Kamplewe in Aus tussen die reenwoude

[Meraai vannie Baai]

  Outop het sy eie oplossing vir die kouer maande se kampery:)


Ons is nog steeds verstom oor hoe skoon kampeerders
die gemeenskaplike kombuise los. In die yskas kan jy
vleis/slaai ens met net jou naam op die houer bere en
niks sal verdwyn nie!


Vir $8 ekstra per dag kan jy staanplek kry met jou eie klein
badkamergeriewe, wat 'n blessing in die koue nagte is!



Die woude is sprokiesmooi












 





Die knoets teen die ou reus se stam het nes 'n beer gelyk :)



Uitsig van ver af...

[PM]

Dit lyk so rustig en vredevol.  Die gasverwarmer is ook net die regte antwoord.  Ek neem aan julle mag nie daar vuurmaak nie.   
Ons het 'n Knysnabos waar dit ook so reenwouderig wil wees.  Die otterwandelpad is 'n 5 dag staproete so deur die woude. 

Dit laat 'n mens se hart warm klop as jy 'n kampplek deel met opgevoede mense. 

Dankie weereens vir die voorreg om te mag "saam". 

[Meraai vannie Baai]

Hulle het plekke waar mens kan vuurmaak, volgende dag kom hulle dit alles skoonblaas en vee en spuit af met water. Dan is dit weer silwerskoon. Mens mag nie vuurmaakhout uit die woude neem nie. Slegs koop en op baie plekke kom hulle elke dag vragte vol hout aflaai wat mens mag gebruik.

[Meraai vannie Baai]

So lyk die vuurmaakplekke wat hulle geskep het vir die kampeerders mater.
Hierdie was op ons tweede kuiertoggie, langs die meer geneem.

[PM]

Ag tog!  Van alles wat ek al in my lewe verloor het, mis ek my brein die meeste. 
Ek dag dit is 'n rusbankie! 
Het wel gewonder hoekom dit nou met die rugkant na die water staan.   
Regtig!  Posbusse word vogelneste en vuurmaakplek word rusbank. 

Ons is alewig besig om hout bymekaar te maak.  'n Vriend van ons het 50 black wattle bome verloor wat deur 'n stormwind omgewaai is.  Hy het dit laat opsaag en almal is welkom om te kom haal. 
Oudste het 'n denneboom in sy tuin gehad wat gegroet het en hy het dit laat opsaag.  Dit is baie lig en ons kap dit in klein dun repies en gebruik dit vir "aanstekers".  Sodra die vuur 'n bietjie rokerig wil raak dan plaas ons 'n paar dun dennestukke op en daar knetter en kraak die vuurtjie te gesellig.  Dit ruik ook baie lekker en ek en Hannes verkreukel ons oor die snaakse knoetse wat in die hout is. 

Nou is ek baie lus vir kamp. 

[Meraai vannie Baai]

Ek sien ook nou net rusbankies van yster. As mens jou verbeel die foto is van bo geneem kan jy maklik so fout begaan mater   Hier langs die vuurtjie van julle wat so vrolik knetter en die knoetse, onthou ek nou van die bome langs die kus by die manne wat sulke vergroeisels het wat Outop laat jaloers voel 

[PM]

Dit is skreeusnaaks.     Ons het gewonder wat dit is wat die vergroeisels veroorsaak. Ek sal bietjie gaan google. 

[Meraai vannie Baai]

Ek het vir ons twee kampstoele gesleep tot hier onder die Bloekomboom.

[PM]

Ek sal kom vertel.  Hier is solank 'n lekker warm pot boeretroos vir my en 'n pienketjie vir jou. 

[Meraai vannie Baai]

Dankie baie, ek het solank vir ons lekker 'nesgeskrop' met so rooietjie net vir die wis en onwis hoor 

[PM]

Oeeeee Sustertjie, nou gaan ons kuier dat die biesies bewe.   

Ek het toe gaan google oor die knoetse in dennehout.  Die ouens wat weet seg dat die boom takke uitstoot en dan groei die stam daar om.  Funky. 

[Meraai vannie Baai]

Nou weet ekke ook  Hou jou glasie, ek maak weer vol 

[PM]

Dankie.  Ek het gou jou briefie gelees.  Willa sê dat sy baie besig is en dat die program nie so moeilik is nie.  Dit is net 'n nuwer weergawe van waaraan ons gewoond is.  Sy belowe om so gou moontlik te Skype. 

[Meraai vannie Baai]

Sodra Willa weer tyd het, sal ek kersopsteek daar en dan sal ons probeer en sien hoe dit vertoon mater 

[PM]

Ek dink net dat 'n program waar mens nie kan spoeg en plak nie, bitter baie tyd in beslag gaan neem.  As dit dan nie meer 'n plesier is nie sal niemand dit wil doen nie.