gedagte vir die dag

[Lox]

Iets om elke dag te onthou!
As jou tong te skerp is kan jy dalk jou eie keel afsny.
As jy jou drome wil bewaarheid moet jy nie te lank slaap nie.
Die geringste daad is beter as die grootste voorneme.
Van alles wat jy dra is jou uitdrukking die belangrikste.
Die beste medisyne vir goeie vriende maak is om een te wees.
Die 10 gebooie is nie 'n veelvoudige keuse nie.
Die geluk in jou lewe hang af van die kwaliteit van jou denke.
Jou gemoed werk soos 'n valskerm: slegs as dit oop is.
Jou idees sal nie werk as jy dit nie ook doen nie.
Die swaarste ding om rond te dra is wraakgedagtes.
Moenie veiligheidsreëls per ongeluk leer nie.
Ons grootste leuens is die wat ons vir onsself vertel.
Om tot gevolgtrekkings te spring is 'n gevaarlike oefening.
Selfs 'n skilpad maak vordering as hy net sy kop uitsteek.
Iets wat jy kan gee en nog steeds hou is jou woord.
Vriende loop in, as al die ander uitloop.

LEKKER DAG!

[PM]

Dankie vir die aandra Lox.  Dit is pragtige gedagtes wat my vrolik deur die dag sal dra. 

[Angelica]

Ek dink ek moet 'n paar van hierdie gedagtes ter harte neem.

[Lox]

plesier PM

ek moet saamstem angeliek maar die probleem is die onthou daarvan.

[Angelica]

Lox, jy is reg.
Ek praat gewoonlik voor ek dink, tot my spyt agterna.

[PM]

Ek ly aan dieselfde siekte Ellé.

Lox, jy sal nou elke dag 'n gedagte moet bring matertjie.  Ons hou die plekkie dop.

[Fransi]

 

Dit is pragtig.

[Chichi]

Ek dink dit is nogals oulik jong!!!

[Meraai vannie Baai]

Outoppie se wyse gedagte vir die dag: Jy moet vergewe anders het jy nie vrede nie MAAR jy moet nie vergeet nie -want dan het jy ook nie vrede nie omdat jy dieselfde fout, weer gaan maak!

[PM]

Ons leer mos maar uit ons foute uit.
As jy jonk is, probeer jy vir die kinders "preek".  Hulle verstaan wat jy sê, maar hulle besef nie die omvang nie.  Ondervinding is die beste leermeester.

[Chichi]

Sjoe dits ware woorde daardie PM!!