'n Drie Titel Vers

[Meraai vannie Baai]

Ek het die naweek 'n Ausie digter/sanger/liedjieskrywer en ons potjieskoning ontmoet.
Vertel my toe baie trots dat hy die eerste 'Drie Titel' gedig in Engels geskep het.   
Of daar in Afrikaans so iets bestaan weet ek nie; besluit toe om sommer net in 'n
'dankversie' ons eie weergawe te probeer.

Riglyne   
Ek het ons gevlerkte vriende se Vlugformaat gebruik as voorbeeld.
Die eerste twee letters in die drie titels is dieselfde. Dieselfde woorde word
herhaal van regs na links in die vers.

Toe ek na die die foto kyk wat ek geneem het van die pelikane wat oor ons watergaatjie
gevlieg het, besef ek dat ons elkeen span die vlerke ook verskillend in die lewe en tog vlieg
ons in dieselfde rigting voort - in 'n span as sielematers.

[PM]

Dit is baie oulik Raaitjie.  Kreatief verby!     Welgedaan.

[Meraai vannie Baai]

Vlieg ek so al met jou spoor langs  Vreugde om te deel altyd myne 

[PM]

Al is my hart oorvol en die krane oop, wil ek met vreugde erken, dit is 'n grootse voorreg om in jou werk te kan deel.   

[Meraai vannie Baai]

En hier sit ek, sluk aan die knop in my keel. Vanoggend weer besef watter voordeel daar is in die wete hoe kosbaar tyd kan wees - soos julle ook geskryf het: mens kry tyd om vir ander te beduie HOEVEEL hulle vir jou beteken

[PM]

en hierdie week gaan ek 'n Drie Titel Vers skryf.  Ek moet net eers weer gou pak en ry. 

[Ah Willa]

Jou Vriendskap Vrede en Vreugde lat my lag, lief en lewe 

[Meraai vannie Baai]

Plek geboek vir jou weergawe van hierdie struktuur matertjie. Willa jou drie woorde is klaar titels, nou moet jy hulle net aantrek en kom uitstal.

[Ah Willa]

Hier's my poging

[Meraai vannie Baai]

  Pragtig Willa!! Ek is nou opgetooi met lagplooitjies.

In jou weergawe is die eerste letter van jou drie titels almal dieselfde - dus 'n variasie en dit bring my nou terug by wat ek geskryf het:
toe ek na die die foto kyk wat ek geneem het van die pelikane wat oor ons watergaatjie gevlieg het, besef ek dat ons elkeen span die vlerke ook verskillend in die lewe en tog vlieg ons in dieselfde rigting voort - in 'n span as sielematers.

[Meraai vannie Baai]

*Die bydrae is vertaal en aangepas as 'n drie titel vers in Afrikaans.

(Die foto is 'n weerkaatsing in die ponlockie se water, van die son wat deur die wolke kom loer het tydens 'n sandstorm.)

[PM]

Dit is baie mooi maar ek mis die twee kolletjies op die E Raaitjie.  Hoe gemaak om dit daar te kry? 

[Meraai vannie Baai]

Ekke kan dit nie opsit nie. Moet mos dit wat ek wil opsit ergens steel en vasplak. My tikker weier volstrek om die kortpadsleutels toe te pas. Die ene is maar net vir wys hoor as voorbeeld hoor.

[PM]

Ek maak 'n nuwe e-posblaadjie oop, kies "insert" en kies dan daai tekentjie wat lyk soos 'n perdeskoen, regs.  Daar kies jy die teken wat jy wil gebruik en gaan plak dit vas waar jy dit nodig het.  My program vir die bundel het dit gelukkig in. 

[Meraai vannie Baai]

Slim verby!!