Soos kettie en klip

[PM]

Ons het saam met vriende in Mozambiek gekuier en daar seg my vriend:  Julle hoort bymekaar soos kettie en klip.
Ken julle nog sulkes?

[Meraai vannie Baai]

Pragtige uitdrukking! Nog nooit gehoor nie, ken net pot en deksel. Lief kettie en klip 

Ek en Outop hoort bymekaar soos pap en melk. Hooi en 'n vurk sal deug vir Meisiekind en kie. Branderplank en 'n golf vir oudste. Berge en dale vir jongste in sy 4 x 4. Al kopkrappende, klop ek toe aan by Dr Google en lees homp & kameel raak, luiperd & kolle. Oorlams sien ek toe visioene van kaas & wyn, brood & botter, pen & papier en gee op     

[PM]

Dankie vir die antwoord Raaitjie.  Ek dink ook toe aan
soos binne- en buiteband,
weet dit moet "tussen die tyre en die tube wees" maar kon dit nie weerstaan nie.

[Meraai vannie Baai]

   En vir enkellopendes sal dit seker 'tjoeplis' wees 

[PM]

Pragtig Raaitjie.  Jou sin vir humor is nog mooi gesond.  Ek glo solank 'n ou 'n gesonde, flinke verstand het, gaan dit nog goed. 

[Meraai vannie Baai]

  Ek het 'n skeet, die skeet het nie my nie 

[PM]

O halie ha!  Dit is goed gestel. 
Ons kuier by vriende en die dogtertjie is siekerig.  Haar stemmetjie is piep en ek vra wat is seer?  My stem, seg sy! 

[Assie]

Nee o genugtug Ta Raatjie, dis juis omlat die enkellopendes so sonder tubes rondle dat daar soveel slange in die gras is.
Ek wou nou se "soos 'n bottel by 'n baba" maar dan is Ta hier op die plaas ook noggie vannie doeke af nie.

[Meraai vannie Baai]

O wee, besef ek nou vanoggend hoe ek die geskerts rondom ons mooie taal gemis het 

[Naas]

En ons pas bymekaar soos rympies en rym.

[Meraai vannie Baai]

En die aaa en die bbb en die cccc 

[PM]

Soos Dawid en Jonathan. 
Ja, dit was die goeie ou dae, toe Oom Paul nog vir Diggers skrumskakel gespeel het. 

[Assie]

Ek onthou toe Jan van Riebeeck nog onskuldig was.

[PM]

Dis nog baie verder terug in die geskiedenis.  Dalk die slegte ou dae. 

[adele]

Daardie "tyre en Tube"-storie, of te wel die tubeless-ene vir enkellopendes het my aan die dink gesit en toe wonder ek ... is ek nou tubeless? of is ek dalk tyreless?