Gaan bietjie wegloop vir paar dae

[Meraai vannie Baai]

Ek het weer gaan probeer met wat jy aangestuur het en dit wys nog selfde probleem. Geen woordeboek LOL. Dankie baie baie hoor 

[PM]

Dankie vir jou geduld.  Ek het nog 'n briefie aangestuur. 

[Meraai vannie Baai]

Gekry dankie. Jy is dierbaar verby 

[Meraai vannie Baai]

Ek gaan weer stillerig wees, gaan vir opvolgondersoek. As ek effens skaars is geen rede tot kommer hoor 

[PM]

Dankie dat jy laat weet Raaitjie.  Hoop alles sal goed afloop.  Kom gou en veilig terug. 

[Meraai vannie Baai]

Ek kom al blosende op hierdie erfie aan   gaan weer bietjie stil wees vir so rukkie. As julle  ergens skindernuus hoor dat die ouvrou nou aangeklop het vir 'n handvol viagra's en twee knoffelhuisies - ek pleit skuldig maar dit is regtig 'mersyne' vir 'ongesonde drukking' hoor   hehehe nee wag dit klink al hoe erger. PM weet nie of jy inligtingbriefie ontvang het op poskoets nie. Hier is twee skakels wat ek gestuur het ter verduideliking:

http://m.news24.com/volksblad/Suid-Afrika/Nuus/Viagra-help-teen-skaars-bloedvatsiekte-20110526

http://www.republikein.com.na/kollig/hartmedisyne-met-byt.26130.php

[PM]

Nee matertjie, ek het nog niks ontvang nie. 

Hê-hê, die een ou skryf "dit werk so hard aan my longe dat dit geen ander uitwerking het nie".  Hoop nie jy is so ongelukkig nie Raaitjie.    
Kyk, as 'n mens die dag moedeloos gesoek is na 'n oplossing, sal jy enigiets probeer.  Ek hoop dit werk vir jou en dat daardie mense wat die inligting wat so nodig is vir 'n gesonde leefwyse, van ander weerhou, 'n pyn in die bankrekening kry.   

Voorspoed Raaitjie.  Moet asseblief net nie te lank wegbly nie. 

[Meraai vannie Baai]

Ek belo' wou net seker maak jy weet ek het nie gedros nie hehehe. Weer volgende week volstoom elke dag tuis vir twee weke omtrent, en dan weer weg vir paar dae - nog toetse op die Gold Coast. Sal van tyd tot tyd op hoogte hou hoor!

[PM]

Ek ken jou nie as 'n droster nie.     Dit is wat baie ander matertjies nie verstaan nie.  'n Mens raak so bekommerd as iemand sommer net weg raak en niks laat weet nie. 

[Meraai vannie Baai]

Bietjie vroeer tuis vandag en gou net kom se dit gaan goed diekant van die aardbol. Het 'n ondersteuningsgroep in SA op die gevreetboekie 'gejoin' per toeval, en saam met die drie keer week emosionele ondersteuning van die hospitaal op die Gold Coast, wat binnekort geskied is daar lig in die tonnel  Ons raak meer ingelig en minder gestres. Hoe kosbaar is die tegnologie 

Hier is 'n kostelike voorstelling van 'n paar 'klippertjies' in jou PH tekkies.
http://www.sobtoons.com/

[PM]

Dit is goeie nuus matertjie.  Die mens is so aanpasbaar.  Kort voor lank het jy geleer om dinge te aanvaar en daar om te leef.  Baie sterkte vir jou.  'n Grappie help ook om die stres te verlig. 

Ek is dankbaar dat julle veilig uit en tuis is.  Welkom terug! 

[Meraai vannie Baai]

Dankie matertjie. Hierdie is die begin van 'n klaarblyklike, laaaaang steilpad vir ons gesin. Mens leer nog daagliks so baie, veral hoe om met klippertjies in die pienktekkies saam te leef. Ek sit en wag vir die oproep oor verdere behandeling/medikasie en watter inrigtings spesialiseer in prosedures op hierdie gebied. Pen en papier gereed. Vir my om stad toe te gaan is nogals skrikwekkend  want spitsverkeer by ons beteken vier, 4 x 4's met waaiende bestuurders wat by die venster uithang: left some pumpkins at the gate for you!

Pampoene kan ek nou nie hier vir jou los nie maar wel die volgende gedagte:
 
PHenomenale Hoop: Die Balanseerpaal in my hande vir elke tree op die lewenstou, gespan tussen die begin en die einde.

*Verleen uit: (A sense of humor is the pole that add balance to your steps as you walk the tightrope of life) Elsa Booysen PH lyer in SA.

[PM]

Ag nee, hoekom is jy so suinig met jou pampoene!? 

Ek dink elkeen van ons se lewens is 'n lewenstou.  Hoeveel keer het ek by 'n geliefde se bed gestaan en geweet hy/sy se strepie is getrek, net om 'n paar weke later my "pakkie" by die hospitaal te gaan haal en huistoe te bring.  Dit is nie ons besluit nie.  Daar was ook die hartseer tye waar ek moes afskeid neem.  Dit is die lewe, ongenaakbaar. 
Waar daar lewe is is daar hoop en ek hoop daar is lewe.  Ek glo daar sal wees, daar moet net wees.     

[Meraai vannie Baai]

Hoe kosbaar is tegnologie. Ek sit en kyk na drie name in blou bokant die post, en ek weet in elk een van ons draai gedagtes rondomtalie ... gee my seblief julle hande. Ek wil net bietjie vashou aan dit 

[PM]

Hier is altwee my hande.  My hart, my skouers, my arms, my skoot.  Ek sal alles in my vermoë doen om te help matertjie.  Hou net kop bo water.  Ek lees dat daar baie vordering gemaak word en dat dinge nie meer so duister is as wat dit 'n paar jaar gelede was nie.  Vertrou net en moenie mismoedig raak nie.  Ons kan nie sonder jou nie.