jammer as ek te veel oor die bouery praat, dis iets wat ek niks van hou nie, ek bewe sommer al waneer ek 'n sak sement by die kooperasie gaan haal om beton vir anker blokke te maak. Maar die bouery is nou rerig iets groot in my en die vrou se lewe, seker oorlat dit so onverwags en onbeplan op ons afgedwing is. ons sal net baie dankbaar wees waneer ons eendag terug op ons eie werf kan wees. het vanoggend gaan aarbeie pluk en van die 20 rye het net die laaste 4 rye iets gehad. die soetste aarbeie wat jy jou kan indink, dis hoekom hulle gesteel word wanneer ons nie daar op die werf is nie.
Die bouery vorder.....steeds stadig.....wanneer hulle hier is werk hulle vinnig maar dan neem dit lank voor hulle weer kom werk. Lyk my so asof die mynkoenyn nie kan beplan nie of hy worry nie juis oor die werk nie. ek sal hom nie aanbeveel nie. sover ek weet was hy hier die dag toe hulle begin het ( 6 aug) en daarna weer 2 keer ( dalk 3 is nie seker nie, kom ons gee hom krediet vir 'n 3 de keer ook) en dis nou die 3 de november. die laaste 2 keer wat hy hier was, was vir 5 minute elk en dit was vorige week en die week wat verby is.
Ek is nie in die bou bedryf nie maar ek dink dis swak van die myn koenyn om so min op 'n site te kom of verwag ek te veel?
wat my opval, onder aan sy tender staan: Contract time: 2 months, beteken dit dat hy gereken het die werk sou 2 maande duur van begin tot klaarmaak? Die dag toe hulel begin afbreek het (6 Aug) het hy geseg so 7 weke dan is dit klaar.
as ek hom moet opsom het hy die mentaliteit van 'n..................., nou ja so effe ( dalk baie meer as wat ek dink) windgat en arrogant, dalk som ek hom verkeerd op, miskien het hy 'n beter persoonlikhied waarvan ek nie weet nie. lyk my nie ek en hy is op onnodige gesels nie. ek kry net die voorman jammer wat veronderstal is om elke dag en heeldag op site te wees, ( baie bakgat ou) maar hy moet 2 sites aan die kant van die berg bedryf en dis omtrent 35 km van mekaar af en dan moet hy elke dag van belville hierheen en nog 35 km verder ry na die ander site ook, en weer terug ook. Hy moet werkers heen en weer ry, hulle slaap elke aand in die kaap en dan moet hy ook nog die bestellings doen, sommige in worcester en sommige in die kaap. hy probeer sy bes maar hy sukkel om als 100% te laat verloop. ek neem hom nie kwalik nie...hys nogal nie te onaardige ou vir een wat uit johannesburg kom nie, maar die myn koenyn, hom laaik ek min, hy kom van nog verder noord as die voorman. ek het by gehoor myn koenyn het 'n high maintenance vrou en klink my sy gee hom hel. die bouers het onder andere 2 weke by sy huis gewerk waar hulle eintlik hier moes vloere gooi en die verskoning is net hulle wag vir die ingenieurs verslag van die opvulling van die vloere. ek vra toe ook die verslag en die datum daarop is die dag wat hy die toetse kom doen het en daar was gin gewag van 2 weke nie. nee wat die myn koenyn maak geen goeie indruk op my met sy....................tipe mentaliteit nie.
wag laat ek die topic daar los voor ek dalk negatief of lelik van hom praat ( hy het seker ook sy goeie punte, dalk het hy net te veel werk en te veel hooi op die vurk, arme ou)
In elk geval ( behalwe 'n kraam geval) ons vorder darem, hoop ons kan kersfees terug in ons eige plek wees. ons woon lekker hier waar ons woon maar die heen en weer ryery aak mens op, ons ry seker 6 na 8 keer elke week dag heen en weer.
hier kan mens sien die pleister werk is klaar, binne en buite.
die vloer se topping is ook die week gegooi...geen foto
dis hoe die deel wat nie gebrand het se vensters lyk. die swart onder aan op die venster bank is nie roet van die brand nie maar wel afkomstig van die hout raam. ons het die nuwe deel wat nie gebrand het nie in 1995 aangebou en hout vensters ingesit ( vir die "looks") Ons is later vreeslik spyt dat ons dit gedoen het en nie daai tyd alimimuim ingesit het nie, of het mens nie daai tyd aliminuim gekry nie? die hout wil aanmekaar behandel word en niks wat ek probeer het, werk nie. aan die begin elke jaar roebol opgesit en die hout het onder dit gevrot op sommige plekke.
so klompie jare gelede het ek die vrot hout laat uithaal, al die ruite laat uithaal en als skoongemaak en die ruite met silikon vas geplak en kwart rondes bo op met silikon vas geplak en met spykertjies vas geslaan. elke jaar is die hout 2 keer met roulyn olie wat 'n swamdoder in het, behandel. helaas, niks gehelp nie. die hout vrot steeds, van daar die swart merke van hout verrottings swamme op die venster bank.
die kaapse storms waai die reën water tussen die glas en hout deur en die rame sluit ook nie dig nie.
so het die hout vensters gelyk, dalk mooi ja maaar nie prakties nie.
Die week wat verby is het ons die hout vervang met die aliminuim.
dis nog in plastiek toegedraai, sal dit seker afhaal waneer hulle verf. nou eers besef ons wat se mooi uitsig het die klein hout ruite belemmer. ons het 'n pragtige uitsig uit die sitkamer en kombuis na worcester se berge se kant toe en die klein ruite het dit rerig bederf en ons het dit nooit besef nie. wil nou kleurlose of deurskynende diefwering daarop sit.
in die sitkamer was ook 2 hout deure wat na die tuin gelei het wat ons nooit oopgemaak het nie.........oorlat hulle met silikon aanmekaar vasgeplak was oorlat dt so gelek het in die winter. dit is ook nou vervang met die regte soort deure. toe ons daai hout koesyn uithaal het die drumpel sommer verbrokkel en in stukkies gebreek. ai ek praat al weer te veel.........maar as jy oorweeg om hout vensters in te sit...dink 20 keer voor jy dit doen en as jy steeds wil doen dit op eie risiko of nog beter doen dit glad nie en sit die regte goed in.
