Die Afrikaanse Forum

Die kuierstoep => Bekgeveg => Topic started by: Naas on May 24, 2011, 10:39:49 AM

Title: Somer Haiku
Post by: Naas on May 24, 2011, 10:39:49 AM

Son se oorhand skyn
en verjaag die winter kou
met goudsag strale.

(Wie gaan antwoord?)

Title: Re: Somer Haiku
Post by: Trapsoetjie on May 24, 2011, 10:56:43 AM

Jas word opgehang!
Goudgeel strale wat ons kus.
Geluk bars na voor!

©  :angel12:

Title: Re: Somer Haiku
Post by: PM on May 24, 2011, 12:37:47 PM

Julle is warm nê!  Klop hierdie een:

my skerm jul foto’s
laat die sonskitter helder
deur my vensters bars

Title: Re: Somer Haiku
Post by: Naas on May 24, 2011, 02:17:35 PM

Tweetjies hand in hand
los liefhê spore agter
op pad na bruilof


 :icon_bigsmurf:

Title: Re: Somer Haiku
Post by: PM on May 24, 2011, 03:15:35 PM

Eina, dit gebeur mos nie so gou nie!   :icon_biggrin:  Mooi Naas, dit is treffend.

Ek het al talle voorskrifte aangaande die haiku gelees en daar is soveel teenstrydigheid.  Dit is asof 'n hele geveg en herrie losgebreek het hieroor. 

Title: Re: Somer Haiku
Post by: Trapsoetjie on May 24, 2011, 03:36:54 PM

voëltjies fluit hul lied
reendruppels bring vrugbaarheid
neste word herbou!

 :angel12:

Title: Re: Somer Haiku
Post by: PM on May 24, 2011, 04:11:29 PM

Mooi Trappies!

dis my somerjaar
met vrugte volrond geswel
kom geniet die maal

Title: Re: Somer Haiku
Post by: Naas on May 24, 2011, 05:57:19 PM

Saam smul ons lekker
aan sappig somervrugte
dat die sop so loop.

Title: Re: Somer Haiku
Post by: adele on May 24, 2011, 07:11:56 PM

madeliefies swaai
kleurvol langs wolkeskadu's
vroegsomer lag saam

Title: Re: Somer Haiku
Post by: Trapsoetjie on May 25, 2011, 08:49:18 AM

hitte stoot deur die
blare van weet hier is mos
‘n oorvloed liefde

 :angel12:

Title: Re: Somer Haiku
Post by: Naas on May 25, 2011, 09:21:24 AM

En ek druk jul vas
in voorsomer liefdestyd
met warm vriendskap


 :icon_bigsmurf:

Title: Re: Somer Haiku
Post by: Trapsoetjie on May 25, 2011, 09:33:28 AM

eish dit raak al moeiliker om nie te rym nie...

blink skoon blou lug bo
prag groen weelde vorm mooi
somer wat hier bly

 :angel12:

Title: Re: Somer Haiku
Post by: PM on May 25, 2011, 10:00:05 AM

Wat 'n verrassing toe ek hier inval en ek sien hoe lekker almal saam speel, nes tjinnertjies in die modder!   :icon_biggrin:

Julle is witwarm. 

Naas, jy kan ons maar altyd so lekker vasdruk hoor!   :love7:

Title: Re: Somer Haiku
Post by: adele on June 13, 2011, 04:57:24 PM

kom somer van ver
uit hoogste noordevleuel
niemand kan meer wag

ek kan sowaar nie aan somer dink in hierdie dae nie

 :grommit:

Title: Re: Somer Haiku
Post by: PM on June 13, 2011, 05:37:23 PM

Jy praat,  as ek vandag my jas aantrek kry ek warm en as ek dit uittrek kry ek koud! 

Title: Re: Somer Haiku
Post by: PM on January 09, 2013, 12:52:08 PM

droog ons haikoes op
almal se penne is leeg
die jaar was te lank

Title: Re: Somer Haiku
Post by: Meraai vannie Baai on January 10, 2013, 01:34:12 AM

Waar's die winter heen?
Ek sweet al van verlange
na 'n kaggelvuur...

Die wind huil stomend
en die lug dans deinserig;
energie kwyn stil.

Duiwels stook die son
en kraaie gaap ongeskik.
Hondetong hang skeef.

Drink water seg dok -
maar tog net nie te veel nie!
Hoe dan nou gemaak?

Title: Re: Somer Haiku
Post by: PM on January 10, 2013, 06:01:30 AM

Hoekom het ek geweet dat jy die eerste ou sal wees wat antwoord met 'n string haiku Raaitjie.  Wel gedaan
matertjie.   :hello2:

Title: Re: Somer Haiku
Post by: Aspoestertjie on January 10, 2013, 07:16:14 AM

Soos afrigteres
hits PM van die kant af
met klap en gewuif

Plaas dat sy gaan sit
en liewers vir ons kom wys
haikoes wat sy skryf

is haar pen dalk leeg
of jaag JC haar heeldag rond
tot haar haikoes waai?



 :mumum:

Title: Re: Somer Haiku
Post by: Naas on January 10, 2013, 07:24:06 AM

Hiekerie diekerie dok
PM raak nou be...klok
As As so voor op die wa

Met katz en rottang aanja
ook vir een geskryf
Uit PM se eie pen.

(Omgekeerde Haiko)


 :icon_bigsmurf:

Title: Re: Somer Haiku
Post by: PM on January 10, 2013, 07:24:47 AM

Assie, dit was oom Naas se slim plan om haikoes te skryf en toe ek weer deur die lyne lees sien ek dit het opgedroog.  Ek moes net so 'n klein klippie innie bos gooi en toe roer die blare!   :icon_biggrin:

Title: Re: Somer Haiku
Post by: PM on January 10, 2013, 07:27:09 AM

O, hier is oom Naas nou!   :icon_biggrin:

 :hello2: :hello2: Mooi Naas!  Jy sorg altyd vir 'n laggie om die dag mee te begin. 

Title: Re: Somer Haiku
Post by: Meraai vannie Baai on January 10, 2013, 09:10:54 AM

Groot vreugde gewees die vinnige inloer hier heheheh.  :notworthy: :love7:

Title: Re: Somer Haiku
Post by: adele on January 10, 2013, 09:10:37 PM

oulik! ja, waar is die winter heen. die afstand ewenaar toe het hierdie winter gekrimp!   :toothy4: