Almal van julle gaan tjoekie toe.

[PM]

As julle nie onmiddellik met mekaar kom kuier nie gaan julle almal tjoekie toe!  Ek gaan julle so diep bêre dat julle kos met 'n kettie ingeskiet sal word.  Angelica sal voor die deur staan met 'n vlieëplak om seker te maak niemand ontsnap nie.   Ek sal 'n viskikke straf uitdink vir julle en daai stomp hond op julle sit. 

[Angelica]

Whaaaa...!!!
Nou toe, as julle nie met my en daai stomp hond wil crash nie, dan moet julle penne opneem en skryf.
Seblief, maak vir PeeEm bly.

[PM]

Daar het ons nou ons eie "selwagter" en forum hond, Stomp.  Ek hoop nie hy gaan net 'n "laspos" wees nie.   

[adele]

      hier is ook 'n pak kleinsoetkoekies vir saam met ons kopikofi.

[PM]

Adéle, ek het half een vanoggend vir jou 'n briefie geskryf, toe besluit die administrator dat jy nie so vroeg in die oggend gepla moet word nie, en stuur dit terug.     Ek wou maar net weet of jy al jou werk gekry het en tevrede is daarmee. 
Baie dankie, die koekies en koffie kom nou baie bekkig te pas.   

[Angelica]

Ek's te laat vir kopikofi.
En vanaand is ek te vodde om te kuier.
Groot verwikkelinge in die direkte omgewing rondom my. Dit tap bietjie van my.
Maar ons sal sterk staan en vorentoe kyk tot dit donker word. Dan sal ons 'n liggie aansteek en by mekaar inhaak en die tonnel saam loop.

[adele]

iets vertel my ons kring biki om jou, vat hande en bid saam met julle. 

[adele]

Adéle, ek het half een vanoggend vir jou 'n briefie geskryf, toe besluit die administrator dat jy nie so vroeg in die oggend gepla moet word nie, en stuur dit terug.     Ek wou maar net weet of jy al jou werk gekry het en tevrede is daarmee. 
Baie dankie, die koekies en koffie kom nou baie bekkig te pas.   

vreeslik laat 'n kuberadmin nou namens my moet besluit...       hy weet mos ek gee nie om om gepla te word deur kosbaarvriende nie.

Petra, ek het nog net die een of twee navrae gekry wat ek direk beantwoord het, maar die hele lot, nee, nog niks nie. kan ek maar Pta toe kom en kom kyk...

[PM]

Natuurlik kan jy kom Adéle, ek wag vir jou.  Dit spaar my die rit om af te sit daar na jou toe!  Ons het genoeg slaapplek en hier is 'n paar matertjies wat jou baie graag sal wil ontmoet.

Elle, sterk staan vriendin.  Hoop alles werk gou mooi uit, ten goede. Ons wil jou tog hier in die kringetjie hê.

[Chichi]

ek wil nie tjoekie toe gaan nie.... 

[PM]

Toeet- toeet, Ellé ek roep jou en bring vir Stomp saam asseblief.  Binnekort gaan hier 'n paar siele opgesluit word.   
Waar is die vrugte wat julle penne moet dra?
Goed, ek sal 'n onderwerp bedink en dan skryf ons. 
Dink dit is tyd vir 'n "opkikkertjie".   
Die ou wat nie saamspeel nie gaan tjoekie toe. 

[Angelica]

Bring daai onderwerp dat ons kan begin dink.
Yip, dit is baie stil met skryfgoed.  Kan ons miskien by ELKEEN hoor hoekom skriffels nie geplaas word nie?
Dalk is daar nie eens 'n spesifieke rede nie, miskien is almal maar net baie besig.
(Miskien, as jy hoor wat elkeen se rede is, kan jy die rede in 'n bottel sit, toekurk en in die kelder gaan neerle).

Kom ons begin by PM.
PM, wat dink jy is die rede hoekom jou Forum-lede nie hul werk hier publiseer nie?

[PM]

Nee Nooi, ek het nie 'n idee nie.  Ek het vir elkeen tien gratis spasies gegee, so die betaling kan nie die rede wees nie.
As dit enigsins iemand verhoed om hier te skryf sal ek dit met die grootste liefde herroep.
Ek glo dit was en is nog 'n dol jaar en Kersfees lê voor die deur. 
Natuurlik is ek net so skuldig, maar ek blameer die boek.   
Hou vas, ek gaan nou iets soek om te plaas om saam te skryf.  Dit sal dan sommer die kompetisie ook afskop.

[Naas]

My pen se punt is stomp.
Daar is niks soos die klomp (onnoembare, onspreekbare) waarvoor ek skoolhou om alle kreatiewe denke te verkrag nie.
Baiue merkwerk en dan 'n "3 en 'n halwe week" ses weke vakansie om uit te rus voor die volgende moroniese tsunamie toeslaan.

[PM]

Naas, wat rym met werk en merk?
Ek sukkel met 'n nuwe program om 'n foto geplaas te kry.  Hou net vas, of wil jy vir ons iets plaas?