Die Lock Pandok se "2013 P-menu"

[Meraai vannie Baai]

Georgie Porgie het puddin' & pie gehad.
Rowley Powley spog met sy pumpkin pie.
Orgy-porgy se Ford & fun - aldus Huxley,
pas so reg in Outop se kraal.

Maar vir die honger gas van oupa en ouma
is die Lock Pandok se menu sommer nommerpas
want daar's pudding & pie EN pizza!
                 
*Sy pa het 'n graafvol groente voorgestel
ek weet die Dokter sou dit beaam ...
maar oumas verstaan wat laat ogies blink,
en dit is hoeka mos net een maal 'n jaar
"nuwejaarsdag"!

[Fransi]

So lekker, ons het ook pizza gemaak. :-)

[Meraai vannie Baai]

Fransi kan ek seblief jou pizza resep bedel vir hierdie afdeling in ons verskombuis? 

[Fransi]

  Meraai, ons koop die pizza basis en dan sit ons sommer wat ons ookal in die huis het op as vulsel. :-) Hahaha, ons het nie pynappels gehad nie, net 'n blik met ingelegde appelstukkies- dit het ook op die pizza gekom.

[Meraai vannie Baai]

Hmmmm. Ek raak slim hier  Dankie Fransi sal beslis probeer. Ons kaboutertjies kuier nog hier en hulle is soos ruspers ...altoos aan die knubbel 

[PM]

Ek moet iewers 'n lekker pizzadegieresep hê.  Sal bietjie gaan soek en dit kom plaas.

Raaitjie, jou tafels is altyd so keurig gedek.  Dalk moet ek kom kers opsteek. 

[Meraai vannie Baai]

Oe wonnnnerlik! Bring daai resep groot sebliefie hoor en  dankie vir die mooi kompliment PM.

[PM]

Hier is solank 'n skakel.  Die resep wat ek het skud jy in 'n houer tot dit 'n bolletjie is dan druk jy dit net in die pan in.  Ongelukkig is alles weggepak na die vloed, maar sodra ek uitpak kry ek dit weer en dan stuur ek dit aan. 

http://www.foodnetwork.com/recipe-collections/pizza-dough/index.html?No=0&sort=MostViewed

[Meraai vannie Baai]

  Ekke hom gou veilig gaan bewaar!!

[Fransi]

 

PM, ek het nou gaan kyk na die resep en dit lyk heerlik.

My ma het ook een gehad wat jy skud in 'n bak, totdat dit 'n bolletjie is wat jy kan plat druk in 'n oondbak, maar ek weet nie waar die resep is nie. Dit was altyd 'n groot bederf, maar ek onthou die kors was nie soos 'n gewone pizza een nie, meer bros.

Dit is so waar, Meraai-hulle se tafels  laat my altyd dink dat elke ete daar beslis spesiaal is. Pragtig. :-)