O hallie ha! (Miss
ek mis jou.)
Een van die dinge wat vir my geweldig humoristies is, is die feit dat die versekering kyk waar hulle jou kan indoen, die ander kant van die munt is die ouens wat kom kwotasies doen, hulle kyk waar hulle die versekering kan kortvat!
(Of is dit lankvat!)
Die dame wat vandag die kwotasies vir die teels kom doen het, sy meet sommer een 'n half keer die huis se afmetings!
Die ouens wat die kaste kom doen wil alles uitruk van bo teen die dak tot op die vloer!
Die mense wat kom kwoteer vir die gordyne wil sommer gordyne aanbring waar daar geen gordyne was nie!
Seg ek vir Hannes, as hulle so oneerlik is teenoor die versekeringsmaatskappy, om hul eie sakke vol te maak, hoe eerlik dink jy gaan hulle ons behandel?
Of is ek maar net stupid soos gewoonlik?
Ons het 'n onafhanklik omboetsman aangestel wat die wet op die punte van sy vingers ken. Ons gaan 10% van die eis aan hom afstaan (maak mos nie saak nie, die assessor wou dit in elk geval vir homself gevat het) maar ons dink die ou weet waarvan hy praat.
Ons dink maar net, want op hierdie stadium van die geveg, is ons maar net waar ons was. Ons het nog geen uitsluitsel nie, en dit raak nou naby aan 'n maand se wag in spanning.
Toe sien ons op die nuus van die plakkershutte waarvan die mense alles verloor het wat hulle gehad het, toe besef ons dat ons niks het om oor te kla nie, maar dit is nog steeds nie maklik nie.
Kom ouens, bring die humor, ons het dit brood nodig!
