Kankerbehandelings - wat jou nie altyd vertel word nie

[Meraai vannie Baai]

As ek kyk na fotos voor die chemo en tydens die behandeling is dit 'n wonderwerk vir ons dat my sus 'anderkant' uitgekom het soos my moederlief dit beskryf.  Dankie vir jou omgee liefste matertjie. Jy het self hierdie pad met 'n geliefde gestap

[adele]

dit is so, Vriendin, behalwe dat daar nie voor- en agterna foto's was nie.

[Meraai vannie Baai]

  Sal die kronkels op ons lewenspaaie nooit verstaan nie matertjie. Stywe drukkie vir jou. 

[PM]

Raaitjie, hoe gaan dit nou met jou sus? 

[Meraai vannie Baai]

Sy veg nog terug PM. Hulle vermoed dat daar verspreiding is na haar heup en behandeling kan eers weer verder geskied na die virus gemors opgeklaar word. Intussen 'krap' hulle gereeld die sweersel skoon tot op die been en bloedoortappings na die tyd om te help vervang aan dit wat verlore gegaan het tydens die skoonmaaksessies. Die nagte blykbaar die moeilikste weens die pyn en sy sou gebel het om weer 'n voorskrif vir morfien te ontvang. Sy het probeer om sonder die pynmiddels oor die weg te kom vir 'n ruk maar die groot K vreet soos 'n honger vraat.

[PM]

Ek hou julle in my gedagtes en in my hart sustertjie.  Stuur asseblief vir haar 'n stywe drukkie van my en een styyyyywe drukkie vir jou.   

[Meraai vannie Baai]

Baie baie dankie! Ek neem myne en dra hare oor 

[adele]

Dwalend deur ons gange, kom raak ek weer hier stil. Hoe gaan dit met hulle, Raaitjie?

[Meraai vannie Baai]

My sus het kennis gemaak met Covid wat sy gekry het terwyl sy in die hospitaal was vir behandeling. Die foto van haar wat ons gekry het (geen besoekers toegelaat) het my in trane gehad. Ek het my sus amper nie herken nie lief Adele. Sy is gister weer getoets en ons wag op die uitslae. Haar kankertelling bly genadiglik stabiel maar nog te hoog.

[PM]

En hoe gaan dit nou met Sustertjie Raaitjie.
Jy kan gerus 'n covid 19 onderwerp begin.  Jy is mos die forum se dokter.

[PM]

Eat to beat

Die volgende skakel het 'n wonderlike saamgestelde lys van verskeie kankerwerende/kankerbestrydende voedselsoorte onder andere  kruie en speserye/groentes/vrugte/olies en nog vele meer - tot 'n verrassing vir die soettande  https://www.eattobeat.org/foodHoë inname van kankerbestrydingskosse soos groente, vrugte, vis, kalsiumryke kosse en vesel is geassosieer met 'n verminderde risiko van kolorektale, long- en borskanker, terwyl rooi en verwerkte vleisinname, alkoholinname, ongesonde liggaamsmassa-indeks (BMI ), en abdominale vetsug geassosieer word met 'n verhoogde risiko.Om fisies aktief te wees en genoeg vitamien D te verkry, het ook die vatbaarheid van kanker verminder.Inflammasie is die onderliggende probleem wat kankeragtige tumorinisiasie, progressie en groei dikteer. Studies dui daarop dat 30 persent tot 40 persent van alle soorte kanker voorkom kan word met 'n gesonde lewenstyl en dieetmaatreëls! Ander bronne beweer dat hierdie getal eintlik baie hoër is, met ongeveer 75 persent van kankergevalle is lewenstylverwant.

[PM]

Hier is 'n pragtige artikel oor gemmer, die "super food".  Geniet!
https://happydiyhome.com/growing-ginger/

[Meraai vannie Baai]

Baie dankie vir die deel lief PM 

[PM]

Ek en gemmer loop hand aan hand.  Dit is ook die beste medisyne vir karsiek.  Enige vorm werk, ek ry nie sonder gemmerkoekies nie.  Lief ook die gemmer stukkies wat versuiker is.