Author Topic: Soeke na verlorenheid  (Read 2631 times)

0 Members and 1 Guest are viewing this topic.

Offline adele

  • Hardebaard
  • Posts: 1932
  • Gender: Female
  • gryp na môre in klein-klein stukkies
Soeke na verlorenheid
« on: June 13, 2011, 07:21:55 AM »
Hoe moet ek die seer vind
wanneer ek myself verloor?
Onbewus dagdroom
tot 'n rotsstorting
my siel versmoor,
wanneer 'n glanslose
lugleegte
my stenig
tot verslae verstardheid.
Verbreekte eenwees
rafel stukkies
beendere uit my lyf
tot ‘n doellose leë dop
inmekaar lappop
en ashoop toe kruip.
Buite vonkel elke ster
soos dowwe kerslig
wat knak in die wind,
het die nagys
my reeds bedek
wanneer jy my
ure later weer vind.
Met elke hooggety
het die lewenssee
my verguis,
sink ek wanneer kommer
dwarsweg om my lyf vou.
Nou koester ek elke kyk
vanuit jou okkerneutoë
en begrawe die vrees
van die ure toe jy
onbereikbaar ver
sonder antwoord,
my lewe met eeue
laat krimp het.


 :grommit:
« Last Edit: July 18, 2011, 09:24:44 PM by adéle »
adéle  :grommit:

Offline PM

  • Administrator
  • Meester
  • Posts: 10692
  • Gender: Female
Re: Soeke na verlorenheid
« Reply #1 on: June 13, 2011, 10:24:45 AM »
Leer ek nou 'n nuwe woord by jou Adéle.  Verguis - beledig of bespot. 

Jou skryfwerk word net beter en beter by die gedig!  Ek geniet jou werk.   :love7:
Om te weet is om te verstaan.

Offline Sharon

  • Regular Members
  • Suigeling
  • Posts: 29
Re: Soeke na verlorenheid
« Reply #2 on: June 17, 2011, 10:19:35 AM »
Stunning!

Offline PM

  • Administrator
  • Meester
  • Posts: 10692
  • Gender: Female
Re: Soeke na verlorenheid
« Reply #3 on: June 17, 2011, 10:59:11 AM »
Ek stem saam.  Dit is so gevoelvol geskryf! 
Om te weet is om te verstaan.

Meraai vannie Baai

  • Guest
Re: Soeke na verlorenheid
« Reply #4 on: June 23, 2011, 03:27:05 AM »
Hoe arm is die mens wat nie lees .... hier is eeue se leesgenot tussen jou gevoelvolle lyne mater!!!  :notworthy: