My kitaar

[Naas]

Ek koop vir my 'n kitaar.
Nie sommer enige kitaar nie,
Nee.
'n Twaalfsnaar kitaar.

'n Kitaar met melodiese klanke
en ek tokkel vir jou 'n liedjie.
Nie sommer enige liedjie nie,
Nee.
'n Liefdesliedjie.

'n Liefdesliedjie vol betowering
gevleg deur die twaalf snare.
Nie sommer enige betowering nie.
Nee.
Jou betowering.

Jou skoonheid wat my betower
terwyl ek in jou nabyheid verdrink.
Ek tokkel vir jou 'n liedjie
Tussen die snare.
Tussen die snare
van my twaalfsnaar kitaar.

[Meraai vannie Baai]

Buig laag voor 'n grootse talent  Hierby moet jy vir ons 'n kitaar skilder groot asb. Ek het 'n sterk vermoede as ons kon luister na hierdie lyne sou dit klink soos koning Dawid van ouds.

[Anton Louw]

Is 12 snare genoeg om die liefdesmelodie van die hart te speel?

[adele]

sjoe Naas .... jou vingers talent nog met woorde ongekend ...      

[Assie]

Aai Oom Naas...
SUG
As ek maar so 'n kitaarspeler kon raakloop...
SUG

[PM]

Ek tokkel vir jou 'n mooi kompliment op my twaalfsnaarkitaar wat ek nog by WW gekry het.   


Ons sal help soek Assie.