Author Topic: Dit is nóg ‘n winternag  (Read 1136 times)

0 Members and 1 Guest are viewing this topic.

Offline adele

  • Bouspan
  • Hardebaard
  • Posts: 1932
  • Gender: Female
  • gryp na môre in klein-klein stukkies
Dit is nóg ‘n winternag
« on: August 29, 2018, 05:51:48 AM »
Dit is nóg ‘n winternag
en koue gaan lê oor die veld.
Selfs die dag se woeste suidewind
soek rus teen die ysige temperatuur
wat sneeuwit oor die lande lê.
Ek is toegedraai in sybokhaar
en sit op die breë vensterbank waar
die melkweg dwarsoor die nok inskuif.
Rondom aan alle kante skitter planete
en sterrestelsels in dieper blink as marmerwit.
Dit is tussen hierdie naghemelliggame
in suider-sterligwit geklee,
wat ek my gedagtes aan herinneringe oorgee.
En ek voel ‘n troostelose traan
saggies uit my oog oor my koue wang gaan.
‘n Duisend vaatjies seer
daal op my skouers neer
en ek wonder hoeveel daarvan
is in vreugde vasgevang?
Want soveel in die lewe, Heer
het my tot lof en sang beweeg,
elke keer waar ek deur diepe waters sink.
Soms was iemand saam met my
en het ons mekaar selfs lief gekry.
Tussen vriende en kinders en hulle ouer as ek,
het ons soveel gelag en gespeel
en deur riviere en seestrome
hand en skouer na mekaar gereik.
Maar ander kere het ‘n ewige alleen
my vasgegordel in ‘n kluisenaarsgrot,
‘n skerm van klip om my gebou en versterk.
Ek het besef dat seer in die lewe,
deel is van jou lyf en jou persoon
en selfs jou hart se strewe.
Geen geluk is honderd persent,
volmaak geslaagd as die doel gestel
om jou hier op aarde agter te laat,
wanneer ander die hier vir die Ewige verlaat.
Daarom vind ek ‘n traan in elke geluk,
‘n hartseer tot platform waarop jy bou,
eer jy in vreugde en lofgeluk
die vrugte op jou Evangelie-liefde pluk.

©adéle theron
adéle  :grommit:

Offline Anton Louw

  • Regular Members
  • Snuiter
  • Posts: 294
  • Gender: Male
  • Passievol Afrikaans!
    • Kampforum.co.za
Re: Dit is nóg ‘n winternag
« Reply #1 on: August 29, 2018, 06:15:45 AM »
Nog net 2 slapies Adele en dan is die winter verby.  Ja die nuwe seisoene kom, in die blare en in ons lewens  :wave:

Dan moet jy groot asb weer vir ons 'n mooi gedig plaas oor Lente!
Kamp is koning!

Offline Meraai vannie Baai

  • Global Moderator
  • Wysgeer
  • Posts: 3650
  • Elke dag aan ons Geskenk, is 'n kosbare voorreg.
Re: Dit is nóg ‘n winternag
« Reply #2 on: August 29, 2018, 07:21:54 AM »
 :notworthy: :icon_salut: :hello2: :love7:

Offline adele

  • Bouspan
  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Dit is nóg ‘n winternag
« Reply #3 on: August 29, 2018, 03:11:32 PM »
(((Raaitjie))) ...  :love7:
Dankie Anton, ons forums het mos in die eerste plek gegaan oor gedigte, "many moons ago" ....
ek sal solank ouer lentegriffels gaan opsoek, maar dalk ook nuwe griffelwoorde bedink. Rol so bietjie af onder ons Plekkie-name, dan kan jy baie van ons skrywes daar deurlees wanneer jy koffie geniet.  :icon_study:  :coffee2: 
 
adéle  :grommit:

Offline PM

  • Administrator
  • Meester
  • Posts: 10680
  • Gender: Female
Re: Dit is nóg ‘n winternag
« Reply #4 on: September 20, 2021, 11:30:28 PM »
Adele matertjie, jy het 'n gawe om die dinge oor te dra.  Woorde is jou kos en jy dis dit op met smaak.  Baie dankie dat jy dit deel.
Ek dink baie daaroor - daar was 'n tyd waarin ek tussen hemel en aarde gesweef het - maar hier is ek nou, en baie dankbaar dat ek dit wat jy en ander maatjies geskryf het, kan waardeer. 
Hoeveel keer het ons swaarmoedig na 'n plasing gekyk waar niemand antwoord nie.  Weet verseker, die dag sal kom!
Dankie matertjie, ek is lief vir jou.  :love3:
Om te weet is om te verstaan.

Offline adele

  • Bouspan
  • Hardebaard
  • Posts: 1932
  • Gender: Female
  • gryp na môre in klein-klein stukkies
Re: Dit is nóg ‘n winternag
« Reply #5 on: September 21, 2021, 04:30:58 PM »
 :love7: :love7:
adéle  :grommit: