PM in Pretoria

[Ah Willa]

Dalkies net kom die boeke saam PM en Hannes afgery en dan moet Trappies o die donkie by Naas se launch sing ;-)

[PM]

  Dit is 'n afspraak Trappies!  Beter jy oefen so lank!  Kry sommer vir Kassie dat hy 'n opname daarvan kan maak!   

[Gawelina]

AB, sal Oupa Ysie nie 'n plekkie in sy lorrie vir Naas se boeke hê nie? Wat dink jy?

So bly jy is weer in die beskawing PM. Nou kan jy makliker ons stomklets sessies soggens bybring. Ons wag more vir jou gehoor!

[Ah Willa]

Hoe groot is die boks met die boeke en hoeveel kg - JanDink se alter ego Andre Truter develop software vir 'n client wat 'n logistic maatskappy het - en trokke wissel soms tussen PTA/JHB en CT - ons kan daar ook hoor of dit nie kan saam af kom nie - maar ons moet net laat weet watse spasie dit moontlik sal gebruik ....   

Skiesie dat ek nou eers daaraan dink .. Gawelina se AB se Oom Ysie het my nou daaraan herrinner ...  PM herrineer ... hoeveel r'e en n'e  ek weet nie - toe maak ek dit sommer 2 van elk om genoeg te wees

[PM]

her-inner    dit is een van daai moeilike Afrikaanse woorde wat ons wil skryf soos wat dit deur die oumense uitgespreek is  -herhinner-  herinner is die regte spelling. 

My gaai was baie suur oor daardie boeke!  My skoonseun het vanoggend Kaap toe gevlieg en hy sou dit met liefde saamneem.  Ek kon nie vir meneer drukker Saterdagoggend in die hande kry nie! Ook nie gister nie!

Sodra ek die boeke het sal ek dit op my elektroniese skaal sit en kyk wat weeg dit, ook die afmetings neem. Daarsonder kan ek ook nie pryse kry nie.
Ons sal ook vandag hoor of ons Kaap toe kom vir daardie projek en wanneer dit sal begin. 
Ek glo ons sal die boeke vandag kry dan sal ek die inligting deurgee. 
My ma se woorde: - 'n Ander se genade is 'n helse genade - spook weer by my die laaste tyd. 

Ek het nog WW se alliminium ook hier by my.  Hannes sê hy sal ook vandag hoor watter van sy kontrakteurs gaan Kaap toe.  Dit is wonderlik dat almal so hulp aanbied.  Dankie julle! 

[Ah Willa]

hand-aan-aand-kom-ons-almal-oor-elke-build!  Dis my nuwe Afrikaanse woord - sal dit werk :-)  maar dis beslis van toepasing op ons Forum-Fandamilie ne PM 

ek her-inner my weer hoe om te spel - dankie PM

[Angelica]

Morning, morning....
Wil net gou weet, PM, terwyl dit lorries en die vliegtuie so afkom Kaap toe, is dit moontlik dat ek nog twee R,K&V kan bestel?  Familie wil nou koop.

Dankie.

[PM]

Dit is reg so dierbaarste, ek bestel nog nuwe boeke en dit is beskikbaar teen R250.00 per boek.  Weet net nie hoe lank dit sal neem nie. 
Hoeveel boeke moet ek vir jou bestel? Als te saam?

Hoe was die troue?  Kom vertel tog asseblief! 

Hannes het laas Vrydagaand gegly en geval en ons het nie gedink hy het erg seergekry nie.  Kon vanoggend nie asemhaal nie en toe seg oom dokter hy het 'n ribbebeen gebreek.  Nou wil hulle sy ribbebeen terug hê waaruit ek aanmekaar geflans is, maar ek weier!

[AB]

Oupa Ysie se lorrie is groot, ek glo hy sal dit kan saam bring kaap toe. die enigste is hy hou nie van wag nie, waaroor ek hom ook nie kwalik neem nie. ek het nie nou sy nr by my nie maar ek glo gawie het sy nr en dan kan julle reel met hom.

[PM]

Oupa Ysie se trok het die vorige keer net tot in Centurion gegaan en dit is heel aan die ander kant van die stat.  As ons vroegtydig weet watter dag hy daar sal wees kan ons 'n reëling maak. 
Hannes sal vandag ook uitvind van die kontrakteurs wat Kaap toe gaan.  As hulle more eers vertrek het ons nog 'n kans om die boeke by hulle te kry voordat hulle ry. 
Die man van my het gegly en sy ribbebeen gebreek.  Ons sal beslis nie nou Kaap toe kom nie.
Hy is op die siekelys tot Maandag, dan sien hy weer die dokter. 

[AB]

eina vir Hannes en sterkte vir hom met die beterskap en vir jou met die gesond liefies gee.

[PM]

Dankie AB, ek sal hom sê.
Op hierdie stadium van die geveg moet hy maar lig loop.  Ons ooreenkoms was dat as hy nie die Kaapse projek kry nie, hy met Pensioen gaan, maar dit lyk my hy trek alweer kleinkoppie!
Ek wil nie hê hy moet ophou werk nie want ek weet sy werk is sy lewe, maar hy kan soveel kontrakwerk kry wat baie beter betaal en van hom sy eie baas sal maak.
Sy base gebruik hom nou net om die rompslomp te doen omdat hulle te lui is om dit self te doen en ek het nou genoeg gehad. 
Hy slaap darem nou lekker rustig, hoop hy staan vol energie op om in selfverdediging oor te gaan! 

[Ah Willa]

ek het somehow Hannes se gebreekte ribbe gesmis en dat jy weier om die een terug te gee ... ek stem saam - hy sal oorleef sonder die extra een ... gee hom net baie soentjies vir die eina's :-)

Petra - die plek waar julle die boek laat druk het - kan jy een boek perslag laat druk??

[PM]

Hannes sê ek moet dankie sê vir die ekstra soentjies.  Hy stuur ook 'n ekstra soentjie vir die Truters!
(Ek hoop ek het dit reg gespel want dit is al laat al!_)
Willatjie, stuur vir my 'n "kwotasie" dan vra ek vir Breyten wat hy sal vra daarvoor.  Ek dink ons drukkers is baie redelik met hul drukwerk. 
Ek het net die beste diens van hulle gekry.  Ons sal maar sien as Naas sy boeke kry, hoe gelukkig is hy, maar vir my lyk alles in plek. 
Naas verkoop sy boeke teen R60.00 per boek en ek dink elke een van ons kan maar daardie bedrag belê! Hannes sit nou juis met sy gebreekte ribbetjie hier op sy Oupabank en lees Naas se boek met 'n passie!  So nou en dan bars hy kliphard uit van die lag en hy weier om my in te lig! "As jy wil weet" seg hy "lees dit maar self!"
Skuus julle ouens, ons lewens is op die oomblik bitter wisselvallig en ons probeer net om 'n bietjie orde te skep.  Ek glo ons sal een van die mooi dae uitsluitsel kry.  Voor ek die "baas" se ander ribbes ook breek!
Lief julle en lekker slaap!

[Ah Willa]

Arme Hannes moet nou seker die ribbetjie vashou as hy lag ... Naas as hy hier kom gaan hy jou ribbes timmer vir elke keer wat jou boek om aan die lag sit ha ha ... HOL ;-)

R60 is glad nie baie nie ... en ja ons sal ook graag ons Naas ondersteun ....  sal net ook met die baas praat - Kersfees is mos ook om die draai - dalk kan ons vir sy sus-hulle in NZ kry ... maar ek sal eers praat en dan kom bestel :-)

Wat ek graag wil weet van die drukkers wat julle gebruik - hoeveel is die minimum boeke wat julle op 'n slag kan bestel en beinvloed dit die prys ...

Hier onder is 'n drukker wat jy een boek perslag kan bestel - maar genade dan is die boek baie duur ...

Paarl printers is ook baie goed en baie goeie pryse - maar minimum van 1000 boeke moet gedruk word ...