« previous next »
Pages: [1] 2  All   Go Down

Author Topic: Niksvreet  (Read 4267 times)

0 Members and 1 Guest are viewing this topic.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Niksvreet
« on: November 04, 2021, 07:17:55 AM »
My vrou, dis nou die een wat die remoer versprei dat ek getroud is. Daai een...
Sy het nou op die internet gelees van die Jappeneus of shineus of een of ander neus wat die nobel prys gewen het vir sy navorsing oor "fasting".
Ek weet nou nie hoeveel sy van die neustaal verstaan nie maar nou moet ons "fast"
Vir die wat nie die vertaling verstaan nie, dis nie fast soos in vinnig nie, nee, dis fast soos in niksvreet.
Van drie etes 'n dag af na drie dae 'n eet.
Verstaan nou vir my mooi. Eet is die enigste plesier in my lewe.
Ek moes drank los. Ek moes sigarette los. Ek moes seks los. En dit alles vir botter en vir wors.
EN NOU. Nou moet ek nog die botter en wors ook los.
Verdomp. Ek is nou al tussen 60 en vrot nou moet ek wragtag nog die laaste plesier in my lewe opgee.
Ek sweer ek gaan haar wifi afsit.
En as ek een keer in 'n skrikkeljaar eet moet dit keto wees. Ek ken nie eers vir keto nie maar hy gaan blykbaar my ongeneeslike diabetes genees. Ek is so opgewonde want hier kom een splinternuwe pankreas deur die hongerpyne aangewals.
Geen suiker nie. Fffferdomp. Het julle al agter gekom... alle lekker kos het suiker in. Geen brood nie. Ffferdomp. Dit sluit braaibroodjies in.
Ek moet liewerste nou stilbly want my selfoon is nou al papnat gekwyl.

 :icon_bigsmurf:
Logged
Ek is maar net een, maar ek ís een.

Offline Assie

  • Regular Members
  • Snuiter
  • Posts: 480
  • Gender: Female
Re: Niksvreet
« Reply #1 on: November 04, 2021, 07:31:07 AM »
Onthou Oom Naas vir Bles. Dis nou Oupa se merrie gewees.
Oupa het mos besluit omdat die droogte nou die voer so verminder het moet Bles minder eet.
So elke dag het Bles minder voer gekry. Dit het vir Bles goed gedoen. Sy het weer mooi lyf gekry. Die vetjies van rondstaan in die veld het verdwyn.
En net toe sy nou mooi gewoond is aan niks vreet nie toe vrek Bles mos nou.
Oupa was baie bewoë.
Die veeartsie sê Bles het een of ander anno ereksie siekte gehad. Ek verstaan nie so mooi van die anno ereksie nie want sy was mos 'n merrie.
Maar Oom Naas moet net versigtig wees. Ek weet nie of mense ook anno ereksie kan kry van te min eet nie maar dit sal darem 'n groot skande wees as Oom Naas nou doodgaan van daai anno ereksie en dit nog met 'n splinternuwe pankreas en al. (En dan gaan hulle met die anno ereksie besigheid dalk nog sukkel om Oom Naas se kis toe te kry ook)
Nee o genade, as ek Oom Naas is eet ek liewerste skelmpies wanneer Ta Elmarie by die werk is. Gelukkig werk sy baie.

 :mumum:
Logged

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #2 on: November 04, 2021, 08:22:48 AM »
Daai kis storie van jou maak my nogal benoud. Klink vir my dit kan nogal ongemaklik raak daar binne as hulle hom moet toe forseer.
Onthou jy Oom Vatterige Frans wat aan 'n oordosis viagra oorlede is. Hulle vertel hy het sommer self sy kis van binne af toe gespyker.
Nee O Hallie Ha Assie! Hierdie niksvretery ding gaan nie werk nie. Ek dink ek sal meer gereeld plaas toe moet kom vir sago poeding.

 :icon_bigsmurf:
Logged
Ek is maar net een, maar ek ís een.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #3 on: November 04, 2021, 08:37:57 AM »
Woordwurm/spaghetti vers.

HET JY

Alweer
Tussen
Etes
Ge
Snack?

HET JY?

natuurlik

Het
ek
tussen
etes
ge
snack

natuurlik.

HOE KON JY

Tussen
Etes
Snack

HOE KON JY?

Ek moes

Want
etes
is
drie
dae
uitmekaar.

Ek moes.

 :icon_bigsmurf:
Logged
Ek is maar net een, maar ek ís een.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #4 on: November 04, 2021, 09:31:51 AM »
Verdomp Assie. Nou moet ek hoor kersfees by ons is met twee dae uitgestel want ons eetsiklus is eers twee dae NA kersfees.
EEENN!!! Wag vir dit...

Dan mag ek net die neute en kersies van die kerskoek eet.
NOU VRA EK JOU met trane in my navy blue eyes...

 :icon_bigsmurf:
Logged
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Niksvreet
« Reply #5 on: November 04, 2021, 11:11:50 AM »
Naas, hulle seg 'n skoonheid (gesondheid in ons geval) kom nie pynvry nie.  Jy moet pyn verduur om mooi te lyk, of gesond te wees.
Ek het agt maande gebloei met daai dieet.  Die "carbs" my vriend, die "carbs" het my nagmerries gegee.  Gedroom van groot dik snye tuisgebakte brood, knoffel brood, braai brood, potbrood en so kan ek aanhou.  Gelukkig het ek nie 'n soet tand nie, maar pasta en rys, mieliepap en outspap, Kraakbeskuitjies en boerbeskuit, jy noem dit maar op!  Aartappels en paptats, gebraaide mielies - stop - stop - stop!


Daar is nog baie goed waaroor ek mal is.  Dit kan jy alles eet op die keto dieet. 
Vleis, eiers, kaas, avo's, 'n lekker groot bruin sampioen in die plek van 'n rolletjie onder jou hamburger, bacon, ribbetjies ongelukkig sonder die marinade, maar lekker bruin gebraai met sout en peper is 'n wenner. 


In die agt maande wat ek op die dieet was het ek 18 kilo's verloor. 


Ek weet nou nie so mooi van die anno ereksie ding nie, want ek het nie spykers geeet nie.  :dontknow:

Logged
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #6 on: November 04, 2021, 11:43:16 AM »
Ek is seker daarvan jy het nie net elke derde dag geëet nie.  :hello2: :love7: :icon_bigsmurf:
Logged
Ek is maar net een, maar ek ís een.

Offline Meraai vannie Baai

  • Wysgeer
  • Posts: 3662
  • Elke dag aan ons Geskenk, is 'n kosbare voorreg.
Re: Niksvreet
« Reply #7 on: November 04, 2021, 11:49:57 AM »
Nee o hel. Ek hou verby. Sonder eet sal ek aan die slaap raak en nie weer wakker word nie. My bloedsuiker neuk ariglik dan spin die wereld verkeerde kante toe gelyk. Oi Naas. Ek dink aan jou en sou eerlik waar skelm ge-eet het. Die baklei agterna sal die moeite werd wees want more doet ek ynste symste. Vriet skelm.  :icon_biggrin:
Logged

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #8 on: November 04, 2021, 11:53:29 AM »
Dis nou hier waar my selonsrosie gaan tweede kom want eet gaan ek eet.
Ek het nie meer baie dekades op die aarde nie maar ek gaan hulle ook nie honger deurbring nie.

 :icon_bigsmurf:
Logged
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Niksvreet
« Reply #9 on: November 04, 2021, 11:55:20 AM »
Ek weet nou nie of ek iewers uit die bus geval het nie.  Ek het wel ook die vas ding gedoen.  Dit is net die eerste 18 ure wat moeilik is, daarna gaan dit sommer baie beter.   


Ek het elke oggend 'n kopppie bulletproof koffie gedrink.  Toe ek die eerste keer daaroor gelees het, het ek my neus sleg op 'n knop getrek, maar later verslaaf geraak daaraan.  (Dit is nou nie as jy vas nie.)


https://irenamacri.com/recipes/bulletproof-coffee/

Kyk ook na intermediate en indermittend fasting op die net. 
Logged
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #10 on: November 04, 2021, 12:06:07 PM »
No way... As ek moet vas kan hulle dit maar los. As daar nou een ding is wat Naas nog nooit goed kon doen nie is dit honger.

 :icon_bigsmurf:
Logged
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Niksvreet
« Reply #11 on: November 04, 2021, 12:12:18 PM »
As jy gaan nalees oor die vas, sal jy vind dat daar verskillende skedules is.  'n 18 ure vastyd is baie maklik.  Jy eet jou laaste maaltyd vir die dag 5 uur en dan 11 uur more kan jy ontbyt.  Dan eet jy weer normale ure.  As 'n mens genoeg water drink in daardie tyd voel jy ook nie so honger nie.
Ek het ook geleer dat 'n mens soms eet omdat jy "honger" voel, maar eintlik is jy dors.  Drink 'n lekker groot glas yskoue water, 'n mens kan nogal maklik verslaaf raak daaraan.   :icon_biggrin:


Laat weet my as jy 'n maatjie nodig het dan dieet ek saam met jou. 
Logged
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #12 on: November 04, 2021, 12:17:10 PM »
Jy vry verniet. Water maak my roes. Kos maak my vol.

 :icon_bigsmurf:
Logged
Ek is maar net een, maar ek ís een.

Offline PM

  • Administrator
  • Meester
  • Posts: 10692
  • Gender: Female
Re: Niksvreet
« Reply #13 on: November 04, 2021, 12:19:56 PM »
Hannes sal twee krukke kry om mee te loop die eerste paar weke.  Ek sit hom op jou! 
Dieet is die moeilikste ding wat daar is.  Jou kop staan yskas toe, of jy nou honger is of nie, want jy bly lus!  Dis 'n sielkundige ding. 
Logged
Om te weet is om te verstaan.

Offline Naas

  • Hardebaard
  • Posts: 2283
  • Gender: Male
  • K.N.A.P. (Kan Naas Afrikaans Praat of wat?)
Re: Niksvreet
« Reply #14 on: November 04, 2021, 12:27:55 PM »
Ek is seker daarvan ek kan vinniger beweeg as Hannes op twee krukke. Verbeel jou... Hannes jaag my en ons altwee loop. Hy met krukke en ek met die kierie.
Genade... Ek is seker daarvan die klankgrens is nie in gevaar nie.
As ek net die woord dieet hoor is ek honger.

 :icon_bigsmurf:
Logged
Ek is maar net een, maar ek ís een.
Pages: [1] 2  All   Go Up
« previous next »