Vrykansie

[Naas]

Vrykansie!

Met 'n rondomdiewinkelrykolonelhoenderboutjie in my een hand,
'n drinknoupislaterlager in die ander
sit ek voëlvry op my stoep
en tuur die vyfwekesomervakansieverte in.

Te bang om 'n oog te knip,
asem te haal,
êrens te ry
want dan's die vrede dalk verby.

Die "Hoera's" speel aan-aan
met die huppelgeluk in my.
Vir vyf weke...
Vry! VRy!! VRY!!!

[Gawelina]

Ai ou Naas. Ekke het al 2 weke agter die rug. So bly jy is nou langs my op die stoep.  Gee bietjie vir my die tjips aan man.  Laat ons drink en vrolik wees.

[AB]

Geniet dit...ek sal later vry, eers die wingerd oppas tot die einde toe.

[PM]

Ek wens julle kon almal hier op "my" stoep sit hier op die plaas.  Dit is heerlik onweer, koel en rustig.  Pannekoek sou op die spyskaart gewees het vir middag en sop vir vanaand.   

[Chichi]

Ek wil ook op die stoep sit en wyn drink!!!

[Meraai vannie Baai]

As julle alleen drink en vry is daar perre gehoor! Skuif op. Asseblief  Naas ek lief jou tameletjie woorde!!!

[PM]

Almal is welkom!  Hoe meer siele hoe meer vreugde.  Hmmmm,  vry met Naas...  hmmmm. 

[Chichi]

Ek sal my eie vry matjie saambring....

[AB]

Ek sal my eie vry matjie saambring....

klink my jy verstaan dit reg