My Ouma Naas

[Ah Willa]

Hiers my drukkie ook (((((Drukkie)))))

[PM]

Ouma Naas het vir Hannes laat belowe hy sal niks vir my sê nie, want sy weet hoe dit my sal ontstel as ek weet.  Dit is my Ouma Naas daardie, dink altyd aan ander. 
Naas het egter lankal vir ons gesê en nou weet ek nie wat moet ek doen nie.  Ek kan haar tog nie onder die indruk laat dat ek van geen sout of water weet nie.  Tog glo ek sy weet ek weet, want ek kan nog nie met haar praat nie.  Daar is hierdie lastige appel in my keel wat my versmoor en ek kan nie tjank en praat gelyk nie.  Kan net nie! Het net mooi niks selfbeheersing nie!

[Ah Willa]

Moenie die trane terug hou nie - dis soms net so geneesend vir die een wat siek is, as die een wat huil oor haar/sy pyn ... God het trane met 'n rede geskep!

Ons dink altyd ons moet sterk staan by iemand wat terminaal siek is - dis nie waar nie!  Hulle het ook nodig om te weet hoe ons voel.  Hulle sal dan die vrymoediheid he om ons te wys hoe hulle werklik voel ...

my lewenspad (ook my beroep) het my tale kere met hierdie hartseer van die lewe laat kruis en ek het geleer om niks terug te hou nie ...  huil en huil eerlik - lag en lag eerlik ... dis belangrik ...

my pa het leukemia gehad - op 55 gesterf ... ek onthou hoe ek en hy nog saam gehuil het oor die diagnose wat so groot skok was , hy was in sy lewe nooit siek nie en toe hy eenkeer siek word, toe is dit 'n doodsdyding.   Maar ons het ook lekker gelag .... soos toe hy gese het hy gaan 'n sportmotor rolstoel kry om my so gou moontlik die preekstoel te kry - trou en klaar - dat hy nie meer oor my oef te worry nie ... ha ha ha - ek had a strink kerels in 'n ry wat wou trou - maar ek wou nie ... en my pa kon so lekker spot .... selfs al was hy in baie pyn .....


yip ... huil ... openlik en eerlik
yip ... lag .... openlik en eerlik

die mens wat siek geword het, is nog net so mens soos ons wat gesond is
die mens het ook nodig om tuis te voel by ons en kan nie as ons skielik nie ons self kan wees nie

 

[PM]

Dit is so waar wat jy sê Willa.  Ongelukkig is ek nie een wat kan keer nie.  Dit wat in my gedagtes opkom loop by my mond uit en as my hart oorvol is loop dit by my oë uit. 
Soms kruip ek weg omdat ek nie kan voorgee nie en woorde eens gespreek kan nie terug getrek word nie. 

Duisend goedjies dwaal deur my gedagtes.  My mammie het ook longemfiseem gehad en ek was nog te onervare om die pad saam met haar te stap. Eers na haar dood het ek besef dat ek nie daar was vir haar nie.  Sy het soveel vrese en vrae oor die onbekende gehad en ek het nie geweet hoe om dit te hanteer nie.

Nou is Ouma Naas so ver van my af.  Hannes het 'n druk program en ons besef ook dat daar nie 'n manier is om haar hier te kry nie. 'n Mens kan van jou goed gee, maar ek sou verkies om vir haar 'n stukkie van myself te gee.  'n Bietjie van my tyd.  Sy was so mal daaroor as ek haar 'n bietjie met handeroom ingevryf het.  Ek sal nog weer 'n kans kry.  Ek glo ek sal. 

[Meraai vannie Baai]

Hier sit ek met oopkraantjank. Ek huil oor almal se seer. Almal se vrese vir die onbekende. Willa jou woorde: God het trane met 'n rede geskep, het my vandag met nuwe moed oor my skandelike emosionele toestand deesdae, weer 'n paar woorde laat griffel. My hart gaan uit na elkeen, spesifiek ons ouma Naas 

http://forum.afrikaanseforum.co.za/index.php?topic=2256.msg14445;topicseen#msg14445

[PM]

Dammit!   

Hoekom is ons so skaam oor ons trane? Omdat ons ma's nie sissies grootgemaak het nie!

Het ek ook vloermoere gegooi toe ek 'n kinders was?  Nee, jy sou dit nie waag nie!

Kan ek nou 'n vloermoer gooi?  Nee, want almal sal vir jou lag!

"So what?"

[Ah Willa]

Laat die ink 'n sout graffiti teen jou wange uitrol PM - dis wat!  Let them free!!

[PM]

Die laaste twee weke het ons naels gekou oor Ouma Naas.  Die bobbejaan agter die berg het op my voorstoep gespeel en ek was baie benoud.  Gister kon ek darem weer self met haar praat en dit gaan baie beter met haar.
Sy vra ek moet vir julle almal wat aan haar gedink het baie dankie sê, sy waardeer almal se liefde. 
Naas, ons is ook dankbaar dat die ergste spanning vir jou en jou familie nou agter die rug is.  Sterk staan matertjie.  Ons is lief vir julle. 

[Meraai vannie Baai]

So so dankbaar saam met julle matertjie. Naas, ons vou julle gesin toe met liefde en omgee. Spesiale drukkie vir Ouma Naas  

[PM]

Ouens, more stoot ons die bakkie se neus in die rigting van die Weskaap.  Naas het laat weet dat Ouma Naas longontsteking het en ons het besluit om daarlangs te ry terug Pretoria toe. 

[adele]

gee seblief 'n bossie vergeet-my-nietjies-woorde en drukkie aan hulle elkeen
ons gebede met julle om veilig te ry 

 

[Meraai vannie Baai]

Sal aan julle dink matertjie. Dra asb ook ons liefde en beterskapwense oor aan ouma Naas en almal daar 

[Ans Botha]

Groet vir Ouma van die Noordwes.

[Fransi]

 

Sterkte en ek hoop sy herstel volkome.

[PM]

Baie dankie vir al jul blommetjies, drukkies en omgee vir my Ouma Naas.  Sy sal elk een teen haar hart koester.  Naas sê dit gaan 'n bietjie beter en ons hoop van harte as ons weer skakel vandag sal sy sommer stukke beter wees.  Ek sal julle op hoogte hou.