Recent Posts

Pages: 1 ... 6 7 [8] 9 10
71
Adéle se plek / Re: As Sondag te lank raak
« Last post by adele on December 22, 2021, 09:51:09 AM »
en vir baie meer mense raak Sondae nou lank en alleen ...
72
Adéle se plek / trooskleure
« Last post by adele on December 22, 2021, 09:24:20 AM »
agter ’n betrokke ooste
breek die dag in rooi,
geverf deur VaderHeer se eie hand,
daarmee saam skeur
die wolke in repe
en skilder die Hemelruim
in vuurvlamme,
geraam deur ’n horison en helderblou lug

wanneer lewe jou hart
in stukkies breek
en smartlik fynmaal,
jou elkedag-vreugde in repe skeur,
hang jou skilderdoek
voor VaderHeer se Hemelruim,
laat Hy sy trooskleure
met vrede meng en kwistig verf,
sy Liefde daarom raam
en teen jou hart se voordeur hang.

©adéle theron
73
Groente / Re: Pampoenkoekies
« Last post by adele on December 19, 2021, 01:25:26 PM »
Baaaie geluk en liefgroete daar. Ja, ek het netnou na Broodpoedingresepte gesoek.... En toe maar uit my kop een aanmekaargeslaan, oond nou afgesit, dis vir netnou se koffie.
74
Digterminologie / Re: Stylfigure
« Last post by PM on December 19, 2021, 10:08:57 AM »
Stylfigure


Anafora - herhaling van dieselfde woord of uitdrukking aan die begin van versreëls.

Antitese - teenstelling van teenstellende begrippe of gedagtes.

Enumerasie - opnoeming of opsomming van verskillende sake of begrippe wat soms nie lyk of hul bymekaar pas nie.

Inversie - Omkering van gewone of natuurlike woordorde.

Ironie - Vorm van humor en bedekte spot.

Paradoks - skynbare teenstrydigheid wat dieper waarheid verberg. "Ek veg vir vrede"

Repetisie - beklemtoning deur oordoen, oorsê en oorvertel.

Sarkasme -  sterk, beledigende vorm van ironie.

Asindeton - afwesigheid van voegwoord. Bv. Al haar hemde, rokke, skoene, alles, val by die kas uit.

Polisindeton - Oormatige gebruik van voegwoorde. Bv. Staan en sit en staan en sit en staan.

Ellips - 'n Sin wat onvoltooid gelaat word as gevolg van die weglaat van woorde.  (...) Word ook beletselteken genoem. Bv. Die polisieman knik, en toe...

Enumerasie - Opnoemtegniek. Opnoem of opsomming van verskillende sake. Bv. Simonsberg, Oranjerivier, Namakewaland en Kaapse-vlaktes.

Eufemisme - 'n Harde werklikheid word sag gestel.
Bv. Die elemboog lig. (Baie drink.)
Die meisie het lang vingers.  (Sy steel.)
Tydelike met die ewige verwissel. (Om te sterf.)

Defemisme - Wanneer iets besonders skerp en/of kras gestel word. Bv. Beledigings.

Hiperbool - Buitensporige oordrywing.
Bv. Ek werk my dood! (Nee, jy werk net hard.)
Sy is die mooiste meisie in die wêreld! (Hoe sal jy weet? Was jy al oral?)
Ek het jou 'n miljoen keer gewaarsku! (Rêrig? 'n Miljoen keer? Is jy seker? Het jy getel?)

Litotes - Oormatige verkleining.
Bv. Hierdie is 'n klein geskenkie van R1000. (Dis duur.)
Dit gaan nie sleg nie... (Dit gaan goed.)

Oksimoron - Opsetlike teenstrydigheid tussen twee woorde.
Bv. 'n Plastiekglas.
Ou nuus.
Aaklig mooi.
Bitter-soet.
Treurige glimlag.
Horende doof; sienende blind.

Parallelisme - Herhaling van versreëls kort na mekaar.
Bv. Dit gaan goed met die wat onberispelik lewe, die wat wandel volgens die woord van die Here. Dit gaan goed met die wat sy verordeninge gehoorsaam, die wat met hulle hele hart Sy wil doen.

Retoriese vraag - Vraag wat nie antwoord veg nie.
Dink jy dit was vir my lekker?!
Juffrou kan my mos nie uitskop nie, kan sy?
Die held wat sterf, wat wen hy?

Woordspeling - die humoristiese gebruik van verskillende betekenisse van 'n woord.

Retoriek - Valse, oordrewe verslete beeldspraak wat as oorversiering aangebied word. Veral politici.
Bv. Viva die massa! Viva!
Vir Volk en Vaderland!
75
Digterminologie / Re: Stylfigure
« Last post by PM on December 19, 2021, 10:01:43 AM »
Stylfigure kan ook so beskryf word:


Uitdrukkings waarin woorde nie in hul normale of letterlike betekenis en funksie aangewend word nie, maar op 'n besondere wyse om groter krag of 'n dramatiese beeld te verleen. 
Dit roep egter nie net beelde by ons op nie, dit verlewendig die taal deur die afwyking van die alledaagse gebruik van die woord. 
Dit word gebruik om die boodskap of die tema van die gedig te ondersteun. 
76
Adéle se plek / Re: Gelofte....
« Last post by PM on December 19, 2021, 09:39:37 AM »
Dankie vir die boodskappie.   :love7:
77
Adéle se plek / Gelofte....
« Last post by adele on December 16, 2021, 09:26:00 PM »
Boodskap 16 Desember 2021

Ek groet julle, vriende …

Dis Geloftedag. So het meeste van ons ouer garde daarmee grootgeword. Vandag is daar baie ander name daarvoor. En ander sieninge daar rondom. Maar wat elkeen ook voel oor die herdenking daarvan, die viering daarmee saam, is nie hier van belang om oor uit te brei nie.

Een feit wat egter nooit wegredeneer kán word nie, is dat ‘n groepie mense ‘n Gelofte aan God gemaak het. Hulle het dit ‘n paar dae namekaar herhaal. In hul soeke na hulp, soos vir die Israeliete van ouds, was dit hul enigste hoop en redding.

Daardie groepie mense het nie sommer lukraak uit die lug bymekaar gekom nie. Uit Frankryk en ook Engeland, het mense gevlug en hier aan die suidpunt van ons mooi land aan wal gekom. Hulle het uit hul lande van herkoms weggevlug, omdat hulle nie hul geloof in die Almagtige God kon verraai, kon aflê nie.

Is dit nie ook wat gebeur het ná Christus opgevaar het hemel toe, daarnatoe waar Hy, soos Hyself gesê het, vir ons gaan plek voorberei nie? Die Apostels was dus die eerste sendelinge. So ook die mense wat saam met hulle gegaan het, geleer het hoe om die Evangelie oor te vertel, gemeentes te stig, mekaar by te staan. Tog het die Evangelie oor die eeue heen, oor die wêreld versprei want kort-kort moes hulle vlug vanwaar hulle lewens bedreig is. Talle sendelinge is oor die eeue heen doodgemaak, omdat satan net gereedstaan om die verkondiging van die Evangelie, die oordra van geloof wat lei tot die Ewige Lewe saam met Christus by die Vader, dood te smoor.

En so, ter wille van mense hier wat nog nooit van God en die Bybel gehoor het nie, het God mense hiernatoe gelei. En hulle moes swaarkry om weer die binneland in te trek. En vandag kry ons swaar omdat ons nalaat, ja vergeet, om die Evangelie aan almal om ons, aan ons naaste te vertel. God se verordeninge en sy sendingopdragte, het nog nooit gestop nie.

So, of jy saamstem met Geloftedag en dit soos ‘n christelike Sondag wil deurbring, of andersins deel in die twispunte daar rondom, of dit net ignoreer, is ‘n saak waaroor jy met God kan gesels; nie ‘n saak tussen jou en watter politieke party ookal nie. Maar wat ons nooit uit die oog moet verloor nie, is dat ons op aarde is, om God se dissipels te wees. Ons moet gedurig die Evangelie oorvertel en mense na God toe lei. Maak nie saak wie ons is, of vir wie God as ons naaste in ons pad inlei nie.

Daarom, wees vandag rustig, en of jy tuis is, of met vakansie iewers kuier, of dalk werk, doen waarvoor God jou geroep het. Vra God se leiding en vertel iemand van Jesus. Vra dat Hy iemand op jou pad moet stuur met wie jy vandag nog, oor Hom kan gesels. En sê dankie vir die voorreg en genade om sy kind te kan wees, dat Hy jou red van die wêreld se sonde en satan se verleiding.

Groete en mooi dag verder. Totsiens.
adéle theron
78
Kom kuier saam / My laaste kleinkinders
« Last post by PM on December 16, 2021, 05:38:43 PM »
More vlieg my kleindogtertjie Amsterdam toe.
Dinsdag vlieg my laaste kleinseun Engeland toe. 
Danksy Suid-Afrika.  Jammer dat jy nie al jou burgers kan huisves op 'n regverdige basis nie.  Na 28 jaar val jy nog terug na apartheid en rassehaat.  My hart is stukkend.

79
Maalvleisgeregte / Re: Heerlike frikkadelle
« Last post by PM on December 16, 2021, 09:33:28 AM »
Soek ek na 'n ander resep en daar kom ek op hierdie resep van my af.  Woord vir woord, opgeraap deur iemand anders.
Ek hoop hulle geniet dit soos ons.   :love7:
80
Voorgeregte / Re: Nessie-broodjie
« Last post by PM on December 15, 2021, 06:29:12 PM »
Heerlik!  Ek het dit gemaak vir ontbyt en dit was heerlik!
Pages: 1 ... 6 7 [8] 9 10