Meeste van hierdie gevare verbonde aan suurstofverbruik het ek nog nooit eers van gehoor nie. Enigste ene wat ek op daaglikse grondslag mee 'n oorlog voer is die verstrengeling en natuurlik vanoggend toe slaan ek soos 'n os neer.
Hak my voet aan die koord van my masjien. Genadiglik niks gebreek behalwe 'n erg gekraakte ego. Wonderlikbaarlik kon ek 'n pleistertjie, so voel-voel plak waar daar piepkleine skraapplekkie was wat halstarrig nie wou ophou bloei nie! Bloed en ek was van geboorte af aardsvyande!
Suurstofterapie: Veiligheidswenke vir die voorkoming van brande en ander ongelukkeDie potensiaal vir 'n brandgevaar rondom rondom die gebruik van suurstof is wyd bekend. Dit word egter soms vergeet of oor die hoof gesien. Daar is 'n paar eenvoudige voorsorgmaatreëls wat getref kan word om 'n veilige tuiste te skep by die gebruik van suurstof.
* Suurstofhouers moet ten minste 5-10 voet weggehou word van gasstowe, kaggels, koolstowe, kerse of ander bronne van oop vlamme.
*Vermy die gebruik van elektriese skeermesse tydens die neem van suurstof, weens die gevaar van vonke
*Moenie olie, vet of petroleum-gebaseerde produkte op suurstoftoerusting gebruik nie. Vermy die persoonlike gebruik/nabyheid daarvan terwyl jy suurstof neem. Hierdie materiaal is hoogs vlambaar in die teenwoordigheid van suurstof.
* Vermy petroleum-gebaseerde melke of room, soos Vaseline, op jou gesig of bors. Maak seker van die bestanddele van sodanige produkte voor aankope.
* As jy 'n velbevogtiger gebruik, oorweeg kakaobotter, Aloe Vera of ander soortgelyke produkte.
* Vir verligting van droë neus, gebruik water-gebaseerde produkte.
* Plaas waarskuwingstekens in elke kamer waar suurstof in gebruik is. Maak seker dat absoluut dat niemand in die huis of motor rook waar suurstof in gebruik is nie.
* Sorg dat suurstofsilinders stewig geanker is om te verhoed dat soos 'n missiel deur die vertrek gaan wanneer dit per ongeluk omgestamp word en die gas ontsnap.
* Wees versigtig as jy beweeg met die suurstofpypies, dit kan maklik verstrengel raak om jou bene en selfs vashak aan die meubels ens.
* Wees vertroud met die toerusting en die mediese toerustingverskaffer se veiligheidsinspeksies. Hou hulle kontak telefoonnommers, en die nommers vir ander nooddienste, naby jou telefoon.
* Moenie probeer om stukkende toerusting op jou eie te herstel nie. Kontak die verskaffers.
Maak seker brandalarms (rookverklikkers) is effektief en daar is nuwe batterye geïnstalleer. Gaan dit maandeliks na. Sorg dat daar 'n goeie kwaliteit brandblusser in die huis is.
*Beplan en oefen 'n ontsnappings- en reddingsplan in die geval van 'n brand.
* Stel die plaaslike brandweer, gas en elektriese maatskappye en telefoon maatskappy in kennis wanneer daar met suurstofterapie in gebruik is. Versoek 'n "prioriteitsdiens notering." Dit is vir daardie tye wanneer daar 'n krag of telefoon onderbreking/herstelwerk nodig is.
Bron:
http://www.m.webmd.com/a-to-z-guides/safety-tips-for-using-oxygen
