Gaan bietjie wegloop vir paar dae

[Meraai vannie Baai]

Net laat weet Outoppie ontvoer my vir so paar dae. (Sy woorde) ons sal weer so in die middel van volgende week tuis wees. Gaan net weer bietjie die siele vul met dankbaarheid vir alles om ons. Eenword met die natuur  net so uur se ry van die huis af tussen die berge.

[PM]

Geniet dit matertjie.  Slurp elke oomblik op.  Kom veilig tuis met daardie klikkies hoor.   

[Meraai vannie Baai]

Klikkies vasgemaak en nou kom ek alweer blosend groet. Ons vertrek agtermiddag na die Goue Kus vir een van die laaste drie toetse onder narkose more oggend. Tikkerslagter gaan tot teen die hart gaan om te probeer vasstel wat die ander drie spesialiste as 'gaatjie' tussen die hartkamers sien. As hy niks kan sien nie gaan die rottegif vervang word met nuwe soort bloedverdunner wat baie meer effektief is teen klontjies.  Ongelukkig mag dit nie gebruik word as daar enige openinge in die hart is nie. So ons hou styf styf duimvas die toets is positief!!!

[PM]

Ons hou jou hand en staan reg agter jou matertjie.  Moenie bang wees nie, glo net dat alles goed sal afloop en die resultate positief sal wees.  Ek sit net hier en wag om die uitslag te hoor.  Sterkte liefste matertjie. 

[Meraai vannie Baai]

Dankie baie baie 

[PM]

Nog 'n welkom terug Raaitjie.  Hoe het alles afgeloop en het julle al 'n uitslag?

[Meraai vannie Baai]

Uitslag gekry matertjie. Skiesie ek moes al soveel keer vir die familie dit oordra voel my ek klaag van lig tot donker  

Ongelooflik soos dit klink is die 'gaatjie' wat in die ander scans gesien word 'n 'ulcer' of een of ander letsel. Die oorsprong van die klontjies ontstaan in die linkerbeen wanneer dit reguit gehou word.   Dog eers ons hoor verkeerd. Maak meer sin as dit gebuig is. Maar die ou seg nee die toetse wys die oomblik as dit reguit is, word die bloedtoevoer toetentaal en al afgesny; vorm daar klontjies wat dan natuurlik reguit na die liggaam se sif (longe) gaan.

Die nare klontjies in die longe veroorsaak drukking wat weer na die hartkamer versprei. Een bose kringloop se die kardioloog.

Weens die hoe drukking op die oomblik in die longe kan hy nog nie die probleem in die been oplos nie. Ongelukkig kan ek nie van die warfarin afgaan en op die nuwe bloedverdunners geplaas word voor die drukking normaal is in longe en hart.

Kardioloog reken dit sal twee maande neem met medikasie en sal dan gereeld gemonitor word sodat hulle die been kan 'fieks'. Daarna is ek so goed soos nuut 

[PM]

Dit klink vir my na goeie nuus Raaitjie.  Nou weet julle tenminste presies wat die oorsaak is en dit is nie 'n gaatjie in die hart nie.  Dit sal nog tyd neem, maar dit klink vir my baie hoopvol en dat daar 'n  oplossing is.  Lees ek verkeerd?

[Meraai vannie Baai]

Besliste oplossing Nou moet ek net geduld aanleer en opdragte getrou uitvoer. Twee maande klink lank maar tyd vlieg so gou eintlik ne. Menslik wil jy mos maar sommer alles nou kant en klaar gedaan kry en jou lewe so normaal moontlik weer hervat.

[PM]

Vertel jy vir my?     Seg iemand toe mos vir my alles gebeur met 'n doel, en ja, ons huis het weggespoel met 'n doel, maar watter doel?  Antwoord ek toe so ewe, dit was om my geduld aan te
 leer!   
Twee maande vlieg verby soos 'n droom.  Ek is nou so geduldig, ek weet dat ons nie eers 'n kans staan om 'n antwoord te kry voor oor drie maande nie.  Sien jy, dit het gewerk.    Dan kan ons begin om die huis reg te maak en so middel 2013 kan ons dalk begin resultate sien.   
Ag my liewe vriendin, ek weet alles sal regkom met tyd.  Ons moet net Tyd tyd gee.  Ek is baie verlig dat dit toe nie so ernstig was as waarvoor ons gevrees het nie. Dit is net die stres en die vrees wat 'n mens "bonkers" maak.
Ek is vol vertroue dat alles binnekort weer reg sal wees.   

[Meraai vannie Baai]

Lag ek wyd vir jou humorsin. Sonder dit sal die insien van die 'doel' agter alles maar swaar afgaan ne  Sterkte vir julle omstandhede mater. Kan my nie eers indink waardeur julle gaan van dag tot dag nie!!

[Meraai vannie Baai]

Ek sit verstom oor die nasorg wat aan pasiente gebied word in Aus. So pas 'n oproep gehad van die hospitaal wat my laat weet dat ek vir ses weke (drie keer per week) hulp gaan ontvang om aan te pas met die 'medical condition' by hulle 'cardiac group' hier by ons totdat Dr Sharpe werk kan maak van die oorspronklike probleem. Daar is ook gereel dat ek in Toowoomba hospitaal gaan gesels met 'n verpleegster wat alles rondom die nuwe situasie vir my uiteen gaan sit en verduidelik. Vaderland, dit is nasorgdiens uit die boonste rakke.

Ek gaan dus vir die volgende paar weke gereeld bietjie 'wegloop', geen rede tot kommer. I'll be back so tussendeur alles - woordmandjie en al 

[PM]

Die mens is 'n aanpasbare gedierte.  Ons is nou al so gewoond om onder mekaar se voete te wees, ons knor nie meer nie, ons soen nou.    "Die doel heilig die middele   "
In die huis het ons elkeen ons eie badkamers, hier moet ons een deel.  Gelukkig is die huis se toilette nie te ver van die woonstel af nie.  
Die vorige twee aande het ons oudste hier geslaap.  Die woonstel se badkamer is deur die hoofslaapkamer.  Dit is nou ons gastekamer.  Die tweede slaapkamer is ons kantoor en die die sitkamer is ons slaapkamer.  (Ek sal benoudheid kry om in die gastekamer te slaap.)
Hannes het die huis se agterdeur oopgelos sodat ons die toilette daar kan gebruik in die nag.  Dit het my op 'n "trippie deur memory lane" geneem.  Die "buite toilet" of die "long drop" soos ons dit genoem het.  Gelukkig sonder die "geur" en die vrees vir slange en spinnekakies.  
Ons is die enigste malles hier in die omgewing wat saans (in die winter) om 'n vuurtjie sit.  Ons geniet dit.  Sien, elke nadeel het 'n voordeel.  

Hier kom jou plasing nou deur.  Dit is regtig uitstekende diens.  Hier in SA kan jy dit maar op jou magie vee en met jou hempie skryf.   
Dit maak dit soveel makliker as 'n mens presies weet wat aangaan.  Sterkte my ou matertjie.  Dit is die pad na herstel.   

[Meraai vannie Baai]

Toer ek so saam met jou van vertrek tot vertrek  Ek moet jou sneppie stuur van my en Outop voor die gasheater (terwyl ons kamp langs die meer heheheh) dan gaan julle nie meer mal voel nie hehehe.

[PM]

Ek het altyd geweet ons het iets in gemeen. 
Ek het die briefie van en aan Willa vir jou aangestuur.  Hoop sy sorteer gou die probleem uit.  Jy is seker al moereloos.