Die Bedpot

[Naas]

Oom Koos staan
arm in die sy,
in afwagtig,
en dors,
onner die kooi.

Hy weet...
erens in die nag
gaan ma se man
vir hom ook
'n bietjie van
daai tierwater
uit sy kraantjie gooi.

[PM]

Oeps!  Lees ek reg?

Toe die ou Jood sy "laaste wens" op papier sit, vra hy dat hulle sy kis vol Whiskey moet maak voordat hulle hom begrawe.
Flink seg Ouboet vir Kleinboet, hy sal seker nie omgee as ons dit eers deur ons niere stuur nie nê?

[Meraai vannie Baai]

Lekker giggel ek nou. Pragtige beskrywing van oom Koos onder die kooi Naas  PM ek lig my hoed vir daai flinkdink van Ouboet 

[PM]

Iewers is daar 'n foto van "ma se man" met sy kraantjie op die forum.   

[Naas]

Wie van julle onthou die Afrikaanse fliek "Kootjie Emmer"? 1977
"Oom Kootjie emmer word belemmer
Om elke hoek en draai en dit oor 'n toilet..."
Ek gaan die res van die lirieke soek.

[Assie]

Oom Kootjie Emmer is Lykbesorger en Nagwadrywer op Witgatworteldraai.
Ek wil die vliek soek en weer kyk.

[Meraai vannie Baai]

My plek geboek vir die lirieke. Gaan loer of ek nie iewers op ons Gatkantlandse TV dit kan opspoor nie. Gister na my steek-en-wag-dag kom bederf ek myself en sit die TV aan terwyl ek kou aan 'n verbode snytjie brood met tamatiesous, kaas en peper op. Skielik praat Outop se fliek-kanaal met 'n aardige "er-re-rig-ge' uitspraak en ek dink bymyself: daardie uitspraak kan net 'n Afrikaner baasraak.

Wrintiewaar - daar sing 'n straatmamma vir haar kindjie 'n Afrikaanse wiegeliedjie en aan die einde is haar swerftog op aarde verby. Die fliek was power maar die stukkies Afrikaans wat deurglip was kosbaar. Gaan soek ek dadelik na die lirieke en bladmusiek van Nanky Pooh, om saam te kan tokkel. Kon darem twee weergawes van die liedjie op youtube opspoor. Maar geen bladmusiek. Gelukkig werk my ore nog 100 persent en my vingers is gewoond soek...

[Antjie Patat]

As kind op die plaas, het ons beurte gekry om Koos te gaan haal en uit te gooi en skoon te maak... net oupa en ouma sn, nie ma en pa sn nie... toilet was longdrop buitekant....
Genade, hoe het ek dit nie gehaat nie... die balans om nie te stort vir n kleintjie...
ALTYD N DOEK OF LAPDING OORGEGOOI... \
Gevreesde gedoente gewees.... vir baie redes !
Ek onthou Kooitjie Emmer. gaan hom die naweek soek

[Meraai vannie Baai]

Daardie reuk as jy in oumagroot se kamer ingestap het sal ek nooit vergeet nie  gelukkig het Naas se beskrywing van die arm in die sy my weer laat giggel en wonder of my ma besef het hoekom Koos se enameljas so misrabelik gelyk het na ek hom moes gaan leegmaak? O my hel, nou sien ek net die mis raak in misrabelik. Laat ek verby hou.

[Naas]

Miskien kyk ons al jare die mis mis. Ek weet ek is deur die mis maar die regering sit nog vas in die mis. Maak my misluk.

[PM]

. . . en daar mis ek die bus.       Dink julle misplaas val ook in hierdie kategorie.


Gelukkig het ek nooit daardie "voorreg" gehad nie.  Toe ons jonk was het ons baie gekamp.  Soms ver van die ablusieblokke af.  Dan het ek 'n emmer gebruik met sta-soft in.  Dit het nogal goed gewerk.  'n Koos? Nie maklik nie!

[Naas]

Misplaas... Is die nie daai plek waar al die toilette heen spoel nie?

[PM]

Ek het ook so gedink, maar was nie heeltemal seker nie.   
Wat van misgewas?

[Naas]

Jy kan daai goed was soos jy wil maar skoonkry gaan jy vir hulle nie skoonkry nie.

[PM]

Ek verstaan!
Wat van misverstand?