Ek wil net graag weet!

[Angelica]

   Koehieeee... ek's hier.
Ok, het 'n grys truitjie aangetrek en voor die bed gele. 
Dis hel koud.  Hoekom sou hulle se 'hel' koud?  Ek het nou sop in en nou voel ek sommer beter.  Nie lank nie, en ek klim in die bed met..... Huisgenoot.

[PM]

Ons is nou hier so 12 kilometer van Heidelberg af en dit is 'n lekker oggend.  Die son skyn en die wind is effens parmantig.  Ek dink dit is koud daar by julle, sop koud!     Nie hel koud nie.  Sal ons dit aanmekaar skryf?  Sopkoud.  Dan kook 'n mens 'n kommetjie sop en eet vetkoek daarby.

[Meraai vannie Baai]

Sopkoud  Hier het ons darem vandag weer gevoel ons sien kans vir die lewe en so vleisie skrikgemaak oor die kole. Op die oomblik is Outop besig om die komende naweek se uittog te bespreek met onse geliefde kampvrinne oor die foon.

[PM]

Ag heerlik.  Dit was so lekker in die bos, ek gun julle 'n kampie.  Wanneer vertrek julle?

[Angelica]

As ek gese dis helkoud hier in die Kaap... het julle nog nie gevoel hoe voel Saterdag en Sondag.
Moeeeeviese koud.
Strepies-koud.  Alles krimp in tot net 'n strepie. 

[PM]

Ek hoop daardie koue front waai gou verby Ellé.  Ons sien op die nuus dat dit koud en nat is daar innie Kaap.
Ek sal nou net graag wil weet of die Weskaap genoeg reen kry vir die blomme hierdie jaar. 

[Miss Piggy]

Hi PM

Ek weet ek is skaars . . . ja, die winter is my nie goedgesind nie.  Ek loer darem nog so dan en wan hier in.  Weet ek belowe elke keer, maar gee net kans.  Smaak my deesdae ek gaan eers by aftrede weer geleentheid kry om heeldag saam te kuier.

[Angelica]

Liters en liters reen het geval in die Weste van die land.
Blomme is volop. 
Damme is oorvol en die grond is soos 'n vol spons. 
Ook die inwoners in (keel-)vol.  Nou kan die lente maar opdaag.

[PM]

Ag tog, te veel dinge en te min tyd.  Wens ek was daar om dit te sien.  Beaufort Wes is so naby aan die Kaap, maar tog so ver.
Hier in Pretoria is die weer heerlik en die lente het in al haar glorie opgedaag.  Alles bot en ons loop sonder baadjies rond.