Plaas toe

[Meraai vannie Baai]

Lieffffflik!!

[Ans Botha]

Dit is hoe dit in die Mampoer valei lyk as die wolke na ons aangerol kom, as ons in die ry staan vir 'n moontlike bietjie reën.

[PM]

Pragtig.  Ons het vanaand 'n stort buitjie gekry.  Net genoeg om 'n lafenis te bring.  More sal ek maar weer tuin water gee. 

[Fransi]

So mooi. Ek het oor die naweek net weer besef dat elke plek sy eie mooi het.

[Ans Botha]

Dit is waar ja. Ek was al op mooi plekke, en elke plek het sy eie tipe mooi. Ek hou van berge watervalle en riviere, maar die plat karoo en die see hou sy eie bekoring in. 'n Mens moet net dit raaksien. Hier word die perde aangejaag huis toe vir hulle dip teen borsluise, en 'n Perdedag op 'n plaas in die omgewing.

[PM]

Die paadjie lyk so mooi met die groen gras. 

[Ans Botha]

Een van die kranse op ons plaas wat ek met julle wil deel. Ongelukkig kan ek nie stap tot daar nie, die tyd is bietjie min as ek gaan stap, as ek dit moet doen sal ek vir seker donker by die huis aankom. Ons gaan kamp party sondae daar, maak kos daar en verkeer maar net rustig. Nuwe jaar sit ons daar tot ou aand toe voor ons huis toe gaan.

[PM]

Dit is pragtig.  Ek sou wat wou gee om dit te deel, op voorwaarde ek kan daarheen ry.  Ek is bly jy is weer uit en tuis en by die huis.

[Ans Botha]

Ek sal my man ompraat om jou me sy noagbakkie soontoe te vat.

[PM]

Dit klink gevaarlik!   

[Ans Botha]

Dan moet jy maar saam met my stap vriendin! Of dit of die Noagbakkie

[PM]

Ek sal die Noagbakkie vat dankie, dan is ek eerste daar!   

[Ans Botha]

Hie hie dan kan jy solank  die koffetjie regkry, ek hoop jy bak beskuit, ek nie 'n huisvrou nie!

[PM]

Dit maak twee van ons, ek koop dit by die tuisnywerheid.     Sal liewers 'n morg mielies plant.   

[Ans Botha]

Ja daai tannies kan vir jou lekker beskuit bak. Maar ek wonder of hulle kan stap en die natuur geniet? Ek kan darem lekker koffie brou!