PM in Pretoria

[Meraai vannie Baai]

Ek maak varktjoppies gaar soos jou Hannes, met die yoghurtjas om en toe in gekrummelde skyfies gedruk. Nou hou die alarm niks van die rook wat uit die oond kom nie. Oi joi joi, nog 'n offergawe ala Gawie styl vanaand vir ons 

[PM]

  Dit gebeur in die beste van families! 

Jy laat my nou dink aan die aand toe ons vleis in die pan gebraai het in 'n woonstel in Texas.
Eers was dit die rook, toe die alarm en toe die waterspuite! Toe die brandweer! Kan jy jouself indink hoe verleë ons twee ou spoke was? 

[Meraai vannie Baai]

Ek bulder alweer onvroulik diekant!!! 

[Ah Willa]

oops julle ... Vrydag of was dit Donderdag was ons vir 'n wyle sonder krag ... Andre het krag gekoop en vergeet om dit in te pons ... en toe alles afskakel begin hy net lag ... dit kon die rede gewees het hoekom julle geskukkel het om in die forum rond te beweeg ... want as ons nie krag het nie ... is daar nie servers nie ... die forum run op die server ha ha .. ek het so vir die man gelag ha ha


Hannes en PM moet ook hier wees ... SAL sal maar net moet bring ... en dis tyd dat ou top en Meraai ook saam kom braai!!

Naas moet net se hoe en waar en wanneer ons kan help om die Fees te reel om sy boek mee te vier :-)

Angelina ...koffie is vir kinders ..... dit moet medisinale koffie wees ... melk, suiker, koffie poeier en 'n proppie likeur 

[adele]

ek het eenkeer 'n naaldwerkmasjien gehad wat met rook gewerk het, en ook ander elektriese apparate wat almal met rook werk, [weet nie waar pas die elektrisiteit in nie] want elke keer wanneer een van daardie goetes se rook uitgekom het, het hulle ophou werk... 

  

[Meraai vannie Baai]

Heheheheheheh Adele ek is verkrukkeld gelag ... hou op werk as die rook uitkom  gaan beslis die stelling van jou bewaar 

[Naas]

Skuus mense. Ek het heel naweek dikbekbedonnerd weggekruip. Ek sit met 100 boeke waarmee ek niks kan maak nie. Ek het na die proefboek die drukker gevra om die stories reg te skuif na die regte blaaie soos op my word file maar oo weee! Toe ek my eerste boek oopmaak sien ek die finale boek se stories is nog meer deurmekaar. selfs die inhoudsopgawe is geklits.
Ek kan nie vir julle se hoe teleurgesteld ek was nie. Die drukkers het dadelik gese hulle sal dit oordruk en ek kan maar die gemors hou want hulle kan ook niks daarmee doen nie. Nou is dit weer vir twee weke wag.
Ek is so teleurgesteld dat ek sonder 'n oogknip 'n volgroeide krokkedil sal borsvoed. Net jammer die ding sal vrek as hy klaar gedrink het.
Vanoggend kry ek 'n e-pos van die drukker af wat my blameer vir die fout.
Ek gee op. Miskien moes ek maar nie die boek laat druk het nie. Naas HOU nie daarvan om met mense oor bog te baklei nie. As ek fouteer erken ek dit en maak dit reg. Hoekom gooi ander mense altyd modder as daar iets verkeerd gaan. 

[Ah Willa]

Ek is so teleurgesteld dat ek sonder 'n oogknip 'n volgroeide krokkedil sal borsvoed. .... vreeslik snaaks Naas

ai ek is jammer oor die probleem ... is jou document nie in PDF format nie ... dit sal keer dat die goed rondskuif ... kan ek vir jou daarna loer ... het die drukkers nie gevra vir PDF format nie ...

en as die boek nie lyk soos die proef boek nie - selfs nog meer deur mekaar en herstelings wat jy gevra het hulle moet aanbring is nie aangebring nie ... nee dan is daar mos fout aan hulle kant ...

maar kan ek asb die boek en oorsprongklike document kom beloer Naas .. net dalkies kan ek uithelp ... soms werk my grys-stof - maar ook net soms :-)

[Naas]

Die drukkers gebruik nie pdf en en is dieselfde wat PM se boek uitgegee het. Hulle moes die uitleg nagaan voor hulle druk en het nie.

Nou vertel hy vir my dis my files wat nie reg op die blaaie was nie. Op my rekenaar is dit reg en die proefboek, wat presies dieselfde files was behalwe vir ses spelfoute is beter gespasieer as die finale boek.
As hy verder met my sukkel kan hy maar die boek los. Dan stuur ek sy gemors vir hom terug en vergeet van die boek.



 

[Ah Willa]

Is die boekuitleg deel van hulle diens?

Moet nie so opgee nie Naas - ons sal nie daarvoor staan nie ... Jou boek het 'n plekkie wat oopwag op boekrakke!

[Naas]

Hulle het gese die boek is reg is ek dit in Word-file gee. Met die proefboek het dit verander. Ek het self die uitleg gedoen en verwag dat hulle moet toesien dat dit so bly as hulle dit oorsit na hul eie files toe.
Maar dit help nie ek en jy hanna hanna daaroor nie. Hulle moet sorg dat dit regkom. Sover dit my aan betref het ek alles reg gedoen aan my kant. Ek het nog steeds die korrekte vorm van die boek op my PC.



 

[PM]

Naas, ek voel baie sleg omdat ek nie na die inhoud van die boek gekyk het nie.  Op die oog af het alles vir my in orde gelyk. More gaan ek na Breyten toe en ek vat die boek saam. 
As jy met die proefboek vir hom gesê het die spasiëring is nie reg nie, is dit sy verantwoordelikheid om toe te sien dat dit reg is voordat hy dit druk. Sodra ek met hom gesels het kom ek terug na jou om verslag te doen. Jammer matertjie.

[Naas]

Ek het nou net weer met Breyten gesels. Ek het nou die boek in Pdf vir hom deurgestuur. Hy kan nie die buiteblad verander sonder groot koste nie en ek aanvaar dit soos dit is.
Die buiteblad sal aanvanklik krul agv die druk- en lamineerproses.
Jy hoef nie more na hom te gaan nie. Ek dink dis nou eers uitgesorteer. As hy die boek weer verkeerd druk verloor hy al sy wins so ek glo ons sal nou die ding gedoen kry.
Na al die moeite van die versending, ens is ek egter steeds nie lekker nie.
Dit was nie jou fout nie PM, so moenie dat dit 'n boggel op jou rug plaas nie. Jy doen meer as genoeg vir my, dankie.


 

[PM]

Dit was vir my snaaks dat hy vir jou gesê het dit moet nie in pdf wees nie, maar hy kon dit self ook daarin gestoor het.  Ek is vreeslik jammer oor die teleurstelling Naas.  Ek glo nie hulle besef hoe 'n groot ding dit vir 'n skrywer is nie.  Ek stem, dit is reg of dit is nie reg nie en hy moet dit net reg maak. Basta. 

Ek gaan in elk geval more nog buiteblaaie na hom toe neem.  Almal sit en wag vir boeke en ek kom net nie by alles wat gedoen moet word uit nie, maar ek glo ek sal teen die einde van die week weer mooi op datum wees.