"Kom-proe-saam-poësie"

[PM]

Pragtig Raaitjie. 

[Meraai vannie Baai]

Dwaal ek vanoggend weer hier deur ons 'Kom‑proe‑saam‑poësie'

Hierdie afdeling was gebore uit gewone geselsies — daardie klein lyntjiekuiers wat tussen potte, panne, stoepstories en skrywersmaters se grappies opvlam. Hier word alledaagse woorde kombuisgeure: 'n knippie humor, 'n skeut stoutigheid, 'n handvol herinneringe, en soms 'n geur wat net in 'n warm kombuis kan ontstaan.

Elke bydrae is 'n klein happie menslikheid: die lag wat weerklink , die wysheid wat tussen die reëls prut, die nostalgie wat soos kaneel in die lug hang, en die liefde wat deur elke storie en elke potjie deurdring.

Hier het ons saam gespeel en geproe. Hier het kos en woord, een geword. 'n Kosbare erfenis wat bewaar is en vir jare na die skeppings, nog steeds die woordvraat voed.