die lewe anders as vandag. Oorloë was die norm, gevegte oor grondgebied of oor die hand van ‘n vrou. Ek hoor ‘n tydjie gelede iemand sê dat in die ‘ou’ tyd, vroeër eeue, het mense so baie doodgegaan dat dit vir hulle nie so hartseer en erg was as vandag nie. Lewensverwagtinge was soms nie hoog of as belangrik geag nie. Maar regtig, sonder hartseer en pyn?

Is dit nie die grootste snert op aarde nie? Net mense wat nog nooit iemand geliefd verloor het nie, kan dalk so dink. Want vriende, dit is nie so nie. Kom ons soek ‘n paar gedeeltes in die Bybel op. Ek dink eerstens aan Dawid, wie se eerste seun by Batseba se dood, hom intens laat rou het. Maar hy het sy vertroue in God behou.

Maria, die Moeder van Jesus, was stukkend oor sy lyding en kruisdood, al het sy geglo in die Ewige Lewe. Ek bring ook Job se vrou in herinnering; haar hartseer oor hulle kinders, het haar teen God laat draai. Tog het Job aan God bly vashou, in sy Almag en goedheid bly glo.

Die profeet Eli se twee seuns is op een dag dood in ‘n geveg en Eli het ook gesterf. Nie net oor sy kinders nie, maar oor die ark van God deur die Filistyne weggevoer is. Op sy ou dag, 98 jaar oud, het hy geweet God se Almag is die hoogste. Ons lees die geskiedenis daarvan in 1 Samuel 4.

En Adam en Eva? Hulle hartseer oor Abel - en oor Kaïn ook - moes sekerlik ‘n seer plek in hul harte gelaat het, al word dit nie beskryf nie. Hoe kan ‘n ouer nie treur, wanneer ‘n kind die weg saam met God verloor nie; wie bid nie aaneen dat ‘n kind ook deur God gered moet word nie? Augustinus se moeder het jare lank vir hom gebid en hy het deur ons Vader se genade tot bekering gekom.

Voorbeelde is legio. Daar was jare gelede in ‘n Afrikaanse film, ‘n toneel waar ‘n snobistiese jongman ‘n kind doodgery het en ewe gevoelloos gesê het dat daardie huis nog baie kinders het, een minder sal nie saak maak nie. Ek kan net daardie toneel onthou, nie in watter fliek dit was nie, maar dit het ‘n skok in my kindergemoed laat groei.

Vandag is daar te veel voorbeelde waar mense gevoelloos teenoor ander se hartseer en pyn staan. Ek sukkel om gevoelloosheid teenoor jou naaste te verstaan. Hoe durf enigiemand ‘n ander, wat ook deur God lewe gekry het, so sleg behandel?

“Jesus het geween.” En Hy het ook gesê as iemand in Hom glo, hulle die heerlikheid, ja die Almag van God sal sien. Vriende, wanneer ons iemand hier verloor, mag ons treur, ons hartseer teen mekaar se skouers uitsnik, ons verlange uitroep. Maar moet nooit vergeet dat ons nie nodig het om te treur asof daar geen hoop, geen toekoms in die lewe ná hierdie aardse tyd, bestaan nie. Want dit is die sin en betekenis van ons geloof in ons enigste Here.

Neem jou naaste en jou geliefdes se name in jou handpalms en sit dit by God se voete neer, daar by die stroom waar sy voete rus; sit dit op sy skoot neer, of laai dit saam met jou gebed in sy hart af. Staan bymekaar. En hang Jesus se troos soos ‘n karos om jou skouers.

Maak jul dag mooi en wees veilig. Mag die naweek oorloop van seëninge en vrede te midde van die aardse kwellings en pyn en verlange.

Groete.
adéle theron   

Johannes 11:35 – 40

35 Jesus het geween.
36 Die Jode sê toe: Kyk, hoe lief Hy hom gehad het!
37 En sommige van hulle sê: Kon Hy wat die oë van die blinde man geopen het, nie maak dat hierdie man ook nie gesterf het nie?
38 En Jesus het weer in Homself geweldig bewoë geword en by die graf gekom. En dit was 'n spelonk, en 'n steen het daarteen gelê.
39 Jesus sê: Neem die steen weg. Martha, die suster van die oorledene, sê vir Hom: Here, hy ruik al, want hy is al vier dae dood.
40 Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #24 on: March 01, 2021, 10:09:25 PM »
Oggendboodskap 2 Maart 2021

Gegroet vriende …

Lukas 11: 9 En Ek sê vir julle: Bid, en vir julle sal gegee word; soek, en julle sal vind; klop, en vir julle sal oopgemaak word.

Soos die meeste dae in jou en my lewe, is daar elke dag iets wat ons aandag trek, hetsy dit interessant of irriterend is. As dit nie in die huis is nie, is dit net buite in die tuin, of oorkant in die stuk veld. Miskien op jou rekenaar waar jy Bybelstudie doen, of na iets googleloer, waar ek stories skryf, op fb inloer of dalk op die plaas wanneer ek daar rondstap. By die biduur of Bybelstudie waar ek ander mense sien en ons soveel moontlik gesels in ‘n uur probeer inpas, dit selde regkry om voor nog ‘n halfuur later daar uit te stap … of dalk in die winkel waar jy skaars met ‘n ander gesels, maar net jou nodige goed in jou mandjie pak, betaal en daar uitkom.

Waarmee bly elkeen van julle elke uur besig? Vandat jy besef jy is wakker, tot jy vanaand in jou slaap se vergetelheid wegsink … Eintlik wil ek vra dat jý dink waarmee bly jou gedagtes elke uur besig. Nie wanneer jy werk nie, nee, daardie minute tussenin wanneer jou gedagtes hul eie koers inloop. Hoe positief of negatief is dit daar in jou wese en jou hart?

Vriende, dit kos bietjie werk, dissipline, jou binneste vasvat en dwing om al jou “af-minute” aan Christus te dink. Gebruik daardie tydjies om Hom spontaan te loof vir die genade om te kan asemhaal, te kan rondbeweeg, dit wat jy wou doen te kon regkry, of wat jy gesoek het, te vind. Dalk het jy raad nodig en loop jy oral teen ‘n muur vas, maar jy besef nie die deur is net ‘n handbreedte verder nie.

In Jeremia 29 lees ons die brief wat Jeremia aan die Jode wat in Babel in ballingskap was, gestuur het:

Ek weet wat Ek vir julle in gedagte het, wat Ek vir julle bedink. Goeie dinge moet met julle gebeur en nie slegte goed nie. Julle moet die toekoms hoopvol ingaan. Julle sal na My toe kom en my Naam aanroep, ja, en vir my bid. Ek sal na julle luister. As julle met alles in julle na My soek, in jul harte My soek en My wil vind, sal julle by My uitkom. Julle sal julle doel bereik deurdat Ek die taal van julle hart sal verstaan.

Luister wat sê die ou vertaling, is dit nie die kosbaarste woorde nie? “Ek sal My deur julle laat vind”

Vriende, gaan heen, soek en julle sal vind, klop net aan God se hart en vir julle sal oopgemaak word, sê Christus in Matteüs en ook in Lukas 11: 9 
Geniet vandag en bou jou gedagtes met positiewe stene uit God se hand, en sy Liefde as sement.

Groete.
adéle theron   

Jeremia 29

11 Want Ék weet watter gedagtes Ek aangaande julle koester, spreek die Here, gedagtes van vrede en nie van onheil nie, om julle 'n hoopvolle toekoms te gee.
12 Dan sal julle My aanroep en heengaan en tot My bid, en Ek sal na julle luister.
13 En julle sal My soek en vind as julle na My vra met julle hele hart.
14 En Ek sal My deur julle laat vind, spreek die Here, en julle lot verander en julle versamel uit al die nasies en uit al die plekke waarheen Ek julle verdryf het, spreek die Here; en Ek sal julle terugbring na die plek vanwaar Ek julle in ballingskap weggevoer het.
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #25 on: March 03, 2021, 09:41:55 PM »
Oggendboodskap 4 Maart 2021

Gegroet vriende …

Daardie gedagte van blom waar jy geplant is, dwarrel in my gedagtes. Ek loop soms dae lank met gedagtes rond, daardie wat so onverwags kop uitsteek, sommer opspring in jou hart. Daardie gedagtes waarvan ek eergister vertel het. Veldblomme, grondeekhorings, meerkatte wat my woestynrosies opgevreet het, giftige bolplante, kakiebos en irriterende katstert/katbosplant. Maar ook die grassoorte waar die wild en vee wei. Hoeveel voorbeelde van ‘blom waar God jou geplant het’ kan jy aan dink?

Ek trek vir Kiewiet nader, dis nou my laptop en gaan googleloer daarna. Kry die mooiste foto’s, van ‘n beker waarop die woorde staan, tot gedagtes onderaan foto’s van blommetjies oraloor; sommige gesofistikeerd, ander gewoon en ander klein en onbenullig in die veld.

Dit bring my by ons mense. Hoeveel van ons blom gewillig en tevrede net hier waar jy geplant is? Móét ons gewillig en tevrede blom net hier waar ons geplant is? En hóékom?

Wat gebeur met plante wat blom? Tensy dit deur ‘n haelstorm of ‘n snoeiskêr vernietig word, sal hulle bly blom, winter of somer, wanneer dit hulle bepaalde tyd is. Deur droogte of koue, elkeen het haar bepaalde tyd en plek om te blom en saad voort te bring wat op een of ander manier weer elders beland om vir nog ‘n plantjie te sorg. Het jy al agtergekom dat ‘n lelie, ‘n bolplant soos ‘n varkoor of amarilla, se blom sal oopmaak en kleurryk vertoon, al het jy die loot wat uitstoot dalk halfpad afgesny?

Ons moet dieselfde volharding in geloof navolg. Wanneer God jou iewers geplant het, moet jy in die verkondiging van die Evangelie blom, volhardend en aaneen. Al sou mense jou oordonder soos ‘n haelstrom op ‘n sinkdak; al sou jou uitreike na ander, platgeslaan word soos ‘n haelstorm ‘n land met gesaaides kan platvee in die modder in; al sou jou vlerke wat jou woorde verder moes neem na ander mense, geknip word … nogtans moet jy aanhou blom …moet ons met ons halwe vlerke verder vlieg, al beteken dit ons moet loop of selfs kruip.

Daardie lelies van die veld, word deur God geklee soos geen mens kan nie. Die kleinste eenvoudigste magrietjies blom is harde, droë grond waar dit jare laas gereën het. Blommetjies kleiner as ‘n 10sent, blom sonder water en sonder bemesting elkeen op hul bepaalde tyd, soms weke aaneen.

En wat het ons? ‘n Bybel en skrywes en kennis en vertellings, ‘graphics’ met die Evangelie-boodskap op wat vandag se internet ons bied; ons het mense by wie ons kan gaan kers opsteek, kan leer, verklarings kan kry wanneer iets onverstaanbaar uit Paulus se briewe opduik … en baie meer.

Maar net soos wat blomme elk in hulle eie kleur blom, en vrugtebome hul vasgestelde vrugte dra, so moet ons ook by die waarheid van die Evangelie bly. Moenie jou laat verlei deur valse boodskappe te versprei nie en vermy valse leraars en profete soos wat jy ‘n land vol duwweltjies sal vermy as jy kaalvoet daarop afkom. Die duiwel kom na jou toe met ‘n Bybel onder sy arm! En as jy nie genoeg kennis het nie, nuut is in geloof of onseker is oor Christus se verlossing, gaan jy saam met hom die helse afgrond ingly.

Daarom vriende, lees en herlees en bestudeer jou Bybel. Vra wanneer jy nie seker is nie. Luister na predikers wat die waarheid verkondig en jou nie met “goedvoel-godsdiens” mislei nie. As jy nie seker is nie, vra en ons sal jou help.

Ek groet julle vir die week en stuur (virtueel) vir elkeen ‘n bos veldblomme, geklee met God se heerlikheid. Gaan uit en saai Christus se Woord en Evangelie verder.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #26 on: March 07, 2021, 08:20:12 PM »
Oggendboodskap 8 Maart 2021

Gegroet vriende …

Ek gaan kortliks ‘n paar gedagtes deel uit ‘n preek waarna ek vanoggend (Sondagoggend) geluister het. Ds Chris Saayman is leraar van die Tafelberg-gemeente in Kaapstad en ek luister amper elke dag na boodskappe wat hy deel. Dis eintlik ‘n heerlike gerusstelling om na predikers wat nog die waarheid uit die Bybel oordra, te luister. En daar is baie van hulle, al kan ons nie na almal luister nie, die dag het ook net soveel ure. Maar ek luister heelwat na hulle wie se geloof ek weet opreg is. En ook vermy ek enige prediker wat ek reeds weet die Bybelse Waarheid liederlik kan verdraai, hulle wat ‘n “goedvoel-godsdiens” verkondig omdat hulleself skatryk word uit die oorvloedige bydraes van hulle lidmate. En jammer om te moet sê, daar is baie van hulle ook.

Terug na vandag se gedagte … 1 Johannes 5 se opskrif sê

Die geloof in Jesus en die gevolge daarvan.

1 (a) Elkeen wat glo dat Jesus die Christus is, is uit God gebore;

(b) en elkeen wat die Vader liefhet, het ook die een lief wat uit Hom gebore is.

Dit sê baie duidelik dat elkeen wat in Christus glo (in sy verlossing wat Hy vir ons volbring het) die Ewige Lewe sal ontvang. Ds Chris Saayman het ook gesê dat die woorde “is uit God gebore” beteken dat ons sekerheid van die Ewige Lewe al vasgelê is nog voor jou geloof. Wat ‘n wonderlike gedagte, het dit my getref.

Vriende, wat is die Ewige Lewe? Iemand het iets daaroor geskryf en hier is my weergawe, want ek kan die oorspronklike nie heeltemal onthou nie …
‘n Swaeltjie vlieg een keer in 1000 jaar verby ‘n rots so groot soos die Drakensberge, en skuus sy bekkie daarteen, en wanneer daardie rots weggeskuur is deur die swaeltjie, is een oomblik van die Ewigheid verby.
Hoe lank is ons lewe hier op aarde? So lank as wat dit die swaeltjie neem om sy bekkie een keer teen daardie rots te skuur.

Maak dit vir julle sin? Wat doen jy met jou oomblikkie-uit-die-ewigheid, se lewe? Wat saai jy en waar val daardie saad? Is dit werklik die moeite werd om net vir hier te lewe en nie te kommer oor wat ná hierdie lewe van jou gaan word nie? Hy het jou lankal gekies, volg Hom nou al. Moenie met hierdie liefde van God speel nie.

Die (b) gedeelte van vers 1 hierbo sê
“en elkeen wat die Vader liefhet, het ook die een lief wat uit Hom gebore is.”

Dit beteken jy kan niemand seermaak nie. Verlede week het iemand op ‘n fb-kerkblad die opmerking gemaak dat net christene sy naaste is. Ek het hom geantwoord dat ek liewer elkeen op aarde as my naaste (moet) beskou, as wat ek eendag moet agterkom dat ek iemand uitgelaat het wat dit moes wees, en nie goed gedoen het aan so een nie, of nie die Evangelie aan hom/haar vertel het toe ek kans gehad het nie.

Dat ons al swaar kry en gaan ly omdat ons Christus volg, is ‘n waarheid. Christus het self gesê as jy Hom volg, sal jy vervolg word soos wat Hy vervolg is, omdat die wêreld Hom haat, ja vriende, die wêreld haat Jesus Christus nog steeds. Ons weet hoe Petrus en die ander Apostels, en baie christene en sendelinge vervolg is, wreed vermoor is vir hulle geloof. Maar dit het hulle nie gestop nie.

Almal wat begeesterd is om Jesus te volg, sal vervolg word omdat die wêreld Hom haat, het ds Saayman dit opgesom. In 1 Petrus 2 lees ons dit duidelik.

Kom ons sluit ons oë. Here, ons Here, ons wil U volg en in U voetspore loop. Al is nog in hierdie sondige wêreld, wil ons dit nie wees nie, wil ons elke sonde wat ons nogtans doen, aflê, bely en daarmee ophou. Help ons, dra ons en oordek ons met U vleuels om ons teen hierdie wêreld se versoekings te beskerm. En wanneer ons in gevaar verkeer, ‘n storm van hartseer, angs en pyn beleef, dra U ons asseblief daardeur. Om Christus ontwil, amen amen Here.

Ek groet julle. Gaan weer uit en saai Christus se Woord en Evangelie verder.

Vrede en vreugde vir julle. Totsiens.
adéle theron   

adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #27 on: March 09, 2021, 10:15:00 PM »
Oggendboodskap 10 Maart 2021

Gegroet vriende …

So drie-vier jaar gelede het ek begin tuin maak waar ek nou bly. Daardie tyd het ek vrolik en vol opgewondenheid, maar met min kennis, deur internet begin stap. Idees, vetplante, struike, klippe, grassoorte, skulpe, geroeste skottels en bekers, dit alles het my aandag getrek.

Nou 4 jaar later, het ek ‘n redelike tuin soos wat ek sou wou beplan. Net, dit het stukkie vir stukkie gevorm. Ek kon met die beste wil ter wêreld, dit nie presies vooruit beplan nie. En ek plant en skuif en bou nog steeds, amper elke dag, daaraan. Ek ry klippe aan en plant van vetplantblaartjies tot struike, en put uit die skatkis van idees in die kuberwêreld.

So stap ek deur die kuber-kanale. Almal googeloer mos deesdae na iets wat hul nodig het. Daar is duisende fb-blaaie en nog meer internet-blogs of webwerwe vol gesels en voorbeelde van alles op aarde … en in die ruimte. Dink maar aan iets en iewers is daar reeds iemand wat daaroor geskryf het. Foto’s is volop. Of jy nou haarstyle of prentjies vir jou naels soek; tuine vol klippe en vetplante wil pak; resepte, skole, of werk soek. Noem maar en dis daar.

Dan vat ek my Bybel en lees daaruit. En besef dat ek nie daarvoor enige internet nodig het nie. Dit is maar net altyd daar. En dit was altyd daar. God se Woord, natuurlik. En God ook want Hy en sy Woord is een.

En die wonder tref my weer! Hy het geen internet nodig gehad nie, geen vooruitbeplanning nie. Hy het nie nodig gehad om vetplante en struike te soek om die aardbol vol tuine te plant nie. Hy het net ‘n woord gespreek, en dit was daar. Het God dit uitgeroep? Het Hy dit gefluister? En gerus van sy werk, met ‘n glimlag elke skepping geniet.

Om al van ewigheid tot ewigheid tot ewigheid te wees, soos wat Hy nog ewig sal wees, en iewers in al die tyd en tye, vir ons ‘n beskermende Aarde te geroep het, beskermd tussen ander planete, net ver genoeg van die son af, daarvoor het Hy net ‘n woord nodig gehad.

Wat ‘n vreugde en voorreg is dit nie om enige tyd, enige plek, stil te raak en na Hom te luister of te bid nie. Van vreugde te sing, of ons trane teen sy skouer uit te snik nie? Hoe kan iemand nie glo dat alles in die ewigheid en ons en als op aarde, van God af kom nie, deur Hom bestaan nie?

Geliefde vriende, gebruik julle Bybels en maak gebruik van elke moment wat tussen daaglikse dinge moontlik is, om Christus se hande aan te raak. En meer nog, deel dit uit! En geniet dit. Bid na ons Vader wat in die Hemel is en luister na sy stem.

Kom ons sluit ons oë  … Dankie dat ek na U kan luister wanneer ek tuin maak, VaderHeer, en die grond wat U geskep het, tussen my vingers kan voel. Dankie dat dit U is wat ons vashou. Dankie vir al die genade wat U aan ons gee. Dankie dat U ons sonde ongedaan gemaak het. Amen amen Here.

Ek groet julle. Gaan uit, sien sy skepping raak en besef opnuut die wonder daarvan, en saai Christus se Woord en Evangelie verder.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #28 on: March 22, 2021, 07:46:12 AM »
Oggendboodskap 12 Maart 2021

Gegroet vriende …

Vir die uur of wat voordat ek hierdie boodskap begin bedink en tik, speel ek gospelmusiek sag in die huis, en raak ek stil om te luister na die fluisterstem in die wind. En, eers onbewus daarvan, besef ek skielik dat die lied wat nou speel, Rina Hugo se opname is van Wat ‘n Vriend het ons in Jesus. Omdat ek stil geluister het, het die boodskap so sag tot my deurgedring, amper onbewus op my hart kom lê.

Hoeveel keer het God iemand sy vriend genoem? Ek dink Abraham en Moses was daar. Dan was Jesus ook baie lief vir Johannes die Doper, en Lasarus, Martha en Maria wat in Bethanie gebly het, was ook goeie vriende van Hom. So ook verseker Maria van Magdala, of te wel Maria Magdalena. En later vanaf die kruis, het Hy sy moeder Maria aan sy vriend Johannes gegee.

My gedagtes trek sommer nog baie name in die Bybel onder hierdie sambreel van Liefde bymekaar. Dan raak dit te veel om almal nou hier op te noem. God was lief vir Dawid, dink ek … en skielik besef ek Hy is nog steeds baie lief vir hulle almal. Is ek verkeerd as ek so sê? Hulle is almal by God die Vader en Christus in die ewige lewe se heerlikheid, om Hom te loof en prys.

Deur die eeue het musiek ‘n groot deel in alle mense se lewe gespeel. Die Ou Testament is vol verwysings na musiek, liedere en psalms en selfs na Dawid se dans (waaroor almal nie so gelukkig was nie) Maar vandag nog speel musiek ‘n baie groot deel in ons lofprysing aan God. Joseph Scriven is in 1819 in Ierland gebore. In 1843 is sy verloofde oorlede, die dag voor hulle troue. Hy het in 1845 in Kanada gaan bly en gedurende 1855 het hy die gedig "Pray Without Ceasing" vir sy Moeder geskryf wat toe baie siek was, en na hom verlang het.

Charles Crozat Converse het dit later getoonset en die naam verander na “What a Friend we have in Jesus.’ Hulle het nie gedink of verwag die lied sou 2 eeue later nog steeds ‘n gunsteling wees nie. Daar is te veel opnames hiervan om selfs die mooiste, vir my, uit te kies. So is daar baie liedere en wysies wat al eeue oud is wat vandag nog groot gunstelinge is. Omdat dit in liefde vir Christus en in geloof geskryf is, en die digters en komponiste nie enige eer daarvoor geneem het nie, maar dit aan God opgedra het. Vandag nog is daar nuwe liedere wat net so gewild is.

En of jy nou van klassieke musiek, country, rock of wat ookal hou, iewers gaan jy iemand kry wat hierdie mooi lied met oorgawe sing. Vriende, dink aan ‘n lied tot God se eer en stap die dag daarmee in; sing dit heeldag, neurie dit, of luister net daarna. Maar loof Hom vandag meer as nog ooit.
   
Kom ons sluit ons oë … Dankie dat ons u vriende mag wees, VaderHeer, en u liefde elke dag kan beleef. Dankie dat U ons sonde tot niks verwerp het. Amen amen Here.

Ek groet julle. Gaan uit, sien sy skepping raak en besef opnuut die wonder daarvan, loof en prys Hom vir genade, vir elke keer wat Hy jou optel en deur die storm dra.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #29 on: March 22, 2021, 07:46:33 AM »
Wat 'n Vriend

1.   Wat 'n Vriend Het Ons In Jesus,
  Hy Wat In Ons Plek Wil Staan;
  Wat 'n Voorreg Om Gedurig
  Tot Gods Troon Deur Hom Te Gaan!
  Hoe Verbeur Ons Tog Die Vrede,
  Ag, Hoe Dikwels Ly Ons Smart,
  Net Omdat Ons Nie Ons Node
  Uitstort In Gods Vaderhart!

2. As Versoeking En Beproewing,
  Of As Kwelling Ons Bedreig,
  Laat Ons Nooit Mismoedig Word Nie, 
  Laat Ons Bedes Opwaarts Styg.
  Nêrens Is 'n Vriend Getrouer,
  As Hy Wat Ons Node Weet;
  Jesus Voel Met Al Ons Swakheid,
  En Wil Deel In Al Ons Leed.

3. Is Ons Swak, Gedruk Deur Laste,
  Onder Kommer Neergebuk,
  Dierb're Heiland, Onse Toevlug,
  O Bevry Ons Weer Van Druk!
  As Ons Vriende Ons Versaak Het,
  Soek Ons In Gebed Die Heer,
  Aan Sy Boesem Is Ons Veilig,
  Hy Vertroos Ons Keer Op Keer.

https://www.youtube.com/watch?v=U-d-OrHIrbA
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #30 on: March 22, 2021, 07:48:07 AM »
Oggendboodskap 16 Maart 2021

Gegroet vriende …

Vriende, wat sê julle wanneer julle soggens wakker word? Wie groet julle, met wie praat julle? Ek weet nie eers hoeveel keer ek al besluit het om heel eerste met God te praat nie, Vir Hom goeie môre te sê en dankie vir die nag se rus. Gereeld besluit ek dit weer van voor af. Want … ek vergeet dit.

Nie omdat ek nie wil nie, nie omdat ek dink dis nie regtig nodig nie. Eenvoudig net omdat ek wakker word met talle ander gedagtes in my kop. Soms word ek wakker met ‘n kopseer, soms met rugpyn, dan weer kan ek skaars my oë oopkry. Ander oggende lê ek en bekommer my oor my kinders, of ek dink na oor ‘n funksie wat ek gaan bywoon.

En dan, net so “once in a while” word ek wakker met ‘n gebed op my lippe. Of in my hart. En dan kan ek lê en gesels met my Skepper, my Verlosser, ons God. Vriende, dis die wonderlikste tye wat elkeen van julle moet ervaar. Daardie toevou in God se arms. Daardie opstaan en wonder hoekom jy dan nou ‘n gospelwysie neurie. Het julle dit al beleef?

Daarom, maak ‘n punt daarvan. Dink aan ons Here Jesus Christus. Here, want Hy is ons alomteenwoordige God. Jesus, want Hy het aarde toe gekom om in ons plek te sterf, maar weer op te staan, iets wat ons nie kan regkry nie. En Christus, omdat Hy ons Redder en Raadsman is, jou Verlosser, Ewige Vader en Vredevors.

Kom ons sluit ons oë … Dankie dat ons u vriende mag wees, VaderHeer, en u liefde elke dag kan beleef. Dankie dat U ons sonde tot niks verwerp het en ons met U kan gesels elke dag, enige minuut en uur solank as wat ons wil. Amen amen Here.

Ek groet julle. En aan elkeen, probeer om wakker te word met God se naam op jou lippe en in jou hart. Dis oor en oor die oefening, die moeite werd. Jy kan dit regkry as jy saans met sy Naam in jou hart aan die slaap raak. En as jy in die nagure wakker word, gesels met ons Vader, laat sy Heilige Gees jou lei. En stap met jou hand in Jesus s’n die dag in.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #31 on: March 22, 2021, 07:49:15 AM »
Oggendboodskap 18 Maart 2021

Gegroet vriende …

Die gedagte dat jy lank van jou huis af moet weggaan, kan in vandag se lewe en omstandighede nogal traumaties wees. Hier waar ons, die afgelope maande, in ‘n misdaadvlaag vasgevang is, raak die gedagte van weggaan vir vakansie, half ondenkbaar. En dis nie asof ons ons huis en waarmee ons leef, verafgood nie, maar om dalk jou blyplek vir iemand met bose gedagtes ‘oop te gooi,’ is ‘n moeilike gedagte. En dit beteken nie dat ons nie geloof het nie, nee, ons is net nie roekeloos nie. Of daar weer tye van beter vertroue in die mensdom gaan kom, weet ons nie.

Maar Matthéüs 6 sê
19 Moet nie vir julle skatte bymekaarmaak op die aarde, waar mot en roes dit verniel en waar diewe inbreek en steel nie;
20-21 maar maak vir julle skatte bymekaar in die hemel, waar geen mot of roes dit sal verniel nie en waar diewe nie inbreek en steel nie; want waar julle skat is, daar sal julle hart ook wees.

Die seer wat mense jou kan aandoen, kan lank, diep in jou binneste lê. Dis nie ‘n grap om dit te verwerk, weg te gooi of vrede te maak daarmee nie. So ook wanneer iemand by jou inbreek en steel, jou persoonlike ruimte betree, en dit waaraan jy sentiment heg van jou wegneem nie.

En dit het my laat wonder oor die bg verse. En die seer wat binne-in jou kan nesmaak. ‘n Klein vlammetjie van seer wat ‘n hele bos en veld kan laat afbrand, wat jou hele lewe kan verwoes. Wil jy so ‘n seer beskerm soos wat jy jou huis sal beveilig? Met ‘n alarmstelsel en sekuriteitswag om dit op te pas? Koester jy pyn en lyding wanneer dit deur mense na jou kant toe kom? Wat maak jy met jou kwade gevoelens en gevoel van haat en onvergewensgesindheid teenoor ‘n ander, of dalk in jouself?

Ons koester en beskerm soms ons haat en wrokke, soos wat jy jou besittings wat jy nodig het om te oorleef wanneer jy IN hierdie wêreld is, versorg en bewaar. Wat van Jesus se Woorde dat ons nie VAN hierdie wêreld is nie?

Daarom sê die Woord: … maak vir julle skatte bymekaar in die hemel, waar geen mot of roes dit sal verniel nie en waar diewe nie inbreek en steel nie … Vriende, wanneer jy nie VAN hierdie wêreld is nie, mag jy wel jou blyplek, versorg en beskerm. Maar wanneer jy jou vertroue in God, jou liefde en geloof en hoop op God, IN HIERDIE wêreld wil toesluit en verhoed dat dit “voete kry” na ander, na jou naaste toe, dan sal dit net so vergaan soos wat jou huis en klere ens kan vergaan.

Ons mag nie die Evangelie-verkondiging in ons harte, in ons binnekamers, toesluit nie. Dit moet soos ‘n lamp op ‘n staander na buite skyn. Jou skatte van geloof en vreugde oor Christus se verlossing moet in die hemel bymekaargemaak en geplaas word, sodat dit nie kan oproes en vergaan nie. Dan kan jy dit elke dag uitdeel aan jou naaste, aan iemand wat op ‘n gegewe tydstip na aan jou is, iemand wat dalk deur die Vader op jou pad gebring word, juis sodat hy/sy van Christus by jou kan hoor.

Kom ons sluit ons oë … VaderHeer, help ons om ons skatte van geloof, hoop en liefde, in die hemel bymekaar te maak en daar te hou, sodat dit nie IN hierdie wêreld wegraak nie. Gee ons ook elke dag net iemand vir wie ons van U kan vertel, oor wie ons die saad van geloof kan saai, sodat U dit kan laat groei. Alles om Jesus se Naam te kan groot maak. Amen amen Here.

Ek groet julle. Laat julle harte en gedagtes altyd in God se teenwoordigheid vrede vind.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #32 on: March 22, 2021, 07:52:19 AM »
Oggendboodskap 22 Maart 2021
Gegroet vriende …

Ek is gelei om weer iets te sê rondom hierdie internet en die wanbegrip wat dié media soms by mense kan tuisbring; hierdie virtuele wêreld waarin ons die afgelope paar jaar gegooi is. Die goed en sleg daarvan, het elkeen van ons al ervaar. Daaroor gaan ek nie vanoggend uitbrei nie.

Prentjies/tekeninge/foto’s met mooi boodskappies op, is ‘n nuwe konsep wat ons in staat stel om daagliks vir iemand te sê ‘ek dink aan jou.’ Na eeue se slakkepas, is daar internet en Whatsapp, wat iemand in staat stel om amper deel te wees van ‘n gebeurtenis. Maar wat is vir julle belangrik, die prentjie of die boodskap? Stuur julle iets net lukraak aan, omdat dit ‘n kostelike tekening is, of ‘n katjie wat se manewales jou laat lag, of ‘n diepkleur blommeveld wat baie mooi is? Of lees jy die boodskap deur en neem in jou hart in wat dit vir jou wil sê? Wat kommentaar julle op FB boodskappe? Te veel mense ”amen” sonder om regtig te weet wat hulle beaam.

Vriende, in plaas van om “images” sonder gedagte aan te stuur sodat jy darem goed kan voel omdat jy van iemand onthou het en graag vir daardie een iets moois wil gee, gaan sit bietjie stil en soek vir elkeen iets uit wat ‘n spesifieke boodskap uit jou hart uit, kan oordra. Dieselfde met kommentare op iemand se skrywe, of opmerkings oor daaglikse gebeurtenisse.

Ek lees ook in die week weer kommentare oor ‘n ontstellende berig van kindermishandeling. Die aanvalle asof enigeen ‘n klip kan optel en gooi, die slegsê na ouers wat ons dink, nooit kinders moes hê nie, die goedvoel van mense wat dink dat hulle darem volmaak is in hulle taak as ouers en opvoeders. Maar net hier wil ek ook sê “dankie, Here, dat ons die voorreg het om kinders in geloof, vertroue en liefde te kan grootmaak en ook in so ‘n omgewing te kon opgroei.”

Een persoon het die opmerking gemaak dat dit geen wonder is, die wêreld is in so ‘n haglike toestand nie. Ek het dit al meer as een keer gelees. En skielik het die oeroue besef my weer getref. Die wêreld is nie in ‘n toestand omdat ouers hul kinders mishandel nie, of mense so graag oorlog soek nie, of omdat haat en misdaad hoogty vier nie. Nee, vriende, die hele Bybel deur lees ons die boodskap dat die aarde in sonde verval het weens die sondeval. Weens die mense Adam en Eva, se optrede toe hulle toegegee het aan satan se misleiding en die kans aangegryp het om soos God te kan wees, deur goed en kwaad te ken. Daarom is die wêreld in hierdie toestand wat by die dag verder versleg.

Daarom gaan dinge net meer en meer agteruit, bou haat verdriet tot hoogtepunte op. Want ons moet leer om ons sonde te bely en vergifnis te gee en in God se Seun se verlossing te glo. En te besef dat ons moet uitroep “Halleluja, Here, ons loof U en ons eer U. En ons kniel neer in gebed om met U te praat.” En dan Amen Here te sing, omdat Hy ons gekies het om Hom te volg.

Gaan die week in, wees na aan mekaar, lief vir God en jou naaste. Ek groet julle. Laat julle harte en gedagtes altyd in God se teenwoordigheid vrede vind.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #33 on: March 23, 2021, 10:08:15 PM »
Oggendboodskap 24 Maart 2021

Gegroet vriende …

Christus het aan die melaatse geraak. Hy het dalk sy hand op die sieke se skouer gesit, versigtig om hom nie seer te maak nie. Dalk wou Hy hom omhels en verseker van sy omgee vir hom, maar wou nie op ‘n seerplek druk wat nog meer pyn sou veroorsaak nie.

Hoe dit ook al sy, Jesus ons Verlosser, het nie teruggedeins nie. Hy het nie van die man wat maande, dalk jare lank al stinkend siek was, wie se vingers of selfs sy hande al afgevrot was, weggeskram nie. Nee, Hy het hom aangeraak, staan dit in Matthéüs en Markus en daar in Lukas 5 verse 
12 Eendag toe Jesus in een van die dorpe was, kom Hy 'n man teë wat oortrek was van die melaatsheid. Toe die man Hom sien, val hy op sy knieë voor Hom en smeek: “Here, as U wil, kan U my gesond maak.”
13 Jesus steek sy hand uit, raak hom aan en sê: “Ek wil. Word gesond!”

Daardie man, soos ons uit die wette en reëls van Israel leer, het hulle nie sommer net ingewag langs die stofpad waarlangs Jesus en almal saam met Hom, verby sou gaan nie. Nee, hy sou moes nadersluip, koes-koes agter bome of struike bly tot Jesus naby genoeg was. Melaatses is uit die dorpe en nedersettings verban, hulle moes alleen of saam met ander melaatses, in grotte of waar ander nie naby kon kom nie, ‘n pynlike lyding leef tot hulle dood. Maar hierdie man het besluit dat hierdie Christus van wie hy gehoor het, hom kan genees. Het hy geweet God sal hom van sy sondes ook verlos?

Vriende, wat doen ons vandag? Ons wat gelukkig genoeg is om te besef wat God se genade (naastenby) beteken, koester ons in sy Liefde. Maar ek wonder soms of ons ooit die volle omvang van ons HemelVader se genade kan besef? Nogtans loof ons Hom vir elke dag se seëninge en genade. En ons aanvaar ons doen genoeg. Selfs as onrus en dwarsklappe ons tref, glo ons nog in God. Ons raak soms kleingelowig, maar ons weet en glo ons geloof sal weer versterk word.

So dink ons. Ons sê daarvoor dankie; ons gaan kerk toe omdat … omdat? Ek weet nie of ons altyd weet hoekom nie. Gewoonte, ons opvoeding? Omdat ons sentimenteel is oor ons kerk? Daar tussen ons vriende kan ons God loof en prys, kan ons ons hande oplig en jubelend, of met verwagting, sing en bid. Tussen bekendes, of tussen “goeie mense” wat ons ons naaste noem, is ons gemaklik. Ons gee wat ons kan vir armes. Hulle wat dit darem baie nodig het, maar dit moet ons eie mense wees. Wat kan God dan nog van ons verwag?

Nou wat is fout daarmee? wil julle my vra. En ek kan niks fout vind daarmee nie. Ons Vader ook nie. Solank jy dit net nie uitbasuin, aan die grootste klok hang nie. Jesus het gesê: Matthéüs 6 vers
3 Maar jy, as jy liefdadigheid bewys, laat jou linkerhand nie weet wat jou regterhand doen nie,
4 sodat jou liefdadigheid in die verborgene kan wees; en jou Vader wat in die verborgene sien, Hy sal jou beloon.

Ek wonder net hoe gemaak met daardie arm melaatse mense? Daardie “melaatses” om wie ons draaie stap en vermy asof hulle van ‘n ander stinkende, verottende, moeras-agtige planeet af kom. Hulle wat dalk geleenthede “soos ons” gehad het, maar dit nie WIL gebruik nie. Nee, hulle wat drank en dwelms verkies en gedurig in stormwaterslote dronk lê. Tot hulle weer iets gaan steel vir die volgende bottel goedkoop wyn. En ons hulle uitmekaar vloek en skel en tot in die hel in verwens.

Wie gaan eendag langs een van hulle op die randsteen neersak en vir hom of haar vra of hy/sy weet dat Jesus hulle net so lief het as vir ons? Vriende, het jy al in jou binneste die versugting gevoel om vir so iemand jammer te voel, te wens dis moontlik om hom/haar aan te raak en te sê Jesus wil jou gesond maak?

Kom ons sluit ons oë. Here, ons Here, hoeveel keer het ons al skuldig gevoel omdat U iemand op ons pad gebring het, maar dan het ons weggedraai en aan die anderkant verbygestap. Vergewe ons o God, dat ons nie elke kans gebruik om u Evangelie, ja, die verlossing waarvoor Christus tot die dood toe gely het, wat ons eersdaags weer gaan gedenk, aan iemand arm en lelik vertel het nie. Dat ons nie eers tot U vir hulle bid nie. Wees ons genadig in ons geestes-arme menswees. Amen amen Here.

Mag julle ook die vrede van God, wat alle verstand te bowe gaan, in hierdie komende tyd ervaar, terwyl ons die dae aftel na die voorreg om weer Paasfees te vier.

Vrede en vreugde vir julle. Totsiens.
adéle theron
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #34 on: March 30, 2021, 05:39:10 PM »
Oggendboodskap 26 Maart 2021

Gegroet vriende …

Romeine 5:8   maar God bewys sy liefde tot ons daarin dat Christus vir ons gesterf het toe ons nog sondaars was.

Ek kyk lank na ‘n foto van ‘n ouma wat haar kleindogter op haar skoot styf teen haar vasdruk. Dis ‘n baie eenvoudige ouma met vaal haartjies en ‘n verslete rok aan. Die dogtertjie dieselfde. Sy is nie popmooi nie; op die foto het sy nie ronde perskewangetjies en rooi lippies nie en haar haartjies is so vaal soos die ouma s’n. Of dit regtig eie ouma en kleindogter is, weet ek nie. Maar die foto kry ‘n plekkie in my hart. Die hele prentjie straal liefde uit. So moet ons liefde ook uitstraal wanneer ons teenaan Jesus leef.

Ek lees ‘n plasing oor gewilde musiekvideos. Eintlik ‘n paar plasings en elkeen se gunsteling-musiek. Die genre’s is al amper net soveel soos die mense wat daar gesels. En in elke genre het elkeen nog sy of haar eie verdere keuses.

Op ‘n blad oor skrywers, boeke en funksies saam met bekende kunstenaars, word bladsye vol geskryf en gesels. Baie mense stem ooreen oor wie in hulle oë die beste is, watter boek uitstekend geskryf is, maar tog het meeste ‘n ander gunsteling skrywer of genre of verhalebundel in eie smaak.

So het verskillende sosiale platforms meer of minder lede op verskillende blaaie. Soms is daar ‘n paar duisend wat aan een groep behoort. Ander is geslote met enkele lede, want hulle kuier-gesels oor dinge waarvan hulle hou en vermy buite invloede. Maar dit is nie net buite-invloede nie, nee, dis verskille wat tot rusies en onenigheid lei. Soos om ‘n braaivleiskuier waar emosies handuit ruk wanneer een te veel van ‘n ander verskil, en die een te veel toegewings van die ander verwag.

So, vriende, weerkaats die lewe soveel fasette soos wat daar mense in die geselskap is. Ons dink en redeneer en beplan dinge verskillend. Ons is verskillend. Soms verskil ons sieninge soos die dag van die nag. Want ons is individue, elkeen geskape deur ‘n HemelVader wat ons persoonlik gevorm het, met ‘n eie liggaam, enig-vingerafdrukke, enig in verstand en denke. En wat ons daarmee maak, verskil nog meer van ander se sieninge van ons elkeen.

Maar, al verskil ons van elkander, al is ons ook hoeveel miljoene mense met elkeen ‘n eie karakter, een ding staan vas en seker: God se besitreg op my, sy kind. God se liefde vir my. God se genade en beskerming wat ons net moet aanvaar om dit te beleef, dis heeltyd net ‘n knieknik, ‘n armlengte van ons af. Hy het ons so lief, dat Hy sy liefde vir ons bewys het deurdat Christus vir ons gesterf het toe ons nog sondaars was, selfs nog sondaars is. Is ek dalk verkeerd as ek so sê?
Johannes 3: 16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.
Meer bewys as dit het ons nie nodig nie. Meer bewyse om Hom te vertrou, sal ons nooit nodig hê nie. Vriende, weet dit, glo dit, vertel dit en leef dit met soveel nederige vertroue uit sodat ander Jesus deur julle kan sien en ervaar, kan aanneem en liefkry, omdat Hy ons en hulle eerste lief het.


Kom ons sluit ons oë. Here, ons Here, ons het U lief omdat U ons eerste liefgehad het. Dankie dat U ons elke dag na U toe trek, ons vashou en weer terugtrek as ons losgly en val. Amen amen Here.


Ons tel die dae af na Paasfees, omdat ons die voorreg mag opeis om dit in herinnering te vier. Wees geduldig in alles, met ander, en wanneer jy op ‘n antwoord van God wag.

Vrede en vreugde vir julle. Totsiens.
adéle theron   
adéle  :grommit:

Offline adele

  • Bouspan
  • Hardebaard
  • Posts: 1899
  • Gender: Female
  • gryp na môre in klein-klein stukkies
Re: Oggendboodskappe
« Reply #35 on: March 30, 2021, 05:40:05 PM »
Oggendboodskap 30 Maart 2021

Gegroet vriende …
Samuel 6: 14 Daarby het Dawid met volle oorgawe voor die aangesig van die Here gedans …


Vriende, hoeveel keer in julle lewe het julle al lus gekry om voor die Here se aangesig te sing en dans? Nee, nie net in die kerk nie, maar tuis, of saam met jul vriende of familie, selfs by die werk? Daar was tye wat ek werklik lus was om te sing wanneer ek Hom geloof het oor iets wonderlik wat met iemand gebeur het, goeie nuus van iemand of iets wat ek as ‘n wonderwerk gesien het.

Hoekom nie? wat keer ons dan? Die gedagte aan ‘wat sal die ander sê.’ Hoekom is ons so begaan daaroor? Ons moet ons vertroue só diep en vas in Christus geanker hê, dat ons nooit bekommerd mag wees oor enige mens se opinie nie. Die probleem is net, hoe om dit reg te kry. Selfs net om met iemand te gesels, skram ons van weg.

Ek blaai in my gedagtes terug na die eerste gelowiges, Apostels en christene wat deur vervolging oor die hele (huidige) Midde- en Verre-Ooste en Europa versprei was, maar oraloor God se Verlossingsboodskap verkondig het. En later het sendelinge oor die hele wêreld gereis en die Evangelie verkondig onder alle nasies. Soms in doodsgevaar. Maar hulle het nie teruggedeins nie. Wat het dan in vandag se lewe verkeerd geloop dat ons wegskram daarvan?

Ek het dit al genoem, maar dis so ‘n algemene gedagte: om die braaivleisvuur saam met vriende, en soms ander wat ons eers daar ontmoet, word ge-politiek en gekla en sleggesê en gedreig en ‘ek sal darem so en so maak’ as ‘hulle’ my huis inkom, as ‘hulle’ my vrou en kinders seermaak, as die regering nie nou iets doen ‘hieraan en daaraan’ nie. En hoe later, hoe kwater.

Maar noem enige iemand ooit iets oor geloof, oor God en die Kerk (met ‘n hoofletter). Oor die Apostels se vervolging, maar hoe hulle eers oraloor vertel het wat Christus op aarde vir my en jou kom doen het? Vertel ons mekaar hoe lief Christus ons het, ons vir wie Hy plek in die Hemel gaan berei het en weer sal kom om ons te kom haal? So ook by ‘n musiekaand, ‘n opvoering of skoolfunksie, in die wandelgange van die Mall, of tydens sportgeleenthede op die pawiljoen. Ja, selfs net ná die erediens wat ons nou net bygewoon het.

Ken jou vriende jou as iemand wat stilte gaan vra in so ‘n gesprek en gaan vra of iemand sal omgee as jy saam met hulle bid vir hierdie ‘hulle’ en vir die regering en almal wat nou net sleggesê, geskel en selfs gevloek is? Sal jy ook in jou gebed vergifnis vra vir jou vriende wat nie gedink het voordat hulle ander verwens en vervloek het nie?

Al is ons nog op hierdie aarde, in hierdie wêreld, roep Christus se reinheid ons van hierdie wêreld af weg; leef ons in God se heiligheid, wanneer die Heilige Gees in ons woon. Ons weet nie waar was Josef van Arimathéa se graf, waar Jesus neergelê was nie, maar ons weet die graf is leeg; dat Hy daaruit opgestaan het. Wat ‘n wonderlike, kosbare opstanding was dit nie, vir ons het Hy sy lewe gegee. Ons sal nooit deur God verlaat word nie. En as ons stilbly, sal die klippe dit uitroep en ons sal voor God staan met skaam, geboë hoofde.

Kom ons sluit ons oë. Here, ons Here, trek ons asseblief na U toe, hou ons vas, sodat ons nie twyfel of afdwaal in hierdie moeilikste van tye van vandag nie. Amen amen Here.


Vriende, raak stil in die dae en luister na die sagte aanraking van God se stem in die aandwind.

Vrede en vreugde vir julle. Totsiens.
adéle theron   
adéle  :grommit:

Offline PM

  • Administrator
  • Meester
  • Posts: 10116
  • Gender: Female
Re: Oggendboodskappe
« Reply #36 on: September 13, 2021, 12:08:26 AM »
Dit is altyd vir my so pragtig dat jy die lewe met soveel lus en liefde ervaar.  Dankie dat jy dit wat so na aan jou hart lê met ons deel. 
Om te weet is om te verstaan.