Somer Haiku

[PM]

droog ons haikoes op
almal se penne is leeg
die jaar was te lank

[Meraai vannie Baai]

Waar's die winter heen?
Ek sweet al van verlange
na 'n kaggelvuur...

Die wind huil stomend
en die lug dans deinserig;
energie kwyn stil.

Duiwels stook die son
en kraaie gaap ongeskik.
Hondetong hang skeef.

Drink water seg dok -
maar tog net nie te veel nie!
Hoe dan nou gemaak?

[PM]

Hoekom het ek geweet dat jy die eerste ou sal wees wat antwoord met 'n string haiku Raaitjie.  Wel gedaan
matertjie.   

[Aspoestertjie]

Soos afrigteres
hits PM van die kant af
met klap en gewuif

Plaas dat sy gaan sit
en liewers vir ons kom wys
haikoes wat sy skryf

is haar pen dalk leeg
of jaag JC haar heeldag rond
tot haar haikoes waai?

[Naas]

Hiekerie diekerie dok
PM raak nou be...klok
As As so voor op die wa

Met katz en rottang aanja
ook vir een geskryf
Uit PM se eie pen.

(Omgekeerde Haiko)

[PM]

Assie, dit was oom Naas se slim plan om haikoes te skryf en toe ek weer deur die lyne lees sien ek dit het opgedroog.  Ek moes net so 'n klein klippie innie bos gooi en toe roer die blare!  

[PM]

O, hier is oom Naas nou!   

Mooi Naas!  Jy sorg altyd vir 'n laggie om die dag mee te begin. 

[Meraai vannie Baai]

Groot vreugde gewees die vinnige inloer hier heheheh. 

[adele]

oulik! ja, waar is die winter heen. die afstand ewenaar toe het hierdie winter gekrimp!