Ons het van Alexbaai duer die grens na Suid Wes gegaan en toe met die pad noord van die Oranje Rivier na Rosh Pinah se kant toe gery.
Was interessant om die boerdery bedrwighede teen die rivier aan die RSA kant te sien. Wys wat gedoen kan word as jy wil.
Die pad is maar vaal maar die omgewing het sy eie mooi ook. Ek seg altyd enige plek in die wêreld is vir my mooi behalwe somme plekke in sommige dorpe en stede. In die natuur sal jy altyd iets mooi sien al is dit net sand en sand om jou in die woestyn.
Net voor Seneldingdrift die myn gebied verlaat en toe moes ons eers na Sedelingdrift se grenspos ry om die padbelasting uit te neem. Dit is nie by Oranjemund beskikbaar nie. Iewers in Rosh Pinah kan mens dit ook uitneem.
Dit raak toe later in die dag en ons moet iewers slaapplek kry. Ry toe so entjie stroom op langs die groot rivier en kry 'n paadjie wat links afdraai. Ry daarin, seker so 1.2 km van die pad af kry ons 'n stukkie veld wat goed lyk vir kamp.
Slaan toe die 3 tente langs mekaar op...wat 'n fout was......ons snor mekaar wakker
In elk geval die kamp staan en ons kan die eerste kamp gesondheid drink op 'n lekker toer wat wag.
Die ete en drinke kar staan ook naby genoeg om nie moeg te raak waneer iets gekry moet word nie.
ons aandete is beestong, die 4 de ete na mekaar wat ons tong en brood eet.
en Peet glo hy moet groente ook inkry, hy is bang vir vleis vergiftiging en skeurbuik en ek en piet is bang vir vleis onttrekkings simptome.
ons hele kampplek sonder naam
Ek het 'n draai in die koppie gaan stap en die gesien
en die
en ook 'n droeë rangskikking
en 'n kokerboom
wat vir my so wonderlik is, is die feit dat die kans daar is dat hierdie plante iewers in hulle volle glorie sal blom en niemand sal dit dalk eers sien nie. Hulle gee ook nie om of iemand hulle sien nie wnat hulle blom tot eer van ons Skepper. dlka moet ons as mense ook so leef.
Dit het aand geraak en ons het by die vuur gesit en ou stories vertel
in die vlakte lyk dit so, die berg daar diep in die middel van die foto is in RSA.
Staan bietjie nader aan die vuur, dit raak nou koud
Ontbyt tyd: koffie met beskuit en koffie met weet bix, maklik, vinnig en gou
toe word daar opgepak en ons ry noord, eers by Rosh Pinah aangegaan en gesien die plek het vreeslik uitgebrei.
Moeilik om 'n foto van die dorp te neem, kon nie hoogte kry om af te neem nie.
die is die myn hope hier op die voorgrond
