Hoe raak covid 19 jou lewe

[Assie]

Ek rapporteer dat Elmarie nog siek is maar sy het net ontsteking in een long agv covid. Sy is baie moeg en rus maar verder is dit nie so erg nie. My toets van Maandag was negatief. Ek bly om die oomblik by my seun om seker te maak dat ek nie by Elmarie aansteek nie. My dogter se dr het haar nie eers getoets nie maar sommer besluit sy is positief omdat sy simptome getoon het nadat sy met Elmarie in aanraking was. Sy is egter naie gesond en ons vermoed dat haar simptome ontstaan het agv die gebruik van sanitizers waarvoor sy allergies is
Ek is tans sonder inkomste en probeer maar om n geldjie uit my werkswinkel te verdien so hoor nie altyd my foon deur die geraas nie en het ook nie baie data om mee te gesels nie.
Weet asb ons is tans ok en dat ek sal laat weet as dinge verander.
Lief julle en wees asb veilig.

[PM]

Baie dankie dat jy laat weet het Assie.  Ons dink aan julle en is baie dankbaar dat dit goed gaan.  Ek hoop dit gaan steeds goed en dat ons net goeie nuus van julle kant af sal hoor.  Ons is baie lief vir julle en seg tog asseblief vir Elmarie dat ons haar elke dag in ons gedagtes hou. 

[Naas]

Elmarie is van vansag af nie meer aansteeklik nie. Sy hoes egter nog baie so ek glo nie die teorie nie. Deur die genade is ek sover gesond.
Ons kan dus stadig maar seker terugkeer normaal toe.
Dankie vir al julle omgee en gebede.

[Meraai vannie Baai]

Mater, julle is gedurig in ons gedagtes en gebede. Dankie so baie baie vir terugvoering.  Pas julle self mooi op groot asseblief.

[PM]

Dankie Vader!  Ons is so dankbaar!      Dankie vir die goeie nuus.  Hoop alles sal net beter en beter gaan.   

[adele]

Covid bring my gebede baie nader, in my hart, aan vriende vir wie ek lief is. Baaaie dankie Naas, ek is so bly Elmarie is soveel beter 

[PM]

My liewe man het nou eers weer van die trappe afgeval.  Hy moes hospitaal toe om extrale te neem en sy skouer weer terug te sit in sy potjie.  Met slegte harsingskudding moes hy maar huistoe kom, want daar is nie plek in die hospitaal nie.  Niemand mag ook saam met 'n pasient ingaan nie.  Dit is 'n goeie voorsorgmaatreel, maar dit is sleg vir die familie. 

[adele]

Sterkte en drukkie vir jou vriendin, groete vir manlief

[PM]

Dankie matertjie.   

[Meraai vannie Baai]

  Ag nooit, stuur asb spoedige herstelwense aan jou wederhelf lief PM. 'n Ongeluk gebeur soooo vinnig! Sterkte aan die verpleegster ook 

[PM]

Dankie Raaitjie.  Ons is so afgesonderd "afsydig" hier, ek het julle omgee baie nodig.  Dit is goeie medisyne vir 'n kwaai aanval van selfbejammering.   

[Naas]

Arme Hannis. Maar dis mossie die eerste keer wat hy vir jou val nie. Julle moet versugtig wees.

[Meraai vannie Baai]

  Omgee-drukkies vir almal wat dit nodig het 

[PM]

    As hy maar net vir my wou val sou hy nie so sleg daarvan afgekom het nie.      Hy maak nou 'n gewoonte daarvan.   

[PM]

'n Vriend van ons is die 1ste Augustus oorlede.  Hy was in die hospitaal en is met Covid 19 ontslaan.  Die 5de is daar vir hom 'n diens gereel en 80% van die ouens wat dit bygewoon het is gediagnoseer met covid.  My vriendin van 78 het gister vir ons laat weet dat sy nou gesond verklaar is en nie meer in "eensame opsluiting" is nie. 
Ons hoor al hoe meer van ouer mense wat gesond word.