Somer Haiku

[Naas]

Son se oorhand skyn
en verjaag die winter kou
met goudsag strale.

(Wie gaan antwoord?)

[Trapsoetjie]

Jas word opgehang!
Goudgeel strale wat ons kus.
Geluk bars na voor!

©  

[PM]

Julle is warm nê!  Klop hierdie een:

my skerm jul foto's
laat die sonskitter helder
deur my vensters bars

[Naas]

Tweetjies hand in hand
los liefhê spore agter
op pad na bruilof

[PM]

Eina, dit gebeur mos nie so gou nie!     Mooi Naas, dit is treffend.

Ek het al talle voorskrifte aangaande die haiku gelees en daar is soveel teenstrydigheid.  Dit is asof 'n hele geveg en herrie losgebreek het hieroor. 

[Trapsoetjie]

voëltjies fluit hul lied
reendruppels bring vrugbaarheid
neste word herbou!

[PM]

Mooi Trappies!

dis my somerjaar
met vrugte volrond geswel
kom geniet die maal

[Naas]

Saam smul ons lekker
aan sappig somervrugte
dat die sop so loop.

[adele]

madeliefies swaai
kleurvol langs wolkeskadu's
vroegsomer lag saam

[Trapsoetjie]

hitte stoot deur die
blare van weet hier is mos
'n oorvloed liefde

[Naas]

En ek druk jul vas
in voorsomer liefdestyd
met warm vriendskap

[Trapsoetjie]

eish dit raak al moeiliker om nie te rym nie...

blink skoon blou lug bo
prag groen weelde vorm mooi
somer wat hier bly

[PM]

Wat 'n verrassing toe ek hier inval en ek sien hoe lekker almal saam speel, nes tjinnertjies in die modder!   

Julle is witwarm. 

Naas, jy kan ons maar altyd so lekker vasdruk hoor!   

[adele]

kom somer van ver
uit hoogste noordevleuel
niemand kan meer wag

ek kan sowaar nie aan somer dink in hierdie dae nie

[PM]

Jy praat,  as ek vandag my jas aantrek kry ek warm en as ek dit uittrek kry ek koud!