Moeg

[Ans Botha]

tolbossie, hoe tol jy in die wind
skop jy stof op waar jy kom
vlug jy van eensaamheid
na rus en vrede

tol jy vas teen heining
ruk jy verwoed heen en weer
wil jy beur deur draad
wieg in wind
weg van pyn en verraad

hoe hard beur jy, ruk en pluk jy
jou takkies knak en breek
val in stof
vertrap tot flentertjies seer

skielik  stilte
geen wind
geen geruk en pluk
verflenterd, eensaam en alleen

dan oorval  koue
reën sneeu en nog wind
tolbossie het ingegee
verraai deur liefde
het tolbos gaan lê.

[PM]

Baie mooi Ans.  Jy gaan sekerlik deelneem aan boek 2. 

[Ans Botha]

PM se net hoe

[Meraai vannie Baai]

Ans, jy moet sien HOE pragtig stel ons forummoeder 'n boek saam!! Dit is ons almal se grootste trots!! Dit sal 'n voorreg wees om ook van jou werk in boek no 2 te kan bewaar 

[PM]

Ans, hier is die skakel na die besprekings rondom boek 2.  Dit sal 'n voorreg wees om jou bundeltjie in ons bundel te hê. 

http://forum.afrikaanseforum.co.za/index.php?board=133.0

[Ans Botha]

PM as ek in daardie skakel ingaan gooi hy vir my 'n error uit.

[PM]

Kyk op die voorblad vir "Ons publiseer saam"  Ans en gaan na boek 2.  Daar is 'n paar onderwerpe. 

[Ans Botha]

PM daar is net 'n boek 1 by my op.

[PM]

Ek het dit vir jou gespoeg en geplak in 'n boodskappie op die poskoetsie Ans.  Ek sal soek waar die probleem lê.

[Ans Botha]

Dankie PM hy wys nog steeds net Boek 1 Lekker kuier

[Meraai vannie Baai]

Ans as ek nie ingeteken is nie en ek volg die skakel sien ek ook nie boek twee se inligting nie. Is jy ingeteken wanneer jy gaan loer mater?

[Ans Botha]

Ja ek is ingeteken Meraai. Alles wys reg op my blad. Bo aan Hello Ans Botha. Dan is dit mos reg? Of doen ek iewers nog iets fout?

[Meraai vannie Baai]

Sjie ons sal moet hard roep na Willa & kie matertjie. Ek knoppiesgestremd 

[Ah Willa]

Ans laat weet as jy nog steeds nie Boek2 se bespreekings kan sien nie - laat weet my of andre by andre@trusoft.co.za of willa@trusoft.co.za (ons kan nie altyd in teken nie - maar as daar 'n foutjie/probleem is maak ons 'n plan om te kom reg maak)

jou gedig is ongelooflik seer - is dit jou eie eina of verwys jy sommer net so in general na einas??

dis is 'n prag gedig en ek hoop ook dit pronk in Boek2 

[Ans Botha]

Hierdie gedig van my was geskryf in 'n tyd van my lewe wat dit baie sleg met my gegaan het. Jy het dit reg ontleed Ah Willa.