Tuis, maar arig doenig!!

[Meraai vannie Baai]

Net gou laat weet, die ouma gaan alweer diekant tot Sondag stil wees. Gaan tuis wees maar na ons jongste prinsie omsien (5 wekies oud en bietjie koliekerig siestog) terwyl sy moederlief hulle plaas toe trek. Ons gaan hom vanaand haal, Vrydag kom die proffie, prinsessie en ouers deur - dan gaan ons finale goedjies pak en laai vir Meisiekind hulle Saterdag. Sondag kom ons weer terug en dan sal ek dalk kansie kry om gou weer te snuffel deur jou lyne. So as ek swyg - niks skort - die ouma woel tussen baba, doeke en winde en natuurlik die res van die gewone dinge van 'n huisvrou sonder hulp.

 

[Ah Willa]

my innige simpatie met die jongste prinsie se kolliek - ons is deur 2 en half jaar daarmee met Theo ...
niks slaap nie ... niks raad nie .. net baie geduld en liefde ... en hoe rustiger 'n mens self is - hoe beter vir die kleingoed

Ag ouma Raaitjie dankie dat jy so daar is vir jou kindergoed se kleingoed ... hulle is bevoorreg!!  Ons is ook bevoorreg om Andre se ouers te he OupaKoos en OumaJaja

Sterkte met die trek, die pak en al die dinge ...

ek stuur ekstra gebedsvlerke na Bo vir die jongste prinsie se kolliek

Kaapse liefde
Willa 

[Meraai vannie Baai]

Duisend dankies vir jou vriendskap matertjie!! En die gebedsvlerke. Gaan beslis nodig wees. Kleinman slapies net rustig as jy hom op jou maag laat slapies of vashou teen jou. So dit gaan beslis 'n tyd van bonding wees vir my en hom  Dit is groot voorreg as ons as grootouers daar kan wees om handjie uit te steek in sulke tye ne. Ons lief dit en koester elke sekond!

[Ah Willa]

ons het ook gevind as Theo op sy maggie op my bolyf of Andre se bolyf slaap - hy die rustigste is ...
dink dis die kalmeering van die ouer se rustige asemhaling en die ouer se lyfhitte na die eina van babalyfie

daar is mos altyd gese dis pyn op die maagie wat dan die kolliek is - maar in vandag se dae se hulle niemand weet eintlik wat nie en kolliek staan dan net vir iets wat verkeerd is en die slim mense nie kan beantwoord nie ...

as ek naby jou was, het ek vir jou en die ander grootmensies om klein prinsie 'n heerlike full-body massage gegee - net sodat julle elkeen extra rustig rondom prins kan wees ... maar nou's ek so ver ... so ek stuur baie extra gebedsvlerke na Bo!

[PM]

Sterkte Raaitjie.  Ek stuur vir jou 'n sakkie met baie energie en een vol sandjies vir die slaapsessies. 
Ek het nou weer gesien met ons prinsessie.  As jy haar op jou been laat sit, hou jou hand op haar magie en laat haar bo-lyfie vorentoe hang, so oor jou hand, dan help dit ook.  'n Warmwatersak teen die magie help ook.  Dit wil vir my voorkom of 'n meer regop posisie baie help. Sterkte-sterkte-sterkte. 

[Meraai vannie Baai]

Sit en wag dat Outoppie klaar woel op die letrieklanne met sy kragtige saad, PM ek sal beslis al julle raad onthou en probeer. Sodra die knapie opgetel word bedaar die gekerm ook. Dit is so hartseer om hom so te hoor kreun as hy slaap, my hart wil breek 

[PM]

Ja, dit is erg, ons prinsessie se lippies trek in 'n spierwit sirkeltjie.  Ons het wel gevind dat 'n bietjie krampwater help ook.  Ouuuu tydddse krampwater. 

[Meraai vannie Baai]

Ons het gripewater diekant. En glo my as dinge so lol dat die sweet ons almal uitslaan gryp ek gou na daardie bottel se bleek inhoud 

[PM]

Dit is hom daardie Raaitjie!  Dit help vir 'n rukkie.   

[Meraai vannie Baai]

Outoppie so pas hier ingestap, so die oumense vat nou pad.Klaar donker diekant, so dit is loer vir springende hase hehehe. Tatta vir eers liefste maters van my 

[Ah Willa]

Ons het ook die Gripewater altyd vol en gereed gehou :-)

Sterkte met alles ... kom laat weet hoe dit gegaan het met die pak, trek en klein prins se lyfie  (party baba's meer angstig om weg te wees van bekende se lyf - so as hy so sieklik rustig raak as mens hom optel kan dit ook deel van sy einatjies wees (hulle kry ook erg lyfseer en maagpyn van die spanning) - as die handjies vuisies bal - is die kans goed dat dit so is ... dit help om die voetjies aan die onderkant met die duime en circles te masseer en die handjies aan die binnekant  ... dan ook oor die maggie clock's gewys in klein fyn circletjies - nie te diep en ferm nie - baie liggies ...

PM - ai klink my baie 20ste eeu kinderstjies sukkel met die kolliek - dis al die stress om hulle wat eintlik niks met hulle te doen het nie, wat hulle so beinvloed - ek is seker daarvan!

[Meraai vannie Baai]

Oe ek slurp behoorlik hierdie raad op Willa. As iemand van buite nou hier lees gaan hulle regtig se dis die hoekie vir ag siestog mammas en oumas maar die hulp tussen lyne is GOUD werd vir hierdie ouma vandag!! Gaan sommer spoeg en plak, en vir kind ook stuur. Vanoggend toe hy so huil vryf ek so saggies oor sy koppie - kry ek die mooistemooiste smaailtjie en daar gaan sy ogies toe. Haal hy sommer rustig asem. Was soooo verlig

PM hoe het ons onse kinders grootgekry en nog by onse sinne gebly 

[PM]

Ons was jonk, sterk en vol energie Raaitjie.  Gewoond aan hard werk, goeie beplanning en 'n vol dag met min slaap. 
Raaitjie, daar is dalk nog 'n paar mammas wat baie dankbaar is oor die raad.

Willa, my oudste was 'n erge koliekbaba (hy word nou 41) en die ander twee was die rustigheid van self.
Jannas se oudste was die rustigheid van self en Danique het die pes gekry. 
Gerhard se baba het dit so erg gehad dat daai kind dag en nag geskree het, so erg dat ons wou mal word. 
Ons het 'n naweek op 'n plaas gaan kuier en toe vat 'n ou bediende 'n telepel suiker en 'n telepel sout en meng dit in 'n kwart koppie water en gee vir hom 'n telepelvol daarvan, maak hom styf op haar rug vas en daar slaap hy soos 'n droom.  Die nuwe tendens is om nie vir kinders sout of suiker te gee voordat hulle 'n jaar oud is nie, en die mamma wou stuipe kry daaroor.
 
Gelukkig is dit baie beter na drie maande.  Ons weet hoe lank kan drie maande wees!
Ek lig my hoed vir ons twee seuns, hulle is wonderlike pappas.

[Ah Willa]

Met Theo was dit 2 en 'n half jaar - maar dan moet ek ook byvoeg die tande was ook deel van die probleem - hy's geseen om 1 uit 'n 1000 kids te wees met abnormale pyn vir die tandkry goed ... dr het tot al opgeneem in hospitaal en morfien gegee ...

Dis net vir my of daar meer in vandag se kindertjies is wat so gestraf word en ek wonder maar net of die wereld se stress nie 'n invloed het nie ... meer as in die dae toe ek 'n kinders was nog ... maar dalk is ek verkeerd want toe was ek nog 'n kinders gewees ... 

[Meraai vannie Baai]

Twee en 'n half jaar!! Behoede ons tog sebliefie! PM ek weet hierdie kant is die ouens net so gekant teen suiker, radeloos genoeg sal ek maklik daardie kuur op die proefstel as hierdie kreune en steune gepaard met dakligskroue vir twee jaar voortduur 

So lyk dit deesdae by die Locke se pandokkie - ons verkeer om die beurt horisontaal en vertikaal. Ouma tel haar hmmhmmm-doedieliedjie in lettergrepe en kry tien inne ry LOL! As Outop selfde een probeer kry hy 'n gil dat jy net mangeltjies sien!!  Nootvas was nog nooit die ou se sterkpunt nie maar sy goedheid vanself, en hulp word baie meer waardeer as enige liedjie!! Sonder hom was ek verlore hoor  Saterdag neem ons die prinsie weer terug, en dan gaan hierdie huis leeg en stil wees. Ek gaan nie weet wat om met al die ure te maak nie!!