Kruie en speserye

[PM]

Ek het altyd 'n styd met die gebruike van kruie en speserye.  Hier is 'n lysie en as julle nog het om by te voeg sal ek dit waardeer.  Ek sal dit van tyd tot tyd op die lysie kom plaas.  

Basiliekruid (Basil) - Tamatie, eier, kaas, skaap, visgeregte en slaaie
Borrie (Turmeric) - Kerrie, geelrys
Bronslaai (Watercress) - Slaaie
Chilli - Sterk gegeurde vleis-, vis en groentegeregte
Dragon (Tarragon) - Lamvleis, souse en piekels
Dille (Dill)  - piekels, slaaisous, vis- en eiergeregte, ook op toebroodjies. Plaas 'n paar dill saadjies in 'n bakkie om te kou na ete.  
Foelie (Mace) - Bredies, frikkadelle, roomsouse, hoendervulsels en vrugtekoeke
Gemmer (Ginger) - Soetgebak, kerrie en soet-suur vleisgeregte
Grasuie (Chives) - Slaaie, sop, souse en doopsouse
Kaneel (Cinnamon) - Souse en vrugtegeregte, soetpatats, -pampoen, nageregte, soetgebak
Kappertjiesaad (Capers) - Vis- en ander seekosse
Knoffel (Garlic) - Vleis, vis, groente en slaaie
Koljander (Coriander) - Vleis, droëwors en biltong
Lourierblare (Bay leaves) - Sop, bredies, maalvleis, bobotie, piekels, vis en pastas
Ment (Mint) - Groente, vis en skaapgeregte
Moederkruid (Marjoram) - Sop, bredies and vleisvulsels
Mostert (Mustard) - Vleis, vis, groente, souse en sop
Naeltjies (Cloves) - Hoender-, bees- vark-, vis- en wildsvleisgeregte
Neutmuskaat (Nutmeg) - Vleis, groente en soetgebak
Oreganum (Oregano) - Sop, bredies, slaaie, Italiaanse geregte o.a. pizzas en pastas (wat tamatie bevat) is heerlik op 'n tamatietoebroodjie
Paprika - Vleisgeregte, groente en slaaie
Peperwortel (Horseradish) - Gebraaide bees en skaap
Petersielie (Parsley) - Sop, vleis, vis, groente, soutgebak, pastas en slaaie
Pimento (Allspice) - Bredies
Rissiepeper (Cayene pepper) - Kaas- en eiergeregte
Roosmaryn (Rosemary) - Vleisgeregte, hoender, sop en souse
Safraan (Saffron) - Rys, vulsels en vleis
Salie (Sage) - Vulsels vir vleis en hoender
Tiemie (Thyme) - Vleis (skaap en hoender), groente en sop
Vinkel (Fennel) - Groente, slaaie en visgeregte

[Fransi]

Nou toe noe, ek het nie geweet sage is salie in Afrikaans nie. Ek het dit in my kruie tuintjie en dit ruik vir my lieflik.

[PM]

Ek dink ook sonder my kruie tuintjie sou my kos maar sleg vierde gekom het.   
Daar is sekerlik ook 'n plekkie vir kruie wat medisinale eienskappe het.  As almal nou hul kennis kom deel is ons een van die dae volleerd.   

[Meraai vannie Baai]

Trippel ek geurig op en af 

[PM]

Toe ek nou die dag sop gekook het, het ek die selderyblare van die "stompie" afgesny en dit in 'n bakkie water gesit.  Daar is nou al 5 nuwe blaartjies aan.  Die selderystingels het ek in 'n blomvaas gesit en dit is nou nog mooi en groen.  Volgende keer sal ek net dit wat ek nodig het afsny en die res in 'n vaas met water plaas.

[adele]

'n dekade of twee gelede het ek Reeva se produkte gesmous, velsorg en grimering, wens ek kan dit weer gebruik want dit is met kruie gevul. hulle velverfrisser, [tonic] bevat 'fennel' dit is vinkel, en is die enigste middel wat ek nog ooit beleef het wat op 'n natuurlike manier, ekseem en veluitslag agv droe' toestande, kon verlig. menige ma het by my ingekom met ';n kleinding met rooi, seer wange en dan het ek eerste van daardie 'fennel' daarop gesit.

  

[PM]

Dalk kan ons na 'n resep soek om ons eie vinkeltonikum te maak.  Dit behoort maklik te wees.  Of dalk kan Fransi dit maak en ons kan by haar bestel.   

[Fransi]

Dit is baie interessant. Ek het al vir my 'n rooswater en witch hazel velverfrisser gemaak, maar ek sal beslis die fennel/vinkel probeer.

[PM]

Kan mens nie sommer van alles 'n bietjie gebruik nie?     Ek weet maar baie min van hierdie onderwerp af en sal graag wil leer.  Nie om dit self te doen nie, net om ingelig te wees. 

[Meraai vannie Baai]

Diekant van die aardbol is die oues van dae op baie streng 'geen-dit-geen-dat-dieet'. En dit sluit sout in. Mag tikkie kruie gebruik wat nie sout of chillie bevat nie vertel die dieetkundige ons. Is DIT 'n mission  Amper alles wat geur en kleur gee het daai sondebokke in. Toe begin Outop eksperimenteer en meng 'n ding wat smaak gee maar sout skort. Gisteraand ons eerste dis gehad wat gedokter was met die spulletjie. Vreemd. Maar dis in  Sal name kry en kom deel.

[PM]

Dan dooi ek liewers.     'n Mens kry mos daardie pienk sout.  Seg hulle dit is 'n goeie plaasvervanger. 
Dit sal gaaf wees Raaitjie. 

[AB]

op skool het daar 'n storie geloop: as jy jou kopvel met mengsel van rooswater en klapper olie insmeer sal jou hare vinniger groei..........ons seuns wou mos almal lang hare gehad het.

[Marius]

gesteel en uitgedruk en agter die kombuisdeur se knipbord... dankie

[Marius]

Ek maak ook lysies bymekaar vir gebruik in gedigte en die is nou ook daar.

[Meraai vannie Baai]

Die man van my hart voor sy kruiekas in ons pandok, aan't skoonmaak en regpak. Daar is 'n
geurige verhouding tussen hom en die inhoud van hierdie kaste, so ek hou my lyf skraal skaars.
As ek die regpak moes doen sou alles alfabeties, klein na groot, volgens kleur gerangskik wees.

  

Op die dag het hy besluit daar kort nog pakplek, so dit timmer en kap toe vir 'n vale!
Net solank my kruie en groentes (op canvasse en agter glasraampies) op hulle plekke bly pronk,
is ek in my noppies en kan hy maar voortkruie op sy speseryepas.

 

Hy het resepte van die American Heart Society gekry
en beloer die spulletjie om te sien watter kruie skort.