Ons woon 14 km soos die kraai vlieg van nekkies af. Nekkies is 'n ontspanningsarea, kampplek, wat ook al buite worcester, teen aan die Breërivier.
by nekkies gaan soms niks aan nie en soms word daar groot party gehou. die swallows kom elke jaar hier 'n bike saamtrek hou by nekkies, iets amper soos die buff in die kleine.
die naweek is daar 'n rave party aan die gang. ek het nie daar verby gery iewers in die naweek om te sien hoe baie mense daar is nie maar sulke geleenthede trek gewoonlik baie mense.
so teen half 5 vanoggend het ek wakker geraak, 'n draai geloop en kon toe nie weer slaap nie want ek hoor iemand raas iewers, dit klink soos ver af musiek, 'n boombox wat doef doef doef, al op die selfde wysie. Ek was al buite om te gaan hoor of dit nie by my werksmense se huise is nie maar hulle slaap almal en is dood stil.
Ek hoor toe dis aan die ander kant van die huis. Stap in daardie rigting en ek verdink een van die bure se werkers so 2 km van hier, en toe besef ek nee dit moet die rave party wees. Die ergste van als is, is dat ek half doof is so dat ek soms gehoor apparaat dra.
Ek wonder hoe voel en lyk die klomp wat daar doening is en hoe gaan hulle teen 9 uur vanoggend voel.
