Lagdief

[Meraai vannie Baai]

Die 'lagdief' (depressie met sy donkergat) beroof ons van so baie in die lewe; vreugde en vrede  

[Angelica]

Ja, 'lagdief'.... oulik
Sondief
bergie-jas

[Meraai vannie Baai]

Beeldende woorde mater!!

[PM]

Sielsdief.  Steel jou siel uit jou oë uit. 
Nou is die ligte aan maar niemand is by die huis nie. 

[Ah Willa]

lagdief - so waar
sielsmoodernaar
onverdiendesieltronk

[Meraai vannie Baai]

Ek is hier, ek is hier!! Daar is soveel pragtige beskrywende woorde vir hierdie sielsmoordenaar wat ook geaardheidsdief is- my sus het van sprankelende mens in 'n sketevraat verander 

[Ah Willa]

so jammer oor jou sus Meraai
ja die lagdief veraai soveel binnekante!

[Meraai vannie Baai]

Vandag kom pik ek weer 'n traan en verwens die lagdief want die lewe het snaakse draaie gegooi na ons familie met hom kennis gemaak het.
Ek los 'n straaltjie skaterende sonskyn vir almal wat hier verbygaan   

[Naas]

Dis nou een ding wat ek van ons boerenasie waardeer. Ons laat ons nooit lank onderkry nie. As iemand iets van ons steel raak ons moerig, maar nie vir lank nie, dan vervang ons dit met iets beter.

[PM]

Bekla ek my lot by 'n vriendin.  Antwoord sy my:  Hoe sal jy dan nou die sonskyn waardeer as jy nie die tien dae perskereen beleef het nie.
Dit is so Naas.  Ons kan maklik die onweerswolke verdryf.  Soms nie so maklik nie, maar ons doen dit.

[Meraai vannie Baai]

Dit is waar. Baie baie waar dat dit nie altyd so maklik is nie maar dankbaarlik kry ons dit tog nog reg. Geseend uit onse sokkies uit.