« previous next »
Pages: [1]   Go Down

Author Topic: ons het ’n labirint gekies  (Read 3946 times)

0 Members and 1 Guest are viewing this topic.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
ons het ’n labirint gekies
« on: January 02, 2016, 05:18:45 PM »
ons het ’n labirint gekies

wanneer die sterre melkweg
oor ons suidland
peins ek, soms nog
in stom verlange
gemuilband
oor ons jare saam,
’n spikkeltjie teen die ewigheid
waarvan ons g’n snars verstaan

en as die suiderkruis
na aurora australis wys,
mymer ek oor die lewe
se haas, gevoelloos snel

dan dagbreek oortuiging
oor die einder van my siel
en verskerp die wete
ons was net aan mekaar geleen;
ons dae saam was volmaak
hoe anders?
ons het ’n labirint gekies waar
God die rigting
en liefde gelei het

©adéle theron
Logged
adéle  :grommit:

Offline Meraai vannie Baai

  • Wysgeer
  • Posts: 3663
  • Elke dag aan ons Geskenk, is 'n kosbare voorreg.
Re: ons het ’n labirint gekies
« Reply #1 on: January 03, 2016, 11:07:43 PM »
Eerbiedig stilgestaan voor 'n liefde so groot en pragtig verwoord.
Logged

Offline PM

  • Administrator
  • Meester
  • Posts: 10700
  • Gender: Female
Re: ons het ’n labirint gekies
« Reply #2 on: January 04, 2016, 05:08:16 PM »
Dit is hoendervleis mooi. 
Logged
Om te weet is om te verstaan.
Pages: [1]   Go Up
« previous next »