Bolandse berge

[Naas]

hierdie gedig 2 uur die oggend geskryf nadat ek uit 'n malariakoma wakker geword het.

Ek kyk op na my Bolandse berge
Donkergrys, gekroon met wit slierte hare
Silwergrys langes die slape
Soos 'n oumens in sy jare,   

Ek voel my oë swel saam met die dam
Wat tranerig oorloop in 'n silwer doolhoof
Vallend, skuimend oor ongestrykte voorhoof

En ek volg dit verder soos dit gaan
Tussen klipgepokte neus en rimpel wang
Tot waar lowergroen snor op bolip hang.

Deur die snor, oor grot wat oopmond gryns
Stort dit af tot op die slykgroen kinnebak
Terwyl gevlerkte muise dankbaar neerkyk uit die dak.

Kaalgespoelde klippe vertraag die skuimende gejaag
Tot waar die berg se voet staan in die dal
Om moeg en uitgeput in die wegvoervoor te val.

Dan word dit opgetel en meegesleur
Om bok-bok te speel oor klippe
En te borrel deur die bossies en die wippe.

Ek kyk af en sien die tranekolle op my voete
Hoor hoe dier en veld hul woordeloos verbly
Dit fluit en suis en juig oor lewenswater wat dit kry.

Ja, dit sneeu weer op my Bolandse Berge.

[Angelica]

Sjoe... dis pragtig!!

[PM]

Hierdie gedig wen loshande!  Dit is werklik uitmuntend geskryf.     Behalwe dat ek rilling op rilling ervaar as ek dit lees het ek nie ander woorde nie.   

[Louis]

stunning!!  sommer net stunning!!

[Anicia]

Jinne, maar jy kan toor met woorde! Mens sien sommer daardie berge en alles wat waarmee dit gepaardgaan

[Fransi]

Skitterend geskryf.

[Naas]

Dankie julle. Ek knak die knie vir die komplimente vanaf ander wat mag skryf.

[Naas]

Lees oor 'n gas se skouer en stof weer malaria-herrineringe af. Dankbaar dat ek nog betraand kan raak, saam kan huppel met my mense en sommer net nog kan leef.

[PM]

Hoe dankbaar is ek tog nie vir hierdie gas nie!  Naas. dankbaarheid is ook net 'n vinger lank! 

[Meraai vannie Baai]

WOW!! Boektoegehalte soos altyd 

[Trapsoetjie]

 

Jy kan maar maatjie.

[Assie]

Whoop whoop... Ta TRAPPIES WAS HIER!!!

[Meraai vannie Baai]

Ek huppel en dans saam jou Naas. Ons Trappies is terug 

[Naas]

Daai was Assie wat so onbeheersd geraas het Ta Raaitjie maar ek moet se ek het ook nou amper my kantoorstoel omgegooi toe ek sien Trappies dwaalweer bietjie hier rond.

[Trapsoetjie]

Ha ha ha lekker lag ek nou.  Ek sien in my geestesoog die stoel, jy wat bene in die lug halfpad grond toe is.