Ek wil net graag weet!

[werelde weg]

en waar leer jy jou IK?

ek voel IK is opgebou deur die eeue van gene ... tog reken sommige mense nie so nie...

ek glo ook logika kan aangeleer word nes n mens humbelness kan aanleer saam met dankbaarheid

in n obskure manier glo ek daai 3... nederigheid , dankbaarheid en logika loop hand aan hand
die een kan nie groei sonder die nader nie ...

[PM]

Ek stem saam dat 'n mens nederigheid, net soos dankbaarheid, in jou ouerhuis aanleer.  Tog het ek al baie nederige ouers gesien met kinders wat net klinkende simbale is.  Daarom dink ek dat nederigheid 'n keuse is, net soos dankbaarheid. 
Mense wat depressief is, kan net 'n lys gaan maak oor die goed waarvoor hulle dankbaar kan wees.  Dit is 'n goeie dosis medisyne teen depressie.  Wil hulle?

Dat IK uit daardie gene-bank kom sal ek saamstem.  Dat jy kan leer om logies te dink?  Dit weet ek regtig nie. 

[werelde weg]

so nog n vraag is ... sou n -hoe IK beslis n hoe logika verseker?

[PM]

IK is intellegensie en logika is "die insig" of verstaanbaarheid van die probleem se oplossing.  So nee, ek dink nie iemand met 'n hoë IK kan noodwendig logies dink nie.

[werelde weg]

so logika kom van binne af? gebore daarmee of nie?

[PM]

Ek dink 'n mens word daarmee gebore. 

[PM]

Dalk het ek nou die kat by die gat beet!  Dit is nou daardie gat waar Mabahel (of is dit nou aia Malat) haar stert gesien het. 
Ja ek weet, dit is al laat al en die wyn die praat al maar soos myse moeder geseg het, uit die mond van die suigeling en die dronkaard sal jy die waarheid hoor. 
My probleem lê nou nie by die IK en die logika nie.  Dit lê daar by die sin vir humor en die dankbaarheid. 
Dankbaarheid dra my deur die lewe.  Die mislike lewe wat my om elke hoek en elke draai wil verongeluk.  (Of is dit nou versuip?)  (Of is dit nou om my kinders by my weg te steel?)  Of is dit nou om my geliefdes by my te kom weg ruk?)
Hoe dit ook al sy!   Dankbaarheid dra my deur die lewe en dan kan ek 'n titseltjie humor daarby voeg en dit maak alles draagbaar of is dit "drankbaar".   
Met my sin vir humor kan ek vir myself lag.   Ek kan ook saam met jou lag.  Om te lag is om te oorleef!
As ek al my seëninge tel en ek voeg 'n goeie skoot lag daarby, sal niks en niemand my onderkry nie. 
Dan het ek nog 'n hart wat vol liefde is vir almal om my en as ons dan van dankbaarheid praat, staan ek eerste in die ry!  Ek is so dankbaar vir 'n ieder en 'n elk van julle.  Ek lief julle stinkend!

[Meraai vannie Baai]

Wil net graag skryf: ons lief jou tonnnnnne PM  en ek is so dankbaar vir die voorreg om deel van die forum te wees. Dit help om baie eensame ure te vul met wat ek die meeste geniet: woordgeregte in alle vorme 

[Miss Piggy]

Middag almal

Vir my gaan dit meer oor emosionele intelligensie . . . daarsonder is jy ge-snoeker.

Iemand wat opbouende kritiek kan hanteer sonder om stert tussen die bene te loop of ewe hard en soms venynig (en soms persoonlik) terug te kap.

Iemand wat nie aanhou en aanhou en aanhou om dieselfde rusie in 10 verskillende weergawes uit te haal en af te stof en van vooraf begin nie.

Iemand wat nie blaam verskuif nie.

[PM]

Nou kyk nou net hoe dankbaar is ek weer vandag!     Hartlik welkom Miss Piggy  .  Ons het jou soooo gemis!
Dis 'n fees om jou hier te sien. 

Dit is die waarheid Miss Piggy. 
Om verantwoordelikheid te aanvaar vir jou eie dade spreek van volwassenheid.
Daardie "derms uitryg" is ook 'n lelike ding. 
'n Mens kan nie groei sonder opbouende kritiek nie.  Dit is die waarheid. 

Welkom terug matertjie.   

[Miss Piggy]

Dankie PM . . . ek float deesdae . . . ek dreig om elke dag hier te loer maar tussen werk en leef kry ek maar min tyd.

Maar ek belowe ek sal harder probeer!1

[PM]

  Dankie Miss Piggy, ek weet dit gaan deesdae dol en mens sukkel om alles raak te vat.  Dit sal wonderlik wees om jou weer gereeld hier in die gange raak te loop.  

[Meraai vannie Baai]

Sal wonnnnerlik wees as jy weer saam kan kom kuier Mevrou Varkie 

[Miss Piggy]

Dankie julle!!!   Hoop julle het 'n lekker langnaweek saam met julle geliefdes xx

[PM]

Ek wil net graag weet, nou waar is jy nou Miss Piggy?  Jy het dan belowe!     Hier is 'n kommetjie koffie, jy moet die beskuit bring.

Dan wil ek ook weet waar is julle ander?  Is dit die winter wat julle hande onder die komberse hou?  Dit verstaan ek goed, want hier is dit lekker koud vanoggend. 

Kom groet darem net    ek mis julle.