Haar voete wil nog dans

[adele]

Wanneer klipspringers teen kranse klouter
en oor rotse huppel
sien ek die skeppingwonder
hoor ek 'n meisie se handeklap en vrolike lag

Haar voete wil nog dans
in haar heupe voel sy wieg en swaai
maar in haar rug het die lewe opgehou
toe metaal opgefrommel is
met aaklige klanke 'n pad verlaat het

Maar haar oë wil nie dof raak nie
haar vreugde nie demp nie
sy deel haar glimlaggies oral uit
en haar liefde omhels elkeen in haar hart

©adéle theron

[Naas]

Pragtig.

[PM]

Ek lief dit.  Soveel dankbaarheid!   

[Meraai vannie Baai]

 

[Trapsoetjie]

Baie mooi woorde. 
Dit laat my dink aan die woorde wat in my kop rond rol.
My liewe Taranee is op haar laaste en sy wil so graag nog hardloop en blaf, maar helaas is dit haar nie beskore nie. 

[adele]

Hallooooo liewe Trappies     
Dankie julle en almal wat saamlees.